طريقة مطروحة للنقاش والتعديل - ونري في النهاية هل يمكن عمل إكسبيرت لها ؟
في البداية كلنا عارفين إن الهيدج في 90 % من الشركات لا يكون له هامش محجوز ( طالما البيع = الشراء )
يعني لو أنا شاري يورو بعقد ميني والهامش المحجوز 40 دولار ...... لو بعت بنفس حجم العقد ( الهامش المحجوز يكون صفر )
-------------------------------------
الأن نأتي للطريقة محل النقاش
-----------
يقوم الإكسبيرت بفتح بيع وشراء من نفس النقطة ولنفترض من سعر 100
ويقوم بتعليق 5 أوامر شراء فوق السعر ( 110 - 120 - 130 - 140- 150 )
و 5 أوامر بيع تحت السعر ( 90 - 80 -70 - 60 - 50 )
خلينا نتكلم لو على أساس السعر لو صعد وفعل 5 أوامر شراء
هيكون عندنا 6 شراء + 1 بيع = 5 شراء
لو كمل صعود ممكن نغلق على أي ربح إحنا عايزينه
طيب لو فعل الـ 5 عقود الشراء وهبط ؟
يقوم الإكسبيرت بحساب نقطة التعادل للخمس عقود وهي هتكون 130 ويقوم بالبيع بخمس عقود
( وهنا يكون عندنا هدج كامل للحساب والخسارة صفر والهامش المستخدم صفر) يعني كإننا ما دخلناش في أي عملية
ويعود الإكسبيرت مرة أخرى لتعليق 5 أوامر شراء فوق السعر ( 130 ) و 5 بيع تحت السعر ( 130 )
بنفس قيمة العقد الأول ( عقد واحد ميني )
---------------
ملحوظة ليس بالضرورة أن يقوم الإكسبيرت بحساب نقطة التعادل لخمس عقود
ده كان مجرد مثال
المقصود هنا أن الإكسبيرت دائما يحسب عدد العقود ويحدد نقطة التعادل لها ويدخل في عملية معاكسة بنفس قيمة العقود
ويبدأ في تعليق الأوامر مرة أخرى
---------------------
ولازم في النهاية ستستقر العملة على إتجاه سواء هبوط أو صعود
وهيكون لازم معانا 5 عقود شراء لو السعر صعد
أو 5 عقود بيع لو السعر هبط
ونحدد في الإكسبيرت التيك بروفت سواء بالنقطاط لإجمالي العقود .... أو الربح بالدولار
---------------
ياريت نتناقش في الفكرة مع بعض
لإن الفكرة دي لسه مفكر فيها دلوقتي
ويمكن يكون لها عيوب أنا مش أخد بالي منها
