صابك غرور
أول ما قلت
إني بحبك
والغرور باين أهو
في طلعتك .. في وقفتك
في كلمتك
صابك غرور
فكرتي نفسك أقوي من غدر الزمان
صابك غرور
وشوفتي نفسك
أعلي حاجة في المكان
صابك غرور
ووصلتي فوق عند النجوم
صابك غرور
وشوفتي إني حاجة تافهة والحنان
وجريت أخبط عالبيبان
يمكن ألاقي ذكري واحدة تفكرك
إني أنا هوه اللي كان
بيعلمك ويكبرك ويصورك
إنك ملاك
وأما العلام بقه في التمام
دوستي عليه والسلام
من غير كلام .. خلص الكلام
صابك غرور
صابك غرور وصبحتي عايشة ف القصور
صابك غرور شايفاني من أهل القبور
صابك غرور .. صابك غرور
صابك غرور ونسيتي إنك من تراب
وإن التراب هيعود تراب
وإن اشتياقي .. هوه اللي باقي
واللي فاضلك حبة بواقي
من ذكرياتنا .. من أمنياتنا
بس خلاص جفت بحور
الذكريات والأمنيات
حتى الأمل إنك تعودي ..
صابه الفتور
صابك غرور

15/08/2009