الموضوع ده جاء في وقته لاني كنت عاوز اوضح بعض النقط
اولا اللي واخد الموضوع تحدي فده مش فاهم حاجه
المهم مش طريقة مين اللي تكسب . المهم نوصل للطريقة بغض النظر انا اللي كنت اخترعتها او احمد او الدكتور حماده
ايه اللي هستفيده لو الناس قعدت تهلل و تمدح في طريقتي بس انا لسه بخسر
ثانيا
سبب هجوم الكلاسيكين على الرقمي مش زي ما بعض الناس فاكره عشان غيرة او حسد او لان مواضيع الرقمي ليها مشاهدين اكتر ( ده اسمه هبل و اللي بيفكر كده من الكلاسيكين او الرقمي لازم يراجع نفسه )
المشكلة ان بعض الكلاسيكين و انا منهم قبل ما اعتمد اي طريقة في شغلي لازم افهم هيا اساس فكرتها ايه مثلا . انا ممكن اقتنع بمستويات الدعم و المقاومة على انها مناطق قوية بتتركز فيها اوامر البنوك فلما السعر بيرجع ليها بيدافعوا عنها عشان ميخسروش و هكذا
لكن الرقمي و جان اغلب الكلاسيكيين مش بيلاقوا تفسير منطقي ليه
يعني ايه انا ابيع اليورو عشان حصل اقتران لزحل ! ! !
فلو فعلا عند الرقميين تفسير منطقي و حقيقي لاسلوبهم فانا متاكد ان اغلب الكلاسيكيين مش هيكون عندهم مانع ابدا من تعلم الرقمي و البحث فيه و ممكن يضيفوا كمان
لكن لو مفيش تفسير مقنع فحتى لو الطريقة حققت ارباح فده هيكون مجرد حظ مش اكتر و صعب ان اي حد يعتمد على الحظ في الفوركس
