شكرا يا ابو حميد اشتغلو تمام وشكرا لمعطى على الاستراتيجيهاقتباس:
المشاركة الأصلية كتبت بواسطة ahmedhaggag
Printable View
شكرا يا ابو حميد اشتغلو تمام وشكرا لمعطى على الاستراتيجيهاقتباس:
المشاركة الأصلية كتبت بواسطة ahmedhaggag
طيب الحمد لله عقبال لما تشتغل مع فهداقتباس:
المشاركة الأصلية كتبت بواسطة احمد فهمى
العفو يا باشااقتباس:
المشاركة الأصلية كتبت بواسطة احمد فهمى
والله هو يكفي اهتمامك بينا ودا كرم اخلاق منك يا كبير وربنا يوفقكاقتباس:
المشاركة الأصلية كتبت بواسطة Mo3Ty
وانا بحاول وان شاء الله تبقى النتيجة كويسة
ربنا يخليك يافهد شكرا لذوقك وده واجبي تجاه اخ عزيز مثلكاقتباس:
المشاركة الأصلية كتبت بواسطة الفهد المصري
وان شاء الله حتظبط معاك وتبقا طمنا
وطبعا الشكر للاخ احمد حجاج على مساعدته وبالتوفيق للجميع
https://forum.arabictrader.com/attac...&thumb=1&stc=1
شرح لاخي العزيز روميو لطريقة الدخول بالطريقة
بكل بساطة كما واضح بالشارت
كل حاجة تديك احمر تدخل بيع كل حاجة تديك ازرق تدخل شراء
وموضحهالك بالدوائر لكل مؤشر
وشوفها يا روميو ولو عندك اى استفسار اخر اكتبلي ولو فهمتها برضوا اكتبلي فهمت عشان اطمن
تمام يا حاج انا كدا فهمت الدنيااقتباس:
المشاركة الأصلية كتبت بواسطة Mo3Ty
بس لازم كلو يدى احمر ولا ممكن حاجه او اتنين مع استراتيجيه القناه التالته بتاعتنا
و ايه موضوع المؤشر الى مش راضى يعمل حاجه ده
عموما مشكووووووووووور يا صاحبى لاهتمامك
ايوة لازم كلوا يدي احمريكا مع الثالثةاقتباس:
المشاركة الأصلية كتبت بواسطة romio260
وهو كدة كدة غصبا عنه حيديك دخول بدري عن الثالثة فى صفقات الترند لاننا هنا شغالين ربع وفى الثالثة ساعة فهنا مجرد تاكيد ودخول بدري فقط
حاول فى الاجازة ده تعمل عليها باك تيست مع القناة الثالثة وحتلاقي الدنيا وضحت جدا معاك
وبالنسبة للمؤشر الى مشغال مشعارف المشكلة منين الصراحة يا روميو
بص اتاكد من حاجتين انك فاتح فريم ربع ساعة وانك عدلت من اعدادت المؤشر حتلاقي رقم 30 خليه 15 حيشتغل معاك ان شاء الله
اعملها كدة وقولي ايه النظام وارجع الصفحة الى فاتت والى قبلها حتلاقي احمد حجاج حاطت المؤشر لوحده
ارجوا المساعدة
عندي مؤشرين لا يعملان كما هو موضح في الشارت ما هو الحل؟
بص ياباشا انا نزلت المؤشرين لوحدهم فى الصفحة السابقة نزلهماقتباس:
المشاركة الأصلية كتبت بواسطة creative100
واعمل تمبلت جديد خالص ونزل عليه المؤشرات واحد واحد وعدل فى اعدادت مؤشر pallade بدل 30 خليها 15 وان شاء الله حتظبط معاك
نصيحتين على السريع للشباب المجتهدين المفكرين ..
اتفقنا مرة إن كلمة استراتيجي دي معناها شروط نقاط دخول و خروج .. يتم تنفيذها بصرامة ..
بالتالي اللخبطة بين القناة التالتة ، و القنبلة .. غلط .. خلي القناة التالتة بقوتها الكلاسيكية لوحدها .. تتنفذ بكل صرامة و بدون الرجوع لأي شيء آخر
و خلي القنبلة لوحدها .. بشروطها السهلة و تنفيذها البسيط
إذا تحبوا تدمجوا الدخول في الاستراتيجيتين .. يبقى لازم تعملوا استراتيجي تالت و تشتغلوه فقط لوحده و يكون ليه شروط دخول و خروج واضحة ..
الأهم إن يكون الاتفاق واضح .. ولا تخلطوا الكلاسيكي بالديناميكي ..
النقطة التانية .. التوليفة دي عبارة عن 6 مؤشرات ترند أغلبهم يعتمدوا في معادلاتهم على معادلات المتوسطات المتحركة .. فقط الاختلاف بيكون في البريود اللي بيدرسوها بناء عليه بيكون فيه اختلاف في الإشارات .. مؤشر إشاراته كتير دخوله مبكر أخطاء كتير في التذبذب .. و آخر دخول متأخر أخطاؤه أقل ..
الاستراتيجيات اللي بتعتمد على المؤشرات فقط بكل بساطة وبدون تلاعب في الفريمات أو الازواج أو الأرقام بيلزمها من أجل النجاح .. دخول قوي + توب بروفيت أو استوب لوز بدون تنازل ..
ولازم يكون التارجت واضح ..
جهد مشكور جدا جدا لمعطي و لكل الشباب .. و أنا والله والله سعيد بيكم جدا ، و بستفيد منكم كمان ..
اختبروا استراتيجياتكم جدا .. دققوا على نقاط القوة و الضعف .. اعملوا اوبتيمايزيشن جيد .. حددوا كل النقاط تحديد دقيق .. التزموا .. و بإذن الله تنجحوا جميعا
و عيد مبارك يا شباب ..
ولا أقولكم صحيح .. بلاش سيرة مبارك ده .. خليها عيد سعيد ..
ولا يمكن سعيد اللي هيجي بعد مبارك ده كمان يكون راجل أي كلام ولا حاجة ..
بصراحه مش عارف أقولها إزاي .. لا نافع مبارك ولا سعيد ..
المهم يعني كل سنة و انتم طيبين ..
اهلا اهلا ياباشا عامل ايهاقتباس:
المشاركة الأصلية كتبت بواسطة dawns_mist
واكيد نصائح مهمة
بس ليا تعقيب شخصي عليها
وان سوق الفوركس ادواته بتختلف من شخص لشخص المهم النتيجة موجبة فى الاخر
وشخصيا مقتنع بان الشئ الغير مالوف هو الى بينجح فى هذا السوق
لذلك شخصيا بقدر اجمع بين كذا طريقة كلاسيكي ودينامكي وحمصي لو فيه واشتغل بيها فى نفس الوقت بدون تشتيت بالعكس بنسبة نجاح عالية
ولكن تاكد ان دائما بقولها للشباب هنا وفى ورشة الثالثة لو الطريقة ده حتششتكم بلاش منها فدماغ كل شخص فينا غير التاني فلكل شيخ طريقة وابشرك ان فى ناس عندي فعلا مشمقتنعة بالعمل على الطريقتين فى نفس اللحظة وفعلا مشغالين بيها
فالمهم ان كل شخص يعرف دماغك ماشية فين ويمشي عليها ويكسب فى الاخر مهما كانت نوعية الطريقة
عندي واحد صاحبي شغال بشارت فاضي كل ما اساله ازاى يعني بتكسب وعلى اساس ايه يقعد يقولي تحليل نفسية المتاجرين اقوله ايوة ازاى يعني يقولي مشحتحسها هههههههه بس فى الاخر بيكسب وانا مبهزرش على فكرة فى واحد صاحبي كدة
وشخصيا انا زى ما قولتلك قبل كدة بحب اى حاجة اعرفها او تقع فى ايدي مبخلش بيها على الاخوة فى المنتدى على الاقل اكسب ثوابهم وانا بكدة بكون عملت الى عليا وادتهم المادة الخام وعليهم بتطويرها حسب دماغهم
وشكرا لنصائحك ياباشا وبفرح جدا لما بلاقيك فى موضوع لانك راجل محترم
وانت زاولتني كدة مشعارف اعيد عليك دخلتني فى مبارك وعيد هههههههههه
عامة حقولك كل سنة وانت طيب
تقبل تحياتي
اخوك
+معطي+
شكرا على النصيحةاقتباس:
المشاركة الأصلية كتبت بواسطة dawns_mist
بس اسمحلى اقولك طريقة نجاح القنبلة و دخولنا عليها و ياريت معطى باكد
احنا لسة مشتغلناش عليها كتير و انا شخصيا دخلت عليها مرة واحدة بس
اولا الطريقة الاساسبة طبعا القنوات
ثانيا بنروح للقنبلة فى حالة واحدة بس لو السعر مقدرش يخترق حد القناة او خط الصفر (نقط المقاومة فى القنوات)
ساعتها بروح ابص على القنبلة لو مديا اشارة بيع بندخل معاها
ادتنا اشارة شرا او مفيش اشارة واضحة يبقة خلاص نرجع للاصل و *نترقب لنصطاد*
معطى اكيد بيدخل من نقط تانية اكتر بس انا شايف قوة الدخول بيها يبقو من النقط دى
شكرا يا معطي على الكلام الحلو ده .. و هحاول أنزلك اسكندرية في آخر أيام العيد كده علشان أعيد عليك بجد .. بس من غير فلوس .. هاها
و انت بجد بتعمل اللي عليكو زيادة .. و الاستراتيجي كويسه .. و أنا مش بقول ماحدش يشتغل بـ 2 استراتيجي مع بعض .. بالعكس .. السوق محتاج دايما أكتر من طريقة أو بالأصح أكتر من فكرة
كل اللي كنت بقوله .. ماحدش يتشتت .. يعني ماتخليش إشارة مبكرة في القنبلة تدخلك بدري قبل الإشارة السليمة من القناة التالتة .. و ماتخليش ملاحقة الربح في صفقة كبيرة انت فاتحها على القناة التالتة تخليك ماتقفلش الصفقة اللي انت فاتحها على القنبلة علشان تزود ربحك .. و ماتخليش استراتيجي فيهم تخوفك من الدخول في الاستراتيجي التاني لو كان فيه تضاد في الاتجاه بينهم ..
نفذ الاستراتيجيتين ، و نفذ التالتة و الرابعة لو عندك .. بس نفذهم صح بدقة بدون الانتباه للملاحظات الجانبية .. خلي ملاحظاتك الجانبية على ورقة بعيد عن الحساب الحقيقي لحد ماتعمل من ملاحظاتك طريقة تداول أو تطور بيها طريقتك و تشتغل بيها من أول و جديد على نضيف ..
و كتير من الوقت من عندهم خبرة في السوق يقدروا يشتغلوا على الشارت فاضي من غير مؤشرات .. و ممكن أقولك الأحسن من كده كمان .. ممكن يشتغلوا على الشارت لاين مش شموع ولا بارات .. و أقولك الأحلى من كده إن فيه صديق عزيز عليا بيطبق استراتيجي بدون شارت أصلا .. يعني بيدخل الصفقة من غير مايبص على الشارت نهاااااائي .. و بيدخل يوميا ، و بيكسب على المدى الطويل ماشاء الله عليه ..
و الموضوع مش سر عظيم ولا حاجة .. صديقي اللي بيشتغل على الشارت فاضي شموع بس بيعمل فقط على كسر اتجاه السوق الأمريكي من الساعة 12 إلى الساعة 17 بيعمل ربح ممتاز
و اللي بيشتغل على الشارت لاين بس .. بيدخل في شمعة الساعة 11 يوميا ، و مش بيهتم غير باتجاه الساعة 10 و الساعة 9 و بس .. و هو بيحس بالإغلاقات أفضل مع الشارت لاين
و صاحبي اللي بيشتغل بدون شارت أصلا بيدخل دوريا على كل العملات الرئيسية و الكروسات مع افتتاح اليوم بالاعتماد على قوة و ضعف العملات لإنه بيعمل تحليل أساسي يومي
و فيه أفكار كتير و كتير و كتير تانية .. و مش بقول إن أي واحدة فيهم غلط ..
كل اللي بقوله ..
ابحث عن ضالتك .. احسبها جيدا .. توكل على الله ولكن التزم بشروطك اللي حسبتها و حسمتها من قبل ..
فأنا معاك في كل اللي بتعمله ، و ربنا يوفقك و يوفق كل الشباب هنا .. و ربنا يباركلك في رزقك ، و يبارك في علمك ، و يزيدك قوه على بذل المجهود لمساعدة الناس ، و يارب كلنا نتعلم منك يا معطي و نكون معطائين زيك ..
شدو حيلكم يا شباب .. عايزين ندبح خروف السوق قبل ماندبح خروف العيد ..