كــــلا SeKY ...

[م / عـــ م ـــرو]

بسم الله الرحمن الرحيم
اولا احب ابارك للاعضاء اللى تأهلو للمرحلة التانية وبالتوفيق ان شاء الله
مش هعرف اتكلم كتير فى مقدمات عشان بصراحة انا مش كويس فى موضوع المقدمات ده وهدخل فى الموضوع علطول
انا بعتمد فى شغلى اعتماد شبه كلى على التحليل الفنى
مقاومات ودعوم يدوى
خطوط الترند
النماذج
وفايبوناتشى على اخر موجة ع اليومى والاربع ساعات
وبساعد نفسى بمعرفة البيانات والاخبار التى تصدر على الاسترلينى والين حيث ان الزوج اللى بستخدمه هو المجنون
البيانات اللى بعتمد عليها هى البيانات اللى قسم الاخبار والتحليلات بينزلها دايما فى مواعيدها
وايضا بنظر لنماذج الهارمونك عشان يزيد من قوة توقعى
كمان الشموع الانعكاسية احيانا بدخل معاها
واخيرا الدايفرجنس بالماكد والاستوكاستوك
التحليل ع الاربع ساعات واليومى واحيانا الساعة
1- فى حالة الدعوة والمقاومات بدخل مع الكسر او مع ظهور اشارة انعكاس بالشموع والدايفرجنس بدخل وكمان بستعين بالاخبار واحيانا بدخل عكس الاتجاه بمجرد ملامسة الخط للحصول على 50 نقطة سريعة

2- فى حالة الترند والنماذج زى المقاومات والدعوم بدخل مع الكسر او مع ظهور اشارة انعكاس بالشموع والدايفرجنس واحيانا بدخل عكس الاتجاه بمجرد ملامسة الخط للحصول على 50 نقطة سريعة
3- اما الفيبوناتشى مش بدخل عليه لوحده لازم يكون معاه خط ترند او مقاومة او دعم

4- نماذج الهارمونك بعتمد عليها مع خط الترند بدخل من النقطة c اللى بتكون ملامسة لخط الترند ولو يدعمها دايفرجنس ببقى مطمن لها اكتر

ان شاء الله هنتابع مع بعض الفرص انتظروا بداية المرحلة التانية
وهبدأ من دلوقتى احط الفرص اللى ممكن اقابلها للتجربة

[وليد الامور]

الف مبروك اخى الكريم وانا حاسس انك بقالك كتير تسعى للاشتراك (مجرد احساس) بس الحمد لله ربنا وفقك وعقبال ما نبارك لك فى المرحلة الثانية

[سمير صيام]

الف مبروك على التاهل وان شاء الله ربنا يوفقك فى المرحلة الثانية

[م / عـــ م ـــرو]

منور ياوليد باشا واحساسك فى محله فعلا
كل مرة كنت بشترك فيها كنت بخسر عن الرصيد الاصلى بس الحمد لله اخر شهرين النتائج بقت ايجابية اخيرا
استاذ سمير الله يبارك فيك ياعمونا ومعلش لو كنت مقصر فى الشرح بس الطريقة سهلة ودى كل الناس عارفاها وان شاء الله هحط شارتات ونتابع عليها

[mohsen224]

مبروك التاهل ياباشا ومتقلقش هحققلك امنيتك واسيبلك المركز العاشر

[م / عـــ م ـــرو]

مبروك التاهل ياباشا ومتقلقش هحققلك امنيتك واسيبلك المركز العاشر

ههههههههههههههههههه
مركز عاشر ايه دى كانت حركة عشان محدش يعملى حساب وتسيبونى اشتغل براحتى بس بينى وبينك انا عينى ع المركز الرابع
شد حيلك انت ياعم محسن ان شاء الله اشوفك فى المركز الاول

[faissal]

مبروك يا طيب وان شاء الله موفق

[م / عـــ م ـــرو]

الاربع ساعات فى انتظار اغلاق المجنون اعلى خط الترند المكسور باللون الاصفر والاهداف لو اغلق فوقه هتبقى 139.80
و140.90
وعلى فريم الساعة اغلاق اسفل الترند باللون الابيض الهدف هيبقى 136.70 ان شاء الله

[Mr.stayl]

الله الله
مبروك يا باشا على التاهل و الموضوع الي حيسخن بادن الله

و مركز عاشر ايه و رابع ايه

لا لا لا لا انا عاوز اشوفك في الاول بادن الله خلينا نفرح بيك يا مهندس

[ahmed s]

الف مبروك التاهل واتمنى لك التوفيق

[م / عـــ م ـــرو]

الله الله
مبروك يا باشا على التاهل و الموضوع الي حيسخن بادن الله

و مركز عاشر ايه و رابع ايه

لا لا لا لا انا عاوز اشوفك في الاول بادن الله خلينا نفرح بيك يا مهندس

الله يبارك فيك ياجميل
انت اخبارك ايه؟
ان شاء الله عشان خاطرك بس هحاول اوصل للمركز الاول

[م / عـــ م ـــرو]

الف مبروك التاهل واتمنى لك التوفيق

الله يبارك فيك يابو حميد وان شاء الله التوفيق لك ايضا

[hadi75m]

الف مبروك اتمنى لك التوفيق وان يحالفك الحظ بالظهور فى المراكز الاولى
تحياتى

[م / عـــ م ـــرو]

المجنون الان الى 139.80 ان شاء الله
والهدف التانى 141

[م / عـــ م ـــرو]

الف مبروك اتمنى لك التوفيق وان يحالفك الحظ بالظهور فى المراكز الاولى
تحياتى

الله يبارك فيك يازعيم وكفاية عليا تشريفك للموضوع