التايم فريم و الاهداف و الستوب لوس
بسم الله الرحيمن الرحيم
موضوع تعليمي بسيط يا رب تستفيدو منه
حلو اوي لما الواحد يكون بيكسب بس الاجمل و الاهم من كده هوه الاستمرار في المكسب ده و الاحلى من ده كله ان كل مكاسبك تكون مبنية على تحليل قوي و واضح و متكنش ضربة حظ
التحاليل كترة اوي
في ااتحليل الفني و في اليوت و في الاساسي في الرقمي
انا مش هخش في مقارنة بين الاساليب المختلفة كل واحد فينا يحلل بطريقته و يعمل لنفسه فلسفة في المضاربة في السوق ده
انا حابب اتكلم في نقط مهمه اوي و النقط دي تخص التحليل الفني الكلاسيكي و اليوت
اول نقطة هيه الربط بين التايم فريمز المستخدمة في التحليل
في فينا الي بيستعمل شارت الساعة و في اليومي و في حتى الاسبوع و الربع ساعة
طيب السؤال هنا ايه الرابط بينهم كلهم ؟
الترند
كمحللين فنيين- بمختلف الطرق الي بنستعملها- اهم حاجة عندنا هيه تحديد الاتجاه او الترند علشان بعد كدة نعرف نبني التحليل بتاعنا على اساسه
طيب ايه الفايدة من ان احنا نستعمل تايم فريمز مختلفة؟
لو عندنا عملة على الويكلي ترند هابط صريح و واضح وضوح الشمس و على الاربع ساعات سعر العملة بيرتفع
السؤال هنا .. انا هشتري ؟
اكيد لا الا لو عايز اطلع بمكسب صغير- و ده طبعا استراتيجية عند بعض المتاجرين-
يبقى مهم اوي اني اربط بين الفريمز المختلفة علشان اعرف احلل على اساس
يبقى استعمل التايم فريم الكبير لتحديد الاتجاه و تحديد قوة العملة وممكن بعديها ابتدي احلل على الفريم الصغير علشان اختار نقطة دخول قوية و وقف خسارة معقول
تاني حاجة
الاهداف و وقف الخسارة
اهدافنا و وقف خسارتنا بتختلف زي ما اساليبنا في التحليل بتختلف
انا مش هطول في النقطة دي بس الي حابب اقوله هوه
على اد ماتقدر حاول تخلي النسبة بين الاتنين معقولة و مقبولة
في الاخر اتمنى لكم التوفيق و كلمة اخيرة
متستعجلش السوق مش هيطير :0016:
رد: التايم فريم و الاهداف و الستوب لوس
شكرا على النصائح اخى الغالى وبارك الله فيك