*****الدعـــــــــوة عامـــــــــــــــة*****

**HaniMedia** · 03-07-2008, 01:48 PM

السلام عليكم و رحمة الله و بركاته
يرجى الحذر الشديد من التداول من الان و حتى الساعة السادسة مساء اليوم ان شاء الله حيث ان امامنا العديد من البيانات الهامة و التى من شانها تحديد وجهة السوق فى معظم الازواج للفترة القادمة
هذا من جهة و من الناحية الاخرى فغدا اجازة فى الولايات المتحدة و بالتالى ارجوا بشدة من الاخوة المتداولين عدم فتح مراكز جديدة او فتح مراكز بقواعد اهداف و استوبات صارمة دون اى تعديل فيها

هذه اهم الانباء اليوم بتوقيت القاهرة

2:45 الفائدة على اليورو
3:30 مؤتمر المركزى الاوروبى
3:30 التغير فى الوظائف للدولار
3:30 معدل البطالة للدولار
3:30 متوسط الاجور للدولار
3:30 طلبات الاعانة للدولار
5:00 مؤشر ادارة الامدادات للدولار
5:35 مخزون الغاز الطبيعى

اللهم بلغت اللهم فاشهد

شكرا جزيلا و بالتوفيق للجميع

**Epic** · 03-07-2008, 01:53 PM

بارك الله فيك

ودور المتفرج بيكون افضل فى هذه الاوقات

بس بالنسبه للفائده على اليورو متوقع لها الايجابيه يعنى هل ستطيح بالدولار خصوصا ان التغير فى الوظائف الزراعيه الامريكيه متوقع لها ان تكون ايجابيه

فهل الاقوى اساسيا الفائده؟

وشكرا مره اخرى

**نديم الذكريات** · 03-07-2008, 01:58 PM

الله يعطيك العافية

دكتور هاني

وما ننحرم من توجيهات الهادفه دائماً

**nesr_2020** · 03-07-2008, 02:03 PM

صباح الورد يا دكتور هانى
ازيك عامل ايه؟
ياريت منتحرمش من الاراء و التنبيهات دى دايما

**(عدي)** · 03-07-2008, 02:07 PM

شكرا لك استاذ هاني
وكلام سليم

**hatim111** · 03-07-2008, 02:07 PM

الف شكر علي التحذير يا دكتور هاني
يا ريت نعرف وجهة نظرك في الفائدة الاوربية الان
يبدو ان السوق استوعب اثرها من امس

**HaniMedia** · 03-07-2008, 02:15 PM

المشاركة الأصلية كتبت بواسطة نديم الذكريات

الله يعطيك العافية

دكتور هاني

وما ننحرم من توجيهات الهادفه دائماً

شكرا اخى الكريم و بارك الله فيك

المشاركة الأصلية كتبت بواسطة nesr_2020

صباح الورد يا دكتور هانى
ازيك عامل ايه؟
ياريت منتحرمش من الاراء و التنبيهات دى دايما

صباح الفل يا دكتور اسامة
خلى بالك اليورو ين شكله مش هيريح قبل ال 171 انا مبشتغلوش انت عارف بس شكله على التشارت وحش اوى الصراحة

المشاركة الأصلية كتبت بواسطة عدي عودة

شكرا لك استاذ هاني
وكلام سليم

بارك الله فيك اخى عدى و ان شاء الله نستفيد جميعا لكن بدون مخاطرة

**HaniMedia** · 03-07-2008, 02:26 PM

المشاركة الأصلية كتبت بواسطة Mr.Royal

بارك الله فيك

ودور المتفرج بيكون افضل فى هذه الاوقات

بس بالنسبه للفائده على اليورو متوقع لها الايجابيه يعنى هل ستطيح بالدولار خصوصا ان التغير فى الوظائف الزراعيه الامريكيه متوقع لها ان تكون ايجابيه

فهل الاقوى اساسيا الفائده؟

وشكرا مره اخرى

المشاركة الأصلية كتبت بواسطة hatim111

الف شكر علي التحذير يا دكتور هاني
يا ريت نعرف وجهة نظرك في الفائدة الاوربية الان
يبدو ان السوق استوعب اثرها من امس

اولا شكرا اخوانى الاعزاء على مروركم الكريم
بداية حركة ذكية جدا ان انباء اليوم كلها تيجى فى نفس الوقت تقريبا لربك الاسواق
ناهيك طبعا ان كلها انباء هامة و منها اللى اتقدم عن ميعاده يوم لان امريكا اجازة بكرة طبعا
من الشكل العام امامى وضع الدولار مستقر نسبيا سواء فنيا او اساسيا يعنى البيانات مهما كانت سيئة لن تاتى مثل السابقة و الكلام دة حتى شهرين كمان على الاقل
فنيا كمان الدولار عند مستويات قوية جدا ممكن تلاحظها من الاندكس او من مؤشر الداو اللى وصل لمستوى الصراحة اخاف من كسره الان الكسر حتمى لكن لو حصل الان هيبقى نزول حاد للدولار لمدة 3 شهور قادمة على الاقل بدون اى ثقة فى تصحيح قريب

اذن التركيز كله على وضعية اليورو
فنيا اليورو كل شوية يعمل هاى جديدة لكن مازال تحت الهاى التاريخية من جهة و من جهة اخرى مازال محصور فى منطقة مقاومات قوية كسرها بدون تصحيح لن يعطى قوة شرائية كبيرة لكن هيكون طلوع لعمليات sell from high دة فى رايى الشخصى طبعا و يكون مؤهل قوى لكسر مستويات 1.5300
لكن لو حدث تصحيح حتى مستويات 1.5830 الى 1.5690 هنا يكون وقفة و نرى السوق عايز يروح فين

اساسيا لو من 3 او 4 شهور كنت قولتلك اليورو طالع الى 1.6500 بدون تصحيح لكن الوضع الان فى اوروبا سىء جدا وحركة رفع الفائدة دى لو حصلت هاعتبرها اغبى حركة فى تاريخ الاوروبى لانها مش حل دى مجرد مخدر للوضع الحالى لكن هما ادرى باللى هما عايزينه

عموما الكرة الان ليست فى ملعب احد يعنى من السهل جدا نشوف ما بين اليورو و الدولار ما نسميه خليها على النهاردة و بكرة تكسب انت

دى وجهة نظرى الشخصية و ان اختلفت مع احد

شكرا جزيلا و بالتوفيق للجميع......

**HaniMedia** · 03-07-2008, 02:48 PM

كما المتوقع
لا قيمة لخبر الفائدة اللعب كله هيبقى الساعة 3:30 ان شاء الله

شكرا جزيلا......

**HaniMedia** · 03-07-2008, 02:53 PM

من باب التخيل ليس الا

تريشيه الان مبسوط جدا ان اليورو لم يخترق الهاى
بقى ان ننتظر ميعاد المؤتمر و نراه و هو بيتلجلج فى الكلام امام الصحفيين فهو لا يتمتع بالبرود العظيم مثل برنانكى
و يقول فى عقله ياه لو برنانكى ينقذنى بكام بيان جامدين

اما برنانكى فيفكر باقى اقل من 45 دقيقة هل اقلب الليلة عليه ولا اشيلها المرة دى و اهو تترد لى فى مرة جاية

اعتقد و الله اعلم ممكن يفضل ساكت او يدى بيانات ايجابية ضعيفة و طبعا السكوت علامة الرضا

**فارس النيلين** · 03-07-2008, 03:04 PM

المشاركة الأصلية كتبت بواسطة hanimedia

كما المتوقع
لا قيمة لخبر الفائدة اللعب كله هيبقى الساعة 3:30 ان شاء الله

شكرا جزيلا......

لو جائت الاخبار لصالح الدولار هل سيؤدي هذا الى هبوط الEURUSD؟لانه فنيا هذا الزوج المفروض يكون في حالة هبوط من امس هذا حسب راي المتواضع و لكنه مصر على الصعود و تكوين هاي جديد

**HaniMedia** · 03-07-2008, 03:10 PM

المشاركة الأصلية كتبت بواسطة فارس الصحراء

لو جائت الاخبار لصالح الدولار هل سيؤدي هذا الى هبوط الEURUSD؟لانه فنيا هذا الزوج المفروض يكون في حالة هبوط من امس هذا حسب راي المتواضع و لكنه مصر على الصعود و تكوين هاي جديد

فى الوضع الحالى حديث تريشيه هو ما سيؤثر على السوق ربما يعطى بعض البيانات السلبية مما يسمح بتصحيح
و بعد ذلك ننظر الى بيانات الدولار هى الحكم هل سيكون هناك تصحيح او نزول لمناطق سفلى

اما لو جاءت كلمات تريشيه ايجابية هنا لكل مقام مقال

**Mo3Ty** · 03-07-2008, 03:17 PM

الف شكر على المواعيد
واعتقد اليوم افضل شئ التوقف على التعامل على زروج يورو\دولار لعدم المخاطرة حتى نرى ماذا سيحدث من اخبار

**فارس النيلين** · 03-07-2008, 03:23 PM

المشاركة الأصلية كتبت بواسطة hanimedia

فى الوضع الحالى حديث تريشيه هو ما سيؤثر على السوق ربما يعطى بعض البيانات السلبية مما يسمح بتصحيح

والله كلام مضبوط اخوي هاني انا من الصبح متابع ال eurusd الحركة بطيئة شوي وحاسي ان السوق مستني تصريحات هذا الرجل على احر من الجمر لينفجر(يا رب الى اسفل)
انا حاس تريشيه لو طلع في المؤتمر مكشر

بس التصحيح هيبدا قبل ما يقول ولا كلمة

يلا عموما باقي عشرة دقائق

**HaniMedia** · 03-07-2008, 03:36 PM

يا جماعة الراجل صريح جدا و متنيل على عين اهله و مش عارف يدارى اى حاجة

الموضوع: الدعـــــــــوة عامـــــــــــــــة

أدوات الموضوع