هل بوجد اي قيود على تحويل اموال لشركات الفوركس حاليا

**zagar** · 28-04-2011, 07:59 PM

السلام عليكم
هل بوجد اي قيود على تحويل اموال لشركات الفوركس حاليا لأنى سمعت ان التحويل للخارج ممنوع بقرار من البنك المركزي

**ابــ آدم ــو** · 28-04-2011, 08:03 PM

لا الى اعرفه ليك 10 الف دولار تحويل
واصلا فى الطبيعى اقصى حاجه كنت اقدر احولها فى المره50 الف دولار
اموال عامه بقا نتحول واصلا الفوركس فى مصر كانك عامل جريمه

**zagar** · 28-04-2011, 08:11 PM

شكرا اخى العزيز .......هل معنى كلامك انى ما اقدرش احول اكثر من 10000 دولار ....ماالحل لتحويل 25 الف دولار

**ابــ آدم ــو** · 28-04-2011, 08:17 PM

على يومين او تلاته اضمن علشان القلق وخد بالك بجد فى قلق

**amr eltabei** · 28-04-2011, 08:20 PM

المشاركة الأصلية كتبت بواسطة zagar

شكرا اخى العزيز .......هل معنى كلامك انى ما اقدرش احول اكثر من 10000 دولار ....ماالحل لتحويل 25 الف دولار

حولهم على ثلاث مراحل

**zagar** · 28-04-2011, 08:31 PM

شكر جزيلا .....ولكن ما نوع القلق الي ذكره الاخ ابو ادم ... لانى بجد خفت من الجمله دى

**ابــ آدم ــو** · 28-04-2011, 08:50 PM

اول مره حطيت فيها فلوس محترمه كانت 50 الف دولار ورايح باركليز بقا وداخل بالفلوس ودخلت للتلر الى قاعد بقوله عايز احول 50 الف دولار واديتلو ورقه برقم حساب الشركه واسمها
شوف راح مكلم تليفون داخلى للمدير بتاعه
المدير جه مسك ورقه ورقه يشدها ويشوفها وخد بالك لازم تكون الفلوس جديده مش مبهدله وتكون تقريبا اخر التسعينات وبدايه الالفين صدورها
المهم الراجل المدير قالى نصيحه لانك مش رجل اعمال معروف يعنى فى اللبلد او تقدر تثبت ان فى تعاملات بالالوفات دى كلها خارجه دخله فلما تطلع مبلغ اكتر من 50 الف واكتر من مره البنك اوتوماتك بيحول او فيما يعنى فى قسم فى كل بنك تبع الاموال العامه والكلام ده بيبتدو يرقبو الموضوع وطبعا الموضوع مجرم التعامل مع الفوركس فالقل بيجى من كدا

فانا تلاقينى عامل فى اكتر من بنك حسابات علشان لما اسحب ماسحب كله مره واحده

وبعدين انت لو هتتعامل مع بنك واحد بعد شويه هيعرفوك والموضوع هيبقا اضمن

**zagar** · 28-04-2011, 08:57 PM

شكرا جزيلا اخي ابو ادم على هذا الايضاح

**Alsager00** · 28-04-2011, 09:26 PM

ولو اني مش مصري
بس اسهل لك فيزا
واسرع
وخليك من وجع الدماغ

**zagar** · 28-04-2011, 09:31 PM

شكرا لك اخى الصقر

**رانيا وجدي** · 29-04-2011, 12:15 AM

السلام عليكم ورحمة الله وبركاته

كما تفضل الاخوة هو مش ممنوع , لكن بيتم تأجيل التحويل لموافقة المركزي اولا بالتالي بيستلزم وقت اطول للوصول ده بينطبق علي اي تحويل حتي لو 200 $,

وممكن اذا تعرف حد بالبنك اللي بتتعامل معه تسأله بهذا الخصوص هيفيدك اكتر , وحسب معلوماتي مفيش مشاكل ان شاء الله وممكن تقسم المبلغ علي مراحل

جرب اول مرة بثلث او نصف المبلغ وشوف الامور هتكون ازاي , وعموما ماتقلقش لان بتاخد معاك نسخة من تقرير حسابك بالشركة او الايميل اللي ارسلته الشركة لك عند فتح الحساب كدليل انك لك حساب بالشركة وتحويلك موجه لهذا الحساب , والامور بتسير بشكل طبيعي بعدها

اتمني اكون افدتك

تحياتي وتقديري

**zagar** · 29-04-2011, 12:28 AM

شكر جزيلا اخت رانيا على هذا الايضاح ... الف الف شكر

**ابــ آدم ــو** · 29-04-2011, 12:35 AM

اخت رانيا الكلام ده من امتى بتاع البنك المركزى انا من شهر اعرف واحد حول حوالى 3 الف واصل تعاملنا مع وندسور بندع الفلوس وناخد ورقه التحويل واسكان ونبعتها للششركه وبينزل الفلوس بالحساب انا معرفش موضوع المركزى صراحه

**رانيا وجدي** · 29-04-2011, 03:09 AM

المشاركة الأصلية كتبت بواسطة ابــ آدم ــو

اخت رانيا الكلام ده من امتى بتاع البنك المركزى انا من شهر اعرف واحد حول حوالى 3 الف واصل تعاملنا مع وندسور بندع الفلوس وناخد ورقه التحويل واسكان ونبعتها للششركه وبينزل الفلوس بالحساب انا معرفش موضوع المركزى صراحه

من بعد الثورة مباشرة بيتم التدقيق في الاموال الصادرة والواردة بيوافق المركزي اولا عليها وهو اجراء روتيني عادي غير مؤثر بالنسبة لنا عند الايداع بحسابتنا لان عندنا مايثبت امتلاك حسابات بهذه الشركات

**رانيا وجدي** · 29-04-2011, 03:10 AM

المشاركة الأصلية كتبت بواسطة zagar

شكر جزيلا اخت رانيا على هذا الايضاح ... الف الف شكر

اهلا وسهلا بك اخي الكريم لا شكر علي واجب

بالتوفيق ان شاء الله

الموضوع: هل بوجد اي قيود على تحويل اموال لشركات الفوركس حاليا

أدوات الموضوع

هل بوجد اي قيود على تحويل اموال لشركات الفوركس حاليا

الاوسمة لهذا الموضوع

عروض شركات الفوركس