استراتجية البساطة البسيطة ( لا تصلح لمن عمره اكبر من 15 عاما )

[zelenko]

السلام عليكم

جرب النسخة بالمرفقـات

جزاك الله كلخير يا حاج سبايدر

بس انا حطيته علي فريم الديلي و ما غتحش و لا صفقة

و بعدين الاعدادات كتير قوي

انا عايز اعداد واحد هو اللي يكون ظاهر اللي هو بحدد فيه نسبة الستوب لاول صفقة بس

[zelenko]

طلب مؤشر بسيط هيساعد جدا في الباك تست

ممكن الاخ زمالك او الااخ سبايدر ينفذهولنا

عايزين مؤشر يدي علامة او سهم علي شارت الديلي علي الشمعة الانسايد

و في نفس الوقت يدي اسهم علي فريم الساعة لليوم ده

زي الصورتين اللي في المرفقات

[refa3ys40]

ياريت لو احد الاساتذة يرفق لنا هذا المؤشر

[basuoni]

السلام عليكم
اخى الفاضل هل هذة فرصه على الباوند ...
اغلقت شمعة امبارح داخل حدود شمعة اول امبارح
المفروض دلوقتى بنعلق امر شراء فوق هاى امبارح بنقطه والاستوب اسفل اللو بنقطه
ونعلق امر بيع تحت اللو بنقطه والاستوب اعلى الهاى بنقطه
والهدف للامرين = رينج امبارح

تمام كده ولا ايه

[zelenko]

السلام عليكم
اخى الفاضل هل هذة فرصه على الباوند ...
اغلقت شمعة امبارح داخل حدود شمعة اول امبارح
المفروض دلوقتى بنعلق امر شراء فوق هاى امبارح بنقطه والاستوب اسفل اللو بنقطه
ونعلق امر بيع تحت اللو بنقطه والاستوب اعلى الهاى بنقطه
والهدف للامرين = رينج امبارح

تمام كده ولا ايه

استني و ماتخشش غير لما نتفق علي الموني منجمنت الدنيا مش هتطير :-)

[basuoni]

استني و ماتخشش غير لما نتفق علي الموني منجمنت الدنيا مش هتطير :-)

تمام .. انا بتأكد بس من طريقة الدخول ووضع الاوامر

متابع معاك

[fujwind]

متابع وجزاك الله خيرا

[صافيا]

اليوم في إنسايد بارز كتير

بس على ويندسور

شو رأيكم نغير على ويندسور؟

[zelenko]

اليوم في إنسايد بارز كتير

بس على ويندسور

شو رأيكم نغير على ويندسور؟

افضل انستا فهي ادق و خاصة في اغلاق يوم الجمعة و افتتاح الاثنين

[صافيا]

تمام
الله يجزيك الخير

[hatem elsherief]

موفق يا عصام باذن الله تكون استراتيجيه فيها خير للجميع

[صافيا]

ممكن المنصة؟

[obamehriz]

السلام عليكم و رحمة الله و بركاته

العنوان مش غلط هو كدة فعلا

الاستراتيجية دي مش ليك انت دي لابنك الصغير

روح يالا هاته و خليه يقرا الشرح عشان من النهاردة هو اللي هيمسك لك الحساب بتاعك ههههههههههههه




مقدمة : (( اشمعني انا يعني اللي مش هاعمل مقدمة ما كله بيعمل )

- طرحي لهذه الاستراتيجية لعدة اسباب :

1- عشان الناس تدعيلي لما تكسب
2- عشان الناس تدعي لاستاذي و معلمي برنس الفوركس د. جمال ممدوح
3- عشان لو حد من اصحاب الحسابات الكبيرة كسب بسببي يتصل بيا و يبعتلي جزء من الارباح 10% مثلا
4- رغبتي في افادة الجميع و بالذات المبتدئين ( اللي انا منهم ) بدل ما هما تايهين شوية كلاسيك و شوية
مؤشرات و شوية رقمي وشوية جان و شوية اخبار و شوية نجوم و شوية اكسبيرتات و يا عيني ما شافوش
الا الخسارة
طبعا انا لا اقلل من قدر كل تلك المدارس التحليلية و لكني لم اري اي تطبيق قوي لها فعلا الا لافراد قليلين
جدااااااااااااااااااااااااااااااااااااا


و لكن هناك سبب كان يمنعني من كتابة المواضيع هنا في المتداول العربي و اغلب مشاركاتي اما استفسارات او طلبات

و هذا السبب هو:

- عدم تعامل المشرفين مع الاعضاء بحيادية و لياقة

و مش هاتكلم اكتر من كدة و فيه ناس كتير هاتفهم قصدي ايه لان اكيد حصل معاهم الكلام ده

و كنت بقول بيني و بين نفسي خلاص خليهم براحتهم هم الخسرانين سواء انا او اي حد عنده معلمومة قيمة او مفيدة مش هيقولها هنا و يا اما هيقولها في منتدي تاني بيرتاحله نفسيا او هايحتفظ بيها لنفسه

و لكني للاسف اقتنعت في الفترة الاخيرة اني مخطئ

فسواء المشرفين او اصحاب الموقع (( اللي هما مشغلين المشرفين )) مش هيخسروا كتير قوي لانه موجود ناس كتير تانية غيري بتكتب كل يوم استراتيجيات و طرق جديدة اي نعم 90% منهم اي كلام
و لكن للاسف المبتدئين بينخدعوا بيها و بيتابعوها و بيجربوها و يعملولها مشاركات كتير و هيصة و بالتالي اصحاب الموقع مش خسرانين لانه الموقع بيزيد كل يوم فيه المواضيع و المتابعين لها و المشرفين مش خسرانين حاجة لانه مرتبه هيقبضوه اخر الشهر

اذن الخاسر الحقيقي هو انت

عشان كدة انا باكتبلك الموضوع ده

***********************************************
اخيرا خلصت رغي هههههههه

نخش بقي علي الشغل الجامد

استراتيجية البساطة البسيطة

لماذا هذا الاسم؟
1- لانها تعتمد علي البساطة
2- لانها بسيطة
هههههههههههههههههههههههههههههههههههههه

اوعي حد يشتم او يضرب ههههههههههههههههههههههههه

بص يا سيدي نزل منصة انستا

افتح شارت الباوند علي فريم الديلي و فضيه من كل حاجة خلي شموع و بس

تسمع عن الانسايد بار ؟؟؟

احنا بقي استراتيجيتنا تعتمد علي الانسايد بار

بص يا سيدي كل يوم بليل الساعة 11 بتوقيت مصر او مع اغلاق شمعة الديلي افتح شارت الديلي و بص عليه

هل شمعة اليوم اللي لسة قافلة دي من الهاي الي اللو بتاعها هل هو محتوي داخل اليوم اللي قبله ؟؟

لو الاجابة نعم

يبقي نبدا الشغل لو اليوم الجديد اللي لسة فاتح كسر هاي اليوم السابق ( الانسايد بار ) بنقطة واحدة هنخش شراء
و ستوبنا تحت اللو بتاع الانسايد بار بنقطة و تارجتنا قد الستوب

شايف السطرين اللي بالاحمر دول هي دي بقي الاستراتيجية

نخش علي الموني منجمنت

انا هارفق صورة فيها كل الفرص من اول سنة 2012 و حتي الان

مقدار الستوب يتم تحديده كنسبة مؤية من راس المال و انا افضل 5% يعنبي لو حسابك مثلا الف دولار الخمسة في المية تبقي كام منه ؟؟؟ 50 دولار تمام كدة و احنا دلوقتي شوفنا الصفقة لقينا ان الستوب هيكون 100 نقطة
نقسم بقي الخمسين دولار علي 100 نقطة يبقي هنخش اللوت النقطة بنص دولار مفهومة كدة

يتم العمل بنظام المضاعفات يعني لو الصفقة ضربت ستوب بنفتح صفقة معاكسة بضعف اللوت و نفس مقدار التارجت هو هو

في 2012 السنة الجميلة المتذبذبة دي اقصي مضاعفة وصلنا لها كانت الرابعة
يعني ضرب ستوب 5% و 10% و 20% و جاب تارجت 40%

فما بالكم في السنين الجميلة اللي فاتت

عدد الفرص من اول السنة 21 فرصة يعني مكسب 170% من الحساب يعني حسابك لو كان 100 دولار كان زمانه دلوقتي 270 دولار ( طبقا لمعادلة الفائدة المركبة )

و طبعا الفرص دي علي الكيبل بس فما بالكم لما ندخل باقي العملات معانا

المطلوب دلوقتي انكم تتعبوا معايا و بطلوا بقي شغل الجاهز ده و انكم عايزين الواحد يسقيكم الطريقة بالمعلقة

انا عايز الناس بقي تتعب و تعمل باك تست (( االلي انا عامله اساسا بس عايز اتعبكم علي الفاضي )

السنة الواحدة بتاخد من ربع ساعة لنص ساعة و احنا هنبدا تست من 2008 يعني اربع سنين بس

و برضه عايزين نشوف باقي الازواج بالذات الرئيسية عشان لو النهاردة مفيش علي الكيبل ممكن يكون فيه علي اليورو

و بعدها لما نفضي نبقي نشوف فريم الساعة و الشهري و الاربع ساعات و الاسبوعي كمان هههههههههههه
بس نركز دلوقتي علي

الكيبل فريم اليومي و لما تخلصوا الباك تست نبقي نكمل


مرفق صورة لسنة 2012 و فرصها

و صورة توضيحية لشكل الشمعة

الله يجعلها في موازين حسناتك

[ma7mod3]

الباك تيست عامل اية يا شباب؟

[zelenko]

الباك تيست عامل اية يا شباب؟

كله منفضلي يا حودة