الهيدج

[dado_ll]

انا قرات عن الهيدج وعايزه اجربه فتره على الديمو
بس عندى مشكله فى تحديد النقطه اللى ابدء افك منها الهيدج
ممكن حد يرشحلى طرق
وياريت لو فيه ورشه للعمل بالهيدج حد يعرفنى بيها

[mohosny]

أهلا بك فى أول مشاركاتك بالمنتدى
شوف يا سيدى أنا ممكن أنبهك بس لشوية ملاحظات على الهيدج

أولا : انت كده كده تحدد الستوب بتاع الصفقة عادى جدا ، و لو عايز بدل ما السعر يضرب الستوب تعمل هيدج ، يبقى ما تخلليش ده بعد ما تعدى الستوب ، لأ خلليه عند أو قبل الستوب اللى انت محدده أصلا

ثانيا : لازم تكون داخل مع الاتجاه العام الرئيسى مش عكس الاتجاه ، يعنى م الآخر تكون واثق إنك داخل فى الاتجاه الصحيح ع المدى المتوسط أو البعيد عشان يكون فيه فرصة تكسب من الصفقة دى ، مش السعر ياخدها و يذهب مع الريييح

ثالثا : عشان تفك الهيدج لازم تكون محدد بدقة حدوث قمة أو قاع ، و كمان و دى الأهم تكون عارف قيمة السوينج بتاع العملة اللى انت شغال بيها على كل إطار زمنى

رابعا : لازم يكون عندك مارجن كويس عشان أحيانا حتحتاجه و انت بتفك الهيدج بعد ما يتأكد عندك حدوث قمة أو قاع ، عشان تزوّد الدخول مع الاتجاه العام ، و فى اتجاه فك الهيدج

و بالتوفيق

[elazez]

معلومات جميلة ومفيده
شكرا اخي الكريم

[basuoni]

السلام عليكم
من وجهة نظرى الهيدج لا يستخدمه سوا الخبراء اما المبتدئين فنهايتهم مع الهيدج هو المارجن
لان الهيدج عايز دقه عاليه وادارة راس مال مظبوطه واعصاب تلاجه
انا اعتبره من اصعب اساليب المتاجره
..............................
لو انت مبتدئه اتعلمى التحليل الكلاسكى
واتعلمى ازاى ترسمى الترندات واقراء فى اساليب المتاجره باستخدام الترند
وركزى مع الشارت هتعرفى يعنى ايه ترند
+ البرايس اكشن ( او السلوك السعرى واشكال الشموع )

وانصحك بقراءة هذه الكتب

[dado_ll]

شكرا جدا على مساعدتكم
وحلوه فكرة هيدج قبل الاستوب اعتقد انى هفكر فيها

والحقيقه ان انا مش مبتدئه انا بقالى 3 سنين طالع عينى فتره اكسب كتير وفتره خساره
فدائما بحاول اغير اسلوبى فى العمل كل فتره

دلوقتى بقى رسيت على الهيدج وبحاول اوصل لسيناريو كويس ليه

[basuoni]

والله مش عارف اقولك ايه
شكلى كده انا اللى مبتدئ
على العموم انا حاولت كتير استخدم الهيدج لكن معرفتش اتعامل معاه للاسف

المشكله زى ما انتى قولتى انك لازم تختارى نقطه قويه تفكى عندها الهيدج
لو عرفتى تحددى النقطه دى يبقى كده الهيدج تمام وارباح كتير كمان
.......................
بس انا من وجهة نظرى لو انا عرفت احدد نقطه افك منها الهيدج
يبقى اولى انى اقفل على خساره بسيطه و استنى السعر عند النقطه دى وافتح صفقه .. ولا هيدج ولا وجع دماغ
نضرب مثال :::
هنقول انا فتحت صفقه شراء وعكست عليا 50 نقطه روحت فاتح هيدج بصفقه معاكسه
نزل السعر كمان 50 نقطه
يبقى كده عندى 100 نقطه خساره + 50 نقطه مكسب = -50
وبكده يكون السعر وصل للنقطه اللى انا عايزها مثلا واللى انا عارف ومتأكد انه هيرتد منها
اقوم قافل البيع على مكسب 50 واسيب الشرا
السعر يرجعلى تانى على نقطة الدخول اقوم قافل الشرا
يبقى انا كده كسبان 50 نقطه
ولو عززت بعقد ابقى كسبان 150
..........
نفس الكلام لو كنت شغال باستوب لوز
السعر يعكس 50 يضربلى الاستوب
استنى السعر عند المنطقه اللى انا متأكد انه هيرتد منها
افتح عقد يطلع بيا لنفس مكان الصفقه الخسرانه
ابقى كسبان 100 - 50 الصفقه الخسرانه = 50 نقطه مكسب
ولو فتحت عقد بمضاعفات ابقى كسبا 150 نقطه

هيا هيا
الهيدج مفرقش معايا حاجه
..........
لكن ممكن استخدمه فى حالة المكسب ( تجمدى مكسبك بالهيدج ) وتستنى لو انتى شاكه فى تغيير الاتجاه مثلا او فى اوقات الاخبار مثلا فى خبر قوى ممكن يقلب السوق
.............
لكن هيدج على خساره .. الاستوب لوز اقوى بكتير ومريح نفسيا ... لانك صعب جدا توصلى لمرحله التأكد التام من نقطة فك الهيدج ... لانك ممكن تفكى الهيدج ويكمل ويخسرك وياسلام لو كنتى معززه بعد فك الهيدج ويعكس عليكى تانى وتهدجى تانى وتتسحبى معاه فى دوامه
............
عشان كده كنت بقول الهيدج دا للمحترفين الدوليين
................
واسف على الاطاله
بس معلش اصلى متعقد من الهيدج
.............
تقبلى تحياتى