السلام عليكم ورحمة الله وبركاتة
موضوعك شدنى لالمامة باشياء كثيرة بتختلف باختلاف المتاجرين فى هذا السوق العنيف
انا هتكلم عن نفسى وعن اقتناعى الشخصى بالمتاجرة فية
طبعا معاك فى نقطة ان لا يوجد استراتيجية ناجحة لوحدها فى هذا السوق بدون تبريد او مضاعفات ودية وجهة نظرى جايز تكون خطا من وجهة نظر الاخرين
اكيد صح من وجهة نظرى انا لانى دة اساس شغلى بالفعل
وان كانت اى استراتيجية اتحكم عليها بالفشل فى اى فترة يمر بها السوق فدة من المتاجر نفسة وليس الاستراتيجية
ممكن متاجر بيشتغل باستراتيجية معينة ويكسب بيها فى فترة معينة وانا شغال بنفس الاستراتيجية وفى نفس الفترة لكن باخسر
يبقى العيب مش فى الاستراتيجية
من وجهة نظرى فى موضوع الاستراتيجيات
مش لازم التزم بيها اوى يعنى ابقى ألة او اكسبرت لو حصل
دة يبقى هبيع او لو حصل الشرط دة يبقى اشترى
فينى انا ورؤيتى للشارت وتعديلى على الطريقة
للوصول الى احسن النتائج ليا وحسب اسلوبى انا
مش شرط اللى يناسبنى يناسب غيرى
مخترع الطريقة مفصلها على نفسة وطريقتة فى المتاجرة
ممكن تنفع بعض المتاجرين لانهم جايز الهدف مشترك
من حيث عدد النقاط اللى ممكن تاخدهم من الطريقة
او جايز طريقة المتاجرة متشابهة بنهم ودة بيحصل
السوق عايز مرونة طبعا فى التعامل مع الاستراتيجية
ولو تعاملت مع اى طريقة على انها الة يبقى هخسر طبعا
وان صدقت معى فترة هتفشل بعد ذلك
انا افهم الطريقة جيدا كما طرحت
وابدا افصلها على مقاسى انا
اخد منها اللى يفدنى ويعالج النقص فى اسلوب متاجرتى انا
ويقوى رؤيتى للشارت اكثر واكثر ودة طبعا هيزيد نسبة
ارباحى او هيقلل من خسائرى يعنى استفاد منها كويس اوى واعتبرها اداة زيادة
من ادوات المتاجرة الخاصة بيا واضفها على اسلوبى