اقتباس:
المشاركة الأصلية كتبت بواسطة Amro
حاضر اخى الحبيب تحت امرك ومعلش اعذرنى انا كنت هرد على مشاركتك لكن كنت نازل والرد على المشاركه طويل فقول او ل ما ارجع هرد عليك إن شاء الله
ركز انت بقى معايا زى انا ما ركزت معاك ههههه بس ركز قوى الله يرضى عليك
طبعا المستويات A , B ,C زى ما قولنا 36 نقطه - 108 نقطه - 216 نقطه
وطبعا كل مستوى الهدف بتاعه هو نفس المساحه
يعنى المستوى الأول هدفه 36 والتانى 108 والتالت 216
طيب تعالى بقى نشوف ايه اللى حصل فى اليوم ده حسب رؤيتك
ساعات الإتزان لليوم ده كانت الساعه 1 والساعه 10 والساعه 19
الساعه واحده كان الدخول شراء من مستوى 1.3326
وتعزيزات المستوى ده هتكون كالتالى
1.3218
1.3110
1.3002
1.2894
1.2786
وجت الساعه 10 وكان الدخول بيع من مستوى 1.3254 يعنى بعد ارتداد 72 نقطه هندخل هيدج , وهدف دخول البيع ده عند 1.3164 وتحقق الساعه 18
وجت الساعه 19 وكان الدخول بتاعها بيع من 1.3110 وهدفه عند 1.3083 وتحقق فى اليوم التالى الساعه 2
إلى الأن احنا فى المضاعفات 1 , 1 , 2 من العقد الأول
ومتنساش اننا دخلنا هيدجين وأخدنا 108 + 108 = 216 نقطه
طيب اليوم التالى ساعات الإتزان كانت الساعه 0 والساعه 6 والساعه 15
الساعه 0 كان الدخول بتاعها بيع ( يعنى هيدج تالت ) من مستوى 1.3074 وهدفه 1.2966 وتحقق الساعه 5
وفى نفس الوقت كنا وصلنا للمضاعفات 1, 1 ,2 , 4 من العقد الأول الشراء
وبعد تحقق هدف عقد الهيدج التالت ده يبقى احنا كده معانا 324 نقطه ب 3 عقود ( خلى بالك من النقطه دى )
طيب دلوقتى الساعه 6 كانت لليوم التالى شراء وطبعا مش هندخل عشان احنا معانا شراء اصلاً , ورغم اختلاف نقطه دخول الساعه 6 مع تعزيزات العقد الأول إلى اننا بردو مش هندخل تبع القاعده عشان احنا معانا شراء
طيب الساعه 7 تم الدخول فى المضاعفه الخامسه للعقد الأول بموجب 16 عقد عند النقطه 1.2786 وبإرتداد 47 نقطه ( لو شمعه الساعه 7 ) وكان هدفه عند 1.2894 وحقق الهدف الساعه 10
ااااااااه ايه ده يا عم انا دماغى وقف ومش عارف حاجه
تعالى بقى كده واحده واحده معايا
العقد الشراء اللى قرفنا ده دخل كام مره
1 , 1 , 2 , 4 , 8 , 16
اجمالى المارجن المحجوز كام ؟
هنقول النقطه بدولار يبقى الإجمالى تقريبا 1280 دولار ( العقد الواحد هنقول 40 دولار )
طيب الخسارة اللى حصلت كام
العقد 1 ارتد 587 نقطه = 587 دولار
العقد 1 التانى ارتد 479 نقطه = 479 دولار
العقد 2 ارتد 731 نقطه= 317 * 2 = 742 دولار
العقد 4 ارتد 263 نقطه = 263 * 4 = 1052 دولار
العقد 8 ارتد 155 نقطه = 155 * 8 = 1240 دولار
العقد 16 ارتد 47 نقطه = 47 * 16 = 752 دولار
اجمالى خسارة الإرتداد = 587 + 742 + 1052 + 1240 + 752 = 4373 دولار
مع المارجن المحجوز = 4373 + 1280 = 5653 دولار
نطرح منهم 324 دولار مكسب ال 3 هيدج اللى دخلناهم يبقى = 5329 دولار
يعنى لحد اخر دخول الحساب فيه خساره 5329 دولار
طيب المكسب اللى حصل كام ؟
ضيف على ال 324 بتوع الهيدج صفقه كمان ب 108 يبقى الناتج الإجمالى لحد ما خرجت من المشوار ده هو
432 دولار
نيجى بقى هنا لعمليه حسابيه تانيه
انا اعتمدت النتيجه على النقطه ب 1 دولار
طيب لو 2 دولار يبقى الخسارة وصلت لحد 10,658 دولار والمكسب 864 دولار
ولو 3 يبقى خسارة 15987 والمكسب 1296
طيب النقطه ب 0.5 دولار يبقى الخسارة 2665 تقريبا والمكسب 216 دولار
وهكذا
إنما تقولى حسابى 30000 دولار وادخل فى طريقة مضاعفات النقطه ب 10 دولار هذا انتحار اخى الحبيب
طرق المضاعفات لابد من تحمل الإرتداد لأنك فى النهايه ستخرج بمكسب إن شاء الله المهم انك تكون داخل صح وحاسب ها صح لأنك هنا انت مش بتحلل نهائياً لأ ده دخول بناء على نظريه معينه وقد يحدث بها ارتداد عشان كده لازم تكون حذر
طرق المضاعفات يعيبها ان قد يكون ارتداداتها كبيره ومكسبها بسيط لكن فى النهايه الخروج بمكسب يبقى هو الحل المحتمل بنسبه كبيييير , وفى المنظومة السداسيه لولا الكمال لله وحده لقلت انه 100 % لكن سأقول 99,9 % ولله الحمد , المهم هى إدارة راس مالك وتحديد حجم نقطه الدخول صح حسب اقصى ارتداد حدث حسب الطريقه وهذا ما ناشدت به الجميع ولكن يبدو ان مبدأ الإعتماد هو السائد
وصدقنى لو قلت للجميع اقصى ارتدادات وحددت كل شيئ وإدارة راس المال بردو هيكون فى خسائر لأن مش انت اللى اكتشفت الموضوع
لازم انت اللى تكتشف عشان تعرف تدير محفظتك
وخلينى اديلك مثال
تخيل كده لو انت فتحت محل تبع وتشترى فيه وانا جبتلك بضاعه عشان تبيعها
هتسألنى بقى ابيع بكام واعمل ايه وابيع ازاى والأسعار ايه ؟
ولا المفروض تشوف انت بقى وتحسب حساباتك وتحط اسعارك حسب احتياجاتك
هى دى القصه بالظبط
انا قولتلك طريقه وبفضل من الله وحده وليست شطارة منى طريقه مربحه وجدا الحمد لله
لو قولتلك تمشى ازاى فيها هقولك على حسب ظروفى انا وشغلى انا وبالتأكيد ظروفى وشغلى مش يناسب كل الناس
يبقى انت تطوع الطريقه دى لشغلك واسلوبك واحتياجاتك وراس مالك
وانا معاك وتحت امرك فى اى وقت
جزاك الله خيراً
فهمت ما طرحت من شرح واف جزاك الله خيرا ولكن المحزن ان الربح قليل جدا جدا جدا بالمقارنة مع راس المال
يعني لو الحساب 1000 دولار حدخل في اول عقد بحوالي 8 سنت تقريبا
يعني سيكون ربح ضئيييييييييييييييييييييييييل
