توكلت على الله فتحنا الحساب الحقيقي

[m_turbine]

النهاردة انا فتحت حساب مع FXSOL بريطانيا و حطيت 500 دولار ، انا مش عاوز احلم بالمكسب كل اللى عايزه دلوقتى انى انجح بس فى الحقيقى وحلتزم بادارة راس المال و الكلام اللى انتوا عارفينه .

ان شاء الله ححط النتيجة كمان شهر و ربنا يوفقنا كلنا

[Neverlander]

الله يوفقك و يسدد خطاك و يرزقك المال الحلال الطيب

[ابو تالين]

موفق يا غالي بإذن الله
ربنا يرزقك ويبارك لك

نسأل الله لنا ولكم التوفيق والسداد

[raider]

الله يوفقك بس التزم بما قلت من ناحية ادارة راس المال وبلاش النتيجة

[رانيا وجدي]

ربنا يوفقك ان شاء الله
ويكون بداية خير وربح باذن الله
وأهم نقطة متستعجلش الربح وأنت فى البداية ونصيحة فى البداية اشتغل بعقد واحد ميكرو الى ان تتضح الأمور معاك وتكتسب مرونة وأحتكاك أكبر مع السوق والحساب الحقيقي وابدأ بعدها ان شاء الله فى زيادة العقود تدريجيا وربنا معاك يارب

[brokensoul08]

ربنا يوفقك باذن الله و يبارك لك في رزقك و يكون الصافي دائما ربح
طبعا انا مش اهل للنصيحة لكن حبيت امر و ادعيلك

تقبل مروري ..

[م . فارس]

بالتوفيق ان شاء الله




انت تستاهل كل خير

[m_turbine]

جزاكم الله كل خير و متشكر على دعواتكم و نصائحكم و ان شاء الله تسمعوا عنى خير

[AHMED HAMOUDA]

بالتوفيق يا غالى
يارب يبقى اللون الاخضر حليفك فى مشوارك فى الفوركس
و يفتح لك باب رزق جديد و يرزقك من حيث لا تحتسب
بالتوفيق للجميع
فائق احترامى و تقديرى

[amine1]

السلام عليكم
نصيحة من أخ عنده تقريبا سنة في هذا السوق هذا المبلغ لا يكفي لعقود تبدأ ب 10 سنت للنقطة أي أن حسابك لن يتحمل تقلبات السوق حتى وان كنت ترى قيمة النقطة صغير

[morstar]

النهاردة انا فتحت حساب مع FXSOL بريطانيا و حطيت 500 دولار ، انا مش عاوز احلم بالمكسب كل اللى عايزه دلوقتى انى انجح بس فى الحقيقى وحلتزم بادارة راس المال و الكلام اللى انتوا عارفينه .

ان شاء الله ححط النتيجة كمان شهر و ربنا يوفقنا كلنا

بالتوفيق وان شاء الله كل صفقاتك رابحه

[forexex]

ياجماعة أنا اريد فتوى في الفوركس ، يا ريد حد من الاخوان يساعدنا....

[m_turbine]

بسم الله الرحمن الرحيم

انا فى الفوركس من 2007 يعنى حوالى 3 سنين و دلوقتى بقول كفاية ، انا اخر حساب اللى مولته فى اول مارس بقى منه 50 دولار فقط بعد جاب اليورو 130 نقطة و السوق اجازة طيب ازاى مش عارف

اعتقد ان لا التحليل الفنى و لا الاساسى كان بيتوقع جاب بالشكل ده و بصراحة انا بقى عندى يقين ان السوق لا بيمشى بالفنى و لا الاساسى و ده مش مجرد رد فعل من الخسارة بس تجارب مستمرة و بجدية لمدة اكتر من سنتين .

الحمد لله على كل حال انا مش زعلان على خسارة اخر حساب لان اجمالى خسارتى خلال السنتين حوالى 12 الف دولار و اكتر من كده يبقى انا برمى فلوسى فى التهلكة فعلا .

حقيقى انا حزين لانى كنت اتمنى انى انجح فى السوق و انا مش بحب الفشل بس الموضوع مش fair و مش ماشى بالمنطق خالص .

انا بالنسبة لى عندى حساب فى البورصة المصرية و حرجع لها تانى و حتابع هنا فى المنتدى فى باب الاسهم المصرية . لانه برغم اللعب اللى بيحصل فى سوق الاسهم الا انه اقل خطرا بمراحل من الفوركس


اسال الله عز و جل ان ينفع الجميع و يفتح عليهم من هذا السوق و من غيره و بارك الله لكل من علمنى هنا حرفا

جزاكم الله جميعا كل خير اعضاء المنتدى العربى

و شكرا

و السلام عليكم و حمة الله و بركاته

[المؤيد]

الله يعوض عليك والمهم الصحة والعافية

[engm7mad]

الله يعوض عليك يا اخي