راح الحساب والحمد لله - وجهة نظري عن الفوركس

[VaNaDess]

السلام عليكم

النهارده خسرت اكتر من 95% من الحساب تقريبا مش باقي فيه حاجه .. بس الحمد لله المبلغ مكانش كبير كان حوالي 440 دولار .. في ثلاثة اسابيع راح الحساب

طبعا ادارة راس المال قبل كل شئ ابتديت باصغر لوت ومن ثم ابتديت اضاعف لغاية ما وصلت ل 0.10 بعدها 0.20 واستمريت علي كده لغاية ما الخسارة كبرت معايا

انا مش عارف المشكلة في ايه الصراحه انا بقالي 6 شهور عمال اتعلم ديمو وجربت حسابات حقيقية علي ماركتيفا وغيرها من الحسابات الميكرو والبونص

اتعلمت وقرأت كل شئ عن الفايبو والبايفوت وخطوط الدعم والمقاومة اللي الدولار محترمش اي خط منها في الاسبوع ده ( انا مش عارف يعني الواحد يتاجر علي اي اساس ) ، قريت كتير عن المؤشرات زي الماكد والبولينجر والار اس اي والستوتاك والموفينج ، حاولت اطبق استراتيجيات زي بوحة كانت ناجحة في اول اسبوعين معايا من بداية تطبيقها علي الحقيقي اصبح المجنون يتحرك عكسي ( يعني لو عكست الاومر كان زماني بقيت مليونير ) ، حاولت اطبق استراتيجية الماكد علي الاربع ساعات ولكني وجدت بعض المشاكل بها ايضا ، اما استراتيجية النجف فهي صعبة جدااااا وممكن ياتي فرصتين او ثلاثة علي الزوج في الشهر فهي تحتاج متابعة شديدة وتفرغ اشدد

اللي انتشر في الفترة الاخيرة اني لقيت بعض الاخوة في المواضيع بيقولوا اعكس الاوامر يعني كل ما تحس انك خلاص هتشتري وحددت الهدف وهتضغط شراء اضغط بيع وبهدف 20 نقطة وشوف النتيجة ( والنتيجة طبعا ان الهدف بيتحقق بعون الله ) لان كل المتاجرين بيشتروا في اللحظة دي ... وانتوا عارفين الباقي

انا بعد اللي حصل ميأستش يا جماعة بالعكس انا الروح المعنوية عندي زادت واتأكدت اني عمري ماهاخد مجهود حد غيري واربح منه ، لو عاوز اربح لازم انا اللي اخترع استراتيجية واطورها واشتغل بيها علي حلوها ومرها وكل واحد عايز يكسب المفروض يعمل كده فعلا وربنا ما يوريكوا اللي انا شوفته

علي فكرة اللي اتعلم فوركس صح من المواقع الاجنبية هيلاقي اي موقع بعد كل خطوات التعليم ااااااااخر خطوة بتقول : Create Your Own Trading System اظن انتوا عارفين التعليق دلوقتي

تعليق اخير : الفوركس اكبر بنك مركزي في العالم .. لو قدرت تسطو عليه وتنجح في سرقته هتكون اكبر مليونير .. لو مقدرتش ..،،،

[قدوري محمد]

شوف ياباشا ان كنت اعوز تتعلم حقيقي اتعلم الهرمونيك لانو بصراحة غايه في الاتقان بيديك نقطة الدخول والخروج والستوب وكدا تريح دماغك

[أحـمـد عـزام]

الله يعوض عليك....
بالنسبه الي لحد اليوم الشهر احمر (يعني كله استوبات)
الله بعين,,,, زي حكي الاستاذ عمر حلاق حكى شهر 8 شهر الترند....

[VaNaDess]

والله انا شوفته علي فوركس تي اس دي الاجنبي ، حاولت ادخل كذا مره القي نظره عليه للاسف مكنتش بهتم بيه اوي ، لكن هوعدك هتعلمه هو كمان

وفي النهاية لازم طريقة تخلي الخسارة تبقي ربح وعلي الله التوفيق

[Dr_mahmoud]

رأيي المتواضع ان هذا السوق يأكل الاخضر واليابس ولا يرحم أحد وهذه البورصة اعيت من يداويها

[VaNaDess]

الله يعوض عليك....
بالنسبه الي لحد اليوم الشهر احمر (يعني كله استوبات)
الله بعين,,,, زي حكي الاستاذ عمر حلاق حكى شهر 8 شهر الترند....

اعكس يا باشا بس مش النهارده ، ان شاء الله الاسبوع الجاي لو لقيت الحالة زي ماهي اعكس واتكل علي الله واشتغل هيدجات لان الستوب مش بييجيب همه

انا تقريبا عرفت سبب اللي بيحصل ، استراتيجة ابو تركي الرقمية انا فضلت متابعها وماشاءا الله نتائجها ممتازة لفترة 3 اشهر ، عدي علي الاستراتيجية 3 اسابيع كان كلها خسائر الي ان قرر الاستاذ ابو تركي الثبيتي التوقف عن العمل بها فترة للتطوير ، الاسبوع ده اللي خاطر واشتغل بيها اظن ربح علي الاقل 10 الاف نقطة لان الدولار يورو نااااااااااازل ومحدش هامه ومعاه الباوند علي الفرانك علي كام زوج والمجنون حركته ابتدت تبقي طبيعية بس بعد ايه

[Abo Salma]

أسأل الله ان يعوضك خيرا

[محمد دحروج]

عوض الله عليك والحقيقة يا اخي خسارتك بسيطة جدا وممكن تتعوض بصفقة واحدة ان شاء الله لا تيأس وتوكل على الله وحتى اواسيك كانت خسائري على الباوند دولار الاسبوع الحالي 20000 دولار امريكي او يزيد والحمد لله توقفت عن المتاجرة من يوم الثلثاء وجلست اتفرج ولم ادخل الا في صفقات خاطفة يعني اجني مربح 200 او 300 دولار واخرج.
الحمد لله خسارتي كانت من الارباح وليس من رأس المال علما اني خسرت اضعاف هذا المبلغ والله سبحانه يعوض.

[أحـمـد عـزام]

اعكس يا باشا بس مش النهارده ، ان شاء الله الاسبوع الجاي لو لقيت الحالة زي ماهي اعكس واتكل علي الله واشتغل هيدجات لان الستوب مش بييجيب همه

انا صراحه بخالفك الرأي بالنسبه للستوب مع انه كل واحد عند طريقه شغل و مقتنع فيها...
انا كنت ماخد كايبل (باي) و حطيت ستوب,,, يعني لو مش حاطط ستوب كان هلأ خسران كتيررررررر,,, مع انه يمن تقولي ما هو ممكن يرتد و تخفف الخسارة,, بس انا رح احكيلك لا تنام بين القبور و لا تشوف منامات دولاريه خسرانه...
تقبل رأي... و هو مجرد رأي لانه كل واحد عند طريقه تناسبه

همسه...لو انا بدي استنى السعر يرتد و اقلل خسارتي, ليش انا ما أقطع الخسارة بالستوب و اخد فرصه تانيه من الارتداد و بكون وقتها ربحان مش بعوض الخساره....

[VaNaDess]

عوض الله عليك والحقيقة يا اخي خسارتك بسيطة جدا وممكن تتعوض بصفقة واحدة ان شاء الله لا تيأس وتوكل على الله وحتى اواسيك كانت خسائري على الباوند دولار الاسبوع الحالي 20000 دولار امريكي او يزيد والحمد لله توقفت عن المتاجرة من يوم الثلثاء وجلست اتفرج ولم ادخل الا في صفقات خاطفة يعني اجني مربح 200 او 300 دولار واخرج.
الحمد لله خسارتي كانت من الارباح وليس من رأس المال علما اني خسرت اضعاف هذا المبلغ والله سبحانه يعوض.

يتعوضوا في صفقة واحده اذا كان رأس المال الاساسي 20 او 30 الف دولار ( طبقا لادارة راس المال ) لاني مقدرش يكون راس مالي الف دولار وادخل صفقة اربح منها 400 دولار الا اذا كان طويلة المدي

والله يعوض عليك اخي و 20 الف دولار خسارة كتير اوي يا اما مفيش ادارة رأس مال يا اما حسابك به علي الاقل نص مليون دولار وهذا غير وارد في الفوركس ان تترك نص مليون دولار في حسابك للشركات وللستوب لووز ، فنصيحة لك اخي قلل العقود حتي تستمر في هذا السوق

[hosam991]

بسم الله الرحمن الرحيم
اخوتي الاحبه
سبق ان ناقشنا موضوع الخسائر اللتي تاكل الاخضر واليابس واتفقنا ان سببها عدم الاخذ في الاعتبار لشارت الشهري
واكتفائكم النظر تحت اقدامكم
فسبق ان تحدثنا عن استراتيجية جان وان السعر لابد ان يعود مع الزمن مرة اخري ومن هذا المنظور بالنظر لليورو دولار علي شارت الشهري وجدنا انه وصل للقمه التي سيرتد عندها لاسفل سافلين واتفقنا ان صفقاتنا لا محاله لن تخلوا من البيع وان الشراء يكون بحذر شديد نرجوا مراجعة ذلك
والله يعوض عليكم

[عمر حلاق]

نسأل الله أن يعوض عليك بالخير إن شاء الله

[عمر حلاق]

انا كنت ماخد كايبل (باي) و حطيت ستوب,,, يعني لو مش حاطط ستوب كان هلأ خسران كتيررررررر,,, , بس انا رح احكيلك لا تنام بين القبور و لا تشوف منامات دولاريه خسرانه...

[VaNaDess]

بسم الله الرحمن الرحيم
اخوتي الاحبه
سبق ان ناقشنا موضوع الخسائر اللتي تاكل الاخضر واليابس واتفقنا ان سببها عدم الاخذ في الاعتبار لشارت الشهري
واكتفائكم النظر تحت اقدامكم
فسبق ان تحدثنا عن استراتيجية جان وان السعر لابد ان يعود مع الزمن مرة اخري ومن هذا المنظور بالنظر لليورو دولار علي شارت الشهري وجدنا انه وصل للقمه التي سيرتد عندها لاسفل سافلين واتفقنا ان صفقاتنا لا محاله لن تخلوا من البيع وان الشراء يكون بحذر شديد نرجوا مراجعة ذلك
والله يعوض عليكم

ياريت تعطيني رابط استراتيجية جان وجزاك الله كل خير

[hosam991]

خي الفاضل
لا اعرف اين رابط الاستراتيجيه ولكن ببعض الجهد ستصل ان شاء الله
كما لا انصحك بدراسة الاستراتيجيه كاملة نظرا لصعوبتها وتشويشها علي الافكار يكفي ان تعرف ان السعر يرتد مع الزمن وخاصة ان كنت مبتدئ والله يوفقكم ان شاء الله