طريقه عمل مقترحه

شكرا يا مصطفى باشا على الطرح الرائع

اقتباس:

---

المشاركة الأصلية كتبت بواسطة mm110575

شكرا يا مصطفى باشا على الطرح الرائع

---

ان شاء الله تستفيد
و اتمنى لو ليك اى ملاحظه تقولنا عليها

اتوقع الاستمرار في هذا الموضوع ياهله ليكون افظل موضوع بالمنتدى من ال 2010 ليس لكونه ورشه فقط بل لكونه يتكلم عن دعم ومقاومه تجبر السعر على احترامها ولونه منطقي جدا

حد يقولى دلوقتى يعنى الطريقه كلها دعوم و مقاومات بس؟؟
انت جبت ايه جديد؟؟

اقوله مش لازم جديد المهم تكسب :)
:0023:

المهم
القمم و القيعان الرئيسيه لا يتم الدخول معاها الا بعد ظهور شكل انعكاسى على الشموع
اما القمم و القيعان الفرعيه لا يتم الدخول معاها الا بعد اختراقها ( عشان مندخلش عكس الاتجاه )
نحط امر معلق على نقطه الاختراق و نسيبها
و الاهم نصبر لان نسبه اعاده الاختبار عاليه جدا :)

مثال الشارت التالى
اليورو دولار ربع ساعه
الملف المرفق 265308
كما نرى 5 اعادات اختبارات
3 منهم تحقق الدخول بانعكاس اقصاه 8 نقط
و 2 منهم لم يتفعل اعاده الاختبار ( الصفقه الاولى لها وضع خالص سيتم شرحه اخر المشاركه )
اى النتيجه 3 صفقات فى 5 ايام بمجموع مكسب 135 نقطه على اقل تقدير ىفى حاله الاغلاق فوق الوصول الى التارجت ( الطريقه الاولى )
و فى حاله فتح الصفقات و عدم اغلاقها و استخدام التعزيز فى حاله ظهور فرص اخرى ( الطريقه الثانيه ) سيكون اجمالى المكاسب 265

اما فى حاله احتساب الصفقه الاولى ( هاشرحها بعد قليل ) سيكون مكاسب الطريقه الاولى 205
و الطريقه التانيه 425
:0023:

مالها بقه الصفقه الاولى
نشرحها واحده واحده
السعر حاول مرتين يخترق مستوى 1.3965 و فشل
لكن تالت مره السعر اخترقه فعلا
يبقى نحط امر شراء عند 1.3965 و نصبر فى انتظار اعاده الاختبار
لكن لقينا السعر عمل قاع عند مستوى 1.3980 و ارتد بقوه لاعلى
ده دليل على قوه الاتجاه الصاعد
فبدل ما نسيب الامر المعلق عند 1.3965 نرفعه لمستوى 1.3980
لان 1.3980 اصبح هو الدعم الجديد و ليس 1.3965
و نصبر
و فعلا السعر ينزل يفعل الامر عند 1.3980 و يرتد صعودا للتارجت عند 1.4050 بموجب70 نقطه ان شاء الله

حد فهم حاجه :)

اقتباس:

---

المشاركة الأصلية كتبت بواسطة النابلسي

اتوقع الاستمرار في هذا الموضوع ياهله ليكون افضل موضوع بالمنتدى من ال 2010 ليس لكونه ورشه فقط بل لكونه يتكلم عن دعم ومقاومه تجبر السعر على احترامها ولونه منطقي جدا

---

ان شاء الله يا اخى الكريم

يبقى النجاح فى الطريقه ليه خطوتين بس

1- تحديد الاتجاه العام عن طريق القمم و القيعان السابقه
2- السعر من قاع لقمه او من قمه لقاع لازم يعمل قمم و قيعان فرعيه و احنا بندخل من كسر القمه او القاع و اعاده الاختبار

دلوقتى عشان نقسم الشرح و نرتبه
لازم نعرف الاتى
1- ازاى احدد الاتجاه العام عن طريق القمم و القيعان ؟؟ و اعمل ايه لو الاتجاه متذبذب؟؟
2- ازاى اعرف احدد اعاده الاختبار المثاليه ؟؟

و بعد كده هانعمل باك تيست على اليورو و الباوند على اغلب الفريمات

و ربنا يسهل

بس بكره بقه عشان ايدى وجعتنى :)

كيف نحدد الستوب وكيف نحدد الهدف اذا لم تتكون لدينا قمة بعدالاختراق او لم يتكون قاع بعد الكسر.
وشكرا على الطريقة الجميلة جدا بارك الله فيك

good work ......keep going

اقتباس:

---

المشاركة الأصلية كتبت بواسطة sakana

كيف نحدد الستوب وكيف نحدد الهدف اذا لم تتكون لدينا قمة بعدالاختراق او لم يتكون قاع بعد الكسر.
وشكرا على الطريقة الجميلة جدا بارك الله فيك

---

ازاى مش هايتكون قمه بعد الاختراق او قاع بعد الكسر :)
امال السعر ازاى كسر او اخترق و هبط تانى لاعاده الاختبار

:)

اقتباس:

---

المشاركة الأصلية كتبت بواسطة maxmous

good work ......keep going

---

thank you

اقتباس:

---

المشاركة الأصلية كتبت بواسطة مصطفى خالد

بصو على الاسترالى فريم الربع ساعه
اعتقد فى فرصه مش بطاله ان شاء الله

الملف المرفق 265233
الزوج ارتد مرتين من 68 ( اعاده اختبار سابقه )
و دلوقتى اخترقه

نحط امر شراء معلق عند 1.0068 ( و نستنى اعاده اختبار المقاومه المكسوره ) لتارجت اول ان شاء الله 1.0108 (اقرب قمه )
تارجت تانى 1.0141
ستوب 1.0045

لو السعر وصل لاول تارجت انا عن نفسى هاقفل العقود كلها و استنى او اخترق 1.0108 و احط شراء تانى و استنى اعاده الاختبار
لكن الى مستنى ممكن يصبر على الكسر ( لو حصل ) و يعزز تانى من اعاده الاختبار

و ربنا يسهل

اعملو تريلنج ستوب 15 او 20

---

حد خد باله انها اتفعلت و جابت الهدف الاول :)

اقتباس:

---

المشاركة الأصلية كتبت بواسطة مصطفى خالد

فى فرصه على الباوند دلوقتى

مين يعرف يطلعها :)

---

محدش عرف يطلعها :(

اقتباس:

---

المشاركة الأصلية كتبت بواسطة مصطفى خالد

ازاى مش هايتكون قمه بعد الاختراق او قاع بعد الكسر :)
امال السعر ازاى كسر او اخترق و هبط تانى لاعاده الاختبار

:)



thank you

---

لانه ببساطة هناك حالات يتم فيها الاختبار مباشرة بعد شمعة الكسر او الاختراق وبالتالي تكون القمة هي هاي او لوشمعة ا لاختبار فكيف نحدد الهدف في هذه الحالة. انظر الشارت المرفق فيه مثال
ولم تجب اخي على سؤالي كيف نحدد الستوب لوز وشكرا

اقتباس:

---

المشاركة الأصلية كتبت بواسطة sakana

لانه ببساطة هناك حالات يتم فيها الاختبار مباشرة بعد شمعة الكسر او الاختراق وبالتالي تكون القمة هي هاي او لوشمعة ا لاختبار فكيف نحدد الهدف في هذه الحالة. انظر الشارت المرفق فيه مثال
ولم تجب اخي على سؤالي كيف نحدد الستوب لوز وشكرا

---

اه فهمت قصدك
فى الواقع ده بيحصل احيانا
المفروض انك بتحط امر البيع فور اختراق الشعر بشمعه هابطه
و تسيبه
ساعات بيعيد الاختبار زى ما انت لاحظت بالظبط فور الاختراق
لكن بيكون اشاره على ان الاتجاه مش قوى جدا

اما تحديد التارجت و الاستوب فى الحاله دى
لتارجت بيكون القاع المتكون بعد الاختراق
يعنى فى الصوره مستوى 114.13
و الاستوب ليه طريقتين
طريقه حسابيه هى انك تشوف التارجت كام نقطه و تقسمه على 2 او 3 و تضيفه على نقطه الدخول
طريقه ميزتها ان الاستوب بيكون صغير

تانى طريقه
وضع الاستوب فوق القمه الفرعيه الى السعر هبط منها و كسر المستوى
كما موضح فى الصوره

الملف المرفق 265435
ميزتها ان الاستوب قليل ما بيتضرب لكنه بيكون اكبر من الطريقه الاولى

عموما لسه هاشرح الحاجات دى كلها مستقبلا

اقتباس:

---

المشاركة الأصلية كتبت بواسطة النابلسي

اتوقع الاستمرار في هذا الموضوع ياهله ليكون افظل موضوع بالمنتدى من ال 2010 ليس لكونه ورشه فقط بل لكونه يتكلم عن دعم ومقاومه تجبر السعر على احترامها ولونه منطقي جدا

---

السلام عليكم

أخي رائد ألا تذكرك الطريقة بطريقة الوافي حين نبحث عن مستويات الدعم و المقاومة التي يحترمهم السعر؟؟؟

قصه حياه صفقه :)
تلخلص لصفقه حقيقيه مثاليه توضح ان شاء الله حاجات كتيره
و كل الصفقات التانيه تعتبر تكرار ليها

اليورو ديلى
الملف المرفق 265436
حاليا اليورو واقف على دعم 1.3425 و محدش عارف هايكسره و لا لا
و احنا مش عارفين و بالتالى مش هاندخل السوق

الملف المرفق 265437
فى الشارت التالى السعر كسر 1.3425 بقوه
يعنى دلوقتى عندنا نقطه الدخول
لكن ناقص التارجت و الاستوب
و زى ما فى الشارت السعر وصل لمستوى 1.3860 و عمل شمعه سبيننج توب ثم شمعه هابطه بقوه
اذن القمه عند 1.3860 و هى دى هدفنا ان شاء الله
نحط دلوقتى امر شراء معلق بس فين بالظبط للدخول فى افضل نقطه ممكنه ؟؟
و احط الاستوب فين ؟؟

الملف المرفق 265439
فى الشارت ده قدامنا نقطتين دخول ممتازين
1.3490 و 1.330
فى الحقيقه كلامها نقط جيده للدخول لكن فى حاله زى دى حط الامر بتاعك على النقطه الابعد
و الاستوب تحت اقرب قاع

دلوقتى عندنا شراء بتارجت 450
ستوب 190
يعنى نسبه مخاطره 2.3 ل1

الملف المرفق 265440
دلوقتى الامر اتفعل ( سواء كانت نقطه دخولك 1.3490 او 1.330 )

نعمل ايه دلوقتى
نقفل الشارت و نبقه نفتح تانى كمان اسبوع كده ( لاننا شغالين على الديلى :) )

الملف المرفق 265441
التارجت جه بانعكاس اقصاه 60 نقطه لو دخلت من لنقطه الاقرب كمان
:)


و ملحوظه مهمه
فى حاله الارتداد من اعاده الاختبار بيكون بنسبه كبيره السعر هايكسر التارجت ( القمه او القاع )
لكن احنا بنحاول نشتغل فى الاقل خطوره

يعنى لو انت شارى تقدر تسبها لكنى انا عن نفسى اقفل و استنى فرصه اخرى

هل فى اسئله عن الصفقه او حاجه مفهمهاش :)
عشان ندخل على الى وراه

اقتباس:

---

المشاركة الأصلية كتبت بواسطة أبو عمران

السلام عليكم

أخي رائد ألا تذكرك الطريقة بطريقة الوافي حين نبحث عن مستويات الدعم و المقاومة التي يحترمهم السعر؟؟؟

---

انا سمعت كتير عن طريقه الوافى فى المنتدى
هل لديكم تلخيص عنها ؟؟ او اى حاجه عشان اقراها بتوسع اكتر؟؟؟

ان شاء الله تفيد