هل من الممكن طلب عمل اكسبرت لاستراتيجيه ناجحه ؟

[ضياء شلش]

أشكر جميع المشاركين على المنتدى والقائمين عليه . وأحب أن أنضم عضو فاعل ومساهم لربح الجميع بإذن الله . هذه هي أول مشاركه لي .

قمت بتطوير نظرية استراتيجيه ناجحه تعتمد على الهدج والمضاعفات فهل من الممكن أن نتعاون معا لإنشاء اكسبرت لاختبار هذه النظريه .
مع العلم قمت بتجربتها لمدة أسبوعين وتعطي مكسب يومي لا يقل عن 90 نقطة بمعدل 30 نقطة لكل زوج في المتاجره الواحده حيث أتاجر بها على 3 أزواج ولكن بحجم عقد قليل ولكنها مضمونه بإذن الله .
يعني العائد لكي تكون في مأمن 100% من أي حركة للسوق حوالي 1% أو أكثر يوميا .

فلو يوجد من يستطيع المساعدة فأنا تحت أمركم لشرحها بالتفصيل حتى يتسنى عمل الاكسبرت .

[oops]

أخي الفاضل ضياء..
قم بطرح الاستيراتيجيه مدعمه بالرسوم والمؤشرات مع شرح كيفيه التعامل معها وستجد الآذان الصاغيه لتصل لنتيجه طيبه بأذن الله..

تحياتي

[ضياء شلش]

أخي الفاضل ضياء..
قم بطرح الاستيراتيجيه مدعمه بالرسوم والمؤشرات مع شرح كيفيه التعامل معها وستجد الآذان الصاغيه لتصل لنتيجه طيبه بأذن الله..

تحياتي

معذرة . أصلي كتبت المشاركة ولسه شغال في الشرح . أصله الشرح صعب شويه زي مانتا عارف . نص ساعه أو ساعة بإذن الله والشرح هيبقى موجود

[ضياء شلش]

مقدمه عن الاستراتيجيه

تأكيد مره أخرى انني مجربها ومضمونه

النظرية تعتمد بالأساس على حركة الاسعار . بمعنى ان الاسعار تتحرك في اتجاهات . إما عرضي أو صعودا أو هبوطا . الاسعار لما بتاخد ترند صاعد مثلا بتعمل قمم أعلى من قمم وقيعان أعلى من قيعان والعكس صحيح للاتجاه الهابط . أما الاتجاه العرضي بيبقى ليه حد علوي وحد سفلي .
دي مباديء التحليل الفني وحركة الاسعار اللي كلكم عارفينها .

طيب تعالو نشوف الاسعار مبتعملش ايه . الاسعار عمرها ما هتعمل قمة أعلى من قمة وقاع أقل من قاع بشكل متواصل
ولو عملتها مرة في اتنين في تلاته مسيرها تاخد اتجاه .

يعني مثلا مش هتطلع الاسعار 30 نقطة وتنزل 40 وتطلع 50 وتنزل 60 وتطلع 70 وتنزل 80 وتطلع 90 الخ .ورا بعض ولو حصلت في يوم أكيد مش هتستمر لمالانهايه لأن ده مش شكل شارت أبدا ولا يتفق مع نظرية العرض والطلب أساسا .

الجزء الثاني اللي بتعتمد عليه هيه نظرية البريك أوت . أو الاختراق . اللي بتقول لو عندك قاعين أعلى من بعض وتم اختراق اخر قمه فده معناه ترند صاعد بيبتدي وتبدأ بالدخول كمشتري والعكس للاتجاه الهابط

الجزء الثالث اللي هنعتمد عليه هي حقيقة أن الاسعار بتتحرك في اتجاه عرضي 70% من الوقت وتأخذ اتجاه سواء صاعد أو هابط 30% من الوقت .

المقدمه دي كان لابد منها عشان تفهمو جات منين الفكرة

يتبع باقي الشرح

[ضياء شلش]

دلوقتي نيجي للتطبيق

هنستخد مبئيا شارت الربع ساعه فما فوق يعني نص ماشي ساعه ماشي برضه انت ومزاجك ونبتدي باخر حقيقه معروفه للكل ان الاسعار بتعرض 60-70% من الوقت . هنستخدم هنا البولينجر باند هنا فقط .
البولنجر باند الاسعار جواه 95% من الوقت و 2.5% من الوقت فوقيه و 2.5% من الوقت تحتيه . فهنبيع عند الباند العلوي ونشتري عند الباند السفلي . وهنعمل تارجت 30 بيب لأي تريده منهم سواء كانت بيع أو شرا .
ملحوظة انت لو بترف عمله وتقول هشتري وتارجتي 30 بيب وستوب 30 لو ملك وهبيع لو كتابه نسبة نجاحك 50% بدون أي شك فمع نهاية السنه هتلاقي الحساب زي ماهو .
لما بنستخدم البولنجر بنزود النسبه دي بحد أدنى 5%
يعني 55% من قراراتنا هتبقى صح و 45% غلط
وكمان لسبب اخر سيتم شرحه بعدين .
كسبنا خير وبركه . طب ال45% اللي مش هنكسب بيهم نعمل ايه ؟ أجاوبك وأقول هنحولهم لمكسب و نيجي بقى هنا لنظرية البريك أوت
مثال
شارت الربع الاسعار وصلت للباند العلوي وقمنا بالبيع ,احنا في التريده هنحط بروفيت 30 بيب و
هنحط أوردر شراء ضعف البيع بعد 30 نقطه فوقيك عكس اتجاه المتاجره .
لأن احنا بعنا عند الباند العلوي ومعنا انه يكمل طلوع انه هيبتدي اتجاه
وهنحط الستوب لوس 90 بنط فوق بالنسبه لأول تريده اتفتحت والاوردر التاني هنحط بروفيت 60 بنط .
وبكده لو السعر طلع 90 بنط فوق سعر بيعك هتطلع كسبان ال 30 بنط .
لأن مجمل خسارتك 90 بنط ومجمل مكسبك 60 بنط مضروبين في اتنين يساوي 120 .
وبكده السعر لو نزل 30 بنط انت كسبت وتمسح اوردر الشراء ولو طلع فوقيك 90 بنط برضه هتكسب.
هنستنى في التريده لغاية ما نشوف الهيدج هيتفعل ولا لأ .
لو اتفعل الهيدج في الحالة دي يتم تعديل البروفيت في أول أوردر بدل 30 بنط ل 10 بنط فقط .
ويتم وضع أوردر بيع ضعف اخر تريده شراء تحت البيع الاول ب 10 بنط .
ركز معايا
معانا هدج 30 نقطة بيع تحت و شراء فوق بضعف البيع
فرضنا السوق قل أدبه ونزل 40 بنط في الحاله دي البيع الاول اللي كان خسران يصبح كسبان 10 بنط ويتم تفعيل البيع الثاني بضعف الشراء وسنضع تارجت بروفيت 55 بنط فقط .
ما اهو احنا لمينا 10 بنط ومعانا هدج 40 بنط لو نزل ال 40 بنط بس زياده هنطلع كسبانين ال 10 بنط بس نزود عليهم 10-15 بنط زياده عشان نجيب أكتر من ال 30 بنط اللي احنا كنا عايزينهم من الاول .
ولو حصل السيناريو ده نعمل تاني نفس الفكره نعدل البروفيت بتاع الشراء اللي فوق بدل 60 بنط ل 10 بنط بس ونحط أوردر شراء ضعف البيع فوق اخر اوردر شراء ب 10 بنط . وتارجت 50 بنط بس .
لأن في الحاله دي هنكون لمينا 10 بنط من البيع
و 10 بنط مضروبين في 20 من الشراء الضعف .
يعني 30
ومعانا هدج 50 بنط يكفي نقفلهم ب 50 بنط فوق بريك ايفين .
بالأسلوب ده احنا بنتاجر بنفس نظرية البريك اوت أو الاختراق والاوردر الاعلى دائما يكون في اتجاه حركة السعر وفي اتجاه اخر قمه أو قاع تم اختراقهم وبكده حققنا النظرية التانيه .
نرجع بقى للنظرية الاولى . وهي انه من المستحيل ان السعر يظل في تذبذب بازدياد مضطرد 20 فوق 40 تحت 50 فوق 60 تحت 70 فوق الخ .
وبكده احنا ضامنين انه لا يمكن يستمر مضاعفة الاوردرات .
وكمان بنوسع الهدج عشان لو هيعرض طالما السعر في النصف احنا مش قلقانين وأي اختراق للقناة العرضيه احنا معاه .
نرجع بقى للبولنجر وليه بنستخدمه .
لو ناوي السعر يتحرك بالشكل القذر ده دائما هيكون الموفنج 20 في نصف السعر فعند تنفيذ الاوردر بالقرب منه تبقى أكبر عرضه لهذا التذبذب ولكن عند التنفيذ بالقرب من أي باند سواء علوي أو سفلي فيعتبر من المستحيل ان تكون هذه النقطه هي نقطة منتصف هذا التذبذب
يعني لو حب يعملها برضه اخرك 3-4 مرات مضاعفه فقط .
وبكده نكون حلينا كل مشاكل المضاعفات


لو في أي حد عنده أي سؤال أنا تحت امركم .
أنا قلتلكم دي كانت أول مشاركه ليا هنا و يارب تكون مساهمه فعاله معاكو في المنتدى .

الطريقه أنا مجربها وعمرها ما خيبت .
عايزين بس حد يتجدعن ويعمل اكسبرت نعرف نجرب فيه على الازواج كلهم وأي عدد من الارباح أفضل

[MR.dollar]

أليست تقريبا نفس فكرة الموضوع التالي والمضاعفات العكسيه لكنك إستخدمت فلتر البولينجر لأول صفقه
https://forum.arabictrader.com/t97056.html

[ضياء شلش]

أليست تقريبا نفس فكرة الموضوع التالي والمضاعفات العكسيه لكنك إستخدمت فلتر البولينجر لأول صفقه
https://forum.arabictrader.com/t97056.html

ألف شكر لاهتمام حضرتك والرد على الموضوع.

هي قريبه قوي منها لكن في اختلاف جوهري .

ان كل مره في التريده يتم زيادة مساحة الهيدج بمعدل ثابت وليكن 10 بيب أو 15 مثلا .
( أنا شغال بيها 10 )
السبب الرئيسي انها تنقذنا من فتح صفقات بمضاعفات أكبر لو السعر بدأ تعريض

يعني مثلا لو السعر عرض في منطقة 40 بيب طالع نازل لن يتم فتح أي صفقات بينما في الاستراتيجيه في المرفقات ممكن يفتح 10 صفقات .

هي الفكره جاتني وقعدت أبحث في النت عشان الاقي حد عملها وبالفعل شفت الاستراتيجيه دي بس ملقيتش أكتر من كده ودي فعلا أقرب واحدة بس مع الاسف سيئة جدا في حالة تعريض السعر لفترة طويله
لأني جربتها .

وموجود اكسبرت كمان مع الاستراتيجيه دي بس معرفتش أعدله عشان أضيف موضوع 10 بيب زياده في كل مره .
خلي بال حضرتك .
كل مره بيعكس اتجاه بنلم 10 بيب أرباح و بنفتح الهيدج وقتها.

في الاستراتيجيه اللي في المرفقات مفيش جني لأي أرباح . ويتم فقط مضاعفة الهيدج.

[ضياء شلش]

و في كمان حاجه تانيه محتاجه اضافه .

أنا شغال يدوي عليه ومش دايما استنى لتحقيق ال 30 بنط .
لو لقيت نفسي في مضاعفه 3 ممكن اقفل عند بريك ايفين وخلاص مانا لميت منه 10 بنط .
ولو مضاعفه 4 ( لسه موصلتهاش ) ممكن أقفل بخساره 20 أساسا لأني لميت 30 والمجمل هيبقى مكسب 10 .
مش لازم أكسب المهم مخسرش .

يعني لو ينفع ينحط ده زي أوبشن لو وصل لمضاعفه 3 يحاول يقفل بريك ايفن بدل ما يستنى لمكسب ال 30 بنط .

بتفرق كتير الحاجات دي .

وكمان الاكسبرت التاني شغال بمضاعفه مضروبه في 3
أنا بتكلم في مضاعفه مضروبه في 2 .

[MR.dollar]

ألف شكر لاهتمام حضرتك والرد على الموضوع.

هي قريبه قوي منها لكن في اختلاف جوهري .

ان كل مره في التريده يتم زيادة مساحة الهيدج بمعدل ثابت وليكن 10 بيب أو 15 مثلا .
( أنا شغال بيها 10 )
السبب الرئيسي انها تنقذنا من فتح صفقات بمضاعفات أكبر لو السعر بدأ تعريض

يعني مثلا لو السعر عرض في منطقة 40 بيب طالع نازل لن يتم فتح أي صفقات بينما في الاستراتيجيه في المرفقات ممكن يفتح 10 صفقات .

هي الفكره جاتني وقعدت أبحث في النت عشان الاقي حد عملها وبالفعل شفت الاستراتيجيه دي بس ملقيتش أكتر من كده ودي فعلا أقرب واحدة بس مع الاسف سيئة جدا في حالة تعريض السعر لفترة طويله
لأني جربتها .

وموجود اكسبرت كمان مع الاستراتيجيه دي بس معرفتش أعدله عشان أضيف موضوع 10 بيب زياده في كل مره .
خلي بال حضرتك .
كل مره بيعكس اتجاه بنلم 10 بيب أرباح و بنفتح الهيدج وقتها.

في الاستراتيجيه اللي في المرفقات مفيش جني لأي أرباح . ويتم فقط مضاعفة الهيدج.

حسنا تابع معنا الفرص ببعض الشارتات لأماكن فتح الصفقات وكيفية وضع الأوامر المعلقه ويزادة المسافه كما شرحت حتى تتضح الفكره وتجد تفاعل من الأعضاء ثم نقوم بعمل الإكسبرت بإذن الله أو تعديل الإكسبرت السابق ليتناسب مع طلبك

[ضياء شلش]

حسنا تابع معنا الفرص ببعض الشارتات لأماكن فتح الصفقات وكيفية وضع الأوامر المعلقه ويزادة المسافه كما شرحت حتى تتضح الفكره وتجد تفاعل من الأعضاء ثم نقوم بعمل الإكسبرت بإذن الله أو تعديل الإكسبرت السابق ليتناسب مع طلبك

أنا مبتاجرش يوم الجمعه أساسا عشان اتفادى التعريض اللي ممكن يحصل ونستنى لبداية الاسبوع الجديد . بس هتاجر النهارده على أمل تمشي معانا والناس تفهم الفكره
ودي أول صفقه تم فتحها

تم فتح شراء يورو الان على سعر 1.2488 بحجم 0.04
تارجت 1.2518 ستوب 1.2398
تم عمل اوردر بيع عند 1.2458 بحجم 0.08 غير مفعل بالطبع ويتم التفعيل ان هبط السعر وتارجت 1.2398

لو طلع السعر نمسح الاوردر ده ويبقى كسبنا ونشوف اليوم هيعمل ايه .

[ضياء شلش]

التارجت اتحقق من غير هيدج
الاسبوع الجاي بقى وعليكو خير

[MR.dollar]

أنا مبتاجرش يوم الجمعه أساسا عشان اتفادى التعريض اللي ممكن يحصل ونستنى لبداية الاسبوع الجديد . بس هتاجر النهارده على أمل تمشي معانا والناس تفهم الفكره
ودي أول صفقه تم فتحها

تم فتح شراء يورو الان على سعر 1.2488 بحجم 0.04
تارجت 1.2518 ستوب 1.2398
تم عمل اوردر بيع عند 1.2458 بحجم 0.08 غير مفعل بالطبع ويتم التفعيل ان هبط السعر وتارجت 1.2398

لو طلع السعر نمسح الاوردر ده ويبقى كسبنا ونشوف اليوم هيعمل ايه .

التارجت اتحقق من غير هيدج
الاسبوع الجاي بقى وعليكو خير

بإذن الله الإسبوع القادم وبما أنك لا تتاجر يوم الجمعه فأيضا هذه معلومه أضفتها بحيث أن نضع للإكسبرت فلتر بعدم المتاجره يوم الجمعه
أيضا يا ريت ترفق ولو شارت قديم وصل فيه الصفقه إلى المضاعفه الثانيه أو الثالثه موضحا عليها أماكن الدخول
ومتابعين معك أماكن الدخول من الإسبوع القادم بإذن الله

[kingooo]

بانتظار فرص اليوم الجديد....

[بيتعلم فوركس]

ملاحظة للأخ شلش خلي بالك أن المضاعفات خطورتها في الأسبريد لو أستمرت معاك تزداد ، لأني لاحظتك حسبتها بدون ما تخصم مجموع الأسبريد للعقود وتخصمها من الربح .

[kingooo]

الان ال يورو وصل إلى الحد السفلي للبلينجر وقمت بعمل أمر شراء بهدف 30 نقطة

ماذا افعل بعد ذلك؟؟؟