الايمان

[(الأخطبوط)]

الايمان هو قوه خارقه وتعتبر من الحواس النادرة في المجتمع ,, وانا اتكلم عن الايمان بشكل عام , فالأيمان بالموجودات واجب , ولو آمنا بالله لدخلنا الجنه بأذن الله.



مااود قوله هو : نحن في سوق كبير جدا جدا وحجمة ضخم , والجميع يتوقع ان دخوله لهذا السوق يعتبر قفزه مالية له وقلب لتاريخه الاقتصادي !! هذا المفهوم خاطئ .

يجب عليك كمستثمر في هذا السوق او مضارب ان تعلم ان ايمانك بالله ثم ايمانك بعقلك والسوق يعتبر الوسيلة الوحيدة للوصول الى الغاية .
الجميع يقول انه تعب من استعمال الاستراتيجيات والمؤشرات الكثيرة وهنا تكمن المشكله , لو اننا آمنا بمؤشر واحد لربحنا وذلك لأننا نريد من هذا المؤشر ان ينجح فلذلك سنحاول فهمه الى ان نصل الى درجة عالية من احترافية الاستخدام لهذا المؤشر او الاستراتيجية .


البعض من الناس يتوقع انه بمجرد ان يقرأ احد الاستراتيجيات ويبدأ بالتعامل معها في هذا السوق ان يربح !! وكذلك هذا مفهوم خاطئ .



يااخوان انا منزعج لأني قاعد اتكلم عربي فصحه

اسمعوا ياحبايب السوق فن واللي يبي الدح مايقول اح ,,, ياخي اذا انت مو فاهم المؤشرات وشهوله تستخدم استراتيجية فيها 1000 مؤشر وانت مو عارف وظيفة هذي المؤشرات ؟؟؟؟
يااخوان ترى يقولون (فهم السؤال نصف الاجابة) وانا اقول (فهم المؤشر نصف الاحترافية) ياخي كلنا نستخدم الفايبوناتشي (لكن كم واحد يعرف ايش وظيفته ؟؟ الكل يرد الحين ويقول "دعم ومقاومه هههههههههههههه انا هنا اضحك واقول لا ياعمو" مو دعم ولا مقاومة )


وكم واحد يستخدم الماكد ؟؟؟100 ولا 1000 ولا مليون ؟؟؟
طيب واحد يعرف ايش وظيفة هذا المؤشر ؟؟ ولا هو مجرد خط يرتفع وينزل على راحته ؟؟؟


مره من المرات اول مابديت اتعلم فوريكس ,, رحت عند واحد يعلمني ,, ودخلت عليه (اعذروني يمكن اطول عليكم بس سالفه طريفة) المهم اقولكم ,, سألته قلتله "كم يبيلي واصير محترف؟؟" قالي انت يبيلك اسبوعين تتعلم وشهرين تمارس وشهر تطبق واللي بعده انت تطير فوووووووووق وتصير من اصحاب الملاايين !!! اففففففف انا هنا تجننت وقلت مافي الا كرف خلال هالثلاث شهور ونص بطير ...المهم انا بيني وبينكم جاني شيطاني وقالي اسأله هالسؤال ,, ثم سألته " كم صارلك بهذا السوق ؟؟" قالي والله صارلي 4 سنوات تقريبا ويقول انا من 10 سنوات وانا محلل ومن هالكلام اللي ماله زبده ... قلت في بالي "هو اشتغل في السوق اكثر من 10 ادبال المده اللي يقولي عليها وللحين الولد ساكن بشقه ويعني حالته مش ولا بد

المهم مااطول عليكم السالفه

وانا اتدرب معاه ومع مرور الايام شرحلي عن مؤشر المومينتيوم وبيني وبينكم انا عجبني اسمه كثير وحسيت اني انسان تكنولوجي وعقلي بدا يكبر وصرت افكر بأشياء مايفكر فيها اغلب الناس أو بالعربي (صرت متميز) المهم انا قلت اسأله سؤال عشان اذا رحت عند ربعي وسويت روحي فاهم الا محد يقدر يحرجني ,,, المهم سألته وقلت له "ايش وظيفة مؤشر المومينتيوم ؟؟؟" رد علي بجواب كان فاجعه بصراحه قال هذا خط مثل الشمعات اللي فوق يطلع وينزل معاها انا تجننت وقلت معقوله اللي اخترع مؤشر المومينتيوم يكون بهذا الغباء ومستهطف العالم بطريقه انه مسوي خط مثل الخط اللي فوق؟؟؟ طيب انا هو غبي لهذي الدرجة (اسمحولي على التعبير) هل المستخدمين لهذا الخط اغبي منه ؟؟؟ المشكله ان هذا الخط مشهور والاقيه في منتديات اجنبيه ومنتديات عربيه معناها العالم شغاله فيه وزباين المؤشر كثير !!! طيب هل استخدمه وانا مااعرف ؟؟؟ المهم رحت وسألته (قلت والله مااخليها بخاطري ) قلت له "معقوله ماله شي يقيسه الا الشمعات ؟؟ يعني مايصير كلامك!!" رد علي وقالي "انت تبي تستخدمه ولا تدرسه ؟؟ قلت له ابي افهمه بس عشان اعرف استخدم رد علي وقال انا بقولك طريقة استخدامه وحط خط 20 وخط 50 و80 واخلص علينا !!!

اوه اوه اوه !!!!!!!!!

ياناس ايش 80 وايش 20 حق ايش هذولي ؟؟ في احد يفهم ؟؟


طيب ليش الفيبوناتشي يستخدم من بداية الترند الى آخره ؟؟
طيب ليش الماكد عبارة عن خطين ؟ ايش الخط الاول وايش الثاني؟؟
طيب شنهو البولينقر؟؟؟ طيب ليش هو عبارة عن 3خطوط ؟؟

يااخوان لازم نفهم وندرس كل هذي المؤشرات ولو فهمناها لعرفنا كيف نستخدمها وكيف نقدر نربح منها


حتى سؤال سألته واحد مشهور هنا بالمنتدى وقلت له لو سمحت ايش اللي يصير عمليا بالضبط عند وجود (دايفرجنس) ؟؟ يعني ليش الدايفرجنس يصير؟؟
رد علي وقالي
هذا عبارة عن نزول وصعود وهمي ؟؟؟

قلت له يعني شنو سعر يطلع ومؤشر ينزل ؟ هل تفهمني ان المؤشر ماخذ له غفوه ؟؟ ونسى يلحق السعر حسب كلامك معلمي ؟

يااخوان افهموا وآمنوا بقولكم يااخوان والله العظيم ان السوق فيه كل الخير والاستاذ الكبير وضاح عطار دائما يحط الوظائف حقت المؤشرات عند كتابة اي استراتيجية ولكن محد يقرأ بس يطبق دون علم


يااخوان لو انت مؤمن بأستراتيجية صدقني ماراح تغيرها ابدا ابدا وبتطور عليها فقط

لو انا مؤمن بالفايبوناتشي صدقوني ماراح اغير ولكن بطور عليه بعد الاشياء وليس تغير جذري

عموما انا يمكن طولت عليكم ولكن صدقوني اللي يخسر بالسوق خليه يعالج نفسه بالبداية بطريقه الايمان بما يفعله وماهي الوسائل المستخدمه


وان شاء الله اللي يبي اعالجه نفسيا من مشكله عدم الايمان انا مستعد


اسف على التأخير واعذروني


مع الاستوب لوز الكل يفوز
الاخطبوط

[zelawi]

صحيح أخي الانسان لا بد ان يؤمن بما يعمل ولا بد أن يحب عمله ..
لكن ألا توافقني الرأي أن الغوص في كثير من التفاصيل غير مجدي.
الاحصائية تقول ان أكثر الرابحين في الفوركس لا يتجاوزون الشهادة الثانوية ولا يعرفون من هو فيبوناتشي أو إليوت
المهم أن تعرف كيف تستخدم هذه الأدوات

[بكو0555]

,والله بيني وبينك انا من احب الناس للقراءه بس وانا اخوك وين ها الروابط الي فيها ها المواضيع

ياليت لو تحط لنا كم رابط على ذوقك مفيد

ومشكور على كل كلمه كتبتها وانشاء الله معا هذا المنتدى مافي مبتداء ابد بالفوركس

تحياتي ومودتي

[متفائل محبوب]

طيب ضع توصيات هني عشان مانضمك الى قائمة
اصحاب القرقة الزايده والكلام بس
بصراحه المنتدى اصبح مافي غير النصايح فقط
كل واحد صاير علينا دكتور
ولو ندخل حسابه مانجد فيه غير الخساير
والله يكون بالعون

[(الأخطبوط)]

طيب ضع توصيات هني عشان مانضمك الى قائمة

اصحاب القرقة الزايده والكلام بس
بصراحه المنتدى اصبح مافي غير النصايح فقط
كل واحد صاير علينا دكتور
ولو ندخل حسابه مانجد فيه غير الخساير

والله يكون بالعون

والله العظيم ان كلامك عسل عسل عسل وانا احب الناس الصريحة وطريقة كلامك تخليني احس انك انسان صريح وماعندك لف ودوران واهنيك على هذي الصفه

ولكن حبيبي اسمعني انا توصيات وغيره بطلتها


اللي اقولك عليه وافهمني

لأنك صريح احب اكون صريح معاك


انت مريض بمرض اسمه

(عدم الايمان) وعدم ايمانك هذا بنفسك وبقدراتك وصدقني والله العظيم انك تملك صفه الثقه بكلامك وبحديثك ولكن خليك كلذلك واثق بخطوتك وحط توصيات لنفسك واعتمد على نفسك (افهم واعمل) وتوصياتي وتوصيات غيري وماهي الا توقعات شخص مايدير بال بالنهايه الا لحسابه الشخصي

اما انت بتدير بالك اكثر واكثر واكثر لأنه حسابك انت مو غيرك ونقاشي كان بعيد كل البعد عن التوصيات

كلامي كان محوره الاعتماد على النفس ولا ترى التوصيات مواضيعها وايد بالمنتدى والنصايح اكثر


اللي اقوله لك حبيبي لا تزعل مني
وحط في بالك كل الكلام زين مازين
"كل الكلام اللي فوق حطه في صندوق ويوم تحتاجه طلعه واستفيد منه "


اتمنى اني ماضايقتك ولكن انت عارف اني صارحتك وماجاملتك لأنك تبي بالنهاية كلام صحيح مو مجاملات وخرابيط



وترى الكلام اللي كتبته انا مايدل على النجاح ولكن الطريق حقه مثل اللي يفتي للناس وينصحهم ان الجنه خير من النار ولكنه هو مؤمن انه يمشي على طريق الجنه ولكن الوصول لها امر بيد الله

اخوك الصغير
الاخطبوط

[(الأخطبوط)]

صحيح أخي الانسان لا بد ان يؤمن بما يعمل ولا بد أن يحب عمله ..
لكن ألا توافقني الرأي أن الغوص في كثير من التفاصيل غير مجدي.
الاحصائية تقول ان أكثر الرابحين في الفوركس لا يتجاوزون الشهادة الثانوية ولا يعرفون من هو فيبوناتشي أو إليوت
المهم أن تعرف كيف تستخدم هذه الأدوات

قواك الله بداية على الرد


الموضوع الثاني
كلامك صحيح ان الأغلبية لا تتجاوز الشهادة الثانوية
ولكن هل صاحب الشهادة الثانوية مايقدر يعرف ايش طريقة عمل الفيبوناتشي ؟؟ ترى الموضوع عبارة عن كلمتين مو اكثر يعني مثلا مؤشر الـRSI هو عبارة عن مؤشر يقيس "القوة النسبية" أنتهى .

هل فيها صعوبة ؟؟ لأ طيب لو دخلنا ونبي نعرف ايش هي القوة النسبية بتكون مو اكثر عن 3 سطور
وهكذا يعني الموضوع مو صعب ابدا


هذا قصدي كان ومو قصدي ان الشهادات الجامعية بتزيد الربح او تقلله واذا تبي تقتنع روح وشوف وش كثر عباقرة مدفونين في الجامعات يدرسون طلبه فقط وراتبه لا يتجاوز دخل محل تجاري



مع تحياتي لك وعلى كلامك الحلو


اخوك الاخطبوط

[(الأخطبوط)]

,والله بيني وبينك انا من احب الناس للقراءه بس وانا اخوك وين ها الروابط الي فيها ها المواضيع

ياليت لو تحط لنا كم رابط على ذوقك مفيد

ومشكور على كل كلمه كتبتها وانشاء الله معا هذا المنتدى مافي مبتداء ابد بالفوركس

تحياتي ومودتي

اقرأ لهذا المبدع الاستاذ الكبير وضاح عطار
https://forum.arabictrader.com/searc...earchid=389189
واعذرني اذا ماعندي معلومات مفيدة كثيرة ولكن اذا حبيت تعرف عن مؤشر معين ابحث عنه في المنتديات الاجنبيه وبتلاقي معلومات عنه كثير


واسف اذا ماقدرت افيدك بمعلومات مفيدة تغذي وتشبع سؤالك



اخوك الاخطبوط

[بكو0555]

اقرأ لهذا المبدع الاستاذ الكبير وضاح عطار
https://forum.arabictrader.com/searc...earchid=389189
واعذرني اذا ماعندي معلومات مفيدة كثيرة ولكن اذا حبيت تعرف عن مؤشر معين ابحث عنه في المنتديات الاجنبيه وبتلاقي معلومات عنه كثير


واسف اذا ماقدرت افيدك بمعلومات مفيدة تغذي وتشبع سؤالك



اخوك الاخطبوط

يا استاذي ما قصرت والف شكر لك وانشاء الله نستفيد ونفيد في يوم من الاياام

[(الأخطبوط)]

اللهم آمين وآملين