وجهة نظر ياريت الكل يقول راية بالذات الادارة للرقى بالمنتدى

[Ahmed H ©]

السلام عليكم ورحمة الله وبركاتة

حبيت اعمل الموضوع دة علشان الارتقاء بالمنتدى

فمثلا قسم التوصيات دة ياما مليان من مواضيع لناس مالهاش بالفوركس او خبرتها لا تعطى لها احقية لعمل مواضيع ومن ثم خسارة اكتر من 10 تلاف زيارة يومية للقسم والله اعلم

فاعتقد انة علشان تعمل موضوع بقسم التوصيات لازم يكون فى شروط
يعنى اى حد عايز يعمل موضوع مايتنفز الا بعد موافقة الادارة علية
وكمان ياريت لو تعملو امتحان زى امحان شارك واربح 2000 دولار دة اكيد تعرفوة واللى اتعمل هنة من شهرين ع ما اعتقد
المهم ياريت رصد الرقابة على هذا القسم اللى ياما ضمر ناس وياما ويا ما الى اخرة
ففى ناس مبتدئين بمجرد ان يشوفو موضوع لتوصيات يقومو باعتين لصاحب الموضوع انهم عايزين يديرو عندة حسابات وعايزين يشترو استراتجيات وحاجات غريبة اوى ودة حصل معايا

او حتى كمان تمنعو وسائل الاتصال الخاصة بالناس اللى حاطة مواضيع
او تعملو امتحانات بسيطة
او اى شئ حتى يترصد الرقابة القوية على اخطر اقسام المنتدى
فمثلا فى منتدى خاص بالمال والاعمال وهوة من اكبر منتديات البرامج فى الانترنت فية قسم للمال والاعمال
وضمن هذة الاقسام يوجد قسم البنوك الالكترونية وعلشان اللى شافوة من عمليات نصب وحاجات غريبة اوى
فراحو عملو بنود كثيرة جدا لذلك تلاقى الان ولا مشكلة للنصب بالنسبة للبنوك الالكترونية فى المنتدى دة مع ان من 6 اشهر تقريبا كان ع طول كل شوية عملية نصب وعملية احتيال وضحب على الناس واشتغالات وكدة

وايضا قصة تانية من اكبر منتدى عربى للسياحة والسفر
والمنتدى دة تابع لاكبر سلسلة منتديات عربية وفى اخبار ان جوجل فى مساومات لشراء سلسلة المنتديات دى
على العموم المنتدى دة طبعا بيدخلة فى اليوم لا يقل عن نصف مليون زيارة وانا بتكلم عن المنتدى دة وليس السلسة كلها هههههههههههه لان السلسلة كلها بتدخل فال10 وال20 مليون والله اعلم
المهم لقو ان كل شوية فى عمليات نصب وكلها عبر الرسائل الخاصة يعنى واحد يقول رحلات بالتمن الفولانى وبعدين ينصب او يقولو هجيبلك تاشيرة معينة بكذا او الشركة دى كويسة ففى عمليات نصب كبيرة وكتيرة اوى
فراحو عملو خاصية عدم ارسال الرسائل الخاصة
وطبعا المواضيع عليها رقابة شديدة جدا فمافيش اى لينك او ايميل او تليفون بيتحط ابدا الا قليل جدا ودة بموافقة الادارة مثلا تليفونات ولينك شركة مصر للطيران او سفارة كذا كدة يعنى فقط
ومن بعدها مافيش اى مشكلة نهائى حصلت

طبعا دة اللى عملوة فى قسم من اخطر الاقسام بالمنتدى
ولكن بقسم مثل التوصيات بالمتداول العربى ياريت تعملو زى اللى عملوة فى القسم دة من بنود وشروط صارمة جدا علشان مش كل شوية نلاقى مشاكل ونصب على الاعضاء واللى يدايق اوى المبتدئين ولكن انا ماقصدش ان يطبق نفس الشروط اللى اتعملت فى المنتديات اللى زكرتها او اللى مازكرتهاش على قسم التوصيات لان دة يختلف عن دة تماما
ولكن انا قولت بعض ارائى وكمان للاسف لو عملتو انكم تلغو خاصة الرسائل الخاصة لكل من ينشئ موضوع للتوصيات عمركو ماهتلاقو حد ماشى فى موضوعة الا القليل ودة علشان اغلب اللى بيحطو توصيات بيكونو عاملنها فقط لل ............. والحدق يفهم
تحياتى

[Mohamedasm]

والله معاك حق

هو الموضوع شائق شوية ومحتاج تقنين من الإدارة وتعب وارهاق ولكن بالفعل ان تم تفيذه

سيكون نقطة فى صالح المنتدى وليس على قسم التوصيات فقط ولكن على جميع الاقسام

[Atto]

معاك حق
انا مش عايز اقول على اسم واحد لان فيه المئات
فتح ورش بعدد شعر راسى ومع تانى خساره يخرج وميرجعشى
وكل مره كده