الأكثر زيارة
رد مع اقتباس
عروض شركات الفوركس
 |  |  |  |  |  |  |
النتائج 1 إلى 13 من 13
- 07-05-2009, 10:26 AM #1
موقوف
- تاريخ التسجيل
- Dec 2008
- الإقامة
- منشأ أريوس(الاسكندرية)
- العمر
- 38
- المشاركات
- 1,394
ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
دعاء واحد مصري مطحون
اللهم أنقذنا من نفسنة الزملاء.. وغباء الأصدقاء ومفاجأة الأعداء
اللهم ارحمنا من استبياع الجيل الجديد.. وحرائق السكة الحديد
واستقصاد كل مدير.. ونداله القرايب الصغير منهم والكبير
اللهم أغثنا من كل عميل.. ومن فواتير موبينيل
اللهم أرحمنا من تشريفة عربيات المسئولين، وزحمة الشوارع في كل حين
وسحب الرخص في كل كمين.. من الغلبان مش م المتين
اللهم اهدى لنا سواقين الميكروباص
ومدير الشركة البصباص
اللهم ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين
اللهم قنا شر الكليبات ..
وشر شلل البنات.. ولؤم الستات وغباوة الحموات
والمينيمم تشارج كافيهات ..
وهيافة الصحف والمجلات
وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقوع السيرفر وقفلة السايتات
اللهم ارفع مستوى الفريق القومي..
لمستوى أنبى والحدود.. أو حتى مستوى أسمنت أسيوط
أو أرسل يارب عليه صاعقة.. بدل ما يخلونا نموت ..
اللهم اجعل الدكتور محمد شعلان مديرًا للمنتخب
والدكتور يحيى الرخاوي.. مدربًا عامًا ..
والدكتور أحمد عكاشة.. رئيسًا لاتحاد الكرة المصرية
حتى يعالجوه.. من الهبل والعبط.. يارب العالمين
اللهم سدد أقساطنا.. وضلل عنا مآمير الضرايب
اللهم ارزق جيل الوسط عقود عمل في ليبيا وقطر
اللهم افتح لجيلنا القديم الطريق الفسيح
حتى ننظف انتخابات البلد من لعبة المراجيح
اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب
واكفنا شر صاحب الدقن الكداب
وصاحب التصريحات النصاب
اللهم أحرق الـ0900
واضرب الحرامية بالحرامية
ونجح أي طالب في أي كلية
حتى ولو كان في التربية الموسيقية
آآآميين يارب
- 08-05-2009, 10:52 PM #2
عضو المتداول العربي
- تاريخ التسجيل
- Mar 2008
- الإقامة
- مصر
- المشاركات
- 271
رد: ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
حيّاك الله أخى أحمد
كل يوم جديد ومفيد
إسمح لى إضافة أبيات عامية طبعآ مش تأليفى
لكن واقعية جدآ
( مصرى مع الأسف )
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟جتك القرف
الشاعر المصرى
أحمد فؤاد نجمآخر تعديل بواسطة أبو شادن ، 08-05-2009 الساعة 10:56 PM
- 09-05-2009, 03:42 AM #3
عضو المتداول العربي
- تاريخ التسجيل
- May 2008
- الإقامة
- Egypt
- العمر
- 35
- المشاركات
- 26
رد: ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
اللهم أمين
و بحبك يا مصر
مشكور اخى الكريم موضوع واقعى جدا
- 09-05-2009, 04:26 AM #4
موقوف
- تاريخ التسجيل
- Dec 2008
- الإقامة
- منشأ أريوس(الاسكندرية)
- العمر
- 38
- المشاركات
- 1,394
رد: ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
بارك الله في اخي ابو شادن (( مصري مع الأسف ))
المشاركة الأصلية كتبت بواسطة أبو شادن
ودي وتقديري
@ @ @
- 09-05-2009, 04:28 AM #5
موقوف
- تاريخ التسجيل
- Dec 2008
- الإقامة
- منشأ أريوس(الاسكندرية)
- العمر
- 38
- المشاركات
- 1,394
رد: ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
تسلم يا غالي المشاركة الأصلية كتبت بواسطة shady1001
والشكر لله اولا ثم لأخي ابو شادن بارك الله فيه وكتب له الحج وزيارة البيت المحرم ولك ايضا
ان شاء الله
ودي وتقديري
@ @ @
- 09-05-2009, 08:18 PM #6
عضو المتداول العربي
- تاريخ التسجيل
- Aug 2007
- الإقامة
- فلسطين
- المشاركات
- 52
رد: ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
سين سؤال
Dr. Sammar
# يقال إن87%من الشعب المصرى ساخطون على الحكومة المصرية ... ما تعليقك ؟
ــ ال 13% الباقيين معاهم جنسيات أخرى .
# تقرير :45% من الشعب المصرى مصابون بمرض السكر ما تعليقك ؟
ــ آدى اللى خدناه من" الحلوانى " اللى بنى مصر .
# ما أهم مظاهر الفهلوة عند المصريين ؟
ــ انهم يشكون فى الشحات ولا يشكون فى النصاب .
# ليه الحزب الوطنى بيعمل اعلانات لنفسه مع ان البلد كلها بتاعته ؟
ــ زى ما شبكة الأوربت بتعمل اعلانات لنفسها على شاشة الأوربت .
# ما الفرق الأهم بين مصر وأمريكا ؟
ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .
# ما أهم قاعدة موجودة فى مصر ؟
ــ ان مفيش قاعدة لأى حاجة
# ما وجه الشبه بين السد العالى وقانون الطوارىء ؟
ــ الأثنان مصدر " للكهرباء!!!" .
# لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث .
# أين يمكنك أن تلاحظ سوء نية المصريين ؟
ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا .
# ليه أكتر ناس بياخدوا مواقف معارضة جريئة هم الناس بتوع الغزل والنسيج ؟
ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.
# امتى بتحس ان البلد حلوة ؟
ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)
# امتى هناكل جوافة من انتاج مزارع توشكى ؟
ــ لما نلاقى المشمش!!!!!
# ما العلاقة بين عصام الحضرى وسمن روابى ؟
ــ الطعم فلاحى وتحدى .
# هل لك أقارب استشهدوا فى الحرب ؟
ــ لأ عندى أقارب استشهدوا فى السلام ..... " السلام 98" . .
# ما الدليل على أن مصر بلد الامان ؟
ــ الدليل ان الواحد بيتردد كتير قبل ما يدخل أى قسم شرطة .
# ايه الكلمة اللى ما بتحبش تسمعها وانت فى أوضة العمليات ؟
ــ يا خسارة .
# ما الفرق بين الزوجة المصرية والزوجة اللبنانية ؟
ــ 40 كيلو جرام على الأقل .
# بماذا ستجيب كمصرى عند سؤالك عن عمرك فيما أفنيته بعد عمر طويل ؟
ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .
# من المستفيد من الزحام الذى يسيطر على شوارع القاهرة ؟
ــ شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ".
المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " .
المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية .
المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .
# ليه بيقدموا الساعة ساعة عندنا فى الصيف ؟
ــ علشان مصر تتقدم بينا .
# لماذا يقال عن الشعب المصرى انه شعب فوضوى ؟
ــ علشان بيكره " النظام
منقول
- 09-05-2009, 08:57 PM #7
عضو المتداول العربي
- تاريخ التسجيل
- Nov 2008
- الإقامة
- مصر
- المشاركات
- 4,097
رد: ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
شكرا علي الموضوع
- 10-05-2009, 03:57 AM #8
موقوف
- تاريخ التسجيل
- Dec 2008
- الإقامة
- منشأ أريوس(الاسكندرية)
- العمر
- 38
- المشاركات
- 1,394
رد: ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
بارك الله فيك اخي العزيز واشكرك عالأضافة المشاركة الأصلية كتبت بواسطة dream_198010
ودي وتقديري
@ @ @
- 10-05-2009, 03:58 AM #9
عضو المتداول العربي
- تاريخ التسجيل
- Dec 2008
- الإقامة
- الاسكندريه
- العمر
- 36
- المشاركات
- 580
رد: ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
ايه يا باشا فينك وفين مواضيعك
موضوع مسخره جامد ويموت من الضحك
على رنات يا معلم
- 10-05-2009, 03:59 AM #10
موقوف
- تاريخ التسجيل
- Dec 2008
- الإقامة
- منشأ أريوس(الاسكندرية)
- العمر
- 38
- المشاركات
- 1,394
رد: ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
تسلم يا غالي المشاركة الأصلية كتبت بواسطة ياسر ابو عمر
- 10-05-2009, 05:18 AM #11
موقوف
- تاريخ التسجيل
- Dec 2008
- الإقامة
- منشأ أريوس(الاسكندرية)
- العمر
- 38
- المشاركات
- 1,394
رد: ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
تسلم يا غالي المشاركة الأصلية كتبت بواسطة التائب اليك
ايه يا باشا فينك وفين مواضيعك
موضوع مسخره جامد ويموت من الضحك
على رنات يا معلم
وان شاء الله يبننا اتصالات
ودي وتقديري
@ @ @
- 10-05-2009, 09:14 AM #12
عضو نشيط
- تاريخ التسجيل
- Nov 2007
- الإقامة
- كندا
- المشاركات
- 1,123
رد: ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
سورة التوبة :
أفبالله و آياته و رسوله كنتم تستهزئون لا تعتذروا قد كفرتم بعد ايمانكم .
- 10-05-2009, 09:32 AM #13
موقوف
- تاريخ التسجيل
- Dec 2008
- الإقامة
- منشأ أريوس(الاسكندرية)
- العمر
- 38
- المشاركات
- 1,394
رد: ܔܔܔܔܔܔ █◄(( دعاء واحد مصري مطحون ))►█ ܔܔܔܔܔܔ
يبدوا انك لا تعرف ما تقول يا احمد المشاركة الأصلية كتبت بواسطة Ahmad Abouzeed
و وصلت لدرجة تفسير ايات الله بدون علم
الله يهديك يا احمد
خليك بالمنتدى الخاص بك ولا تتدخل في امور الناس ولا لأني مارضيت اترك المنتدى واشترك بمنتداك اصبحت تبحث لي عن الأخطاء بدون ما تعرف حتى في ابسط امور الدين ...
الله يصلح حالك يا احمد
(( تلميح بسيط ::الموضوع كله منقول من منتدى اسلامي ولو اتعبت نفسك بالبحث عن الموضوع في جوجل
ستجد الاف المواقع ومنها الأسلامية ممن قاموا بوضعه والحديث عنه ولم يقولوا عنه شيئ ومنهم علامات اسلامية كبرى*))آخر تعديل بواسطة EZZAT2004 ، 10-05-2009 الساعة 09:35 AM
المواضيع المتشابهه
-
ܔܔܔܔܔܔ █◄(( كراهة الدعاء بتعجيل العقوبة في الدنيا ))►█ ܔܔܔܔܔܔ
By EZZAT2004 in forum استراحة اعضاء المتداول العربيمشاركات: 68آخر مشاركة: 30-12-2009, 05:30 PM -
ܔܔܔܔܔܔ █◄((اتعلم ما هي قصة التحيات في نهاية الركع الزوجية في الصلاه؟... ))►█ ܔܔܔܔܔܔ
By EZZAT2004 in forum استراحة اعضاء المتداول العربيمشاركات: 2آخر مشاركة: 18-11-2009, 11:44 AM -
ܔܔܔܔܔܔ █◄(( يجيك اليوم اللي تتمنى انك ،نشرتها،وخليتها حسنة جارية لك ))►█ ܔܔܔܔܔܔ
By EZZAT2004 in forum استراحة اعضاء المتداول العربيمشاركات: 2آخر مشاركة: 16-10-2009, 12:29 AM -
ܔܔܔܔܔܔ █◄(( ماذا يحدث لأجسامنا عند قولنا "يا الله ))►█ ܔܔܔܔܔܔ
By EZZAT2004 in forum استراحة اعضاء المتداول العربيمشاركات: 6آخر مشاركة: 12-10-2009, 03:02 AM -
ܔܔܔܔܔܔ █◄((أحدث مجموعة حمايه للموبايل All Mobile AntiVirus ولك أن تختار ))►█ ܔܔܔܔܔܔ
By EZZAT2004 in forum استراحة اعضاء المتداول العربيمشاركات: 2آخر مشاركة: 06-04-2009, 09:25 PM
