حرب الوشوش

[zamalek]

حرب الوشوش
بص شوف معنى الوشوش
فيه غلابة محرومين
فيه طيابه مكسورين
فيه أحبه مجروحين
فيها أهلي الفلاحين
فيها كمان كتير وحوش
بص شوف معنى الوشوش
وإوعا تخدعك المظاهر
الغني من بره ظاهر
ويناديك بعلو حسه
كله يا بني بالفلوس
بيها تيجي الناس في صفة
وتنحني كل الرؤوس
بس ساعة الاختبار
يبقي كله عالفاشوش
بص شوف معني الوشوش
بص شوف الفقرا يا بني
الفقير عايش وراضي
يومه عدي جميل وهادي
وابتسامة الرضا
ولون سمار من نيل بلادي
وأغلي حاجة لو في جيبة
يبقي فيه حبة قروش
بص شوف معني الوشوش
بص شوف الكدابين
سرقوا خير الفلاحين
قتلوا في الأرض الحنين
لوثوا نيل السنين
ضيعوا عرق الجبين
بص شوف الفراعين
محتالين متجبرين
وإن طلبت الحق يوم
هتلاقيك قدام جيوش
بص شوف معني الوشوش
ونقول كفايا في الوشوش
السجون تاني تنادينا
يالاه يا بتوع الوشوش
واعترافي
إني صافي
وامضتي علي اعترافي
عذبوا فيّه الأماني
اقطعوا مني لساني
برده نيل الحق ماشي
سدكم مش راح يحوش
هيه دي حرب الوشوش
22/08/2009

[amasat]

صح السانك يا الشاعر