استاذ رمضان
انا متابع مواضيع التسهيل الكمى الى انت منزلها و عاجبانى جداااااااااااا
https://forum.arabictrader.com/t108598.html https://forum.arabictrader.com/t107482.html
كان عندى تصور بخصوص الاجراءات الامريكيه فى التعامل مع الازمات دى
اولا نتفق ان الاقتصاديين الامركيين من عبط و لا بيتصرفو بعشؤائيه
و طبعا انت متابع الضغط الامريكى على الصين لرفع سعر صرف عملتها ( الى مش مدرجه فى الفوركس و مربوطه بسعر صرف الدولار)
http://ara.reuters.com/article/busin...68K04520100921 http://www.masrawy.com/News/Economy/...721Update.aspx
و كلنا شايافين ان الدولار عمال كل يوم بينخفض قصاد اليورو و الباوند و الين
باختصار قصاد اكبر منافسين فى التصدير و التجاره العالميه
و فى المقابل الداو جونز و الاس اند بى 500 و النازداك بيرتفعو و ده معناه ان الشركات ابتدت ترجع و البورصات بدات طريق العوده لاسعارها السابقه
فاعتقد ان امريكا تقصد تخفيض سعر صرف الدولار لان ده هايحقق ليها فؤائد كتييييييييييير منها
1 - زى ما انت قلت فى مواضيعك ان التسهيل الكمى هايدعم الاسهم كتييييييييييييييير و بالتالى ده هايساند الشركات الامريكيه الى اتضرت جامد فى انهيار الاسهم فى 2008
و كمان يدى الحكومه الفرصه من الاستفاده المباشره من ارتفاع الاسهم فى الشركات الى اشترت فيها كميات كبيره لدعمها زى جنرال موتورز مثلا الى اشترت فيها حوالى 60 فى الميه منها
و خطتهم لشراء حصص فى البنوك ب 250 مليار
2 - خفض سعر صرف الدولار عن طريق التسهيل الكمى هايحقق للمنتجات الامريكيه فرص تنافسيه ممتازه قصاد اليورو و الباوند و الين و اليوان ( اكبر منافسين فى التجاره العالميه ) و ده هايكتر المنتجات المصدره بسسب تخفيض قيمتها و بالتالى الشركات هاتبتدى تقف على رجلها تانى و تصدر و تتوسع من تانى و العماله تزيد
و بالتالى الاقتصاد ككل يقوم من جديد على رجليه
و بكده امريكا تبقه ضربت عصفورين شاردين بحجر
قدرت توقف الشركات و الانتاج و القطاع الصناعى و المالى بالكامل على رجليهم بعد ما اتضربو فى مقتل
و قدرت تخفض عملتها قصاد المنافسين و تكسب كتير من انصبتهم فى الاسواق العالميه
و بعد كل ده ما يحصل ممكن تبتدى فى اجراءات تانى و تبتدى ترفع الدولار من تانى
اصلى بصراحه معتقدش ان المركزى الامركيى مش عارف يتصرف قصاد هبوط الدولار
اذا كان اليابانى رفع عملته ب 100 مليار ين
امال 100 مليار دولار مثلا هياعملو ايه؟؟
خصوصا ان السوق حاليا مستعد لانه يتقلب لصالح الدولار بكل المقاومات و الدعوم الموجوده حاليا على كل العملات الاخرى
فتعتبر فرصه العمر للامركين عشان يتدخلو و يقلبو الفوركس راسا على عقب
بس هم فى رايى مش عايزين
فايه رايك فى التصور ده؟؟ هل تعتقد انه حقيقى؟