النتائج 1 إلى 6 من 6
  1. #1
    الصورة الرمزية عمو حسني
    عمو حسني غير متواجد حالياً عضو المتداول العربي
    تاريخ التسجيل
    Oct 2008
    الإقامة
    القاهرة-مصر/تورنتو-كندا
    العمر
    72
    المشاركات
    516

    Talking ليه مكتئب ؟ إنت مش عارف إن معدل النمو زاد لـ7%

    ثمرات النمو


    إبراهيم عيسي



    أمام كورنيش النيل المطل علي جزيرة القرصاية وقف المواطن تعبانًا هلكانًا لا يعرف من أين يأتي بفلوس يشتري بها احتياجات العيال في المدارس، فكر أن يرمي نفسه في النيل مثلما فعل جاره فتحي النكدي لما زهق من الديون والأقساط اللي عليه، في هذه اللحظة مر موكب وزير من أمانة السياسات بجواره فلمح الوزير المواطن وقد نوي رمي نفسه من النيل فرق قلبه وقرر التوقف والنزول والحديث مع هذا المواطن وإقناعه بالعودة عن الانتحار.

    اقترب منه الوزير إنت واقف هنا؟ ،رد المواطن: أريد التمتع بهذا المنظر.

    فقال الوزير - أي منظر؟

    - القمر الجميل والنهر الجاري وشجر النخيل.

    فرد الوزير: أنا شايف القمر وشايف النهر والنخيل، لكن فين المنظر؟ أكمل المواطن مستغربا: خلاص أنا واقف هنا عشان أنتحر ارتحت.

    الوزير تنتحر ليه؟ ، رد المواطن: لأني مش لاقي آكل.

    فأجاب الوزير وافرض مش لاقي تآكل تنتحر، بص للجانب الإيجابي الأهلي صعد لنهائي أفريقيا.

    المواطن: كويس يعني أنا حاخد مكافآت من حسن حمدي.

    رد الوزير: لأ بس كفاية عليك الفرحة ، علي الأقل فقير لكن مش زملكاوي كمان، ومصيبة لو كنت فقيرًا وزملكاويًا وقبطيًا، وداهية لو فقير وزملكاوي وقبطي وصعيدي كان زمان نهار أبوك أسود ومنتحر من 1981.

    المواطن: النبي تتلهي.

    الوزير: إنت ليه مكتئب إنت مش عارف إن معدل النمو زاد لـ7%.

    المواطن: نمو إيه؟!

    الوزير نموك، قصدي نمو الاقتصاد.

    المواطن: الحقيقة أنا نموي وقف.

    الوزير: مسكين أصل ثمرات النمو لم تتساقط لسه فوق دماغك كي تشعر بها.

    المواطن: وثمرات النمو دي ببذر ولا من غير بذر

    الوزير: لأ ثمرات النمو لها قلب زي قلب الخساية وممكن كمان تقشرها وتاكلها أصل طعمها حلو جدا.

    المواطن: أنا كنت فاكر إنه مفيش أمل بس دلوقت حالا عرفت إنه مفيش عقل.

    الوزير: أنا عارف إنك بتمر بظروف سيئة مأثرة علي تفاؤلك لكن تأكد أن اقتصاد البلد ممتاز ومعدلاته رائعة.

    قفز المواطن في النيل وهو يهتف: نموت نموت وتحيا معدلات النمو.

    أمر الوزير الحرس أن ينقذوا المواطن من الغرق فلما خرج من النيل مبلولا ومضعضعا.. قال له الوزير: يا ابن الذين عايز تموت قبل ما تقولي فين المنظر!!

    ما المغزي من هذه الحكاية؟ المغزي تشرحه حكاية أخري فقد روي أبوعباد، كاتب الخليفة المأمون، إن وفدًا من الكوفة جاءه يلتمس عزل والي مدينتهم، قائلاً: في السنة الأولي لولايته اضطررنا إلي بيع مقتنياتنا وأراضينا. وتخلينا في السنة الثانية عن أنوالنا وأموالنا. وفي الثالثة هجرنا مدينتنا وجئنا أمير المؤمنين راجين رحمته بأن يضع حدًا لشقائنا بعزله. لكن أمير المؤمنين رفض احتجاجهم، وأكد لهم استقامة الوالي وتقواه، وإخلاصه وعدله. فأجابه الناطق باسم الوفد: صدقت يا أمير المؤمنين، وكذبنا نحن بحق الوالي، فما دام هذا الوالي علي ما ذكرت، من الاستقامة والتقوي والإخلاص والعدل، لما خصصتنا به هذه السنين الطوال دون سوانا؟ وقد ولاك الله بلدانًا أخري لترعاها كما رعيتنا، فأرسله إليها أيضًا لينعم أهلها باستقامته وتقواه وإخلاصه وعدله، كما نعمنا بذلك قبلهم..!

    والخلاصة لو أنتم يا سادة الحكومة ناجحون قوي ومعدلاتكم زادت ما ترتاحوا وروحوا وحلوا عن أهلنا!

    جريدة الدستور - يومية ، سياسية ، مستقلة - مقال رئيس التحرير

  2. #2
    الصورة الرمزية ميرو
    ميرو غير متواجد حالياً موقوف
    تاريخ التسجيل
    Aug 2008
    العمر
    35
    المشاركات
    573

    افتراضي رد: ليه مكتئب ؟ إنت مش عارف إن معدل النمو زاد لـ7%

    زملكاوى
    جيت ليه على الجرح ليه ياعمو حسنى
    مرة واحد صاحبى زملكاوى بيقولى عاوز تتذل كون مصرى
    عاز تتذل اكتر كون مصرى وزملكاوى
    تعرف موضوع النمو والكلام اللى حضرتك كاتبه ده
    بيفكرنى بكلام لابراهيم عيسى كان بيقول
    معدل النمو زاد بمقدار مليار جنيه صحيح انا اخدت جنية واحمد عز خد مليار
    بس النمو زاد نبص للجانب الايجابى شوية
    على فكرة ابراهيم عيسى زملكاوى

  3. #3
    الصورة الرمزية عمو حسني
    عمو حسني غير متواجد حالياً عضو المتداول العربي
    تاريخ التسجيل
    Oct 2008
    الإقامة
    القاهرة-مصر/تورنتو-كندا
    العمر
    72
    المشاركات
    516

    افتراضي رد: ليه مكتئب ؟ إنت مش عارف إن معدل النمو زاد لـ7%

    انا كمان زملكاوي يا ميرو بس خلي الموضوع سر بيني وبينك

  4. #4
    الصورة الرمزية ميرو
    ميرو غير متواجد حالياً موقوف
    تاريخ التسجيل
    Aug 2008
    العمر
    35
    المشاركات
    573

    افتراضي رد: ليه مكتئب ؟ إنت مش عارف إن معدل النمو زاد لـ7%

    اقتباس المشاركة الأصلية كتبت بواسطة عمو حسني مشاهدة المشاركة
    انا كمان زملكاوي يا ميرو بس خلي الموضوع سر بيني وبينك
    دى الغلطة الوحيدة اللى حضرتك عملتها
    شوف ياعم حسنى طالما انت فى خريف العمر
    الحق توب بقى من الذنب ده
    ده فريق جاب لى السكر والضغط والقلب وانا عندى 20 سنة

  5. #5
    الصورة الرمزية يورو2006
    يورو2006 غير متواجد حالياً موقوف
    تاريخ التسجيل
    Apr 2006
    الإقامة
    ISLAMIC
    المشاركات
    3,474

    افتراضي رد: ليه مكتئب ؟ إنت مش عارف إن معدل النمو زاد لـ7%

    اقتباس المشاركة الأصلية كتبت بواسطة ميرو مشاهدة المشاركة
    دى الغلطة الوحيدة اللى حضرتك عملتها
    شوف ياعم حسنى طالما انت فى خريف العمر
    الحق توب بقى من الذنب ده
    ده فريق جاب لى السكر والضغط والقلب وانا عندى 20 سنة


  6. #6
    تاريخ التسجيل
    Aug 2008
    الإقامة
    -ـ_ـ- جدة -ـ_ـ-
    المشاركات
    614

    افتراضي رد: ليه مكتئب ؟ إنت مش عارف إن معدل النمو زاد لـ7%

    إخواني ليش عمو حسني موقووف ..

    وإن شاء الله يطلع بالسلامة

المواضيع المتشابهه

  1. ارتفاع معدل إنفاق المستهلك الأمريكي و قفزة هائلة في معدل الدخل الشخصي
    By التحليلات والأخبار in forum سوق تداول العملات الأجنبية والسلع والنفط والمعادن
    مشاركات: 0
    آخر مشاركة: 26-06-2009, 03:42 PM
  2. أهم الأنباء ليوم 8-5-2009: ارتفاع معدل التوظيف بكندا و استقرار معدل البطالة
    By التحليلات والأخبار in forum سوق تداول العملات الأجنبية والسلع والنفط والمعادن
    مشاركات: 0
    آخر مشاركة: 08-05-2009, 04:50 PM
  3. معدل النمو الأمريكي يرتفع قليلا في الربع الثاني
    By التحليلات والأخبار in forum سوق تداول العملات الأجنبية والسلع والنفط والمعادن
    مشاركات: 0
    آخر مشاركة: 31-07-2008, 04:23 PM
  4. ارتفاع معدل النمو في الولايات المتحدة الامريكية بمعدل اسرع من التقديرات
    By التحليلات والأخبار in forum سوق تداول العملات الأجنبية والسلع والنفط والمعادن
    مشاركات: 2
    آخر مشاركة: 29-11-2006, 10:15 PM

الاوسمة لهذا الموضوع


1 2 3 4 5 6 7 8 9 10 11 12 13 14 15 16 17