عملت اية النهارده .... كلو يدخل

اقتباس:

---

المشاركة الأصلية كتبت بواسطة ahmedessam58

لو سمحت اخى الزيرو ممكن تقول لنا انته شغال بإستراتيجية ايه؟

---

طبعاً ممكن حبيب قلبي .
انا مع إفتتاح السوق الساعة12باليل كل يوم بشوف تحليل أزواج اليورو حسب طريقة أخونا الغالي عمرو (قوة الأرقام ) .. وبدخل على بركة الله على سلة العملات المتفق عليها بصفقات صغيرة ..
اليورو دولار لأنه هو صفقتي الرئيسية كل يوم .. بروح فاتح شارت اليورودولار وأشوف موقع الإفتتاح من منطقة الجذب وأشوف الترندات والدعوم والمقاومات عشان أشوف إزاي هلعب معاه خلال اليوم ..
بس لاحظ إن صفقة اليورو هي الوحيدة اللي بدخلها النقطة بدولار والباقي إما 10-20-30 سنت لكل صفقة ..
وباقي اليوم وانا في المكتب بكون متابع وبشوف لو فيه صفقة حلوة بدخلها .. بس أكتر حاجة بتابع اليورو دولار وبشتغل بناءاً عليه ..

وأدينا بنحاول نتعلم ..

ياريت تلاقي من كلامي ده حاجة تنفعك ..!!

انا متورط في عقدين شراء يورو دولار سعر 1.4230 وبردت من 1.4190
من الاسبوع الماضي ومستني اي صعود عشان اخفف الخساره
بس السوق ممل جدا النهارده

+28 من شراء الكيبل انهارده

السوق ممل اوى فعلن انا وخسرت اليوم كثير ولاكن الواحد مش بيتعلم بالساهل

ممل جدا

عاده يوم الاثنين بتكون حركه السوق بطيئه فلازم الواحد مايستعجل في دخول السوق الا لما يلاقي فرصه مناسبه وواضحه مع ان الي شايفته ان الباوند واليورو رح ينزل شوي
لكن افضل بالنسبه اليورو/دولار - الباوند/دولار الانتظار شوي قبل الدخول في شراء او بيع للتأكد

:) وانا منتظرة

اقتباس:

---

المشاركة الأصلية كتبت بواسطة الزيرو

طبعاً ممكن حبيب قلبي .
انا مع إفتتاح السوق الساعة12باليل كل يوم بشوف تحليل أزواج اليورو حسب طريقة أخونا الغالي عمرو (قوة الأرقام ) .. وبدخل على بركة الله على سلة العملات المتفق عليها بصفقات صغيرة ..
اليورو دولار لأنه هو صفقتي الرئيسية كل يوم .. بروح فاتح شارت اليورودولار وأشوف موقع الإفتتاح من منطقة الجذب وأشوف الترندات والدعوم والمقاومات عشان أشوف إزاي هلعب معاه خلال اليوم ..
بس لاحظ إن صفقة اليورو هي الوحيدة اللي بدخلها النقطة بدولار والباقي إما 10-20-30 سنت لكل صفقة ..
وباقي اليوم وانا في المكتب بكون متابع وبشوف لو فيه صفقة حلوة بدخلها .. بس أكتر حاجة بتابع اليورو دولار وبشتغل بناءاً عليه ..

وأدينا بنحاول نتعلم ..

ياريت تلاقي من كلامي ده حاجة تنفعك ..!!

---

طبعا كلام حضرتك كله افادنى والطريقة ممتازة ولكن تحتاج لإتقان

يا جماعة انا دخلت 3 مرات والحمد لله عوضت خسارتى وتمت بنجاح
1- $aud,chf = 37
2- 27$=aud,usd
3- 30.67$=usd,chf

الحمد لله على كل الحال

اولا احيي صاحب الموضوع على فكرة الموضوع الجيدة

رغم القلق من اليوم وان كل شخص اكلمه يقولي ابعد عن النهاردة عشان اجازة فى امريكا وكندا الحمد لله طلعت بمكسب 87 نقطة وحضع اسباب الدخول وتاكيد المكسب بس عايز اقول حاجة

ايه القلق من التذبذب مشفاهم .انا بحب ايام الاجازات ده اكتر من اى يوم بيبقا التحليل الفني هو الاساس فيها بدون تدخل بنوك ولا حاجة وثانيا لو حصل وان السعر تذبذب فى مكانه ايه المشكلة يعني مانا حطلع على نقطة دخولي وخلاص مش احسن ما ندخل فى يوم عادى وتلاقي نفسك داخل صح ويجي خبر على الدولار يروح عاكسك وضارب ستوب وبعدين يطلع يجيب هدفك وانت تتحسر

عامة ياشباب احنا لو قولنا فى الفوركس مشحندخل يوم اجازات البنوك ويوم الاغلاقات الاسبوعية والشهرية والسنوية وافتتاح الاسابيع والشهور والسنة طيب حندخل امتى مشفاهم كل واحد يدخل حسب طريقته وممكن يقلل الاهداف الايام ده بس حسب قناعاته بس قصة انه ميدخلش ده مينفعش

اسف على الاطالة وانا دخلت النهاردة على عملتين بيع الدولار فرنك واليورو دولار بطريقة القناة الثالثة لان كما واضح الثلاثة قنوات هابطة بقالها 3 ايام وكمان السعر مشقادر يكسر النهاردة كمان القنوات وكسر فيبو فتوكلت على الله بيع وعززت على الدولار فرنك بعد 30 نقطة بعقد كمان لاقتناعي الشديد ان اليوم نازل والحمد لله طلعت بسلام ب 87 نقطة

اخر حاجة نسيت اقولها
انا شايف النهاردة فى كل المنتديات العربية كل مكان ادخلوا الاقيه اخد كيبل وخروف ويورو دولار شراء والسبب عشان الجاب الى حصل
انا معاكم ان الجاب مهم ولازم ناخدوا فى الاعتبار ولكن ده لو كان جاى فى عكس اتجاه الترند العام ندخل مطمنين لانه حيرجع للاتجاه العام اما هو جاى مع الترند العام الهابط يعني عشان ناخد شراء بهدف غلق الجاب يبقا احنا داخلين عكس الترند وده اكبر غلط
ومع العلم ان الجاب مشلازم يتقفل فى نفس اليوم ساعات بياخد وقت يبقا الافضل فى هذه الحالة وهو الى بعمله انا بدخل حسب التحليل الفني والى كان مدينا لسة فى هبوط على الكيبل وخروف وبحط تعزيز من منطقة الجاب بيع مرة اخري
لان الترند العام هابط
( TREND IS YOUR FRIND ) كلنا عارفين المقولة ده بس للاسف معظمنا بيدخل عكسها عشان ظهر قدامه سبب واحد عكس الترند

بالتوفيق للجميع

اخى الفاضل معطى انا الى اشكرك على مشاركتك بموضوعى واعجابك به يزيد لى الشرف
بس انا بالنسبالى اليوم ممل كثير والعملات مش واضحة ولكن بجد انا بستفاد منك الكثير
جزاك الله كل خير

انا الحمدلله خرجت من الباوند صفقة بيع ب 68 نقطة وفقا لطريقة خبرتي

مبروك اخى محمود ممكن تشرحلنا ما هى الطريقة الخاص بيك علشان نقدر نستفاد ونفيد الاعضاء المبتدئين

اليوم الدهب طالع طالع طالع فى السماء :D

موضوع جميل

اليوم مثل كل يوم اتفقد اوضاع صفقاتي (اغلبها مفتوح منذ 5 - 17 aug)

ايضا متربص لأزواج الين صراحه مناطق ممتازه للشراء مدى متوسط خصوصا بعد اخر التصريحات لكن الإنتظار سيد الموقف