المشاركة الأصلية كتبت بواسطة forex angel
السلام عليكم ..
بدي احكي بموضوع كتير مهم ..
قال شو ازا كان القمر بدر اليورو راح ينزل ولما سالتو عن الباوند سرح شوي الزلمه قال بما انو اليورو نازل والقمر بدر فحركه القمر راح تأثر عالباوند .. عفوا الشب بدرس تحليل فني بمركز عنا بالاردن ..
وواحد تاني متبع نظريه اسمها الجاذبيه الارضيه .. قال لما السعر يطلع بفقد الجاذبيه فبضل طالع ولما ينزل خلص لزق بالجاذبيه الارضيه .. الاخ محلل مالي في سوق عمان ...
وكلهم كوم وهداك اللي بقول الشهر الزوجي طالع والفردي نازل ... سؤال بديهي الشهر الهجري ولا الميلادي راح جاوب اخينا انه امريكا واوروبا ما بعترفو بالهجري ف احنا بنمشي عالشهر الميلادي .. ما عرفت ارد عليه
وفي واحد بدرس تحليل فني هداك صرعه ... ماسك منقله ومسطره ومثلث وبلش يامعلم كيف الطوبرجي متلو يقيس هون ويحط خط .. طيب عفوا ارسم ترند اسهل .. جاوبني انتا شو فهمك ...
اصدقائي .. التحليل الفني تحليل موضوعي خالي من المشاعر وحركه التشارت بتاثر عليه بالدرجه الاولي الاوضاع الاقتصاديه للبلد صاحبة العمله وصدقوني الاوضاع السياسيه كمان ... والمتداولين بكل انحاء العالم اتفقو على عده اشكال ونماذج متل الراس والكتفين وغيرها كتير ...
شويه تحليل فني موضوعي مؤشرين او تلاته .. اطلع على الاخبار الاقتصاديه ... اعقل وتوكل
بتمنى منكم ما حد يرد او يجاوب اي انسان بحكي بالفوركس خارج نطاق التشارت او الاخبار ... كبر دماغك
اسف مو عارف ليه شرحت وحكيت كتير بس بزعل لما اشوف ناس حابه تتعلم شي بس بتتعلمو غلط ...
لا اله الا الله محمد رسول الله