1 مرفق
مساعدة فى اكسبرت يحميك من التذبذب
مبدأياً انا مش بحب ان الواحد يعتمد على الاكسبرت اعتماد كلى و عشان كدا فكرة فى فكرة الاكسبرت ده
فكرة الاكسبرت
احنا لو دخلنا فى بيع مثلا من مقاومة كويسة بيبقى المتوقع
1.لو انت محظوظ السعر هينزل علطول بعد دخولك
2.او يحصل تذبذب شوية و بعد كدا السعر ينزل زى مانت متوقع
3.او يحصل تذبذب شوية بس السعر مينزلش زى مانت كنت متوقع
4.او السعر يعكس عليك علطول بس المفروض ان ده نسبته ضعيفة لو انت داخل من مقاومة كويسة
تمام كدا
اللى انا بقوله بقى فكرة اكسبرت عشان نستفيد من التذبذب ده يفتح صفقات متتالية بدون مضاعفات طبعا
يعنى لو فرضنا انك فى الصفقة اللى كنت هتفتحها كنت هتدخل ب 1 لوت
يبقى اللى هيحصل كالتالى
تفتح صفقة ب 0.5 لوت اللى هى الصفقة الاساسية بتاعتك اللى انت كنت متوقعها
و تعمل اكسبرت بحيث ان هو يفتح من المكان اللى انت دخلت منه صفقة ب 0.1 لوت و الهدف بتاعه 10 نقط
و لو السعر عكس 10 نقط كمان يبيع تانى 0.1لوت و الهدف فى المرة دى هيكون متوسط السعرين اللى دخل من عندهم فى اول مرة و تانى مرة +10 نقط
و لو السعر عكس 10 نقط كمان عن تانى صفققة هيفتح بيع تانى و الهدف هيكون متوسط التلت اسعار اللى دخل عندهم +10 نقط
و رابع مرة نفس الحكاية و خامس مرة نفس الحكاية
و الاكسبرت المرفق بيعمل الفكرة دى بس المشكلة انه بيبيع وبيشترى على حسب مؤشر انا بقى عايز مساعدة ان الاكسبرت ده يتقسم اكسبرتين واحد بيفتح صفقات بيع و واحد بيفتح صفقات شراااء
اعتذر عن الإطالة فى الحديث
الرجاء تكرماً المساعدة فى هذا الاكسبرت لنه هيساعدنى كتير و اعتقد انه هيساعد ناس كتير بردو