ملخص محاضر عن التغلب على الخوف والطمع

[piso_731]

ملخص ويبنار اتعمل عشان مناقشة الخوف و الطمع اثناء المضاربة
انا قلت اسمعة واحاول اترجم او الخص الموضع يمكن يستفيد منة حد

البداية:


الاحصائيات تقول ان 11.5 % رابحين و 19.5 % متعادلين و 70 % خسرانيين
_(معلومة جديدة )

لماذا؟

الاسترتيجية ليست المشكلة
المضارب الذى يفشل فى تنفيذ الاستراتيجية

المشكلة فى الاقتناع العقلى باشياء ليست واقعية مثل:

*الفوركس طريق الثراء السريع
*ممكن عمل الملايين من مبلغ اقل من 1000 دولار
*كل ما تحتاجة كمبيوتر و استراتيجية حتى لو اتوماتيك استراتيجى
*كل واحد ممكن يعمل فلوس من المضاربة (هناك من يريد ان تعتقد هذا حتى تقع برجليك)


و سرعان ما تدفع ضريبة هذة المعتقدات من جيبك الشخصى

يجب ان تعرف ان المضاربة ( و ذلك قبل ان تبداء)
هل تتفق مع شخصيتك ؟
وهى مهنة احترافية ستحتاج الكثير من الوقت والجهد

الاسباب الستة للخسارة:

1- مفيش استراتيجية
2- عدم الانضباط فى تنفيذ الاستراتيجية
3- الفشل فى التحكم الضغط النفسى (العاطفة) اثناء المضاربة
4- الفشل فى تقبل الخسارة
5- نقص فى التزامك
6- المضاربة اكثر من اللازم

ماهى العواطف التى تواجهك اثناء المضاربة؟ غير الطمع و الخوف

1- الرغبة الملحة فى دخول صفقة خاصة لو بقالك فترة معملتش صفقة ايدك بتكللك
عايز تخش فى مود الايثارة للمضاربة طبعا معنى الكلام دة ان معندكش صبر
2- الفزع
تخيل لو ان النت قطع و انت فى صفقة او البرنامج هنج خاصة وقت الاخبار و مبقتش عارف تعمل اية----- طب السعر بيتحرك بسرعة ياستر لو عكس صفقتك طب اعمل اية اخرج ولا استنى

3- عدم وجود قدرة على اتخاذ القرار و الشك
ياترى ظروف الاستراتيجية كدة مضبوطة و لا اية؟ هى دى نقطة الدخول ؟ طب انفذ الصفقة و لا استنى شوية لحد ما اتاكد
الصفقة مية مية بس عكس الترند اخش ولا اية طب صفقة تانية مع الترند بس قدمها خط بايفت اسبوعى طب اعمل اية؟ لو السعر اتحرك ضدى شوية طب احرك الاستوب بتاعى بعيد شوية ادى الصفقة مساحة اكبر ؟.لو فى ربح اخرج دلوقتى و لا استنى شوية ..طب استنى دقيقة كمان......الخ

4- الغضب
ضرب الاستوب خرجك برة وبعدين اتحرك فى الاتجاة الاولانى..... خد فلوس منك وهرب تبقى عايز ترجعها
ساعتها تبقى عايز تنتقم



كيف يؤثر الخوف و الطمع على اتخاذ القرار:

الراجل تحدث عن لعبة صفقة او لا صفقة
الاعب امامة 20 شنطة شنطة فيهم مليون دولالر و الباقين فيهم من 1 دولار ل بضع الاف دولار
بترسى اللعبة على3 شنطة امام الاعب واحدة فيها 1 دولار و التانية فيها 5 دولار و الثالتة فيها المليون طبعا اشك فى الموضوع
و يجى المزيع خد يا عم 1000 دولار و سيب اللعب وروح بيتكم
الاعب يقل لا
المذيع طب خد 2000 مش عاجبة طب خد 50000 برضة مش عاجبة طب خد ميت الف و روح بيتكم هتخرب بيت البرنامج طب خد 250 الف (ربع مليون تخيل ربع عصفور فى اليد و لا واحد فى الشنطة)
مراتة تقولة خدهم وخلاص يا اما مش قاعدللك فى البيت
اخوة يقولة قدامك خطوة على المليون جنية

-طب مرة واحدة بس
- انا محظوظ النهاردة
-النهاردة هنتقم منهم الى خربو بيتى

طبعا لما اختار سنطة و فتحها لاقة 5 دولار بس طبعا بسبب الجشع الطمع
لازم تعرف امتى هتتوقف

محصلش معاك انك كسبت كام صفقة على الصبح و بعدين رجعتهم تانى للسوق اخر النهار مع الضريبة

اولا : الخوف من الخسارة

بيخليل متبدائش المضاربة
تصرف فلوسك على الكتب و الدورات و الاستراتيجيات وبتضيع وقتك فى البحث عن شىء انت مش عارفة اصلا وعلى التجارب فى الديمو لانك فى الحقيقة خايف
ايوة خايف تخش وتخسر وتعيد التجربة مرة تانية و تخسر
زى الطالب الى عايز يفضل فى الكلية على طول وخايف يخرج للبحث عن عمل واقعى لاحساسة انة هيفشل فى ايجاد عمل
طبعا هو فى الكلية مستمتع بالحياة و الجو جميل خالص و معلوهوش اى مسئولية نجح زى منجحش (كسب زى مكسيبش كلة ديمو) لية يخرج برة يدور على شغل وفى الاخر مش هيلاقى و لو لقى اللى هيخدة هيصرفة عللى الموصلات

فى المانية الحكاية دى بتحصل لان الدراسة عنهم ببلاش و ممكن تلاقى الواحد يقعد 12 سنة فى الكلية و عجبى


فى النهاية لابد ان تتغلب على هذا الشعور بالخوف والا هتفضل محللك سر وكل ما تيجى تخش صفقة على الحقيقة هتخاف تدوس على الزناد و قلبك هيقع فى رجليك ويجيللك هبوط

والعكس مع الطمع يخلليك تخش كتير عشان تعوض عشان تعمل ارباح اكتر و تلاقى نفسك اللى ختة باليمين بترجعة للسوق بالشمال


المشكلة الحقيقية فى الثقة
الثقة فى الاستراتيجية و تكون مرتاح لها
الثقة فى مقدرتنا على الدخول فى الصفقة
هتخش الصفقة يعنى هتخش
هتخرج منها يعنى هتخرج
ثقة هنقول اية واثق من نفسة عارف بيعمل اية



المراحل الثلاثة

المرحلة الاولى التعليم و اختبار الاستراتيجسة ممكن شهر اتنين مش مشكلة


المرحلة التانية تنفيذ اول صفقة

فى حالة الصفقات الناجحة 5- او 10 صفقات ناجحة ينتج عنها:
الثقة ازائدة ( اساس المشكلة)
تزود العقود (العملية سهلة دا انا من 10 صفقات واحدة بس الى خسرتها)
تزود الهدف الاسبوعى بتاعك
مش مهم الاستراتيجية دا انا بلقطها و هى طايرة الحدس الفوركسى عندى مية مية

فى حالة الصفقات الخاسرة:
الشك فى الاستراتيجية او فى نفسك المهم فى حاجة غلط و انت مش عارفها
ممكن تروح تشترى او تدور على استراتيجية تانية وتتخلى عن الاستراتيجية الاولى
انعدام الثقة
محاولة تحسين الاستراتيجية
الاستسلام

المرحلة التالة مرحلة
النكبة بسبب الخسارة فى الحالتين و الحيرة نتيجة الثقة الزايدة او انعدام الثقة

ياترى فى حل للمشكلة
ان شاء الله وعشان كدة هما عملين الويبنار دة


اولا تحديد المشكلة وهى اطريقتك الخطء كاالاتى:

هدفك الاول: انا عايز اعمل فلوس

خطتك: انا جربت حاجات كتير و هجرب حظى فى الفوركس ==<من المشاريع الفاشلة- للبورصة هى هتيجى ع الفوركس

الاستراتيجية: من كتاب –ندوة—اشترى استراتيجية

التنفيذ: لنبداء الاتجار العملية سهلة ب 100 $ ممكن تبداء( تمن الغدا فى مطعم 5 نجوم*)



لنفهم ان المضاربة او التجارة مهنة

ليست سهلة كما يريد البعض ان تعتقد

لو عندك قضية فى المحكمة وجالك واحد قاللك دا انا قريت كتاب القانون للمؤلف الفلانى و كتاب القانون للبلد اللى انت عايش فيها

هتخلية يترافع عن قضيتك؟ لية؟

هل تعتقد لو قراءت كتاب او استراتيجية هتعرف تعمل فلوس كتير و تبقى مليونير؟
لايكفى قراءة الكتب وحدها..............

مثال:
تحديد الهدف انا عايز اتجوز اصل امى ضغطة علية وخير لابد منة

- الخطة :اروح للخاطبة وقولها انا عايز واحدة صيدلانية بنت ناس ملتزمة (اخوكم بيدور هو كمان)


- تحديد كام واحدة جابتهم الخاطبة عشان هعمل زيارات لحد مطب فى و احدة منهم و قلبى ينفتح لواحدة منهم


- طبعا كل زيارة لازم ادخل بقيمتى يعنى الهدايا و الذى منة بس عيزين نلخص فى الموضوع

- اخير نتجوز


اية علاقة دة بالتجارة:

مثال:
تحديد الهدف انا عايز اتجوز اصل امى ضغطة علية وخير لابد منة

تحديد الهدف انا عايز اعمل فلوس من التجارة

الخطة :اروح للخاطبة وقولها انا عايز واحدة صيدلانية بنت ناس ملتزمة
الخطة: اروح للنت و دور على موقع فى استراتيجية و لا منتدى

تحديد كام واحدة جابتهم الخاطبة عشان هعمل زيارات لحد مطب فى و احدة منهم و قلبى ينفتح لواحدة منهم
انقى منهم استراتيجية بنت حلال او توصيات

طبعا كل زيارة لازم ادخل بقيمتى يعنى الهدايا و الذى منة بس عيزين نلخص فى الموضوع
بس متكنش غالية و بنت حلال و على قد فلوسى

- اخير نتجوز و انت و حظك (زى البطيخة يحمرا يا تطلع قرعة)
- اخيرا هندخل بس هتدخل فين و على مين وهنعهمل فلوس ولا هيدبسونا فى فلوس يعنى هندعم الرصيد بكمان 500$ ولا هترسى على اية

الطرق القديمة

استراتيجية واحدة \\\سوق واحد-عملة واحدة\\\تعمل تحت ظرووف معينة\\\يمكن وقت معين
نبداء التجارة تلاقيها مش جايبة همها فاشلة === دور على واحدة تانية وتانية و تالتة ورابعة و دوخيينى يالمونة

فى جوجل 1400000 موقع عن الاستراتيجيات بس (شكللك مقرتش الرقم كويس ا الرقم 14 مليون)

اسئل نفسك كام استراتيجية انت جربتها؟ فاضللك كام على ال14 مليون منت فاضى

هتلاقيك بتعمل نفس الاشياء و بتتوقع نتيجة مختلفة
دة مش كلامى يا جماعة انا بترجم بس بالطريقة اللى فهمتها

الطرق الحديثة:

- يجب ان تحدد اهدافك و الاشياء المفضلة لديك

س انت عايز تعمل فلوس اد اية (هدف) عن طريق التجارة؟ 1000فى الشهر الفين 200000فى السنة
بيقول علية سؤال سهل مش عارف ازاى ؟ يا ريت الناس الى عرفت تحدد اد اية عايزة فى الشهر تقولى حسبتها ازاى؟

س ماهو حجم العقد بتاعك؟
س ما مدى المخاطرة بتاعتك // نسبة المخاطرة على العائد اد اية؟ عشان تعمل الهدف بتاعك
س كام صفقة انت عايز تعملها وهل خلال اليوم او خلال الاسبوع؟ فية ناس لو قعدت يومين من غير ما تعمل صفقة ممكن يحصلها حاجة!!!!
س ما هو اقصى درو دون drawdown انت حاسبة؟
س اد اية وقت انت هتاجر فية ساعة /2/3 ولا متفرغ وامتى الصبح بالليل العصر ؟

كل هذة الاشياء لازم تحددها قبل تقرر ان المضاربة دى مناسبة ليك ولا لا

خاصة المضاربة اليومية لانها مش لاى حد...

اذا كنت تعانى من عدم الانضباط و الالتزام اذن المضاربة اليومية مش ليك
بص حوليك شوف انت منظم فى الغرفة اللى انت قاعد فيها ولا المكتب بتاعك منظم و لااية نظامك اية؟
لو انت حساس ان اقل حاجة ممكن تعصبك يبقى المضاربة اليومية مش ليك
لان السوق مش هيطبطب عليىك لمل تعيط وتخسر و لا هيعبرك اساسا

اذا كان عندك مشكلة من تقبل ان هتبقى فية خساير يعنى يوم ليك و يوم عليك و قلبك هيستحمل الخسارة لما تحصل لما تكون مضارب يومى
اذن ابعد احسن

فية ناس لما بتشوف الدم ممكن يغمى عليها تفتكر واحد زى دة ممكن يبقى دكتور و يعمل عملية لحد؟؟
اعترف
اذا قررت ان المضاربة اليومية تناسبك
تعلم الاساسيات و المهارات البدائة
طبق الاستراتيجيات على الديمو

استراتيجيات يعنى مش واحدة

اى محترف عندة على الاقل 3 استراتيجيات و عجبى او
واحدة للترند الصاعد و واحدة للترند النازل و واحدة Sideway
او استراتيجية تمشى مع الاحوال التلاتة بس هى فين ؟؟؟؟؟؟؟؟؟؟؟
قيم الاستراتيجيات واعمل فيد باك على كل واحدة ذى اى محترف

قيم تقدمك

خد باللك انك هتحتاج وقت
فاكر اول مرة سوقت فيها العربية شوفت الخوف و الرهبة و القلق بعد فترة من الزمن كل دة راح مع انك متعلمتش حاجة جديدة بس الاستمرارية و التعود و خبرتك و الفيد باك


الطريق الصحيح يحتاج الى 5 عناصر:
تجهيز العقل Mind set
المهارات الاساسية
استراتيجية
اعمل لنفسك الخبرة و اعمل الفيد باك عشان تقيم مستواك

Mind set
هل المضاربة اليومية مناسبة ليك
و ما هى المضاربة اليومية
و ماذا تتوقع منها
هل ساكون منضبط و ملتزم
هل ساتحكم فى عواطفى اثناء المضاربة
جاوب على الاسئلة بنفسك و لنفسك واعترف لنفسك هذا و الا ......لا تلومن الا نفسك؟

تحديد الهدف
Define your goals-SMART
-S- Specific
-M- measurable
-A-attractive
-R- realistic
-T- time frame

اعمل خطة

نفذ الخطة

الاساسيات

1 خليك مع الترند (ضارب فى الاتجاة الصحيح) عشان دى اسهل طريقة لتعمل فلوس طبعا دى عايزة شرح
2 دائما اعرف امتى تخرج (مكانش حد غلب) بمعنى:
امتى تخرج بربح و امتى تخرج بخسارة
3 ضارب فى السوق الى عامل ترند the right market

3 استراتيجية proven one يعنى استراتيجية مثبتة موثوق فيها (لحسن حد يروح يدور على استراتيجية اسمها بروفن ون) على اى سوق و فى اى ماركت وتعتمد على السوق و ليست ماجيك انديكوتور
اهى دى لوحدها مشكلة كبيرة على الاقل بتكلم عن نفسى!!!!!!!!!!!

4 لازم تسجل الفيد باك هى شغالة معاية كويس ولا لا (نتائجة جيدة ولا سيئة)
ركز على الاستراتيجيات الى جايبة معاك نتائج كويسة
لو فية 2 من اصل خمسة نتائجهم كويسة على عملات معينة ركز عليهم
شوف انت ناجح فى اية اية الى انت مستريحلة اية الى جايب معاك نتائج كويسة جرب كل الاسواق بنفس الاستراتيجية

اذن كيف تتغلب على الخوف و الطمع و
الثقة الذائدة او قلة الثقة

لو انت بتخاف من المرتفعات العلاج انك تواجة مخاوفك face to face لحد ما تتعود عليها بس صعب انك تطلع بنفسك عند اى حاجة مرتفعة لوحدك لازم حد يكون معاك يساعدك
ممكن تقراء 100 كتاب عن علاج الخوف من الارتفاعات بس فى النهاية لازم تطلع على المرتفعات لازم حد يساعدك و يطلع معاك عشان لو وقعت متبقاش الوقعة الاولى و الاخيرة
شكلة عيزنا نروح ناخد دورة

لتتغلب على الطمع

حدد هدف اسبوعى
لو حققت الهدف خلاص اقفل الجهاز اجازة الفسحة جت

المضاربة ممكن تصبح عادة و عادة سيئة ممكن تبقى حالة مرضية
زى مدمن القمار ومش قادر يبطلة لازم يتعالج و اول حاجة لازم تتعمل نغير نشاطاتة اليومية

عشان كدة لازم تحدد هدف الاسبوعى اول ما يجى الهدف باذنك يارب تقفل الجهاز وتقول جرس الفسحة ضرب ضرب

لا تلوم الاستراتيجة معظم الاحيان المشكلة فى المضارب







طيب ازاى تحدد اى ماركت ؟ و طالع و لا نازل؟

استخدم اى حاجة ترند لاين او انديكوتور او الشموع بس لازم خلال سوانى تكون محدد نوع الماركت دة اية طالع ولا نازل ولا سيد واى

تحديد الخروج زى مقلنا قبل كدة
طبعا
الوقت خلص الراجل كان شكلة عندة كلام كتير بس الوقت خلص

و خلصت الحدودتة حلوة ولا ملتوتة

دعواتكم

[ابو لاما]

شكرا اخي الكريم وبارك الله فيك
ودي وتقديري .

[piso_731]

شكرا اخي الكريم وبارك الله فيك
ودي وتقديري .

دا اقل واجب للمنتدى و اعضاءة المنورين
انا عارف انها ممكن تكون معلومات قديمة
بس للتذكير
و يارب تطلع فيها معلومة جديدة لاى حد

[zenoforex]

والله اني استفدت منك كتير جدا ياأخي
جزاك الله عنا كل خير
واطمنك انا من المدمنين على الفوركس ولسه بخسر
بس هلأ بديت بالميني وبديت اتعلم كيف اضبط اعصابي والتحكم بالخوف والطمع
اشكرك من كل قلبي
فنحن بامس الحاجه لهكذا دروس قبل التدرب على تطبيق الأستراتيجيات

[الإماراتي]

مشاركة قيمة ...
ما شاء الله .... هو هذا الكلام الصح
كيف ممكن احصل على المحاضرة ؟

ودي وتقديري لك

[مساهمكو]

الله يعطيك الصحة والعافية ،،،،

موضوع شيق ومفيد فعلاً ... وهو للخبير قبل المبتدئ

[asad2008]

بارك الله فيك على هذه المشاركة التي اثرت الموضوع وهي في مجملها ذات قيمة رائعة وذات مدلولات مهمة لكل مضارب وخاصة للمبتدئين
واصل تقديم كل ما هو مفيد ونافع وجزاك الله خيرا

[Samir A]

الحدوته كتير حلوه
وكتير مشكور
وان شاء الله نشوف مشاركاتك باستمرار

[eslam_sha]

من أفضل الدروس التى قرأتها
بارك لله فيك

[balgiki]

موضوع رائع
يعطيك العافيه عليه
الحقيقه انت مترجم 7 نجوم
تقبل ودي

[shebami]

محـــاضــر زي الفــل



الله يجزاك خير

[nemo]

الله ينور عليك بس مين يقرا ومين يسمع

[nevyman99]

جزاك الله خيرا وجعله فى ميزان حسناتك

[adelreda]

جزاك الله خيرا وجعله فى ميزان حسناتك

[piso_731]

والله اني استفدت منك كتير جدا ياأخي
جزاك الله عنا كل خير
واطمنك انا من المدمنين على الفوركس ولسه بخسر
بس هلأ بديت بالميني وبديت اتعلم كيف اضبط اعصابي والتحكم بالخوف والطمع
اشكرك من كل قلبي
فنحن بامس الحاجه لهكذا دروس قبل التدرب على تطبيق الأستراتيجيات

كلامك دا احسن هدية و دافع للتقدم و انا حاسس بيك

مشاركة قيمة ...
ما شاء الله .... هو هذا الكلام الصح
كيف ممكن احصل على المحاضرة ؟

ودي وتقديري لك

اخى الكريم المحاضرات دى متسجلة و محطوطة على النت فى fxstreet ما ينفعش تعملها دون لوود لازم تسمعها من على النت المحاضرة دى لوحدها 80 ميجابعد ما سجلتهابطرقتى الخاصة على الهارد و انا ها حاول ارفعها
fxstreet بتستضيف كل اسبوع واحد من الخيرة و يعملوويبنار ( سيمنار بس على النت) يقوم الخبير يشرح اى حاجة او يتكلم فى موضوع معين و الكل بيستفيد
بصراحة لسة فية شوية محاضراترهيبة رهيبة بمعنى الكلمة بس مين يساعد فى الترجمة

وانا بقول لمشرفين المنتدى لازم تعملو كدة
لازم تعملو كل اسبوع و يبنار
بلاش كل اسبوع خليها كل شهر
على الاقل نستفيد بالخبرات العربية

الله يعطيك الصحة والعافية ،،،،

موضوع شيق ومفيد فعلاً ... وهو للخبير قبل المبتدئ

انا سعيد انة افادك اصل انا بكتبة و العواطف دى عدت عليا و لحد دلوقتى بحس بيها

بارك الله فيك على هذه المشاركة التي اثرت الموضوع وهي في مجملها ذات قيمة رائعة وذات مدلولات مهمة لكل مضارب وخاصة للمبتدئين
واصل تقديم كل ما هو مفيد ونافع وجزاك الله خيرا

شكرا يا اخى تصدق احسن طريقة للاستفادة من هذة الندوات هو ترجمتها كانك بتذاكر عشان متسمعهاش من هنا و تخرج من هتا

الحدوته كتير حلوه
وكتير مشكور
وان شاء الله نشوف مشاركاتك باستمرار

من أفضل الدروس التى قرأتها

بارك لله فيك

الحمد لله

موضوع رائع

يعطيك العافيه عليه
الحقيقه انت مترجم 7 نجوم
تقبل ودي

بصراحة اخجلتم تواضعناو الله رد فرحنى جدا

محـــاضــر زي الفــل





الله يجزاك خير

الله ينور عليك بس مين يقرا ومين يسمع

جزاك الله خيرا وجعله فى ميزان حسناتك

جزاك الله خيرا وجعله فى ميزان حسناتك

شكرا لهذة الردود
و جزاكم الله خيرا