استراتيجيه ---- القاهره ---- للباوند دولار---

[Mr_X]

سؤال كمان يعني ايه شمعة ارتداد؟

انا قريت كتير عن الشموع اليابانيه ما لقيتش حد شرح يعني ايه شمعة ارتداد
و كمان ما فيش باب يشرح حاجه اسمها شموع الانعكاس و فيه نماذج بتعتبروها شموع انعكاس في الشارتات ما لاقيتش الكتب ذكراها كشموع انعكاس

حبيبي متشغلش بالك بالإسم المهم إنها تدل على انعكاس الحالة من صعود لهبوط أو العكس .

شوف الشارت المرفق ، عندك 3 شمعات :

1- شمعة ارتداد : ارتد السعر ارتداد قوي من مقاومات قوية مايدل على الدخول شورت
يعني حسب استراتيجيتنا المفروض انا شايفه داخل على وابل من المقاومات ولو 3 فأكتر أدخل بنسبة نجاح كبيرة ، عندك ( حد البولينجر - H3 - موفينج - نهاية تصحيح 61 لليوم السابق - دايفيرجنس ) ما شاء الله فرصة ولا أروع تدخل فوراً شورت ولكن بفرض إنك خفت .. إغلاق السعر بارتداد كبير للأسفل يضيف عنصر جديد للصفقة يخليها صفقة حديدية يعني تقضي على الخوف تماماً وتدخل وانت مطمن من بعدها ، لاحظ السعر لم يستطع حتى لمس حد البولينجر وهو أول مقاومة فوقه ، ونزل مايزيد على 100 نقطة .

2- شمعة إنعكاس : في بداية الشمعة أو الساعة هبط السعر حتى وصل إلى دعم قوي وهو سعر 1.4000 أنهى التعامل خلال الساعة إلى صعود السعر أي إنعكست الشمعه من هبوط ( باللون الأبيض ) إلى صعود ( باللون الشفاف ) ويدل إغلاق الشمعة هكذا على تغلب المشترين ، وحسب استراتيجيتنا ولحدوث هذا مع بداية الفترة الأوربية تدخل شراء فوراً .

3- شمعة إنعكاس السعر لأسفل وبالفعل هبط السعر في الشمعة التالية ولكن بمقدار محدود ، ليه لإن الفرصة مش قوية وكان البولينجر مائل لأعلى ما يدل على احتمال استمرار السعر في الصعود وشمعة انعكاس لأسفل تدل على احتمال الهبوط إذن فرصه مش قوية فيها مخاطرة كبيرة .

والله أعلم

[قناة الأمه]

أخي الكريم Mr X1
فعلا الأسماء دي كانت مسببالي مشكله كبيره
جعل الله هذا الجهد الذي بذلته في توضيح ما خفي علي و الأخذ بيدي في ميزانك يوم القيامه
و سوف أبدأ ان شاء الله بتطبيق ما فهمته ........
و لي عوده ان شاء الله بعد ذلك أسأل فيها عما صادفته و لم استوعبه ............
جزاك الله خيرا

[Mr_X]

أخي الكريم Mr X1
فعلا الأسماء دي كانت مسببالي مشكله كبيره
جعل الله هذا الجهد الذي بذلته في توضيح ما خفي علي و الأخذ بيدي في ميزانك يوم القيامه
و سوف أبدأ ان شاء الله بتطبيق ما فهمته ........
و لي عوده ان شاء الله بعد ذلك أسأل فيها عما صادفته و لم استوعبه ............
جزاك الله خيرا

ولا يهمك أخي إسأل في أي شيء يقف عليك وانا هجاوبك على قد علمي المتواضع وربنا يكرمنا جميعاً ويعلمنا ماينفعنا فكلنا طلاب علم .

وأنصحك بعد تعلم الاستراتيجية بالرجوع شهرين للوراء والنظر إلى الشارت يوم بيوم وتكلم نفسك مع الشارت وتشوف السعر اتحرك ليه وترسم الصورة في عقلك عشان لما الموقف يتكرر تاني تعرف طريقه هيمشي ازاي وبالتجربة على حساب تجريبي لمدة لا تقل عن أسبوعين وتحط هدف كويس واستوب 50 مثلاً واتعود تحط أهداف بعيدة لا تقل عن 50 نقطة مثلاً وبالممارسة هتقدر تتوقع السعر هيوصل فين بالزبط وتحط هدفك عنده حتى لو 150 نقطة وأكتر ..


اللهم علمنا ماينفعنا وانفعنا بما علمتنا .. آمين يارب

[محمدعبداللاه]

فرصه لونج علي الباوند
تجمع دعوم
ونهاية تصحيح

[قناة الأمه]

ما هو القانون الخاص بسنتر لاين البولينجر؟ بعد كم شمعه تفشل في كسره نأخذه شراء؟

[قناة الأمه]

ولا يهمك أخي إسأل في أي شيء يقف عليك وانا هجاوبك على قد علمي المتواضع وربنا يكرمنا جميعاً ويعلمنا ماينفعنا فكلنا طلاب علم .

وأنصحك بعد تعلم الاستراتيجية بالرجوع شهرين للوراء والنظر إلى الشارت يوم بيوم وتكلم نفسك مع الشارت وتشوف السعر اتحرك ليه وترسم الصورة في عقلك عشان لما الموقف يتكرر تاني تعرف طريقه هيمشي ازاي وبالتجربة على حساب تجريبي لمدة لا تقل عن أسبوعين وتحط هدف كويس واستوب 50 مثلاً واتعود تحط أهداف بعيدة لا تقل عن 50 نقطة مثلاً وبالممارسة هتقدر تتوقع السعر هيوصل فين بالزبط وتحط هدفك عنده حتى لو 150 نقطة وأكتر ..


اللهم علمنا ماينفعنا وانفعنا بما علمتنا .. آمين يارب

أمين يارب العالمين
وجزاكم الله خيرا

[Mr_X]

ما هو القانون الخاص بسنتر لاين البولينجر؟ بعد كم شمعه تفشل في كسره نأخذه شراء؟

أمين يارب العالمين
وجزاكم الله خيرا

جزانا وإياكم يا غالي

بالنسبة للسنتر لاين وعلى حد فهمي من الاستراتيجية انه لما يفشل مرتين أدخل في التالتة ولكن يفضل وجود عناصر أخرى تقوي الصفقة ولو لم يكن هناك عناصر أخرى تقوي الصفقة فنسبة النجاح تصبح أقل .

وخاصة لو كانت هناك عناصر أكثر وأقوى تؤكد اتجاه ووجدت السنتر لاين وحده يؤكد الاتجاه المعاكس فلن يصمد أمام قوة العناصر الأخرى .. المتابعة والتجربة على الديمو خير معلم وهتعرف امتى بيرتد منه فعلاً وامتى بيعاكس السعر بس ولكن السعر بيقضي عليه في النهاية


تحياتي

[قناة الأمه]

قرأت في التحديث الجديد لملف الاستيراتيجيه هذه الفقره التي لم أفهمها

لو شيك السعر في اسيا على البايفوت فإنه ينوي كسر الهاي اذا كان السعر فوقه اواللو اذا كان السعر تحته .

- ولو شيك على الهاي واغلق تحته او اللو واغلق فوقه فإنه يذهب الى البايفوت وهنا يوجد حالتان له :

( مثال اذا فتح السعر بين البايفوت والهاي )

1- كسر البايفوت:

وهنا يتغير مسار العمله من صعود الى هبوط .

2- الاغلاق عند البايفوت:

ِِثم يرتد ولكن يعمل قمه هابطه عن قمة الهاي السابق فإذا كانت شمعة ريل وي واحدة صاعدة والاخرى هابطه فإنه يؤخذ شورت لأنه ناوي يكسر البايفوت .

وكذلك لو عمل بعد صعوده من البايفوت كيرف مع دوجي يؤخذ شورت بشرط كان الصعود على استحياء فإن دخلنا لونق نخرج منه وندخل شورت لانه ناوي على كسر البايفوت.

[Mr_X]

قرأت في التحديث الجديد لملف الاستيراتيجيه هذه الفقره التي لم أفهمها

لو شيك السعر في اسيا على البايفوت فإنه ينوي كسر الهاي اذا كان السعر فوقه اواللو اذا كان السعر تحته .

- ولو شيك على الهاي واغلق تحته او اللو واغلق فوقه فإنه يذهب الى البايفوت وهنا يوجد حالتان له :

( مثال اذا فتح السعر بين البايفوت والهاي )

1- كسر البايفوت:

وهنا يتغير مسار العمله من صعود الى هبوط .

2- الاغلاق عند البايفوت:

ِِثم يرتد ولكن يعمل قمه هابطه عن قمة الهاي السابق فإذا كانت شمعة ريل وي واحدة صاعدة والاخرى هابطه فإنه يؤخذ شورت لأنه ناوي يكسر البايفوت .

وكذلك لو عمل بعد صعوده من البايفوت كيرف مع دوجي يؤخذ شورت بشرط كان الصعود على استحياء فإن دخلنا لونق نخرج منه وندخل شورت لانه ناوي على كسر البايفوت.

بسم الله الرحمن الرحيم

نبدأ الرد جزأ جزأ إن شاء الله :

لو شيك السعر في اسيا على البايفوت فإنه ينوي كسر الهاي اذا كان السعر فوقه اواللو اذا كان السعر تحته .

اذا كان السعر فوق البايفوت .. أي أن العملة انهت الأمس على صعود وبدأت اليوم الجديد فوق البايفوت ولما تشيك على البايفوت يعني العملة تعمله اختبار بتبقى العملة نازلة تعمل تصحيح لصعود الأمس وتاخد قوة من البايفوت ونهاية التصحيح تدفعها بقوة لتكملة مسيرة الصعود وكسر هاي الأمس .. تقريباً زي ما حصل يوم 13- 3 -2009 وبالمناسبة فيها السنتر لاين وفعلاً طلع من المحاولة التالته لكسره وده يفسر الصعود القوي لإنه مشحون بقوة الارتداد من السنتر لاين والبايفوت وL3
(والعكس صحيح لو من تحت يعني ناوي كسر اللو )
************************************************** **********

ولو شيك على الهاي واغلق تحته او اللو واغلق فوقه فإنه يذهب الى البايفوت وهنا يوجد حالتان له :

1- كسر البايفوت:
وهنا يتغير مسار العمله من صعود الى هبوط .

لو السعر عمل اختبار للهاي ولكن أغلق تحته = فشل في كسره = مش هيقف يتفرج لإن العملة ليها طاقة يومية ولازم تعملها ، فشلت في كسر الهاي لفوق تنزل تختبر البايفوت وفي حالة كسر البايفوت يتغير مسار العملة من صعود الى هبوط ، والعكس صحيح السعر تحت البايفوت ونزل يعمل تشيك للو وفشل في كسره هنا يصعد للبايفوت ولو كسره يبقى تغير مسار العملة من هبوط لصعود أنظر يوم 4-مارس - 2009
*****************************************

2- الاغلاق عند البايفوت:
ِِثم يرتد ولكن يعمل قمه هابطه عن قمة الهاي السابق فإذا كانت شمعة ريل وي واحدة صاعدة والاخرى هابطه فإنه يؤخذ شورت لأنه ناوي يكسر البايفوت .

هنا العملة مرتده من الهاي ونازلة تعمل تشيك على البايفوت وأغلقت الشمعة عند البايفوت وارتد للأعلى مرة أخرى ولكن عمل قمة أقل عن قمة الهاي السابقة وبدأت في النزول هنا نقول ناوي يكسر البايفوت

وأنا بضيف انه ممكن بطلوعه التاني الهاي يطلع بدايفرجنس فيعمل نفس السيناريو

(نفس الكلام على اللو )

مثال : يوم 12- مارس - 2009

في بداية اليوم فشل في كسر الهاي للأعلى ونزل السعر وكسر البايفوت وعمل تشك على اللو وارتد للبايفوت وارتد منه مرة أخرى للو ولكن بدايفرجنس طلع تاني للبايفوت هنا نقول إنه هيكسره

**********************

وكذلك لو عمل بعد صعوده من البايفوت كيرف مع دوجي يؤخذ شورت بشرط كان الصعود على استحياء فإن دخلنا لونق نخرج منه وندخل شورت لانه ناوي على كسر البايفوت.

السعر بعد ما فشل في كسر الهاي للأعلى نزل للبايفوت وأغلق عنده وارتد ولكن ارتداد على استحياء وشمعه صغيره صعود وعمل كيرف مع دوجي يعني نازل للبايفوت تاني ومفيش قوة صعود هنا يبقى ناوي على كسر البايفوت .

***********

في النهاية عايز أقولك حاجة ، الاستراتيجية معمولة من فترة ، وفي الفترة الأخيرة العملة بقت حركتها أقوى بكتير من وقت وضع الاستراتيجية والمهندس حسام صانع الاستراتيجية وضعها من متابعته لحركة العملة ، انت بمتابعتك للعملة هتعرف سلوكها الحالي وقوتها وحركتها شبه المتكررة خصوصاً مع الفترة الأوروبية والأمريكية ، هي مختلفتش كتير عن وقت وضع الاستراتيجية ولكن الحركة أقوى والمدى أوسع ، يعني أي كلام عن عدد النقط في الاستراتيجية ممكن تضربه في 1.5 ( وجهة نظري الخاصة )

تحياتي

[محمدعبداللاه]

رائع اخي mr x احييك علي فهمك الرائع للاستراتيجيه ومساعدتك لاخوانك

[Mr_X]

رائع اخي mr x احييك علي فهمك الرائع للاستراتيجيه ومساعدتك لاخوانك

ربنا يخليك يا باشا ،

والله التكرار والمراجعة والمتابعة تعلم أي حد ده انا داخل على ست شهور وانا بتعلم فيها وبقرأها تاني من حين لآخر وسبحان الله كل مرة أأكد معلومة كانت غابت عني في المرة اللي قبلها

ورسولنا الكريم صلى الله عليه وسلم حذرنا من كتم العلم حين قال : " من سئل عن علم وكتمه ، ألجمه الله بلجام من نار يوم القيامة ". كتم العلم خطير جداً ربنا يعافينا منه لإن بدونه لما تقدمت الأمم .

المهندس حسام ... بصراحه أنا متأثر بيه جداً وحبيته أوي مع اني معرفوش بس باين في ردوده في الاستراتيجية مدى حبه للناس ونقل خبرته ليهم . بجد شيء رائع أثر فيا بجد
ياريت اللي يعرفه يوصله تحية حب وتقدير ويقوله الموضوع ماشي وشغال اهو ما شاء الله ووصل لـ 2009 يا باشا ، عشان متقولش انه شوية وهينام زي ما شفت في احدى مشاركاتك ، استراتيجيتك دي مدرسة والله ..

وأنا شخصياً بنصح أي واحد يبدأ بيها لغاية مايحترفها ويتقنها ويربح منها ممكن بعد كده يجرب استراتيجيات أخرى جنب القاهرة لإنه هيكون عارف دي وفاهمها وعنده الاستراتيجية اللي تسنده لما التانية تشحوره

تحياتي

[Mr_X]

نقلاً عن المهندس حسام في الاستراتيجية :


( ولهذا لو دخل على البايفوت بضعف وشموع صغيره

هذا يعنى انه رايح يعمل عليه تشيك ثم يصعد

واذا وجدت ان فى امريكا لليوم السابق عمل حركه صعود قويه ولم يصحح فى نفس اليوم

فسيصحح فى اسيا ويهبط الى 38 فيبو تقريبآ

اربط الاثنين مع بعض ستجد ان 38 فيبو مع البايفوت هذا يعنى انه سيصعد إن شاء الله

مع خطوط الكماريلا نعلم ان الزوج اذا هبط فسيهبط الى ال 3 وينطلق صاعدآ

فاذا جمعت كل ما سبق

ستجد ان ال 3 مع البايفوت مع 38 فيبو تصحيح فهو

دخول لونج اكثر من رائع )

شوف يوم 13-3-2009 ولا تعليق

عشان نعرف قد ايه احنا في ايدينا كنز والله الراجل ناقص ياخدلنا الأوردر بإيديه ...

ربنا يبارك فيك وفي ذريتك يا بشمهندس آمين يارب

[Flay_Fox]

مرفق مؤشر ممتاز يحدد اللو و الهاي لكل فترة الأسويه و الأوروبيه و الأمريكيه
مع وافر الشكر

[Flay_Fox]

الأخوه الأعزاء

فرصه جيده علي البوند دولار (أرجو المراجعه و التصحيح إذا كانت هناك أي ملاحظات)

بيع من L3 مع ثلاث محتولات فاشله لكسر سنتر لاين البولنجر +Fibo 61 من تصحيح الهبوط في الفتره الأوروبيه +ديفرحنس

بيع عند 1.3987
وقف خساره 1.4055 فوق خط البيفوت بشويه

هدف أول L4 + S1
1.3945

هف ثاني S2 + حد بولنجر سفلي
1.3874

مع وافر الشكر

[Mr_X]

مرفق مؤشر ممتاز يحدد اللو و الهاي لكل فترة الأسويه و الأوروبيه و الأمريكيه
مع وافر الشكر

تشكر يا باشا
ومرفق مؤشر بيحط خط عند الهاي واللو لليوم السابق وعن كل يوم