دعم ومقاومه ومسنر فبيوناتشي ... والمفتاح ضايع !!!!!

[مدرعم]

؟؟؟؟


مساكم الله بالخير ياسهارى الفوريكس اللي عين في الشحمه وعين في اللحمه

وصبحكم الله بالخير للي يقرا الموضوع وهو متصبح بشارت وفاطر على يورو

الحقيقه لي كم يوم وانا مغير أقرا في ذا المنتدى , واتنقز من موضوع لموضوع ومن صفحه

لصفحه ,, وماشاء الله مواضيع مفيده واسئله واجوبه استفدت منها فايدتن كبيره .

وحاجات يعلم الله مافهمتها .. المهم !

المهم حطيت الميتاتريد وقلت خلّني ارسم عليه خطوط دعم الله يدعمنا بالعافيه ,, وخطوط

مقاومه الله يجعلنا نقاوم إبليس .. آمين

فكّيت الصفحه إلاّ والله وانا خوكم قاعدن قدامها كنّي واحد مضيع مفتاح باب خزنه ,, القفل

موجود أما المفتاح فعزّ الله ضايع !

جيتها يمين جيتها شمال ,, ماهنا فايده ؟

فالرجاء من افراد قبيلة الفوركس يعلمونا وين نلقى ذا المفتاح وان لقيناه إيش نسوي به ؟

فهمونا يالربع المربعات ذي الي فوق من فين نبدا وفين ناخذ القلم ثم نمحط به يمين ويسار

لاني قد رسمت خطوط الدعم والمقاومه والشيخ فبيوناتشي ,, لكن عند واحد من اخوياي

والبرنامج مختلف بالحيل , ذاك حفظته صم وقلت يمكن ذا زيّه طلع ماهوب هو !

إيش الدبره ذالحين ؟ ؟

ورّوني الدرب وازهلوه ,, وراك وراك يافبييونتشي

وسلامتكم

[klyk]

السلام عليكم ورحمة الله وبركاته
سيدي المحترم ، أعتقد أنك في المكان الصحيح تماما ، منتدى المتداول العربي
حسنا البداية تكون أنك تنظر لأعلى قليلا ، تجد مربع به المواضيع المميزة في المنتدى
هي مفيدة جدا كبداية
و شكرا