لـسه رَسْـمِك جوه وجداني الجريح
مهو لسه فاضل مـ الحنين..حبة حنين
باينين على وشي الحزين
عايش أنا بيهم دبيح
بنزف صحيح!!
غرقان فـ دمعي وبرتجف
لكن حلاوة الروح بتديني الصراع
وفـ بحر عمري مَـْركـِبَة
لكنها..من غير شراع
وانا سندباد
رحَّال وعاشق للضياع
لو فجأة وِقْفِت مركبي ..
تِلقى الأمل مش مُستطاع
معرفش اعوم...
لكني عارف فين يكون طوق النجاة
مانا أصلي كاره للحياة
ولا باقي ليا فـ الحياة غير ضحكتين
حـَبة صحاب
ومـِ الحنين...حَـبة حنين
