هل يستطيع مدير الحساب ان يسحب اموالك ؟
السلام عليكم ورحمة الله وبركاتة
الاخوة الاعضاء برجاء من يستطيع انى يفيدنى قبل ان اقع ضحية نصب
سأفتح حساب بمبلغ متوسط , وهناك مدير حسابات ابلغنى انه سيأخذ الباسورد وسيعطينى باسورد مشاهده فقط بحجة ان لا اتدخل فى الصفقات , وابلغنى انى فى حالة احببت ان انهى العمل معه وقتما اشاء , استطيع ان اراسل الشركة لأستعادة الباسورد فى اى وقت,
والحقيقة انا لا اعرف كيف ااخذ احتياطاتى , وما هو المفروض ان افعله حتى اضمن تعاملنا هذا؟
علما بأنى اخشى انه يسحب راس المال او ارباح او اتعرض لعملية نصب ,
وهل بأمكانة طلب السحب من الشركة ام انى المفوض الوحيد للسحب ؟؟وفى حالة انه معاه الباسورد هل يستطيع ان يطلب السحب بنفسه ؟؟؟
برجاء افادتى , علما بأنة يقول ان نسبتة 50% وسيخفضها الى 40%
افيدونى افادكم الله
رد:هل يستطيع مدير الحساب ان يسحب اموالك ؟
اقتباس:
المشاركة الأصلية كتبت بواسطة flymero
السلام عليكم ورحمة الله وبركاتة
الاخوة الاعضاء برجاء من يستطيع انى يفيدنى قبل ان اقع ضحية نصب
سأفتح حساب بمبلغ متوسط , وهناك مدير حسابات ابلغنى انه سيأخذ الباسورد وسيعطينى باسورد مشاهده فقط بحجة ان لا اتدخل فى الصفقات , وابلغنى انى فى حالة احببت ان انهى العمل معه وقتما اشاء , استطيع ان اراسل الشركة لأستعادة الباسورد فى اى وقت,
والحقيقة انا لا اعرف كيف ااخذ احتياطاتى , وما هو المفروض ان افعله حتى اضمن تعاملنا هذا؟
علما بأنى اخشى انه يسحب راس المال او ارباح او اتعرض لعملية نصب ,
وهل بأمكانة طلب السحب من الشركة ام انى المفوض الوحيد للسحب ؟؟وفى حالة انه معاه الباسورد هل يستطيع ان يطلب السحب بنفسه ؟؟؟
برجاء افادتى , علما بأنة يقول ان نسبتة 50% وسيخفضها الى 40%
افيدونى افادكم الله
السلام عليكم ورحمه الله
اخي الكريم هناك طريقتين:
1- ان تقوم بالاتصال او مراسله الشركه التى لديها حسابك وتخبرهم برغبتك ان يدير حسابك شخص اخر وسف يشرحون لك الطريقه وسف توقع انت والشخص على نموذج الاتفاقية وبهذا تكون في امان من عملية النصب بشرط ان تكون الشركه سمعتها جيده لان هناك شركات تتفق مع مدير الحسابات على تدمير حسابك وتقاسم المبلغ
2- ان تطلب من الشخص الذي يرغب ان يدير حسابك ان يفتح حساب مزود توصيات لدى zulutrade وتقوم انت باختيارة مزود توصيات لحسابك الميزة انك تستطيع ان تلغيه في اي وقت اذا كان نصاب وليس كما يصف نفسه انه يحقق ارباح كما انك تستطيع من خلال لوحة التحكم التحكم بحجم العقود حسب اتفاقك معه فلا يستطيع ان يزيد حجم الوت او زيادة عدد العقود مما يودي لتدمير حسابك
اما بخصوص استلام مدير الحسابات لنصيبة من الارباح فيتم الاتفاق بينكما
مع تمنياتي للجميع بالتوفيق
لاتنساني من دعائك
رد:هل يستطيع مدير الحساب ان يسحب اموالك ؟
اقتباس:
المشاركة الأصلية كتبت بواسطة فوركس افندي
شوف ....... اعتقد ان لو يوجد انسان مضارب يستطيع ان يحقق ارباح من سوق العملات وواثق من الربح ......لن يحتاج يدير حسابات لاحد
لأن ببساطة من يستطيع الربح من السوق بصفة مستمرة .....يستطيع ان يصيح مليونير من رصيد 100 دولار فقط
اخي الكريم اعترض معك في هذه النقطه ..
فانا اعمل مدير حسابات من سنه 2007 وقبل الفوركس كانت الاسهم وايام الاسهم الحلوه
وكنت صاحب شركه اداره حسابات فى مصر بس مؤخرا لقيت ان ملهاش لازمه غير شكل وبرستيج وخلاص زائد ان قانون الضرائب عندنا فى مصر بهدلني بعيد عنك بعد ماحطو عينهم عليا ...
اداره الحسابات هو مجرد زياده دخل فعندما تكون مدير حسابات هي نفسها لما تتاجر على حساب فردي
بسبب توافر منصات ملتي ترمنال الخاصه بمديري الحسابات وبالضغطه الواحده يستطع مدير الحسابات التنفيذ على كل الحسابات اللى تحته حتى لو كانت مليون حساب ويجب ان تعلم ان مدير الحسابات لديه حساباته الخاصه وتستطيع بكل ثقه ان تتصل على شركه التداول وتسأل عن بياناته فى الشركه وعن مدى نجاح نظام متاجرته طبعا دا لو كان فى عقد بينكم ..
مدير الحسابات اخى صاحب الموضوع سمعه ويجب ان يكون معروفا بين التجار واصحاب رؤوس الاموال الضخمه .. اما عن اعطاءك باص المشاهده فقط فهذا صحيح حتى يكون لمدير الحساب التصرف الكامل ويتحمل مسؤوليه الحساب كامله مكمله ..
ونصيحه ليك لا تمشيها حبي .. يعني كل الشركات الان توفر عقد بينك كصاحب الحساب وبين مدير الحساب بكل الشروط التى تراها مطمنه لك ايضا تستطيع ان تضع ماكسيمم لوز للحساب يعني مثلا تحدد لو الخساره تعدد 20 بالميه من الحساب يرجع لك الحساب تلاقئيا ولا يستطيع مدير الحساب الدخول اليه وكله بيكون بعقد موقع بينكم كطرفين والشركه كطرف تالت منفذ ..
انسبه الارباح هي بالاتفاق بينكم ويجب ان تعلم انه كلما كبر راس المال زادت النسبه وتحدد فى العقد الموقع وكل اول شهر يتم التحويل تلقائيا الى حسابك البنكي نسبتك ويتم تحويل نسبته الى حسابه كله اوتوماتيك بدون تدخل من الطرفين ..
حساب التداول مرتبط بحسابك البنكي وببياناتك الشخصيه .. وبالتالي لا يستطيع مدير الحساب ان يحول او يسحب او اى حاجه
نصيحه اخيره من اخوك .. اتصل بشركه التداول اللى انتا فيها وهما هيبعتولك العقد توقع عليه انت ومدير الحساب ببياناتكم كامله وبكل الشروط اللى اتفقتو عليها بينكم ما تمشيهاش حبي كدا ..
باص الانفستور صحيح جدا
طلبك من مدير الحساب ستايت لا يقل عن تلات اشهر صحيح جدا ومن حقك مهما كانت درجه الصداقه او سمعه مدير الحساب ..
رد:هل يستطيع مدير الحساب ان يسحب اموالك ؟
اقتباس:
المشاركة الأصلية كتبت بواسطة ahmedphen0m
كلامك جميل جدا جدا و صحيح جدا جدا
انا اختلف معك في نقطة فقط انه لا يقل عن 3 شهور اعتقد اقل مدة لابد ان تكون سنة و يفضل اكثر عشان نتاكد فعلا من مصداقية و ثبات اداءه
بص يا قمر ..
الهدف من الستايت المقدم من مدير الحساب ان تطلع على طريقته لاداره راس المال وانك تعلمك باك تيست على صفقاته وتشوف اليه دخوله وخروجه واحجام عقوده وما الى ذلك ونسبه مخاطرته
مش من الواقع انو مدير حسابات يديك ستايت لحساب اصبح مضروبا فى 10 .. كدا هو لا يفقه شي فى اداره راس المال .. وانتا فاهم اليومين دول بالفوتوشوب ممكن واحد يضربلك ستايت المده اللى انتا عاوزها ويدبل الحساب الوهمي دا ميه مره ..
عشان كدا النقطه المهمه انك تشوف هل طريقه مدير الحساب مقبوله لديك من حيث احجام عقوده ومخاطرته وصفقاته الاساسيه وتعزيزاته وكيفيه تعامله مع الاحداث الغير متوقعه فى حينها .. مثلا يوم مقتل اسامه بن لادن ..خد التاريخ وشوف ايه اللى حصل معاه وكيف تعامل مع شي مفاجى زي كدا مثلا .. مثلا يوم زلزال اليابان .. كدا يعني ..
انا رديت لأبين للأخوه ان مبدأ ان لو مدير الحسابات يستطيع الخروج بربح من السوق لن يحتاج ان يدير حساب احد خاطى جدا وغير صحيح المره .. عندنا عمالقه فى المنتدى هنا مثلا مديري حسابات وفى نفس الوقت مش محتاجين بس هوه دا شغله .. المجتمع اللى احنا عايشين فيه مفيهوش فهم لمبدأ العمل فى المنزل .. عندك مثلا استاذه اشهر من نار على علم فى المنتدى لن اذكر اسماء عشان مش اضمن فهم اللى هيقرا كلامي دا هيفهمه ازاى .. هل ساكون فى نظره مجرد ناصح عابر سبيل ام باحث عن دعايه وشهره والكلام الفاضي دا ..
فى الاخير يا معلم مدام فى عقد بينك وبين مدير الحساب لا تقلق .. :asvc:
رد:هل يستطيع مدير الحساب ان يسحب اموالك ؟
اقتباس:
المشاركة الأصلية كتبت بواسطة ahmedphen0m
كلام حضرتك كله سليم جدا , هو فعلا انا اقدر احكم علي طريقة ادارته لراس المال و كدا من شهر واحد و عشان اقدر اشوف كيفية تعامله مع الاحداث مش هيكفي ابدا 3 شهور و حتي لو هيكفوا مش هقدر اضمن كيفية تعامله مع كل ظروف السوق من تذبذب و اتجاه و ركود و حركة قوية و كدا , فعشان اقدر احكم علي الكلام ده اقل حاجة سنة و انت طالع
انا بقول الكلام ده لحضرتك من واقع خبرة عملي , لاني من فترة كنت بدور علي مديرح سابات بس مش عشان يديرلي حسابي عشان غرض تاني و عايز اقولك اني لفيت المنتديات و كلمت اسماء عملاقة في عالم المنتديات , و الصدمة بالنسبة لي اني للما كنت اطلب كشف حساب لمدة سنة مثلا اكتر واحد كان بيقدملي 3 شهور و لما اسئله عن كشوفات لفترة اطول كانوا بيردوا باعذار مختلفة
معلش مستحيل اثق في واحد اني اشغله مدير حسابات و هو اصلا مشتغلش علي حساب لمدة سنة او اكثر و حقق عليه نتايج ايجابية ثابتة
لكن غير كده كل كلام حضرتك صحيح طبعا , و خطوة كشف الحساب ما هي الا خطوة واحدة من عدة خطوات لاختيار مدير حسابات
شكرا جزيلا ليك علي المناقشة الهادفة و اتمني التوفيق ليك و للاخ صاحب الموضوع و للجميع
بص يا قمر ..
ما تبصش للموضوع من جهه انو كان بيقدملك اعذار مختلفه
انظر من جهه انتا حسابك كام
يعني لما هتطلب من مدير حسابات كشف سنه .. يعني انتا اقل حاجه هتكلم عندها 100كام؟ وخايف وكدا
اما انك تطلب من مدير حسابات كسف سنه مثلا وحسابك لا يتعدى رنج معين كل مديري الحسابات عارفينه هتتعب اللى معاك فهمتني
مدير الحسابات نفسه مش كسبان حاجه من حساب صغير
ليه ؟ لانو لما هيكون بطل هيعمل من 15 الى 20 فى الميه فى الشهر
وهياخد نسبته اخر الشهر لو قلنا 30 فى الميه
احسبها كدا وشوف هوه هيكسب كام ..
مدير الحسابات تاجر زي اى تاجر
كم عدى عليا من مواقف زي كدا
يجب على صاحب الحساب انه يعرف انو تاجر ويتفق مع تاجر مثله
اما انو يحط فى راسه خزعبلات انو لو المدير دا معاه فلوس مكنش اشتغل بفلوس ناس
كدا الخوف هيكون مالي قلبه خلقه مع كل خطوه فى الاتفاق
فى شركات اتخنقت من نظام هاتو كشف حساب سنه وسنتين والكلام دا
فابقت بتعمل سايت خاص بيها توضح فيه مكاسب الشركه وغيره
ونوع تانى بقى بيتبع نظام التوصيات المجانيه لفتره لاثبات المصداقيه
مش كل مدير حسابات تطلب منه كشف سنه ويتعذرلك انو مش معاه كشف سنه واتنين وخمسه
النقطه انو انتا كطرف تانى فى الاتفاق راس مالك كام ؟؟ فهمت
فى قوانين معروفه لدى كل مديري الحسابات
على قد راس مال العميل على قد ما هيلاقي البنود المناسبه له لدى المدير
كشف حساب تلاته شهور كافي جدا لحسابات الالف الى العشره الاف
سته شهور الى سنه لما نتكلم من 10 الى 100 الف دولار
سنتين تلاته اربعه لما تعدي ال100 الف
وكل دول موجودين لدى مدير الحسابات ويمكن اكتر مع مديري الحسابات الى كانو موجودين ايام الاسهم كمان .. بس زى ما بيقولو لكل حادث حديث ولكل موقف تصرفه الخاص به ..
فهمت يا قمرهم ..
لازم تسمع القصه من طرفي الحوار .. وانا سعيد جدا بنقاشي معاك .. لانو لازم نفهم ميكانزم العلاقه بين العميل ومدير الحسابات ..لان مش كل مدير حسابات لا يمتلك المال الخاص به للتجاره فعشان كدا هيشتغل بفلوس ناس ..
ولولا قانون الضرائي المصري وقانون من اين لك هذا لكان اى مدير حسابات فتح شركته الخاصه به ..