لا انا كان تعقيبى على الجزء اللى اخونا الفاضل طالب علم اعتبره التالته من القطريه لكن مكنش على الموجه من البداية ..
انا كنت حابب بس اتاكد انك متفق معايا انها سواء الاولى او A ان مفيش اعتراض على كونها خماسيه بغض النظر عن السيناريو اللى تنتمى ليه ..
Printable View
الاستاذ حسن تحية طيبة وبعد هل المعلومة هذه صحيحة أن الموجة y لا يجوز ان تمتد بأكثر من 423% من الموجة w وتقبل احترامي لك وشكرا
فى التصحيح المركب .. هل تصلح ان تكون الموجه دبيو فلاته ممتده ؟
سبب سؤالى هو السيناريو التالى :
الملف المرفق 354949
السلام عليكم
طبعا W ممكن تكون فلاتة ممتدة
و يجب ان يكون عندك سيناريو بديل بالشكل دة
تحياتى
الملف المرفق 354990
وعليكم السلام صباح الخير وجمعه مباركة عليك يا غالى ..
تمام .. بس ليه دبيو ممكن تبقى فلاته ممتده لكن الموجه A عموما لا تصلح ان تكون فلاته ممتده زى ما حضرتك قلتلى قبل كده ؟
بالنسبة للموجه v من (c) انا مرضتش اعتبرها خماسية لان على فريم الدقيقة الموجه v ثلاثيه صريحه وبالتالى اعتبرت ان الموجه (A) فى الترقيم بتاعى ثلاثيه وليست خماسيه
و لا يهمك يا ريس
الموجة المذكورة تبدو بالفعل ثلاثية على الدقيقة
و لكن نظرا لان هذا الفريم مخادع جدا فيمكن ترقيمها بهذا الشكل كترقيم بديل
تحياتى
الملف المرفق 355004
تمام .. انا فاكر كان فى مشاركه لحضرتك ذكرت فيها اثناء رحلتك فى تعلم اليوت انك استعملت التك شارت وفريمات الدقيقه لحد السنوى .. والمفترض ان اى سيناريو سواء رئيسى او بديل انه يتبع نفس القوانين خاصة لما نتكلم عن موجه دافعه او تصحيح ..
حتى بركتر او غيره دايما يقولوا ان نفس الباترن على اى فريم فحابب استوعب منك اكتر السيناريو البديل هنا عليه تحفظ وانا طبعا متفق معاك ان فريم الدقيقة حركاته سريعه جدا ويكفى للقارئ انه يشوف حالا اليورو على الدقيقه دلوقت عامل ازاى ..
وجزاك الله كل خير يا غالى
السلام عليكم
السيناريو البديل هو اهم ما يميز التحليل الاليوتى
و لازم تكون جاهز بيه دايما
خصوصا لما يكون عندك منطقة مشكوك فيها
لأنه بيجعلك تتحول للبديل بمجرد انتفاء السيناريو الاصلى و تقدر تتحرك صح مع السوق
و عندنا مثال حى من ازواج الين على الديلى
استطعنا تحقيق مئات النقاط بمجرد انتفاء السيناريو الاصلى التصحيحيى و دخولنا مع السيناريو البديل الدافعة
تحياتى
انا معاك يا بشمهندس مش معترض على فكرة السيناريو البديل بالعكس دى جوهر المتاجره كله حسب قانون الاحتمال واللى انا شخصيا بعتبره القانون الاول للمتاجره ..
لكن كلامى كان بخصوص ان قوانين اليوت المفروض انها ثابته على اى اطار زمنى فكان استفسارى اننا ازاى نعتبر موجه ثلاثيه على فريم اقل انها خماسيه على فريم اعلى حتى لو ده كان السيناريو البديل .. دى بس كانت النقطة اللى قصدتها
ما اقصده انه فى مناطق الانعكاس ( الاولى او الخامسة ) احيانا يختلط علينا الامر نظرا لان هذه المناطق تكون معقدة او غير واضحة نوعا ما و نقوم بترقم موجة ثلاثية على انها حافزة أو العكس
لكن عندما نكون متاكدين تماما من نوع الموجة لا يجوز ان يكون السيناريو البديل من نوع عكسى
تحياتى