سلام عليكم يا اخوانى الاعزاء..
طبعا بعد اذن اختنا العزيزة استاذة انصاف حابب اشارككم تجربتى ليس من باب التشتيت او ماشابه لا سمح الله ولكن من باب الرغبة فى أفادة الجميع فقط لاغير والله وحده هو العالم بالنيات..واللى حابب يجرب الطريقة بالتعديلات الجديدة من غير مايتشتت فأهلا وسهلا وخير بركة ..اما اللى حاسس انها هتشتته فلا داعى لها ويعتبر انى ما كتبت شئ..
دى تعديلات على طريقتنا للى حابب يجربها وان شاء الله هتجدوا نتايجها مبهرة وهتحميكم من الدخول فى صفقات عكس الاتجاه وتضطر للتعزيز وتتفاقم الامور مع استمرار الترند فى مواصلة طريقة دون التصحيح وهتخليك تاخد الصفقات اللى مع الترند العام فقط..
عشان ما اطيل عليكم..الاستراتيجية بعد التعديل:
- قنوات Linear regression
- مؤشر الفيبوناتشى MGY Fibo3
- مؤشر ايشيموكو كينكو هيو بإعدادات 2-3-5
- مؤشر موفينج افريج 7 اكسبونينشيال
- مؤشر موفينج افريج 14 سيمبل
- مؤشر موفينج افريج 21 سيمبل
- مؤشر اسمه "THV3 Coral" لتحديد الاتجاه العام ويمكن استبداله بموفينج افريج 61 سيمبل "وهنا لازم اشير الى اخوناالعزيز "hussam hmy" لانه صاحب اقتراح اضافة هذا المؤشر
- مؤشر اسمه "THV3 Trix-divergence" لتحديد نقاط التشبع الشرائى او البيعى والدايفرجنس السلبى والايجابى
- مؤشر MACD بإعداداته الافتراضية
ورجاءا يا جماعة ماحدش يقولى الموفينج سيئ وبيتبع السعر والكلام دا لان الموفينج من مؤشرات الترند القوية ولكن احنا اللى مش بنعرف نتعامل معاه بصورة صحيحة..
طريقة الاستخدام:العمل على فريم الساعة والاسترشاد بالسلوك السعرى على الاربع ساعات ولايومى زى ماحنا شغالين..
الدخول بيع..
لابد ان يكون السعر اسفل مؤشر "THV3 Coral" او اسفل موفينج 61
ان تكون بارات مؤشر MACD تحت خط الهيستوجرام اى سلبى الحالة
ان تتقاطع الثلاثة موفينجات سلبيا
ان يغلق السعر اسفل سحابة مؤشر الايشيموكو
ان يتقاطع المتوسطين المتحركين لمؤشر "THV3 Trix-divergence" سلبيا
ان يتم كسر القناة الصغرى للاسفل على فريم الساعة..ولكن هذا الشرط ليس اساسيا مثل الشروط السابقة بمعنى انه لو توافرت كل الشروط ماعدا الاخير فيتم الدخول ولكن اذا توافر الشرط الاخير فستكون الفرصة اقوى بكتير ان شاء الله..طبعا لو توافرت اشكال فنية اضافية مثل الدايفرجنس مثلا مع كل ما سبق فتكون الفرصة من اقوى ما يمكن ولكن هذه ميزة ثانوية وليست اساسية..ومؤشر "THV3 Trix-divergence" يعطى اشارات للدايفرجنس بكل انواعه تلقائيا ولكن يلزم معه الانتباه واعمال العقل لانه مثل اى مؤشر يمكن ان يعطى اشارات كاذبة فى بعض الاحيان..
الاهداف يتم تحديدها إما من خلال مستويات الفيبوناتشى 123 او 161 او حدود او خطوط منتصف القنوات عالساعة او الاربع ساعات او الديلى يعنى زى ماحنا شغالين عادى برضو..او عند حدوث تقاطع عكسى للموفينجات..ايهما أامن وافضل براحتك بقى..
الستوب لوس بيكون عند انعكاس السعر وافتتاح واغلاق شمعة كاملة فوق مؤشر الكورال او تحته حسب الصفقة باى ولا سل لانو بكسر الكورال بيكون احتمال الانعكاس وتغير الاتجاه وارد جدا..
اما الدخول شراء فسيكون عكس ماسبق طبعا..
الاستراتيجية متروكة لكم للتجربة وعمل فيجوال باك تست وانا شخصيا شغال بيها حاليا على حسابى الحقيقى لان كل مكوناتها جربتها كتير قبل كدا والحمد لله النتيجة ممتازة..
للحصول على المؤشرات والتمبليت برجاء اتباع الرابط التالى :
http://www.mediafire.com/?ofuvjrn5b6f1s4b