استشارات وتوصيات بفلوس !!!!

[abofaris73]

في أحد محركات البحث عبر الإنترنت وقعت عيني على هذا الموقع
[[أبو نتعه للاستشارات والتوصيات للأسهم]]
دخلت ووجدت هذه العروض:

1- التوصية االذهبية 1000ريال.

2- التوصية الفضية 500ريال.

3- التوصية البرونزية 300ريال.

4- التوصية الفالصو 100ريال.

ملاحظة: سدد أولاً ثم أتصل برقم الهاتف لأخذ التوصية، وللمعلومية فالمبالغ غير قابلة للاسترجاع!!
* * *
المهم ، دفعنا 100 ريال (حق الفالصو) ، (تدرون ندور الرخيص ) ، واتصلت بأبي نتعه:

أنا : الله يصبحك بالخير يا بو النتعات أنا سددت وأبغى طال عمرك التوصية رقم 4.

أبو نتعه: التوصية... إذا أرتفعت قيمة السهم فبع وإذا أنخفضت فاشتر.

أنا : مقدمة جميلة، عطني التوصية الآن!

أبو نتعه: هذي هي التوصية.

(توت توت توت ، انقفل الخط).

* * *
جلست أفكر وأقول : 100 ريال كان جابت لي (كرتون دجاج) بدل هالتوصية الفالصو. لكن كما هي عادتنا ما نرتدع من أول لكمة بل لا بد نجرب غيرها ولا نعتبر بأحد إلا بأنفسنا .

المهم سددت 300 ريال للتوصية البرونزية واتصلت بأبي نتعه...

أنا : هاه يا بو نتعه دفعت مال قلبي للبرونزية، وعساك تفيدني هالمرة هات ما عندك.

أبو نتعه: إذا شفت السوق طمطم (نسبة للطماطم) اشتري ، وإذا حبحب (نسبة للحبحب) بيع.
(توت توت توت ، انقفل الخط).
* * *
جلست أتحسر على ال400 اللي طاروا ، وقلت : لازم أدفع أكثر عشان أعوض الخساير بالتوصية الفضية
المهم ، سددت هالمرة (500) حق الفضية واتصلت بأبي نتعة

أنا : شوف هالمره 500 ريال ماهيب لعبة أبغى توصية على قدّ الخسارة، وأرجوك ما تقطع الخط!!

أبو نتعه: إذا شفت الطلبات كثيره على سهم معين اشتري ، وإذا شفت العروض كثيره بيع ولا تشاور، ترى الموت مع الجماعة رحمة.

أنا : ما فهمت ممكن توضح لي وتراني دافع 500 ريال كانت بتجيب لي نعيمي!!

أبو نتعه: أنت ما جربت إذا نزل السوق وخسرت وكلمك واحد تعرفه ولقيته خسران مثلك، ما تحس بشوي راحة؟!

(توت توت توت ، انقفل الخط).

* * *

بعد الحسرة والغضب قررت أن أعوض بالذهبية ، و(يا صابت يا خابت) ، وبعد تحويل 1000 ريال لأبي نتعة ، دار بيننا الحوار التالي هاتفيا :
أنا : يا بو نتعه أنا دفعت 1000ريال وهالمرة مالك عذر لازم تعطيني توصية على قد الفلوس إللي دفعتها وإلا ترى بأدمر موقعك وما يحصل لك طيب!!

أبو نتعه: هذي التوصية هي حصيلة خبرتي في السوق، شوف أنا حظي دايماً زفت عمري ما شريت إلا وينزل السهم ولا بعت إلا ويرتفع.

أنا : إن شاء الله عمرك ما ربحت، وأنا وش عليّ، عطني توصيتي إللي بألف ريال!

أبو نتعه: مثل ما قلت لك حظي مدحدر دايم، فإذا شفت بين العروض سهم واحد (1) فهذا أنا وهذي إشارة لك أشتر لأن السوق بيرتفع بعدي، وإذا شفت بين الطلبات سهم واحد (1) فأطلع من السوق لأنه بينخرط معي!!

(توت توت توت ، انقفل الخط).
* * *
وبعد هذه الخساير المتتالية قررت ما أعتمد على توصيات أحد

يعني بيدي لا بيد (أبي نتعة) أقصد . . عمرو

.
.
.
منقول بتصرف كثير
تحياتي

[بن فريحان]

ابو فارس
والله انك هونت علي شوي كانت نفسي ضايقة وجيت انت بهالخزعبلات وفرجت عني شوي..عموما انا عندي لك توصية 1000000% والله وعباده من تريد شهود
بس في العملات واذا اصبحت مو صحيحة استرد فلوسك فورا وعليها مثلها


وش رايك؟
حساباتي متوفرة لدى جميع الصيدليات عفوا اقصد البنوك

[حســين Fx75]

أبو نتعه: أنت ما جربت إذا نزل السوق وخسرت وكلمك واحد تعرفه ولقيته خسران مثلك، ما تحس بشوي راحة؟!

(توت توت توت ، انقفل الخط).

لا حول ولا قوة الا بالله .. هذا بو نتعه خسران وبيخسر الناس معاه !

[أبو نوف]

جميل جدا يا أبو فارس ...

شكرا لك

ومن أجمل الأجوبة المنطقية على (هيافة) التوصيات المدفوعة في العملات خصوصا :

لو كان شايف خير في توصياته كان حقق فيها أرباح برأس ماله ... ويحصل أضعاف رسوم الاشتراك .

أما الأسهم فيبدو لي أن بعض التوصيات تصنع الفرص -فعلا- للموصي !! كيف ؟
بكل بساطة : يجمع في السهم حتى يشبع ثم يوصي عليه بقوة ويرفعه بعض الشيء في بداية السوق ... وحينما يصل للسعر المناسب يبدأ بالبيع الفعلي وإدخال طلبات الإيهام ... والله أعلم .

[عمر حلاق]

يسلم لسانك يا أبو فارس

العجيب أننا ننصح دائماً بالتعلم والبحث ، وهذا المنتدى يوفر المعلومات المجانية والمساعدات الإستشارية في كل الأمور ويضم كوكبة من الخبراء اللذين لا يستهان بخبرتهم ، ومع كل هذا يأتي شخص ويقول هل تدلوني على موقع يعطي توصيات ولو برسوم شهرية .

وننصح أيضاً بالإبتعاد عن الشركات الوهمية والمحتالة وننصح بالشركات العالمية التي تضمن فيها حقك وتوفر عليك العمولات ، ومع كل هذا يأتي شخص ويقول : ما رأيكم بالشركة الفلانية ؟

الخلاصة لا حياة لمن تنادي .

[مترووووك]

[[أبو نتعه للاستشارات والتوصيات للأسهم]]
دخلت ووجدت هذه العروض:

1- التوصية االذهبية 1000ريال.

2- التوصية الفضية 500ريال.

3- التوصية البرونزية 300ريال.

4- التوصية الفالصو 100ريال.

ملاحظة: سدد أولاً ثم أتصل برقم الهاتف لأخذ التوصية، وللمعلومية فالمبالغ غير قابلة للاسترجاع!!

أبو فارس ممكن رقم تليفون أبو نعتة أقصد أبو نتعة . عشان نحذر الشباب منه.
.
.
وبيني وبينك يا أبو فارس انا من المعارضين وبشده على مواضيع ومواقع التوصيات الجاهزه والتي لا يتم دعمها بالشارت والشرح المفصل للاسباب الدخول . تحياتي لابو نتعة

[ابو لمى]

السلام عليكم

الله يعطيك العافية

اضحكتني يابو فارس بس بصراحة

حلوة مررررررررة ياليت وحدة ثانية

بس الناس يتوبو مدري ؟

[المراقب]

والله وناسه
صراحة سلم لي على أبو نتعة
والله انه أحسن من بعض شركات النصب
اللي يسمونها شركات توصيات ...
لكن ..
الغريق يتعلق بقشة

[التاجره]

ههههههههههههههههههههههههههههههههههههه

مايبينى اشتغل عنده سكرتيره وارد على الاتصالات وانصب على خلق الله ؟ هههههه استغفر الله العلى العظيم مدرى شلون يرتاح ضميرهم هالناس الى ينصبون على خلق لله وياخذون فلوس بالنصب والاحتيال !!!!!

[سالم]

سلم لي على ابو نتعة

[kalid]

مشكور اخوي ابو فارس