حصريا : كيفية الربح من الاخبار والتقارير الاقتصادية ( فوريكس مان )
صفحة 1 من 12 123456711 ... الأخيرةالأخيرة
النتائج 1 إلى 15 من 169
  1. #1
    تاريخ التسجيل
    Aug 2009
    الإقامة
    مصر
    المشاركات
    3,245

    افتراضي حصريا : كيفية الربح من الاخبار والتقارير الاقتصادية ( فوريكس مان )


    السلام عليكم ورحمة الله وبركاته

    اكمالا لسلسلة تطوير المتاجر العربى وتسليحه باحدث طرق المتاجرة الصحيحة

    نتابع شرح كيفية اللعب والربح من الاخبار التقارير الافتصادية والتنبؤ بالانفجارات السعرية
    بسم الله الرحمن الرحيم نبدأ

    اولا : تفضلو بدخول اكبر موقع لمتابعة الاخبار الاقتصادية بالمواعيد والنتائج والتوقعات وباسهل الطرق
    www.forexfactory.com
    انظر الصورة التالية ( صورة من اخبار اليوم لنشرح عليها )
    إضغط على هذا الشريط لعرض الصورة الكاملة.
    اولا شرح لوغاريتمات الموقع وحل الشفرات
    1 - date : تاريخ اليوم
    2- time : الوقت : وتوقيت نزول الخبر وايضا يجب الضغط على الساعة وظبط توقيت بلدك
    3- currency : العملة اللى نازل عليها الخبر
    4- impact : تاثير ومدى قوة الخبر وشرحها فى التالى
    فايل احمر : خبر قوى ومؤثر
    فايل بنى : خبر متوسط التاثير
    فايل اصفر : خبر تاثيره طفيف
    ولكن ملحوظة / اذا نزل خبر مثلا اصفر ضعيف فى توقيت لا توجد اخبار معه ولا اخبار قريبة منه سيؤثر تاثير الخبر القوى الى حين اشعار اخر
    5 - وصف الخبر
    6- details : نبذه عن الخبر
    7- actual : نتيجة الخبر بعد نزوله ( النتيجة الفعلية )
    8- Forecast : ما يتوقعه المحللون ( المتوقع ) و90% ياتى مثل توقعهم او بنفس التاثير اذا توقعو ايجابى ياتى ايجابى واذا توقعو سلبى ياتى سلبى وفى بعض الحالات تاتى الرياح بما تشتهى السفن
    9- Previous : السابق ( اخر نتيجة للخبر فى اخر تقرير )

    ثانيا : الشرح المبدئى
    كل ما ستفعله هو ضبط توقيت بلدك على توقيت الموقع كما شرحنا اعلاه
    ويوميا تنظر نظرة عامة على الاخبار وركز فى بدايتك على الاخبار الحمراء ( المؤثرة ) وشوف توقبتها امته وانتظر النتيجة والعب على اساسها
    كيف اعرف ببساطة الخبر ايجابى او سلبى
    اولا لموقع سهلها عليكم والخبر الايجابى بيتكتب بالاخضر والخبر السلبى بالاحمر والخبر اللى مش مؤثرة نتيجته بيتكتب بالاسود عادى
    وايضا : اذا جاء الفعلى اكتر من السابق والمتوقع فانه خبر ايجابى
    مثال خبر الاسترالى اعلاه فى الصورة AUD
    السابق -2.17 المتوقع 1.57- الفعلى -1.18
    واحد هيقولى دة بالسالب
    اه بالسالب لكن تغير للاحسن من سالب 2.17 الى سالب 1.18- ودة مؤشر ايجابى

    اما اذا اتى الفعلى اقل من المتوقع واقل من السابق فانه خبر سلبى
    مثال : خبر الاسترلينى : GBP
    السابق 0.4% المتوقع 0.3% الفعلى -1.5%

    اما اذا اتى الخبر اكثر من السابق وال من المتوقع فالخبر للاسف سلبى لان المحللون وضعو خطا من اول نقطة معينة اذا وصلها فيعتبر مؤشر ايجابى اما ان قل عنها فيعتبر ما زال التقرير سىء

    ماذا استفيد من ايجابية الخبر او سلبيته ؟
    اذا اتى الخبر على عملة سلبى فأن العملة تصبح ضعيفة امام كل العملات
    مثال : خبر الاسترلينى
    0.4% المتوقع 0.3% الفعلى -1.5%

    الخبر نزل سلبى الساعة 11.00 A.M
    لو لاحظتم الفترة من 11.00 الى 11.30 ستجدون الاسترلينى سقط امام جميع العملات
    اما الدولار وامام الين وامام الفرنك وامام اليورو الخ الخ
    ( تاثير الخبر ما بين نصف ساعة الى ساعة وهناك اخبار تاثيرها ياتى قبل نزولها لقوة التوقع انه خبر سلبى او ايجابى فيقوم المستثمرون بالدخول قبلها وتتحرك العملة صعودا او هبوطا حسب دخول المستثمرين بيع للعملة او شراء ) وهناك اخبار تاثيرها ياتى متاخر بعد الخبر بفترة ويكون توقع الخبر مشكوك فيه ولا يدخل المستثمرون الا بعد التاكد من اتجاه الخبر )

    اما اذا اتى الخبر ايجابى فتقوى العملة امام كل العملات
    مثال : خبر الين JPY
    السابق -24.8% المتوقع -18.1% الفعلى -17.3%

    كان الخبر الساعة 1.50 صباحا ونزل ايجابى وقوت عملة الين فى هذا التوقيت امام كل العملات

    كيف تؤثر الاخبار فى تحريك السوق ولماذا اتبعها ؟

    بداية السيولة هى من تحرك السوق ولكن السؤال من يحرك السيولة
    بكل بساطة عندما يكون هناك خبر قوى ايجابى على عملة ما يحدث اتحاد طبيعى غير مقصود بين جميع مستثمرى العالم على قوة عملة معينة ويتم رمى سيولة ضخمة عليها فتقوى العملة وتتحرك بسرعة جدا جدا وترتفع امام كل العملات فى توقيت صغير جدا جدا
    مثال :
    اذا اتت اخبار ايجابية على الدولار الامريكى تجد ان ساعة نزول الخبر يقوى الدولار امام كل العملات ويمكنك ضرب الاوامر التالية ( لكن افضل ان تختار زوج واحد عشان تلحق تفتح عليه )
    EUR / USD SELL
    GBP / USD SELL
    USD / CHF BUY
    USD / CAD BUY
    AUD / USD SELL
    NZD / USD SELL
    اما العكس اذا اتت الاخبار سلبية ستجد الدولار يتراجع امام كل العملات ويمكنك اخذ الصفقات التالية
    EUR / USD BUY
    GBP / USD BUY
    USD / CHF SELL
    USD / CAD SELL
    AUD / USD BUY
    NZD / USD BUY
    ببساطة ان الاخبار هى المحرك الاساسى للسوق
    لذلك اوصى بعدم اتباع المؤشرات الا فى الباك تيست فقط اتبع الاخبار وحلل توقعك للاسعار من خلالها
    وراقب السوق جيدا ستكتشف كنوز عظيمة

    كيف اعرف نتيجة الخبر قبل نزوله ( مهم جدا جدا جدا جدا )
    الكل يعرف ان ساعة نزول الاخبار ترتفع فروق الاسبريد والنوكم ترفعها محاولة منع اكبر قدر ممكن من المستثمرين من الدخول لان البنوك ساعة الاخبار لا يمكنها التدخل براس مالها الضخم لعكس الصفقات لانه بكل بساطة المستثمرين اصبحوا اقوى واثق راسمالية من البنوك ونسبة المخاطرة تكون عالية وداخل اى بنك ان كان هناك اى نسبة مخاطرة تلغى العملية

    اذا ما الحل وكيف يمكننى الدخول على الخبر وتجنب فروق الاسبريد
    ركز جيدا فى القادم
    ستنظر الى العملة التى سيكون عليها الخبر قبل نزوله ب 10 دقائق وتراقبها
    ان شاهدت مثلا فى الباوند دولار صعود ملحوظ اعرف ان الخبر نازل ايجابى على الباوند مثلا ويمكنك الدخول من الان
    ولكنا لتزم باستوب فاحيانا تاتى النتائج مفاجاة عكس المتوقع
    كيف تفسر ذلك :
    الخبر تاكد منه كبار المحللون وكبار المستثمرين وبداو فى رمى السيولة تجاه الباوند وازدادت قوته وبدا رحلته فى الصعود ( نسبة نجاح الطريقة 90 % )

    طريقة اخرى : قبل الخبر قم بفتح هيدج على الزوج واحدة شرا وواحدة بيع وبعد نزول الخبر اقفل التى ليست متماشية مع الخبر واترك الاخرى الى حال سبيلها تحقق مبتغاها

    كيف اعرف ان كلامك صحيح وان الاخبار مهمة جدا ؟
    بامكانك اولا التجربة لمدة شهر
    وايضا اسال نفسك لماذا الاف المواقع متخصصة فى الاخبار ؟
    والتجربة خير من الف دليل

    ماذا يمكننى الربح ان دخلت على زوج واحد اعتمادا على الاخبار ؟

    اذا كان هناك خبر مؤثر على الدولار ايجابى
    ودخلت بيع باوند دولار نظرا لقوة الدولار
    سوف تحقق ما بين 60 الى 100 نقطة فى ظرف ساعة زمن كاولى الاهداف

    معقول التحرك الكبير فى الوقت الضيق ؟
    نعم اخى تخيل سيولة معظم المتاجرين اترمت على الدولار الامريكى توقع اكثر من ذلك

    لماذا لم تنتشر الطريقة بين العرب وما زال الاعتماد على المؤشرات ؟
    دة سؤالى انا ومش عارف ليه لسة بتعتمدو على المؤشرات وفى طرق احدث واحسن واامن
    تخيل معى ان قالك مؤشر ما ان الباوند هبووووط ونزل خبر ايجابى على الاسترلينى سوف يتحرك الباوند الى صعوود بكل تاكيد اذا من يرسم من ومن يحرك السوق !!
    كيف اتوقع بنسبة عالية ان الخبر سيصدر كالمتوقع ايجابى او سلبى
    انظر الى الخبر
    نتيجته السابقة
    والمتوقعة ان كان هناك فارق كبير بين السابق والمتوقــع فان الخبر سيأتى مثل التوقع واكثر كمان
    لماذا :
    ببساطةا لمحلل الذى يضع التوقع لا يمتلك سوى سمعته فالمحلل ايه غير سمعة وشوية حاجات فوق بعض
    فلن يضع توقع لخبر غير بالقطارة وباقل نسب
    فان جاء التوقع فعلا ايجابى مثلا كما توقع فخير وبركة اما ان جاء عكسه فيكون توقعه قريب من النتيجة
    فعندما تجده وضع فارق كبير بهذا الشكل فاعلم انه متاكد جدا من نتيجة الخبر
    ما هو الوقت الذى لا يمكننى الدخول فيه اثناء الاخبار ؟
    الوقت الذى تكون فيه اخبار متضاربة عكس بعض
    مثال
    خبر ايجابى على الاسترلينى وخبر اييجابى على الدولار فى نفس التوقيت او فرق التوقيت ضيق
    هنا لا ننصح بالدخول لانه ستكون هناك تذبذبات قوية جدا رغم ان هذا يحدث نادرا

    وان ما يزيدنى دهشة انهم اشاعوا بينكم ان لا تدخلو وقت الاخبار
    ان لم احقق ارباح وقت تحرك السوق متى ساحقق

    تعالو فجولة للتعرف على انواع االاخبار وتاثيرها
    اخبار تؤثر منذ افتتاح اليوم وقبل صدورها
    وهى اخبار توقعاته مرؤكدة بنسبة عالية جدا وبالتالى المستثمرين يبداو بلعمليات شراء او بيع للعملة منذ افتتاح اليوم بهدف قنص السعر من اللوو او الهاى وتحقيق اعلى معدل ربح
    وبالتالى يحدث فرط شراء للعملة او بيع وتضعف او تقوى بشكل تدريجى والى ميعاد صدور الخبر يكون الشعر وصل للتيك بروفيت ولا يضطر المستثمر للابقاء على صفقاته والمخاطرة بارباحه عند صدور الخبر فيتم الخروج قبل الخبر بشكل مكثف وتعتبر عمليات جنى ارباح فيرتد السعر بدلا من ان يستمر فى الصعود او العكس وهذا يفسر تساؤولات كثيرة تقول الخبر ايجابى والعملة ضعفت طب لماذا
    ادينى فسرتهالكم
    اخبار تؤثر فقط عند صدور نتائجها
    العرض لفترة محدودة
    وهى اخبار توقعاته غير مضمونة فيفضل المستثمرين عدم الدخول الا بعد صدور الخبر والتاكد من نتيجته فتجد قبل الخبر هدوء تام وعند نزول الخبر صعود او هبوط قوى جدا داخل فترة زمنية صغيرة لذلك تروا الشمعات طويلة التيلة
    طب ليه تجرك السوق بسرعة دى
    لان حصل فرط شراء او بيع للعملة بشكل عنيف داخل فترة زمنية ضيقة فرارتفعت او انخفضت بسرعة الصاروخ
    وزى مصعدت بسرعة الصاروخ هتهبط بسرعة الصاروخ
    طب ليه ؟
    عشان السعر هيوصل للتيك بروفيت فوقت ضيق ويحصل جنى ارباح ومن ثم ارتداد للسعر لمناطقه الطبيعية ثم العودة للصعود تدريجيا بشكل طبيعى

    اخبار لا تؤثر نهائيا فى السعر
    ليس لضعفها ولكن لانتظار خبر يتبعها اقوى منها ويتعارض مع نتيجتها فيفضل المستثمرين الدخول بعد نتيجة الخبر الثانى فلا يكون اى تاثير للخبر الاول

    اخبار توقعها غير مؤكد وتؤثر منذ الافتتاح وقبل صدورها غريبة دى
    ودى ما نسميها بكتلة الاخبار
    لما بيوجد فيوم واحد كتلة اخبار لعملة واحدة اعرف ان الاخبار دى مش جاية سدى وجاية لهدف وهو رفع قيمة عملتها

    فعندما نجد كتلة اخبار توقعها ايجابى مثلا ولكن بنسب غير مؤكدة بيبقى الامر المؤكد ان الاخبار هتيجى ايجابية وانها مش جاية تهزر وبيبدا المستثمرين الدخول عالعملة منذ افتتاح السوق

    الاساسى كدة خلص ؟
    لا يا سيدى الاساسى مش تقارير واخبار بس
    لازم تتابع اداء البورصات وتعرف تاثيرها على عملتها

    الداو جونز
    تاثيرها عكسى مع الدولار
    بمعنى لو فى نشاط فى شراء الاسهم فى الداو جونز الدولار يضعف والعكس
    طب ليه ؟
    عشان فى الداو جونز عندما يتم شراء اسهم يتم بيع الدولار يعنى بنشترى اسهم بالدولار وبالتالى الدولار يضعف والعكس

    طوكيو : تاثيرها عكسى مع الين ان نشط شراء الاسهم ضعف الين لنفس الاسباب السابقة

    اوروبا : تاثير متماشى مع العملة ان حدث نشاط فى شراء الاسهم ارتفع اليورو
    طب ليه بقى ياعم الحاج ؟
    انا جاى فى الكلام اهو
    فى اوروبا الناس تشترى اسهم بالدولار للحفاظ على رؤووس اموالهم ضد مخاطر السوق
    وبالتالى لما يحصل شراء للاسهم بيبيعو الدولار وبالتالى الدولار يضعف واليورو بيقوى

    ولاااازم تتابع بلومبرج وبى بى سى ارابيك وديلى اف اكس نيوز والجزيرة دائــما يعنى تقعد رادار ميفوتكش اى حاجة ممكن تاثر فى السعر
    عشان متجيش فيوم تقول طب نزل ليه طب طلع ليه
    حكمة شخصية
    Tread With News You Will Never Loss

    ولمتابعة تصاريح محافظو البنوك ووزراء المالية والاخبار لحظة بلحظة يمكنكم المتابعة على هذه الصفحة لتبقى دائما على اتطلاع حتى لا تسال لماذا صعد هذا ولماذا هبط هذا
    http://www.dailyfx.com/real_time_news

    ولمتابعة تحركات البورصات المختلفة ( اسيــا . اوروبا . اميركــا )
    تجدوها هنا محدثة لحظة بلحظة لايف
    www.finance.yahoo.com

    ياريت اى حاجة نسيت ااشرحها تفكرونى بيها وانا فى الخدمة والعون اسال فقط وانا ان شاء الله اجيبك
    ملحوظة :
    لمعرفة اخبار الغد او اخبار الاسبوع
    ستجد كلمة today
    وكلمة this week باعلى موقع فوركس فاكتــورى


    بالتوفيق

    حقوق الطبع والنشر محفوظة

    فوريكس مان



    " ارجو الدعاء لوالدى ولاموات المسلمين بالرحمة والمغفرة "


    آخر تعديل بواسطة رانيا وجدي ، 07-12-2010 الساعة 08:14 PM سبب آخر: بناءا على طلب صاحب الموضوع

  2. #2
    تاريخ التسجيل
    Jan 2010
    الإقامة
    بلاد العرب بلادي
    المشاركات
    274

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    حبيب هارتي طبعا كان لزم اكون انا اول واحد مستنيك
    ويرد علي موضوعك المتميز

    استاااااااذ ياودعدع

  3. #3
    تاريخ التسجيل
    Aug 2009
    الإقامة
    مصر
    المشاركات
    3,245

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    اقتباس المشاركة الأصلية كتبت بواسطة best_of_best مشاهدة المشاركة
    حبيب هارتي طبعا كان لزم اكون انا اول واحد مستنيك
    ويرد علي موضوعك المتميز

    استاااااااذ ياودعدع
    دة انته مراقبنى بقى هههههههههه


  4. #4
    تاريخ التسجيل
    Oct 2007
    الإقامة
    المنصورة
    المشاركات
    10,082

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    وعليكم السلام ورحمة الله وبركاته

    بما انك هتستخدم الاخبار هدعوك تزور مفكرة المتداول العربي الاقتصاديه

    http://www.arabictrader.com/portal/ar/event
    وادعيلي

    وده شرح ليها
    http://www.arabictrader.com/vb/t75599.html

  5. #5
    تاريخ التسجيل
    Aug 2009
    الإقامة
    مصر
    المشاركات
    3,245

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    اقتباس المشاركة الأصلية كتبت بواسطة محمد العزب مشاهدة المشاركة
    وعليكم السلام ورحمة الله وبركاته

    بما انك هتستخدم الاخبار هدعوك تزور مفكرة المتداول العربي الاقتصاديه

    http://www.arabictrader.com/portal/ar/event
    وادعيلي

    وده شرح ليها
    http://www.arabictrader.com/vb/t75599.html
    عارفها وحافظها صم
    شكرا لك اخى
    وداعيلك من قلبى والله يا مشرفنا
    وهدية مقبولة منك يارب دايما
    بارك الله فيك
    ولكن للاسف
    انا بفضل forexfactory


    آخر تعديل بواسطة 3ashekforex ، 04-03-2010 الساعة 11:36 PM

  6. #6
    تاريخ التسجيل
    Jan 2010
    المشاركات
    563

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    بارك الله فيك اخوية فوريكس مان

  7. #7
    تاريخ التسجيل
    Jul 2009
    الإقامة
    وهو في غيرها ( ارض النيل)
    المشاركات
    663

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    طيب انا عندي سؤال
    دلوقتي اخبار الدولار بتكون بتبدأ الساعه 3 العصر
    ممكن بعد ما اشوف الخبر عامل ازاي مع الدولار ابدأ انفذ العمليه بعديها
    لو ايجابي اشتريه وابيع الباقي
    ولا نبدأ من اليوم التاني

  8. #8
    تاريخ التسجيل
    Jul 2009
    الإقامة
    وهو في غيرها ( ارض النيل)
    المشاركات
    663

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    مع ان اللى حصل النهارده العكس تماما
    يعني الساعه 5 نزل خبر على الدولار وكانت النتيجه سلبيه
    الدولار طلع وباقي العملات نزلت
    يعني الصدفه ان الباوند كان طالع لغايه الساعه 4
    والساعه 5 بعد نزول خبر الدولار اللى طلع سلبي
    المفروض الباوند يمكل طلوع
    بالعكس نزل والدولار طلع
    ايه تفسير القصه دي
    او نتصرف معاها ازاي

  9. #9
    تاريخ التسجيل
    Aug 2009
    الإقامة
    مصر
    المشاركات
    3,245

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    اقتباس المشاركة الأصلية كتبت بواسطة FXEGY30 مشاهدة المشاركة
    مع ان اللى حصل النهارده العكس تماما
    يعني الساعه 5 نزل خبر على الدولار وكانت النتيجه سلبيه
    الدولار طلع وباقي العملات نزلت
    يعني الصدفه ان الباوند كان طالع لغايه الساعه 4
    والساعه 5 بعد نزول خبر الدولار اللى طلع سلبي
    المفروض الباوند يمكل طلوع
    بالعكس نزل والدولار طلع
    ايه تفسير القصه دي
    او نتصرف معاها ازاي
    اقولك لحضرتك ايه التفسير
    انو كل الناس اخدة ثقة ومتاكدة انو الخبر هينزل ايجابى ورمت سيولة على الدولار مما جعل الدولار يزداد قوة حتى بعد نزول الخبر السلبى
    هو ايه فايدة الخبر ؟
    محفز للمستثمرين انهم يرمو سيولة على عملة معينة وهو المطلوب اثباته ان السيولة رغم الخبر اترمت على الدولار وساعتها دون الرجوع للخبر الدولار راحخ يقوى لكن يرتد بعدها لانو هيحصل جنى ارباح بعدها بفترة وتقل السيولة ويرجع السعر لمناطقو الطبيعية شوية

    وبالنسبة بعد كدة لو خبر نزل على الدولار ايجابى فانته فساعتها على طول بتعمل الاوامر التالية
    EUR / USD SELL
    GBP / USD SELL
    USD / CHF BUY
    USD / CAD BUY
    AUD / USD SELL
    NZD / USD SELL
    وافضل انك تختار زوج الباوند بس عشان تلحق تفتح بسرعة لانو التحركات بتبقى سريعة وتقدر تاخدو من سعر اقل

    ولما يكون الخبر سلبى عالدولار بتضرب لااوامر دى
    EUR / USD BUY
    GBP / USD BUY
    USD / CHF SELL
    USD / CAD SELL
    AUD / USD BUY
    NZD / USD BUY
    بس الاول بتشوف الزوج ماشى ازاى قبل الخبر عشان تعرف وجهته والسيولة اترمت فاى اتجاه
    قبل الخبر ب 10 دقايق بالظبط

    اى استفسارات انا فى الخدمة

  10. #10
    تاريخ التسجيل
    Jul 2009
    الإقامة
    وهو في غيرها ( ارض النيل)
    المشاركات
    663

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    ياباش انت كبير وعمرك ما قصرت مع حد
    طيب افهم من كده انك بتنصح ان اي خبر بينزل على الدولار افضل زوج الواحد ممكن يتعامل بيع مع خبر الدولار هو الباوند
    وبالتاكيد اي خبر ينزل على الباوند كمان هيكون هوهو
    واليورو دولار انت شايف ايه
    مش هيكون افضل من الباوند في حدة حركته يعنى مش متهور شويه زي الباوند

  11. #11
    تاريخ التسجيل
    Aug 2009
    الإقامة
    مصر
    المشاركات
    3,245

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    الباوند سريع واسبريد قليل
    على غرار المجنون سريع واسبريد عالى
    اليورو بطىء واسبريدو قليل

    الباوند زى مبيطلع بسرعة بينزل بسرعة
    اليورو زى مبيطع ببطء بينزل ببطء ومش غدار

    ومشربش الشاى اشرب ازوزة

  12. #12
    تاريخ التسجيل
    Feb 2010
    الإقامة
    سوهاج
    العمر
    41
    المشاركات
    89

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    مش ممكن اعمل امرين معلقين واحد بيع تحت السعر الحالى ب 10 نقط والتانى شرا فوق السعر الحالى ب 10 نقط

    واصيده طالع او نازل

  13. #13
    تاريخ التسجيل
    Aug 2009
    الإقامة
    مصر
    المشاركات
    3,245

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    اقتباس المشاركة الأصلية كتبت بواسطة malekmostafa مشاهدة المشاركة
    مش ممكن اعمل امرين معلقين واحد بيع تحت السعر الحالى ب 10 نقط والتانى شرا فوق السعر الحالى ب 10 نقط

    واصيده طالع او نازل
    تقدر بالطبع لكن بلاش 10 نقاط لانو ساعات بينزل 15 فقط لضرب الاستوبات وبعدين يعاود الصعود او العكس يعنى

    كعلش اللعب على الاخبار يظهر فى البداية معقد شوية انما مع ممارستك له وتركيزك عليه
    هتتكون عندك خبرة جيدة جدا جدا تاهلك انك تكون سفاح اخبار

  14. #14
    تاريخ التسجيل
    Oct 2009
    الإقامة
    Muscat
    العمر
    34
    المشاركات
    317

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    احلى سلااااااااااااااااااام لمعلمنا الاستاااااااااااااااااااذ عاشق الفوركس
    لكم منا اجمل تحية واحلى سلااااااااااااااااااااااااااااااااااااااااااام

  15. #15
    تاريخ التسجيل
    Jul 2009
    الإقامة
    Jeddah
    المشاركات
    978

    افتراضي رد: حصريا : كيفية الربح من الاخبار والتقارير الاقتصادية ( فوريكس مان )

    شكرا جزيلا على لفت الأنتباه من جديد على اهمية الأخبار

المواضيع المتشابهه

  1. حصريا : استراتيجية الجابات ( فوريكس مان ) هتلعب بالجابابت لعب
    By 3ashekforex in forum طرق و استراتيجيات التداول في أسواق المال
    مشاركات: 28
    آخر مشاركة: 10-07-2010, 10:57 PM
  2. أهم الاخبار والتقارير الاقتصادية للاسبوع من 2 الي 6 اغسطس
    By ابوساره in forum سوق تداول العملات الأجنبية والسلع والنفط والمعادن
    مشاركات: 13
    آخر مشاركة: 06-08-2004, 01:17 PM

الاوسمة لهذا الموضوع