أخوي عبود...
مواعيد الأخبار الاقتصادية ممكن اتحصلها اف اي سايت اقتصادي..مثلا:
http://biz.yahoo.com/c/e.html http://www.dailyfx.com/calendar/briefing/
ما أقدر أكتب كل شي بالتفصيل الممل..ما بيكفي الموقع..
GDP: GROSS DOMESTIC PRODUCT
يعني إجمالي الناتج المحلي...
يعني قيمة السوق بكل اللي فيه وبكل من فيه مشمولا بالحكومة والصادرات والواردات..
مثال:
قيمة السوق: الاستهلاك+الاستثمار+مصاريف الحكومة+ (الصادرات-الواردات)
انته شو رايك..اذا زاد الناتج المحلى والنمو يعني زين ولا مب زين للاقتصاد..؟
يعني عشان تفهم باللهجة المحلية..
اذا الله رزقك وبغيت تشتري سوق دولة كاملة بكل اللي فيه...
تكلفة او سعر هذا السوق يسمونه GDP
طبعا مب بهالطريقة وبها السهولة..بس لمجرد ايصال الفكرة..
Unemployement Rate
معدل البطالة..
طبعا اذا زاد الرقم يعني الاقتصاد غير قادر على توفير فرص العمل..
واذا ما تشتغل حضرتك يعني ما بتشتري من السوق..
واذا انته وغيرك ما اشتريتوا من السوق يعني في كساد في الاقتصاد المحلي..
وقلة الطلب..
Jobless claim
احصائية لمعدل البطالة الاسبوعية او الشهرية من عدد طلبات تقديم الوظائف في
الجرائد أو مواقع التوظيف..
طبعا هذا ما يعطي ارقام صحيحة 100 في 100..
لأنك بتحصل ناس ما عندها وظيفة ومقدمة على وظيفة..
وناس عندهم وظيفة بس يبون يغيرون وظيفتهم لسبب او لاخر..
طبعا اذا زادت البطالة...يعني الاقتصاد اوكي...صح..؟؟
عبود خلك وياي..أكيد غلط
CPI: Consumer Price Index
تبين المعدل المتوسط للأسعار لسلة معينة من السلع تم بيعها على هذي الاسعار
للمستهلكين اللي يستلمون رواتب وأجور من الحكومة او من الشركات (الموظفين بشكل عام..)
السلع هذي متنوعة واساسية،، مثال (الكهربة، الماي، السكر...الخ)
لكن البيوت والاسهم..ومثل هذي الاشياء تستنى من هالحساب..
هذا اللي قدرت اكتبه..بس تعبت..
اذا تبا اتعرف اكثر...طرش لي ايميل..
[email protected]
عبداالله..
او ممكن تاخذ لك لفة على هذا الموقع...
وتكتب فيه الاشياء اللي ما تعرف معناها اف مكان البحث..
وان شاء الله بتستفيد..
http://en.wikipedia.org/wiki/Main_Page
والمسامحة..