المتيـم : ورشة تعليمية - من كلاسيكيات الشارت .. تحليلات وفرص

[mohamed salama 5]

السعر نزل تقريبا 35 نقطه ولله الحمد
فى عنجنا اعلان محضر الاجتماع الفيدرالى الامريكى
كده كده هيأثر على السوق
احنا بعيد عن الدولار
بس ممكن نشوف بعض التذبذبات على الكروسات
فى المجمل عندنا 3 اختيارات
1. الخروج على ربح .. بناء على المثل المصرى الجرى نص الجدعنه
ونقول القناعه كنز لا يفنى ونبوس ايدينا وش ودقن
2 . ننقل الاستوب على نقطة الدخول ... يمكن الخبر يأثر على الزوج بالسلب وينهار ونستفاد من الحركه
3 . نثبت على موقفنا ياهدف يا استوب
............
افضل اختيار
اغلاق على ربح
والدخول فى المدرجات للمشاهده
.......
والله اعلى واعلم

انا فى الحالات دى بافضل ان الجرى وباعتبرة كل الجدعنة
مش خوف من السوق فية ستوب لوز يحمى الثفقة ولكن مش برتاح من التقارير ونتائج الاجتماعات اللىبيلفوا ويحوروا فيها
وانتا قاعد على اعصابك
الفرص كتير فى السوق بس الاقتناص الصحيح للفرصة
((صفقة موفقة باذن اللة))

[strongman9999]

الورشة ورشتك يا غالى واسعد بمشاركتك فيها ..

بارك الله فيك

متابعين معاك

تسجيل حضور ومتابعة

ودي وتقديري

[dr.ahmed.samir]

..... اليورو استرالى .....


- للتذكير تحدثنا عن الزوج منذ ايام ولا يزال تحت المراقبه باذن الله ..







نسال الله السداد والتوفيق ،،

[mohamed salama 5]

..... اليورو استرالى .....



- للتذكير تحدثنا عن الزوج منذ ايام ولا يزال تحت المراقبه باذن الله ..







نسال الله السداد والتوفيق ،،

اليورو دولار امبارح كسر الترند الهابط الشهرى واخبار الاسترالى النهاردة ايجابية واليورو اسعار الاستهلاك سلبيةالى حد ما
اعتقد ان الفيصل فى صعود وهبوط اليورو اليوم هى اخبار الدولار والباوند واحتمال كبير تكون ايجابية
واللة اعلم

[dr.ahmed.samir]

اليورو دولار امبارح كسر الترند الهابط الشهرى واخبار الاسترالى النهاردة ايجابية واليورو اسعار الاستهلاك سلبيةالى حد ما
اعتقد ان الفيصل فى صعود وهبوط اليورو اليوم هى اخبار الدولار والباوند واحتمال كبير تكون ايجابية
واللة اعلم

كل شئ جايز يا غالى ..

لكن شخصيا لا اضع للاخبار ثقلا فى تحليلى او رؤيتى لاى شارت فالسعر لدى هو الفيصل الوحيد الاوحد ولا غيره ..

والله اعلم ،،

[basuoni]

من تسعه الصبح لحد دلوقتى فى الشهر العقارى
من مكتب لمكتب ومن موظف لموظف لحد ما الواحد دماغو ساحت
روتين كرييهه
......
متابعين بأذن الله اليورو استرالى

[dr.ahmed.samir]

من تسعه الصبح لحد دلوقتى فى الشهر العقارى
من مكتب لمكتب ومن موظف لموظف لحد ما الواحد دماغو ساحت
روتين كرييهه
......
متابعين بأذن الله اليورو استرالى

Welcome To Egypt .. ☺

[basuoni]

انا فى الحالات دى بافضل ان الجرى وباعتبرة كل الجدعنة
مش خوف من السوق فية ستوب لوز يحمى الثفقة ولكن مش برتاح من التقارير ونتائج الاجتماعات اللىبيلفوا ويحوروا فيها
وانتا قاعد على اعصابك
الفرص كتير فى السوق بس الاقتناص الصحيح للفرصة
((صفقة موفقة باذن اللة))

الموضوع مش خوف
الموضوع ان الواحد لازم يعرف حجمه فى السوق
احنا مش قد السيوله اللى بتدخل وقت الاخبار طالع نازل ..نازل طالع ... يضرب استوبات ويرجع .. او انفجارات
مشكله
تحس ان فى واحد قاعد على زرار وعمال يلعب
......
وزى ما انت بتقول الفرص كتير
يعنى الاسترالى فرانك عمل بين بار على الساعه تانى من نفس المقاومه
كان ممكن ندخل بعدها تانى من سعر افضل من اسعار امبارح بأستوب
بس مكنتش موجود للاسف
.....
يعنى نفس الزوج ادانا فرصه تانيه

....

[dr.ahmed.samir]

صباح الخير وجمعة مباركة باذن الله ...

[mohamed salama 5]

صباح الورد جمعة مباركة ان شاء اللة

[mohamed salama 5]

يا دكتور كان فية حاجات كنت عاوز اعرفها منك بامانة
انتا بتاجر يوم الاثنين والجمعة
هل بتعتمد على الكلاسيكى فقط (ترندات +دعوم +مقاومات+فيبو+انماط سعرية ---الى اخرة )ولا فية مؤشرات
اصل بلاقى الشارت عندك فاضى قناة وبس ترند وخط دعم وانا مش شايف الشموع من الفرح اللى عندى
على اى اساس بتعتمد نقطة الدخول واعرفها ازاى هل انتا بتتوقعها قبل ما السعر يصل اليها
على اى اساس بتخرج من الصفقة
حاجات كتير عاوز اعرفها بس لما تجاوب على دووول الاول
معلشى انا عارف ان صدرك رحب ودة بيطمعنا فييك

[dr.ahmed.samir]

يا دكتور كان فية حاجات كنت عاوز اعرفها منك بامانة
انتا بتاجر يوم الاثنين والجمعة
هل بتعتمد على الكلاسيكى فقط (ترندات +دعوم +مقاومات+فيبو+انماط سعرية ---الى اخرة )ولا فية مؤشرات
اصل بلاقى الشارت عندك فاضى قناة وبس ترند وخط دعم وانا مش شايف الشموع من الفرح اللى عندى
على اى اساس بتعتمد نقطة الدخول واعرفها ازاى هل انتا بتتوقعها قبل ما السعر يصل اليها
على اى اساس بتخرج من الصفقة
حاجات كتير عاوز اعرفها بس لما تجاوب على دووول الاول
معلشى انا عارف ان صدرك رحب ودة بيطمعنا فييك

يا اهلا محمد الغالى ..

شوف عشان نبسط الامور فى عدة نقاط والكلام يبقى واضح ..

- بالنسبة للمؤشرات فانا موقفى واضح منها من زمان جدا فى بداية الورشة هنا من خلال الدرس الخاص بالنقطة دى ..

درس ( 4 ) " المؤشرات الفنية .. بين القيل والقال "

يعنى الفكرة ببساطة انى احيانا استعمل مؤشر الماكد فقط للاطلاع على حالة الزخم والدايفرجنس وبردو عشان الناس تبقى فاهمة الكلام بالشكل الصحيح هو مجرد اداة لا تغنينى ابدا عن الحركة او السلوك السعرى اللى انت تفضلت بذكره من دعوم ومقاومات وخلافه ..

- موضوع الشارت الفاضى بالنسبة ليا امر حتمى لانى معرفش اتعامل مع المهرجانات .. وبعدين تخيل ان كل الفرح اللى بتحكى عنه هو مجرد توابع مطيعة وباستكانة لبيانات الشمعة التالية يبقى ازاى يكون ليها المقام الاول فى المتابعه لدرجة ان السعر نفسه او الشموع مش باينة اوى ؟

- بحط الستوب ازاى ؟ بحطه على اساس ان السبب الرئيسى لدخولى الصفقة لا يزال صحيح وتجاوز السعر للستوب يعنى انسحابى من الصفقة ايا كانت النتيجة ( طبقا للحد الاقصى للمخاطرة لدى ) ..

- الهدف ازاى ؟ بردو طبقا للدعوم والمقاومات وياما خرجت من صفقات بدرى وياما اتاخرت فى الانسحاب فى صفقات اخرى كان ممكن تفادى الخسارة فيها .. خلاصة القول ان المسالة نسبية جدا طول ما انت فى مراحل التعلم واكتساب الخبرة لحد ما هتوصل لقناعتك الشخصية سواء بخصوص الستوب او الهدف وحقيقى مش هتفرق عندك وقتها مكسب صفقة ولا خسارة اخرى لانك مطمئن للقواعد اللى انت شغال بيها وحاطط مبادئ واضحه من ناحية ادارة راس المال والرسك ريورد تحديدا ..


ياما اتكلمنا عن اهمية ادارة راس المال وان العبرة مش بالادوات الفنية ولا حتى المهارة فى استعمالها بقدر ما هى بطريقة التزامك بحدود المخاطرة اللى انت ارتضيتها لنفسك لكن الكلام النظرى شئ وتطبيقه على ارض الواقع شئ اخر وهو ده الفرق اللى بيتبنى على مدار الوقت والسنين ما بين متاجر مبتدئ تدفعه الحماسه والتحفز لكل و اى صفقة وكل و اى حركة سعرية تحصل على الشارت ( طلع 50 نقطة يشترى نزل 100 يبيع ) وما بين متاجر بقى همه فى المقام الاول مخاطرته هتكون فين والهدف بتاعه نسبته اد ايه مقارنة بالستوب ..


حابب بردو اقول حاجه لكل حد يقرا الكلام ده ويبقى مش مقتنع بيه .. لما تلاقى كلام غير مقنع بالنسبالك مش شرط انك تكون صح فى التوقيت ده لكن سيب الامور للوقت جايز تغير رايك ..

واخيرا هقول اشهر مثال شخصى عندى بخصوص موضوع القناعة .. انا شخصيا كنت واحد من الناس الغير مقتنعين تماما تماما باليوت وكنت اعتبر ان الكلاسيكى يكفينى ومع الوقت والتعمق اكتر فى الكلاسيكى كان عندى بعض الاسئلة الفنية التى يعجز الكلاسيكى عن تفسيرها فى رايى المتواضع لحد ما احد الاعزاء والمعروفين جدا بالمنتدى اشار على بضرورة دراسة اليوت ووقتها قعدت اضحك وقلتله بس الحمد لله الامور كويسة جدا عندى مع الكلاسيكى نظريا وعمليا وربحيا .. رد عليا بمنتهى الثقة وقالى اسئلتك اجابتها فى اليوت ..

ومع اول كورس شفته لاليوت ادركت تماما قيمة هذا العلم واصريت على دراسته بشكل اجتهادى و شخصى ..

عشان مطولش اكتر من كده باكد على ان قناعتك النهاردة بخصوص اى شئ يتعلق بالمتاجرة او السوق او الشارت او اى نوع من التحليل مش شرط ابدا تكون هى نفسها نفس القناعة بعد سنة او اتنين او عشرة


ودى كانت دردشة فى صباح الجمعة يا رب يكون الجميع استفاد بيها ..

[mohamed salama 5]

انا بجد تعبتك معايا
هذة الفقرة - موضوع الشارت الفاضى بالنسبة ليا امر حتمى لانى معرفش اتعامل مع المهرجانات .. وبعدين تخيل ان كل الفرح اللى بتحكى عنه هو مجرد توابع مطيعة وباستكانة لبيانات الشمعة التالية يبقى ازاى يكون ليها المقام الاول فى المتابعه لدرجة ان السعر نفسه او الشموع مش باينة اوى ؟

انا فاهم ان الدعوم والمقاومات تتخلق وتنشا من خمسة اشياء للشمعة وهم ((الهاى +اللو +الفتح +الاغلاق +منتصف الشمعة ))وبهم وعلى اساسهم احدد الدعوم والمقاومات للشمعة التالية سواء كانت يومية او شمعة اسبوعية وبتزيد الاهمية اذ ا تطابق مع اداة اخرى مهمة وبالنسبة لى اماكن تواجدهم هدف للصفقة احيانا *يوضع الاستوب خلف او امام اى مستوى منهم وحضرتك بتقول انهم مجرد توابع مطيعة وباستكانة لبيانات الشمعة التالية *دة هما اللى بيحددوا المناطق المهمة القادمة
ارجو لو فية لبس ارجوا التصحيح

[dr.ahmed.samir]

انا بجد تعبتك معايا
هذة الفقرة - موضوع الشارت الفاضى بالنسبة ليا امر حتمى لانى معرفش اتعامل مع المهرجانات .. وبعدين تخيل ان كل الفرح اللى بتحكى عنه هو مجرد توابع مطيعة وباستكانة لبيانات الشمعة التالية يبقى ازاى يكون ليها المقام الاول فى المتابعه لدرجة ان السعر نفسه او الشموع مش باينة اوى ؟

انا فاهم ان الدعوم والمقاومات تتخلق وتنشا من خمسة اشياء للشمعة وهم ((الهاى +اللو +الفتح +الاغلاق +منتصف الشمعة ))وبهم وعلى اساسهم احدد الدعوم والمقاومات للشمعة التالية سواء كانت يومية او شمعة اسبوعية وبتزيد الاهمية اذ ا تطابق مع اداة اخرى مهمة وبالنسبة لى اماكن تواجدهم هدف للصفقة احيانا *يوضع الاستوب خلف او امام اى مستوى منهم وحضرتك بتقول انهم مجرد توابع مطيعة وباستكانة لبيانات الشمعة التالية *دة هما اللى بيحددوا المناطق المهمة القادمة
ارجو لو فية لبس ارجوا التصحيح

المقصود بالتوابع هى المؤشرات اى انها تابع للسعر يعنى المؤشر ياخذ البيانات من السعر وليس العكس ..

[mohamed salama 5]

فعلا يا دكتور كلامك صحيح السلوك السعرى هو طوق النجاة فى هذا السوق ((هو اولا واى شى اخر ياتى بعدة))
تحياتى