السلام عليكم: جديد فى هذا الصرح الهائل

[yalla_arab]

السلام عليكم اخوانى الكرام
بصراحه لسه جديد جدااا فى عالم الفوركس ميكملش اسبوع لكن كلى رغبه فى التعلم
حتى استطيع ان اقرر افتح حساب حقيقى ام امكث فى التدريبى لمده اطول فى مخيلتى لن اتقدم الا اذا مر على اكثر من 3 اشهر

ولمنى اريد الاستفاسر عن شىء هذه اول شركه وساطه وجدتها بطريقى
MGFOREX
فى احدى الكتب وستريحت للبلات فورم بتاعها مش عارف بقى انتو ايه رايكم
وممكن حد يكتب تاخد كام من 10 او يكتب ايه هى الميزه اللى تنفرد بيها عن الاخرين ام كلهم سواسيه


لا خاب من استشار وارجو من يرد على ان لاتكن مصلحته مع اى من شركات الوساطه
ومعلش انا عارف انى طولت بس عشم فيكم والله
هل لو انا كويس مثلا فى حساب الديمو لمده اكثر من شهرين ده معناه انى ممكن افتح الحساب الحقيقى

بصراحه يا جماعه انا معرفشى اى توصيات ولا اى حاجه كل اللى بعمله انى بفضل قاعد قدام الكمبيوتربستنى كده لحد منتصف اليوم واعرف ايه هو اعلى سعر وصل واقل سعر وصل ليه
واول ما يقترب مثلا من اقل سعر اقوم شارى وافضل اصبر لحد ما يقترب من اعلى سعر
اقوم بايع وببقى على يقين مطلق انه هيعلى حتى لو قعد نازل 4 ساعات
اتمنى ان اى حد يقولى الكلام اللى بقوله ده ايه !!!!! هل غير منطقى ام انا حساب الديمو خادع
ام ماذا
وااااااااوعى حد يتريق عليه او على كلامى
مستنى ردوكم

[yalla_arab]

نسيت اقلكم انى مش بشترى ولا ابيع الى فى
Eur/usd

[yalla_arab]

شباب معلش ياريت حد يساعدنى

[abosalah]

انا مش خبره قوى على شان اقدر افيدك.. من الافضل انتظار رأى الخبراء

"من قال اعلم فقد افتى"

ولكن احب ان اقول لك تعلم واصبر وخليك بارد جدا زيي

انا قعدت فتره 7 اشهر اتعلم ولسه فاتح حساب حقيقى ومش بمبلغ كبير

اصلى بحب اكون متأكد قوى ... مبحبش الاستعجال

وبالتوفيق ان شاء الله

[faissal]

على الرحب والسعه في بيتك الثاني
وان شاء الله الاخوة الخبراء بيفيدوك
بس اليوم اجازة بالسوق الامريكيه والبريطيانيه ممكن تلاقي مشاركات قليله او تأخر بالرد

[قدوري محمد]

اهلا اخي بك هنا في المنتدى المهم اول حاجة اقولهالك تفضل طريقة تنفع متداول جديد زيك جربها لمدة شهر وان شاء الله حتدخل بيها على حسابك الحقيقي من دون خوف صاحب الطريقة من اقدم المتداولين هنا في المنتدى وبيتداول بيها على حساب حقيقي منذ سنة تفضل الرابط
https://forum.arabictrader.com/t46040.html
بالنسبة لفتح حساب انصحك بالشركات اللتي متعاقد معها المنتدى لان المنتدى بيحمي اعضاءو وبيرجع حقوقهم ولو كانت ملايين
المتداول العربي تجارة عملات و سوق الفوركس و تداول بورصة العملات

[yalla_arab]

انا اسف يا جماعه بس انا عاوز حد يرد على طريقتى فى حسابى الديمو

[قدوري محمد]

طريقة كويس في ايام التدبدب بس في ايام اللتي تحدث فيها الانهيارت والصعود الصاروخ تفقد حسابك في رمشة عين

[abosalah]

انا اسف يا جماعه بس انا عاوز حد يرد على طريقتى فى حسابى الديمو

حبيبي طريقتك على الديمو دى منطقيه لانك لسه جديد ولسه متعرفش التحليل الفنى على الاقل

لكن بعد ما تتعلم التحليل هتلاقى ان الكلام مش بالسهوله دى قوى ... ومش صعب برضه

[سمير صيام]

اهلا بيك اخ ايمن معانا فى المتداول العربى ونتشرف بيك وان شاء الله تستفيد معانا

[cham]

اهلا وسهلا بك اخي الكريم
مختصر مفيد : يجب عليك تعلم التحليل الفني واختبار احدى الاستراتيجيات الكثيرة الموجودة بالمنتدى وتطبيقها على الديمو وبعد ستة اشهر (ان لم يكن سنه) تستطيع ان تبحث عن شركة محترمة وتفتح حسابك الحقيقي فيها
تحيتي لك

[وليد الحلو]

اهلا بك فى بيتك المتداول العربى

كلنا كنا كده و اسوء من كده كمان يا غالى
على العموم انصحك بالتعلم و القراءة و خصوصا ارشيف المتداول العربى فيه درر المواضيع

و تقرأ ما يكتب فى المنتدى و تسأل براحتك و كلنا لك اذان صاغية

ودى و تقديرى

[yalla_arab]

مش عارف ارد اقول ايه بصراحه
بارك الله فيكم جميعااااا والف شكر على نصائحكم