==== رحله البحث داخل استراتيجية الوافى ( رحمه الله ) ====

العلم .. الفهم .. الخبرة .. الاحتراف ...... التواضع ..
شخصية لاتتكرر ! .. غفر الله لك ورحمك .. برحمة اللتي وسعت كل شيئ .. اللهم آمين ..

بخصوص الاستراتيجيه .. وحسب علمي البسيط ومتابعتي لم يستطع اي احد ان ياتي بنفس النتائج ! ولا حتى قريب منها .. لو اطلعت على الاستراتيجيه ان الوافي رحمة الله كان ينظف الشارت قبل العمل عليه وهذه النقطة مربط الفرس .. ينظف اي ينتقي المستويات الأقوى للعمل عليها .. وهذه النقطة يختلف عليها اثنان !.. بالتوفيق ..

بسم الله الرحمن الرحيم
..................
هنا فى البند الاول فى ملحوظه قويه جدا
ان الوافى رحمه الله ذكر طريقه جميله جدا لتحديد قوة الترند
وهى الربط بين مدة الحركه ومقدار نقاط الحركه
...............
طيب هنسأل هنا ونقول
** ماهى علاقة الوقت ( 10 ايام ) بعدد نقاط الحركه ( الرينج ) ؟
............
ممكن نفتح الشارت ونرسم مربع
طوله 450 نقطه وعرضه 10 ايام
من اخر قاع على اليورو
و ارسم خط ترند من ركن المستطيل للركن المقابل فى اتجاه الحركه

https://forum.arabictrader.com/attac...1&d=1354497523


كده احنا هنكون رسمنا ترند بزاوية ميل حاده
الزاويه دى بقى هى مقياس الحركه السريعه ( الراليات ) داخل الترندات
بمعنى
لو السعر كان فى ترند صاعد ( يبقى طول ما هو فوق الزاويه دى تبقى الحركه قويه .. اما لو تحتها فالحركه تعتبر متوسطه )
والعكس فى حالة الترند الهابط

** افتح شارت الدايلى وارسم الزاويه زى ما انا راسمها فى الشارت اللى فات وتتبع القمم والقيعان بهذه الزاويه **
** لو الترند صاعد والسعر فوق الزاويه دى يبقى اعرف ان دا اتجاه قوى و مفيش حاجه اسمها تصحيح **
** لو الترند هابط واسعر تحت الزاويه دى يبقى اعرف ان دا اتجاه قوى ومفيش حاجه اسمها شراء او تصحيح**
.................................................. ................
طبعا الناس هتستغرب انى بقول زوايه ومش زوايه وسايب اساس الموضوع اللى هو الترند
بس النقطه بتاعت قوة الاتجاه دى وفكرة ال 10 ايام والرينج ال 450 نقطه وقفت عندها كتير الصراحه
ويمكن دا دليل على ان الزوايا فى الاساس ما هي الا تحليل كلاسكى
..................................
اهم حاجه ان الناس ما تتشتتش لان دى مجرد ملحوظه على الهامش
لكن بالنسبه للترند لسه هنتكلم عنه بأستفاضه بأذن الله فى المشاركات القادمه

اقتباس:

---

المشاركة الأصلية كتبت بواسطة Lion

العلم .. الفهم .. الخبرة .. الاحتراف ...... التواضع ..
شخصية لاتتكرر ! .. غفر الله لك ورحمك .. برحمة اللتي وسعت كل شيئ .. اللهم آمين ..

بخصوص الاستراتيجيه .. وحسب علمي البسيط ومتابعتي لم يستطع اي احد ان ياتي بنفس النتائج ! ولا حتى قريب منها .. لو اطلعت على الاستراتيجيه ان الوافي رحمة الله كان ينظف الشارت قبل العمل عليه وهذه النقطة مربط الفرس .. ينظف اي ينتقي المستويات الأقوى للعمل عليها .. وهذه النقطة يختلف عليها اثنان !.. بالتوفيق ..

---

بارك الله فيك اخى الفاضل ... على هذه المشاركه الفعاله
...........................
بالنسبه للتطبيق والنتائج ان شاء الله يكون فيها الخير للجميع
بس احنا نفهم الاول الافكار اللى داخل الاستراتيجيه
ونقتنع بيها وبكل البنود اللى فيها
وان شاء الله التطبيق هيبقى سهل
...........................
وبتمنى تشارك معانا فى الرحله دى بخبراتك ولو فى اخطاء او ملحوظات نطرحها للنقاش
ودا الغرض من فتح الموضوع البحث والتنقيب عن تفاصيل التفاصيل ومنبت الافكار التى تحتويها الاستراتيجيه
......................
لك خالص ودى واحترامى وتقديرى

بسم الله الرحمن الرحيم
.......................
كما ذكرنا سابقا فى البند الاول
اننا يجب علينا تحديد الترند العام او الاتجاه العام
..........
هنتكلم شويه عن الترند

ماذ تعنى كلمة ترند ؟

ترند : تعنى اتجاه
وهنا يجب التنويه على اهمية التفرقه بين خط الاتجاه ( خط الترند ) وبين الاتجاه ( الترند )
,
فخط الاتجاه ماهو الا خط مقاومه او دعم يصل بين القمم والقيعان
,
اما اتجاه السعر فما هو الا متواليه من القمم والقيعان فى اتجاه ( اما صاعد او هابط او عرضى )
............................
كيف يمكننا الربط بين خط الاتجاه ( خط المقاومه القوى )
وبين اتجاه حركة السعر ( تتابع القمم والقيعان )
................
من مراقبة السعر نجد انه توجد ثلاثة انماط من السلوك السعرى فى مواجهة خط الترند
...............
انماط حركة السعر مع خط الترند :
1 - نمط منتظم
2- نمط متباطئ
3 - نمط متسارع
..............................
النمط الاول : الحركه المنتظمه
قد نجد السعر احينا يحترم خط الترند وعند ملامسته دائما يرتد
هنا تكون الحركة منتظمه ( والاتجاه قوى وثابت )
وهذا الترند نادر الظهور
مثال لترند منتظم

https://forum.arabictrader.com/attac...1&d=1354538382



النمط الثانى : حركه متباطئه
الحركة المتباطئه دى السعر بيكسر فيها خط الترند ويرجع يكمل اتجاهه تانى
ويكسر ويرجع تانى (وهوما يسمى بالكسر الكاذب)
( الاتجاه هنا بيبقى متوسط القوه .. )
وغالبا بيظهر فى موجات التصحيح الكبيره و قليل لما بيظهر فى الموجات الدافعه
مثال لترند متباطئ

https://forum.arabictrader.com/attac...1&d=1354538382

النمط الثالث : ترند متسارع
الحركه هنا بتبداء بطيئه ومع الوقت بتزيد سرعة الحركه وتزداد قوة الاتجاه
وبنشوف ترندات داخل الترند العام ( وهو مايسمى بالترند الثانوى )
( الاتجاه يبداء ضعيف ويزداد قوه مع الوقت )
,, وغالبا بيظهر فى الموجات الدافعه والراليات ,,
مثال على الترند المتسارع


https://forum.arabictrader.com/attac...1&d=1354538413

..................................................
ثلاث انماط لحركة السعر فى مواجهة خط الترند
يمكننا من خلالها معرفة مدى قوة الاتجاه
................
سؤال للأخوه الاعضاء المتابعين
ايهما اقوى الترند المتسارع ام الترند المنتظم .؟
...............
للحديث بقيه بأذن الله

بسم الله الرحمن الرحيم
..................
بعتذر عن عن عدم المتابعه فى الفتره الماضيه نظرا لانشغالى
..........
دلوقتى لو بصينا على اليورو هنلاقى مثال حى على قوة الترند كما ذكره الوافى رحمه الله
............
السعر ماشى بسرعه عاليه وصل ل 400 نقطه فى 8 ايام
لو رسمنا الزاويه اللى احنا قولنا عليها ( بتاعت المربع اللى طولو 450 نقطه وعرضه 10 ايام )
هنلاقى ان السعر ماشى فى اتجاه صاعد قوى لا يمكن معاكسته
ومستمر حتى الان فى اتجاهه
.............

بسم الله الرحمن الرحيم
.....................
هنبداء بأذن الله فى تحديد الاتجاه على باقى العملات
............
عندنا الباوند ماشى فى ترند صاعد

https://forum.arabictrader.com/attac...1&d=1355924703

...................
الفرنك ماشى فى ترند هابط


https://forum.arabictrader.com/attac...1&d=1355924703


...............
لو فى حد عندو اى استفسار بالنسبه لتحديد الترند انا موجود
وان شاء الله فى المشاركه القادمه هندخل على البند التانى
................

"يقول الوافى رحمه الله "
البند الثاني:


تحديد مستويات الدعم والمقاومة القوية على شارت الديلي.. ويختلف
تحديد هذه المستويات من أداة إلى أخرى.. ومن مضارب إلى آخر.. وأخيكم
يستخدم الفايبوناتشي وخطوط الترند وبعض النماذج مثل القنوات والقمم
الثنائية أو القيعان وهكذا
.
.
سنأتي الآن لنقطة مهمة جدا جدا.. أرجو الانتباه لها جيدا.. حيث يعتمد
عليها كثيرا تحليلنا للسوق ..وكذلك نقاط الدخول والخروج والوقف
.
وسأتوسع قليلا في هذه النقطة لأنها الأهم في نظري!.
>>>وأرجو عدم كتابة أي مداخلة حتى أنتهي من الشرح والتوضيح
.
كما أرجو الانتباه (لتتابع) المعطيات والأدوات والمؤشرات وطرق
استخدامها.. وتسلسل ترتيبها فهو مهم للغاية!.
.
.
نبدأ أولا بتحديد) مفهوم) مستويات الدعم والمقاومة
وكما أخبرت في هذا البند أن هذه المستويات تختلف طرق تحديدها من
محلل إلى آخر.. ومن خبير إلى آخر.. ولكن الجيد من هؤلاء) ولست منهم
..(من يستطيع الجمع بين هذه الطرق .. وإيجاد أو (إنشاء) مستويات) قد)
تكون متطابقة مع الآخرين قدر المستطاع!.
.
ولا أتحدث هنا عن (عصا سحرية) أو ما شابه.. لا.. بل عن فنون متعددة
من أدوات ومؤشرات وخطوط ترند.. نربطها ببعضها البعض لنخرج
بالنهاية (بزبدة) الطريق للمضاربة الصحيحة والناجحة بإذن الله
.
وطبعا قد نحتاج بالبداية لبعض الجهد.. والحرص.. والتفكير ..والبحث.. ثم
التوفيق من الله سبحانه في إيجاد هذه المستويات.. ولكن مع (الصبر (
والمثابرة.. والتعود على ذلك.. ستجدون الأمر في غاية السهولة بإذن الله
.
والأمر لابد له من البحث (الذكي) لتحديد نقطة معينة ..لتكون نقطة الارتكاز
بالعمل.. واضعين في تفكيرنا ودراستنا للشارت هذه الأسئلة والإجابة عليها:
.



=لماذا وقع اختيارنا على هذه النقطة؟) !الأسباب(
=هل هناك نقطة أقوى منها؟) !عدم البحث الجيد(
=ما مدى بعدها (أو قربها) من السعر الحالي؟) !عدم الاهتمام أو عدم
الاكتراث(
=هل تطابقت بقوتها مع عدد من الأدوات؟) !الاستعجال بالنتائج(
.

طبعا إجابة هذه الأسئلة مع الاستمرار بالتحليل الجيد والبحث.. وربط
الأدوات مع بعضها _كما سيأتي _إن شاء الله.. هو هرم هذه الطريقة..
وهرم المضاربة الناجحة باستخدامها
.


دى كانت مقدمة البند الثانى " تحديد نقاط الدعم والمقاومه "
ماذا يمكننا الاستفاده من هذه المقدمه
.............

بسم الله الرحمن الرحيم
..................
نتابع الحديث
............
يوجد فى هذه المقدمه ثلاث نقاط غايه فى الاهميه
هذه النقاط هى اهم نقاط الاستراتيجيه على الاطلاق
.......
اول نقطه :

هى ان نقاط الدعم والمقاومه تختلف من اداه الى اخرى

" زى الفايبوناتشى يختلف فى خطوطه مع خطوط البايفوت مع خطوط الكامريلا مع خطوط الزوايا ... ودى تعتبر من اهم مؤشرات الدعم والمقاومه "
* هناك ايضا من يستخدم القيعان والقمم كنقاط دعم ومقاومه
وهناك من يستخدم خطوط الترندات والقنوات
وهناك من يستخدم النماذج السعريه
وهناك من يستخدم المعادلات الرياضيه
وهناك من يستخدم خطوط الموفينجات
وغيرها الكثير

وبتختلف خطوط الدعم والمقاومه ايضا من شخص الى اخر حسب استخدام الشخص

" زى الفايبو فى ناس بتستخدمو بأساليب مختلفه وكتيره "

* وهناك ايضا من يعتمد على الاغلاقات لتحديد القيعان ولا يعتمد الزيول
وهناك من يقوم برسم مستطيلات كمناطق دعم ومقاومه
وهناك من يقوم برسم الترند على زيول الشموع ومن يستخدم الاغلاق وهناك من يستخدم الارتكازات
وغيرها الكثير من الاساليب
"" حاجات كتير ""
...............
النقطه التانيه :

وهى كما ذكرها الوافى رحمه الله " مفهوم مستويات الدعم والمقاومه "والتى تختلف من محلل الى اخر
,,,,ولكن ,,,,

الجيد من هؤلاء المحللين : هو من يستطيع الجمع بين هذه الاساليب والطرق والفنون المتعدده من ادوات ومؤشرات حتى نخرج فى النهايه بزبدة الطريق للمضاربه الصحيحه
وهذا يحتاج فى البدايه لبعض ( بل الكثير ) من الجهد والحرص والتفكير والبحث
ثم يأتى التوفيق من الله سبحانه وتعالى فى ايجاد هذه المستويات
ولكن الامر يحتاج الى الكثير من الصبر والمثابره والتدريب الجاد
والتعود
وسيصبح الامر بأذن الله فى النهايه فى غاية السهوله
..........................
النقطه التالته :

البحث الذكى

لتحديد نقطه معينه لتكون نقطة ارتكاز
نقطة الارتكاز دى ليها شروط
اولا : يكون فى اسباب قويه لاختيار هذه النقطه
ثانيا : البحث الجيد عن اماكن الارتكازت القويه
ثالثا : مراقبة السعر وتحركاته مع هذه النقاط
رابعا : تطابق الادوات بقوتها مع هذه النقطه
.................................................. .....
الخلاصه
مهم جدا نستخدم اكتر من اسلوب لتحديد نقاط الدعم والمقاومه
ومهم جدا توافق اكتر من اداه لتحديد النقاط القويه
ومهم جدا التدريب المستمر على استخراج هذه النقاط
مهم جدا البحث والتركيز والتدقيق فى استخراج هذه النقاط من داخل الشارت

استاذ بسيونى

عملك اكثر من رائع بارك الله فيك وجزاك خيرا على هذا العمل العظيم واثابك

اقتباس:

---

المشاركة الأصلية كتبت بواسطة MBR

استاذ بسيونى

عملك اكثر من رائع بارك الله فيك وجزاك خيرا على هذا العمل العظيم واثابك

---

بارك الله فيك
شكرا على الدعوه الجميله
واتمنى ان الموضوع يكون مفيد فعلا وليس تكراراً
وفى انتظار مشاركتك فى رحلة البحث
البحث مفتوح للجميع
....
تقبل خالص تحياتى

طبعت كتاب الوافي رحمه الله و متابعك باهتمام بس الامتحانات علي الابواب و علي قدر استاعطي هكون معاك
تحياتي

اقتباس:

---

المشاركة الأصلية كتبت بواسطة eslam kamel

طبعت كتاب الوافي رحمه الله و متابعك باهتمام بس الامتحانات علي الابواب و علي قدر استاعطي هكون معاك
تحياتي

---

فكره رائعه جدا طباعة الكتب
( كنت بعملها ساعات )
وانا عن نفسى ماشى براحتى فى الموضوع على الاخر ومش مستعجل
وركز فى امتحاناتك
حياتك ومستقبلك ودراستك اهم بكتير
..........
وانا معاك لو فى حاجه فاتتك ايام امتحانتك ومحتاجها بعد كده هتلقينى موجود بأذن الله ومعاك فى اى استفسار او شرح
بس اهم حاجه متخليش الفوركس يلهيك عن دراستك
عشان لما تنجح بأذن الله تيجى هنا ومعاك الحلاوة وتفرحنا
وربنا يوفقك بأذن الله وتكون من الاوائل المتميزين
...........
تقبل خالص تحياتى

اقتباس:

---

المشاركة الأصلية كتبت بواسطة basuoni

فكره رائعه جدا طباعة الكتب
( كنت بعملها ساعات )
وانا عن نفسى ماشى براحتى فى الموضوع على الاخر ومش مستعجل
وركز فى امتحاناتك
حياتك ومستقبلك ودراستك اهم بكتير
..........
وانا معاك لو فى حاجه فاتتك ايام امتحانتك ومحتاجها بعد كده هتلقينى موجود بأذن الله ومعاك فى اى استفسار او شرح
بس اهم حاجه متخليش الفوركس يلهيك عن دراستك
عشان لما تنجح بأذن الله تيجى هنا ومعاك الحلاوة وتفرحنا
وربنا يوفقك بأذن الله وتكون من الاوائل المتميزين
...........
تقبل خالص تحياتى

---

مشكور علي دعوتك الجميله و ان شاء الله لما انجح :hands: حلاوتك محفوظه :015:
الفوركس ادمان انا مش شغال دلوقتي علي حساب لايف بس برده طول النهار فاتح الشارت:no3: و مش عارف اذاكر حاجه
المهم بالنسبه للترند الوافي قال اننا بنحدد الترند عن طريق معرفه حركه الزوج لمده 10 ايام و نشوف متوسط حركته خلال الفتره دي اقل و اعلي من الطبيعي
طيب هسال كام سؤال كدا و هجاوب عليهم و عايزك تعرفني انت موافقني و لا لا
س/ايه افضل طريقه لمعرفه معدل الحركه للزوج؟
ج/ بالنسبه معدل الحركه الحالي اللي هو 10 ايام نضع atr باعدادات 10 فترات علي اليوم
بالتسبه لمعدل الحركه العام و ده اجتهاد من عندي نتناقش فيه atr باعدادات 30 فتره
س/ازاي اعرف ان الزوج تحرك في اتجاه معين بمعدل حركه اكبر من الطبيعي ؟
ج/عندي 3 طرق نناقشهم سوا
الاولي
1- نرسم خط ترند مدته الزمنيه 10 فترات و ارتفاعه يساوي معدل الحركه الحالي مضروب في 10
2-بدايه خط الترند عند الشمعه اليوم اللي اتكونت من 10 ايام
3-نشوف لو السعر فوق خط الترند يبقي التسارع جيد و الترند قوي و يعتمد عليه لو لا يبقي الترند ضعيف
و الكلام ده مش جديد تقريبا ده الكلام اللي قاله الوافي بالضبط مفيش جديد
الثانيه
1-نقارن قراءه atr10 ب قراءه atr30 لو قراءه atr10 اكبر يبقي الترند قوي لو لا يبقي الترند ضعيف
الثالثه
نعتمد علي الموقع ده
http://megatrendfx.com/additional-fo...eter-indicator
و الموقع انا متابعه من فتره طويله و يبقارن قوه العمله معينه بباقي العملات و بيحدث قراءاته مع الاغلاق

انا عارف ان الطريقه الثانيه و الثالثه خارج استراتيجيه الوافي و ان التغير في استراتيجيه ناجحه ممكن يضر مايفيدش
و لكن لو تابعت موقع قوه العمله لفتره طويله هترف انه افضل طريقه انا وجدتها لمعرفه اتجاه الترند الحالي بالضبط
و رايي ندمج الطريقه الاولي و الثالثه مع بعض لتحديد اتجاه الترند و قوته
تحياتي :eh_s(7):

اقتباس:

---

المشاركة الأصلية كتبت بواسطة eslam kamel

مشكور علي دعوتك الجميله و ان شاء الله لما انجح :hands: حلاوتك محفوظه :015:
الفوركس ادمان انا مش شغال دلوقتي علي حساب لايف بس برده طول النهار فاتح الشارت:no3: و مش عارف اذاكر حاجه

والله دا اللى كنت بقول عليه
انا عارف انه ادمان وبالذات فى الاول
عشان كده كنت بقولك ركز فى مذاكرتك ودراستك اهم
وكده كده الفوركس مش هيطير
وخلى بالك لما الواحد بيفصل وياخد فتره بعيد بالذات لو كان بينجز حاجه فيها ( زى المذاكره والامتحانات ) وتكون اجتهدت فيها
هترجع تكمل مشوارك ونفسيتك ومعنوياتك مرتفعه وحماسك اعلى وهيبقى عندك قدره اكبر على تحمل خبطات وصدمات السوق بنفسه قويه
لكن لما تبقى حياتك ملغبطه ومتشتت وعايش نفسك فى حاجه وفى وراك حاجه مهمه منغصه عليك حياتك عمرك ما هتعرف تركز لا فى الفوركس ولا فى دراستك ودماغك هتتكركب
الفوركس عايز روقان وتركيز وذهن صافى

"واهم حاجه الذهن الصافى "

تذكر دائما ان الوقت موجود والفوركس موجود
ولن يفيدك هذا التشتت
يارب ميكونش كلامى تقيل وتتقبله من اخ لأخ
.................

المهم بالنسبه للترند الوافي قال اننا بنحدد الترند عن طريق معرفه حركه الزوج لمده 10 ايام و نشوف متوسط حركته خلال الفتره دي اقل و اعلي من الطبيعي
طيب هسال كام سؤال كدا و هجاوب عليهم و عايزك تعرفني انت موافقني و لا لا
س/ايه افضل طريقه لمعرفه معدل الحركه للزوج؟
ج/ بالنسبه معدل الحركه الحالي اللي هو 10 ايام نضع atr باعدادات 10 فترات علي اليوم
بالتسبه لمعدل الحركه العام و ده اجتهاد من عندي نتناقش فيه atr باعدادات 30 فتره



اتفق معك طبعا بالنسبه لاستخدام مؤشر ال atr لحساب متوسط الحركه للسعر
...
لكن بالنسبه لكلامك عن متوسط حركة السعر خلال 10 ايام
مؤشر ال atr بيحسب متوسط حركة السعر للشمعه الواحده خلال فتره معينه
بمعنى
لو بنتكلم على 10 ايام هنحسب طول كل شمعه على حده ونجمعهم ونقسم على 10
يديلك متوسط الحركه اللى بيتحركها السعر خلال فترة شمعه اليوم الواحد
...
يعنى لو فتحنا فريم يوم هيدينا متوسط حركة السعر خلال 24 ساعه مقارنةً بال 10 ايام السابقه
....
لكن عشان نجيب مقدار الحركه اللى بيتحركها السعر خلال ال 10 ايام
هنجيب فريم الاسبوع ونجيب قرائة المؤشر ونضربها فى 2
""( اسبوع = 5 ايام ) * 2= 10""
وهذا هو المقصود من متوسط 10 ايام لحركة السعر
( لان مفيش فريم 10 ايام )
.....
اما بالنسبه لاشتراط ال 10 ايام هو ما ذكره الوافى من ملاحظته لحركة السعر للعملات
مقارنةً بحركة الاسهم
...





س/ازاي اعرف ان الزوج تحرك في اتجاه معين بمعدل حركه اكبر من الطبيعي ؟
ج/عندي 3 طرق نناقشهم سوا
الاولي
1- نرسم خط ترند مدته الزمنيه 10 فترات و ارتفاعه يساوي معدل الحركه الحالي مضروب في 10
2-بدايه خط الترند عند الشمعه اليوم اللي اتكونت من 10 ايام
3-نشوف لو السعر فوق خط الترند يبقي التسارع جيد و الترند قوي و يعتمد عليه لو لا يبقي الترند ضعيف
و الكلام ده مش جديد تقريبا ده الكلام اللي قاله الوافي بالضبط مفيش جديد
الثانيه
1-نقارن قراءه atr10 ب قراءه atr30 لو قراءه atr10 اكبر يبقي الترند قوي لو لا يبقي الترند ضعيف

مش فاهم تقصد ايه الصراحه بس على ما اعتقد اقتراحاتك دى مبنيه على فهمك للمؤشر بالاسلوب اللى انت ذكرته قبل كده



الثالثه
نعتمد علي الموقع ده
http://megatrendfx.com/additional-fo...eter-indicator
و الموقع انا متابعه من فتره طويله و يبقارن قوه العمله معينه بباقي العملات و بيحدث قراءاته مع الاغلاق

انا عارف ان الطريقه الثانيه و الثالثه خارج استراتيجيه الوافي و ان التغير في استراتيجيه ناجحه ممكن يضر مايفيدش
و لكن لو تابعت موقع قوه العمله لفتره طويله هترف انه افضل طريقه انا وجدتها لمعرفه اتجاه الترند الحالي بالضبط
و رايي ندمج الطريقه الاولي و الثالثه مع بعض لتحديد اتجاه الترند و قوته
تحياتي :eh_s(7):

ان شاء الله مع التدريب والمتابعه مش هتحتاج للموقع دا وهيبقى الموضوع سهل جدا ان شاء الله بمجرد النظر على الشارت هتعرف الاتجاه الموضوع بسيط بأذن الله

..
دا غير انى اتقرصت كتير من التوصيات والمواقع والتحليلات
" مفيش احسن من انك تشتغل بدماغك وتبقى على الاقل مقتنع بالصفقه اللى بتفتحها وتعرف تتعامل معاها بدماغك ومتجيش تتوه فى النص .. وبعدين كلنا بشر واصحاب الموقع دول بشر ومفيش بنى ادم معصوم من الخطاء .. فا من الافضل الاعتماد على الذات امام الشارت .. عشان لو الاتجاه عكس ولا حاجه نبقى عارفين ومتوقعين وعاملين حسابنا وملمين بالموقف ومقدرينه "

---

الرد بالاقتباس
ومقدر جدا حماسك وحبك للتعلم لكن التركيز مهم
وانا على اتم الاستعداد انى اتوقف حتى تنتهى من امتحاناتك وترجعلنا بحماس اكبر ونكمل المشوار مع بعض بأذن الله
.....
تقبل خالص تحياتى واحترامى

اقتباس:

---

المشاركة الأصلية كتبت بواسطة basuoni

الرد بالاقتباس
ومقدر جدا حماسك وحبك للتعلم لكن التركيز مهم
وانا على اتم الاستعداد انى اتوقف حتى تنتهى من امتحاناتك وترجعلنا بحماس اكبر ونكمل المشوار مع بعض بأذن الله
.....
تقبل خالص تحياتى واحترامى

---

جزاك الله كل خير علي الاهتمام و ان شاء الله نحترف طريقه الوافي و ردك بيدل انك انسان في غايه الاحترام
و كلامك مظبوط الفوركس مش هايطير و انا فعلا بدات اركز انا سقط سنتين قبل كدا بسبب الفوركس يعني مجرب
و انا متابعك علي قدر ما استطيع بس ماتبطلش و لا حاجه
و بالنسبه لمعدل الحركه كلامك مظبوط وانا متفق معاك فيه
خلينا في الطريقه الاولي (اللي قالها الوافي في كتابه)
1- نرسم خط ترند مدته الزمنيه 10 فترات و ارتفاعه يساوي معدل الحركه الحالي مضروب في 10
انا عارف ان atr10 بيحسب المدي الحركه لشمعه واحده و بيعتمد في حسابه علي 10 شمعات علشان كدا قلت نضرب في 10
و ممكن زي ماقلت نضرب معدل الحركه لاسبوع في 2
و علشان ترسم خط ترند لازم متغيرين الزمن (10 شمعات) و السعر (نضرب معدل الحركه في 10)
2-بدايه خط الترند عند الشمعه اليوم اللي اتكونت من 10 ايام
ده كلام الوافي رحمه الله ان اللي يهمنا الترند الحالي و حدده بتوجه السعر لمده 10 ايام
3-نشوف لو السعر فوق خط الترند يبقي التسارع جيد و الترند قوي و يعتمد عليه لو لا يبقي الترند ضعيف

و الفكره اللي بحاول اوصلها اني احط قاعده ثابته لتحديد اتجاه الزوج علشان مايكونش في اي تاثير نفسي و يكون دخولنا مبني علي قاعده صريحه
تقبل خالص ودي و تقديري:eh_s(7):