نور على نور

استراتيجية زجاجة المياه العكرة

الاستراتيجية دي جميلة جدا ، ولازم نبدأ من أول الأسبوع يعني ممكن مع افتتاح السوق غدا بإذن الله

الاستراتيجية دي هنستخدم فيها مؤشر غير مألوف ، وهو بأننا بنفتح على الديمو مع أول افتتاح الأسبوع عمليات شراء وبيع للعملات التالية كالتالي :

نخلي بالنا احنا شغالين دلوقت على الديمو

هنشتري ورا بعض علطول بدون تأخير سبع عملات وهي :


GBPUSD

EURGBP

GBPCHF

CHFJPY

AUDJPY

EURJPY

USDCHF

اشترينا سبع عملات

دلوقت هنبيع سبع عملات في نفس الوقت على نفس الحساب وهي :

CADJPY

AUDUSD

USDJPY

EURUSD

EURCHF

GBPJPY

USDCAD

كدة عندنا 14 زوج سبعة شراء وسبعة بيع كما ذكرنا ممكن يتعكسوا ما فيش مشكلة بس المهم إن كل مجموعة تتعمل مع بعضها ، بننتظر تقريبا يوم كدة ، و على الميتا تريدر بنضغط على خانة الربح والخسارة بحيث يتم ترتيب الأزواج الربحانة ورا بعض والخسرانة ورا بعض فماذا سنجد ؟؟؟؟؟


هنجد إن كل مجموعة من المجموعتين اللي بيعناهم أو اشتريناهم مترتبين بس فيه زوج أو أكتر دخل وسط المجموعة التانية ، الزوج اللي يفلت من مجموعة ويدخل وسط المجموعة التانية هو اللي هنشتغل عليه ، والتفسير هو إن السبع أزواج الاولانيين عكس السبع أزواج التانيين ، فلما واحد يدخل في وسط مجموعة مش بتاعته يبقى هو ده اللي هنشتغل عليه ، ومن هنا جاءت تسميتي للاستراتيجية بزجاجة المياه العكرة ، لأن المياه العكرة لما بنسيبها بتبدأ تصفى وتجمع المياه النظيفة في مكان والعكارة في مكان آخر ، فإحنا أول ما بنشتري ونبيع أول الأسبوع زي ما قلنا كدة المياه متعكرة يعني كله داخل في بعضه ومش عارفين مين كسبان من مين خسران ، لما بننتظر يوم ونعمل فرز للربح والخسارة الصورة بتتضح ونعرف أنهي عملة اللي ماشية في اتجاه غير مألوف وهي اللي بنتاجر فيها ، سؤالي الآن هو إنه بعد أن تفهموا الاستراتيجية إزاي ممكن نستفيد منها أكتر من الصورة الحالية ؟؟؟؟؟

هناك حالة لو حدثت يمكننا الدخول على الحقيقي بال 14 زوج مرة واحدة كبيع أو شراء فكيف ذلك ؟؟؟؟

بعد الأزواج ال 14 على الديمو لما تترتب ، الوضع المثالي هو إن المجموعة الأولى تكون مع بعضها والثانية مع بعضها ، فيه عندنا مكانين مهمين في ال 14 زوج اللي هم أول مكان من فوق و آخر مكان من تحت ، لو أي واحد من المكانين دول قفز إليه زوج من المجموعة الأخرى بندخل بال 14 زوج يا بيع يا إما شرا كالتالي :

هنرتب المجموعة من ناحية الارباح بالضغط على خانة الارباح في الميتا بحيث نرتبهم بحيث تكون المجموعة الرابحة في الأعلى

ونشوف إذا زوج واحد من المجموعة الرابحة قفز لآخر خانة في المجموعة الخاسرة هندخل بيع بال 14 زوج على الحقيقي

و إذا قفز زوج واحد من المجموعة الخاسرة للخانة رقم واحد من المجموعة الكسبانة بنخل شراء بال 14 زوج على الحقيقي

هي يمكن صعب شوية تتفهم ولذلك أرفقت الاستراتيجية كما كتبها صاحبها بس بالانجليزي

ملاحظة مهمة :

كل العمليات اللي قمنا بيها على الديمو هنسيبها مفتوحة لأنها هي المؤشر بتاع الاستراتيجية حتى انتهاء الأسبوع وفي الاسبوع الجديد نكرر نفس العملية مع الافتتاح

الفكرة اللي بأفكر فيها بخصوص الاستراتيجية دي ، هي عبارة عن دمج للطريقتين مع بعض ، فالطريقة الأولى تعتمد على اختيار الزوج اللي هيدخل من مجموعة للتانية لنتاجر فيه ، والطريقة التانية بتعتمد على المتاجرة بال 14 زوج لما يتحقق الشرط اللي ذكرناه ، طيب لو فكرنا ندمج الاتنين مع بعض ، يبقى نعمل الآتي :

على الديمو نخش أول الاسبوع بال 14 زوج في اتجاه واحد يعني يا بيع يا شراء ، هنسيبهم يرتبوا بعضهم ونعمل لهم فرز ، هنشوف الفرز المبدئي شكله إيه لو ما فيش فيه إشارة لحاجة من اللي ذكرناها يبقى ندخل حقيقي بنفس النتايج اللي موجودة على الديمو يعني لو فرضنا اني دخلت بال 14 زوج شراء مثلا ووجدت بعد الفرز الرابحين يبقى أدخل بيهم شرا و الخسرانين أدخل بيهم بيع ، لو حدث انعكاس لبعض الازواج يبقى احنا في السليم لسة لأني داخل بال 14 صح هيخلف منهم اتنين او حتى اربعة لسة المحصلة في صفنا ، لو لقينا بقى الإشارة اللي حددناها للدخول بال 14 في اتجاه واحد كما ذكرنا يبقى ، نخلي اللي في الاتجاه الصحيح ماشي واللي عكس الاتجاه نقفلهم و نفتح عكسهم ويبقى كدة على كل الاوجه احنا كسبانين بإذن الله

لحد دلوقت وضعت لحضراتكم استراتيجيات أرى شخصيا أنها أفضل ما وجدت و تعلمت ، فاضل بقى موضوع جان و اليوت والبايفوت ، ودول كلهم هأختصرهم بأن أضع لكم رابط موقعين هنديين ، فيهم حاسبات مجانية ممكن نتعلم كل واحدة فيهم هندخل المعلومات إزاي وبعدين هنطلع بتوصيات أو أرقام لنقاط الدخول كبيع أو شراء والاهداف والستوبات ، ودي للعلم والتجربة ، فمن وجد منها منفعة فعلى الأقل يضع لنا هنا رأيه وتجربته الشخصية في استخدامها ، و أسيبكم تستمتعوا وتجربوا و إن شاء الله أرد على الاستفسارات لو كان هناك المزيد وتقبلوا جميعا تحياتي وكل عام و أنتم بخير

ولا تنسوني بدعائكم

تفضلوا الروابط

http://www.smartfinancein.com/stock-...alculators.php

http://www.pivottrading.net/pivot/pivot/homePage.html

جزاك الله خيرا
وشكر لك حسن حرصك على الإفادة

بارك الله فيك اخي الكريم

تحف .. والله تحف ..

الله يزيدك كمان وكمان يا دكتور ..

شكرا لك دكتور محمد الشبراوي عملاق التحليل الفلكي