استراتيجيه ---- القاهره ---- للباوند دولار---

فرصه شورت تعليمية على اليورو دولار

عناصر الدخول
1- ارتداد من حد البلونجر
2- كسر R2 لأسفل واعادة اختبارة ( الكسر غير واضح )
3- شمعة إنعكاس ونهاية ترند
4- ضعف الشموع على شارت الربع والساعة أيضاً
5- دايفراجينس هابط

منتظر تعليقاتكم على الفرصة

مرفق الشارت

اقتباس:

---

المشاركة الأصلية كتبت بواسطة hanymfm

بس يا سيدى الفاضل علشان اسهلها عاليك

خلاصة الكلام
القاهرة مع التراند ومع الارتداد
بمعنى وصل السعر مثلآ الى H4 مع R2
وانت كنت داخل شراء هتطلع من عندهم طبعآ
لانة فية احتمال كبير يرتد من عندهم
وهنا بتراقب الموقف لاقيت قوة صعود وشموع قوية
وكسرهم طيب اية الاسباب اللى هتيخلينى ادخل بيع كدة مفيش
يبقى لو عايز ادخل هدخل مع اتجاة الكسر شراء ويستحسن
من اعادة اختبارهم
لكن لو لاقيت ضعف فى الصعود وبوادر انعكاس مثل
شموع الانعكاس او الديفرجينس وشموع ضعيفة
يبقى عندك اللى يخيك تقدر تقول انه هينعكس
زى المهندس حسام ما قال
لازم يكون عندك الاسباب القوية والمبررات ان
السعر ينعكس ويغير اتجاهة
يبقى الخلاصة
كسر انا معاة فى اتجاة الكسر
ارتد من منطقة قوية متوقع منا الارتداد انا معاة
ارجو ان اكون اجبت على سؤالك

وربنا يوفقك

---

:0031::0031::0031:تمام الكلام دا مش تقول ان حضرتك موجود مكنتش هفكر أرد على المشاركه خالص
عموماً منتظر تعليق حضرتك على صفقة اليورو دولار ومرفق الشارت

اقتباس:

---

المشاركة الأصلية كتبت بواسطة مصطفى شاهين

:0031::0031::0031:تمام الكلام دا مش تقول ان حضرتك موجود مكنتش هفكر أرد على المشاركه خالص
عموماً منتظر تعليق حضرتك على صفقة اليورو دولار ومرفق الشارت

---

ازى بس ياعم مصطفى متردش
دانت استاذى وانا تلميذك
نيجى للفرصة اللى بتتكلم عاليها
كانت شمعة 12
فى كذا حاجة هقولك عاليها
لو اوربا عملت حركة كويسة
فى شموع 9 و10 و11
غالبآ بتصحح فى 3 او 4 ساعات
الفضلين قبل امريكا
علشان امريكا يتيجى تكمل
او تقلب
نيجى للصفقة حلوة وعملت تارجت كويس
بس تقدر تقولى هتدخل منين يعنى اية سعر الدخول
دة هوا محصور بين دعم R2 كسرة ومقامة R3
لايعدى المقاومة ولا يكسر الدعم
ولكن كل اللى حصل انة مفيش سيولة وقوة تدفعة
زى خبر او اى شئ فراح عامل تصحيح للحركة الاخيرة
لغاية فيبو 50
وخلى بالك ان الفترة بين اوربا وامريكا بتكون غالبآ
وفى معظم الاحيان تصحيح للحركة الاخيرة
وارجع بالشارت وشوف
عزيزى مصطفى خلى دائمآ دخولك من مناطق قوية
محددة مثل R2 او H4 كدة يعنى
لكن من النصف دة بتكون خسارة لانك 50% معاة
و50% عالية
حتى لو نجحت فى مرة او اتنين
وكان المهندس حسام بيقول
استحالة تقدر تاخد كل حركات العملة
يعنى خليك فى الواضح والباين قدامك
واللى واضح قدمك الشراء وقوة صعود
من شمعة الافتتاح وسيرة فى احدين العلويين
وبولينجر فاتح قوى لفوق وكسر H4 وR2
طب لية سايب كل دة وبتدور على شمعة انعكاس
بين دعم ومقاومة يعنى ملهاش لازمة
وديفرجينس ضعيف مش قوى
وبلاش الدخول بين البورصات اصتاد فرصة
فى اول كل بورصة ممكن تعمل منها 50 نقطة
بكل سهولة وقولهم شكرآ ومع السلامة
احسن يخدوهم منك تانى
استنى الفرصة تجيلك ومتجريش ورها
حاول تدرب نفسك على كدة
وربنا يوفقك

انت الاستاذ طبعا ً يا استاذ هاني
بالنسبة افتتاح آخر شمعة في الشارت إللي أرفقته كان اعادة إختبار R2 مع ان كسر R2 لأسفل مش واضح لكن دي انسب نقطة دخول ولو اني أفضل الانتظار والدخول لونج في هذه الحالات من عند نقة دعم مع خط الفيبو علشان تكون الصفقة ماشيه مع الترند والسعر ميردش مره احده

بالنسبة للتصحيح
في الفرصة دي عمل 45 في نفس شمعة الدخول لكن السعر ارتد بسرعة جداً لدرجة ان اللى دخل الصفقة ومش عامل ليمت مش هيقدر يقفل الصفقة على 10 نقط علشان بقول الدخول مع الترند حسن مية مره من الدخول العكسي أثناء التصحيح ايه رأيك في الكلام دا يا استاذ هاني

لاحظ الفرق بين الشارتين
في الشارت الأول لاحظ الشمعة اللي بعد شمعة نهاية الترند ونقطة الدخول



في الشارت الثاني نفس الشمعة فتحة فوق R2 وكسرته لأسفل
يريت نشوف حل في مشكلة إختلاف الرسم على الشارت واختلاف التوقيت والاغلاق والافتتاح

اقتباس:

---

المشاركة الأصلية كتبت بواسطة مصطفى شاهين

انت الاستاذ طبعا ً يا استاذ هاني
بالنسبة افتتاح آخر شمعة في الشارت إللي أرفقته كان اعادة إختبار R2 مع ان كسر R2 لأسفل مش واضح لكن دي انسب نقطة دخول ولو اني أفضل الانتظار والدخول لونج في هذه الحالات من عند نقة دعم مع خط الفيبو علشان تكون الصفقة ماشيه مع الترند والسعر ميردش مره احده

بالنسبة للتصحيح
في الفرصة دي عمل 45 في نفس شمعة الدخول لكن السعر ارتد بسرعة جداً لدرجة ان اللى دخل الصفقة ومش عامل ليمت مش هيقدر يقفل الصفقة على 10 نقط علشان بقول الدخول مع الترند حسن مية مره من الدخول العكسي أثناء التصحيح ايه رأيك في الكلام دا يا استاذ هاني

---

دة كلام محدش يختلف عالية

اية يا دكتور انت لخبطنى لية انت مش بتكلم
عن المنطقة اللى عملك عليها دائرة

خلاص فهمت انت دخلت منين
بس دة كدة مخاطرة جامدة

بالنسبة لتصحيح لما تلاقى الترند جامد وبداء
يعمل تصحيح او اعادة اختبار
اربط الاتنين مع بعض
وجهز نفسك فى الدخول مع الموجة
ومالوش لازمة التصحيح
يعنى دة ملاحظة شفتها كتير قوى قوى
وانا من ضمن الناس دة
بنسيب التراند وندور هيصحح امتى ولحد فين
استغل التصحيح فى الدخول من سعر كويس
ملحقتوش
وفى تصحيح فى الايام الهادية بيكون
من شمعة 18 : شمعة 20
دة بيبقى كويس وممكن تدخل بية لغاية اسيا
نصيحة بدل ماتدور على 45 نقطة تصحيح بمخاطرة
شوف بعديها عمل اكتر من 200 نقطة
وبيتهالى بمخاطرة اقل

الله ينوووووووووووور يا رجالة
ايوة كده....والله بجد المناقشات دي هي اللي فيها الخير كله
حتضرب علي نقط ضعفك و تقويها

اقتباس:

---

المشاركة الأصلية كتبت بواسطة مصطفى شاهين

لاحظ الفرق بين الشارتين

في الشارت الأول لاحظ الشمعة اللي بعد شمعة نهاية الترند ونقطة الدخول

في الشارت الثاني نفس الشمعة فتحة فوق R2 وكسرته لأسفل
يريت نشوف حل في مشكلة إختلاف الرسم على الشارت واختلاف التوقيت والاغلاق والافتتاح

---

مانا قلت التريد مأخر ساعة عن توقيتة الاصلى
يعنى شمعة 9 تبقى فى الاصل 8 وهكذا
وبالتالى حساب مكان الكميريلا والبافيوت
هيكون متغير
خصوصآ لة الشمعة الاخيرة بتاعة نهاية اليوم
كان فيها حركة كبيرة
التريد افضل فى اغلاقات الشموع وحساب الخطوط
بس اعمل اية ما باليد حيلة

مارأيكم في الاسترالي دولار لونج الآن
عناصر الدخول
1- الارتداد من L4 والتشييك على الموفنج
2- حد بولنجر
3-دايفراجينس A
4- شمعة إنعكاس
مرفق الشارت

صفقة الاسترالي دولار لم تحقق الهدف و السعر تم كسر H4 والموفنج وs1 وتقريبا الدايفراجينس وهمي لأن الترند عامل هبوط قوي .

هناك فرصة قيد التكوين على أزواج الباوند دولار واليورو دولار تكتمل الفرصه باكتمال كسر البايفوت واعادة اختباره مع H3 وخط 61 فيبو وميل حدي البلونجر لأسفل

اقتباس:

---

المشاركة الأصلية كتبت بواسطة مصطفى شاهين

هناك فرصة قيد التكوين على أزواج الباوند دولار واليورو دولار تكتمل الفرصه باكتمال كسر البايفوت واعادة اختباره مع H3 وخط 61 فيبو وميل حدي البلونجر لأسفل

---

لم يتم تفعيل الصفقة بالاضافه الى أن هناك دايفراجينسA صاعد مع بداية الامريكية

السوق ملخبط اليوم يظهر علشان محتار مبين الطلوع ولا العودة لاسفل

فرصة علي الدولار ين
بيع من 105.05

تم تحقيق 50 نقطة
و مبروك للي دخل