تاجر عن طريق الادارة المالية ....

[hopeless]

بسم الله الرحمن الرحيم

السلام عليكم ورحمة الله وبركاته ...

اخباركم جميعا ان شاء الله ...تكونو بخير ..

عاملين ايه في الفوركس ...ان شاء الله تكونوا بتكسبوا ..

اسمحولي اشترك معاكم بفكرة .. تنفع مع اي استراتيجية ووممكن تستخدموها كاستراتيجية لوحدها


خلينا ناخد الموضوع بشكل ...صح هو مين اللي بيكسب في الفوركس

اللي نفسه اطول ...الفوركس مش مدينة الاحلام ..التجارة في الفوركس زي اي تجاره في الدنيا
عايزه العقل ...واللي بيكسب فيها اللي بيحقق ارباح مستمرة وان كانت قليله

بس مستمرة ومع الوقت ....اما التريدر اللي بيدور في كل يوم انه يعمل 100% من حسابه
ممكن يعملها بس حيجي يوم تتقلب الاية ويخسر 100%

طيب كل تريدر لازم يكون عنده ملف فيه الاداء بتاعه يعني مثلا كل اسبوع كام قيمة الحساب الخاص بيه هل بيطلع او ينزل


نشوف في الصورة عندنا 2 تريدر A , B الاول A بيخش بمارجن كبير ويحقق مره ارباح خياليه ومرة يخسر اما التاني B بيفضل جوه الماركت طالع نازل بارباح بسيطه في الاخر حسابه في تزايد

طيب ايه فكرة الاستراتيجية.
اننا نتاجر بأقل ريسك ممكن + عمله تذبذبها مرتفع + شويه تحليل فني بسيط او استراتيجية موجوده بتشتغل عليها ..

نبدا على بركة الله ...

1- العملة اللي حنشتغل عليها NZD /JPY وحندخل عليها عمليات شراء فقط مش حنخش شورت الا نادر جدا جدا جدا
طيب ليه ...في الاسواق المالية لما الواحد بيقراء سيرة المضاربين المشهورين زي جورج سورس وزي وايكوف النجاح هو الدخول مع السمارت موني ...وديما السمارت موني بيدخلو في العمله دي
لونج ..فقط ...
طيب ليه عشان فرق الفائدة ...بيعملوا تريدات فيها لونج وبيكسبوا من الفائدة بغض النظر السوق راح فين
وبحكم فرق الفايد بيكون الاتجاه العام الخص بيها طالع
بالاضافة الى انه من ارخص اللوتات سعرا


عشان كده حندخل معاهم لونج ....((الحسابات الاسلامية مالهاش في الفائده لله الحمد ))

2- حنشتغل ميكرو اكاونت سعر اللوت 1000 دولار ..والمارجن 1 :50
طيب ليه عشان ماطرح مايروح الماركت انا معاه مش حطلع ان شاء الله

يعني لوت النيوزلندي بيكون عامل تقريبا 14 دولار

يعني 10 % من ال 1000 دولار يعملو تقريبا 8 لوتات

الفكرة اننا حنشتري علي مستويات ... بالاستعانه بس بخطوط الدعم والمقاومة..
ومش حنستخدم ستوب لوس ..لاننا حنستخدم اسلوب التجاره بخطوات

مثلا حشتري اول لوت علي اول دعم نقول عند 85
ونحط اوردر شراء تاني علي 83 وكمان عند 81
العملة لو نزلت حترتد من احد المستويات اكون حاط التارجت المقاومة التاليه
واقفل اللي اشتريته

للمعلومية اللوت لما بيتحرك من 82 الي 83 تقريبا بيعمل ربح 10 دولار

في اسوء الحالات لو حصل ونزل السوق في يوم من 85 الى 75 كوانا موزع اوردراتي بالشكل ده
حلاقي نفسي عند القاع وانا كل اللي معايه عامل بالكتير 15- 20 % من السوق وفي الغالب في الارتداد بطلع من اللوتات اللي بكسب فيها


بالشكل ده بتعمل ارباح مش كتيره بس منتظمه نتيجة الذبذبة

[وليد الحلو]

بسم الله ما شاء الله
انا دائما بحب أقرأ مواضيعك

تفكير محترم حددت المشكله و جئت بالحل السليم
ياريت تعمل ورشه للطريقه دى و اتوقع لها الكثير من النجاح بأذن الله


ودى و تقديرى

[سمير صيام]

ممتاز ياغالى
شوية فنى مع طريقة للتحليل الاساسي للتعامل مع هذه العملة
ان شاء الله نتابعها معاك ديمو

بس قولنا اكتر مدى ممكن تعكس اد ايه خصوصا ايام الكارى تريدر وكذلك محتاج راس مال اد ايه للتجربة

[محمد فتحي]

رائع أخي

من المواضيع المحترمة فعلا

الله يوفقك