"تجربتى باختصار" ،،،،، تجنب اخطاء الاخرين

[المهندس خالد]

السلام عليكم معكم نور الدين 20 سنة مقيم فى القاهرة " مهندس "

اللى خلانى اكتب الموضوع دة هو كان رد على الماشى كدة فى موضوع الاستاذ عبد الكريم

،، نبهنى انى لازم اقول اللى مريت بية علشان اى مبتدىء يعرف الطريق الصح من غير ما يمر بمشاكل،، و ربنا يعفيكو كلكو يا رب امين ، و ان كنت انا اصلا مبتدىء لسة

قبل كل حاجة
اوعــــــــــــــــــــــــــــى تصدق اللى يقولك مفيش فلوس فى الفوركس

البداية يا جماعة انى عرفت الفوركس من تعارف بشخص ما على النت ،، و فهمت منة اية هى الفوركس ،، عجبنى الموضوع بالرغم من انة بعيد عن مجال دراستى ،، و بالفعل اديتة مبلغ من المال و رجعلى كمان شهرين بارباح 50% من الشخص دة " على فكرة الشخص دة بقة حبيبى و اللى بيعينى على المتاجرة"

المهم لعبت الفكرة فى دماغى و جمعنا فلوس و بدأنا نشتغل بيها و كان فى ارباح زى الفل الحمد الله لقاء خبرتة و بدأنا نعمل غلطة عمرنا هنا اننا خدنا فلوس من ناس نعرفهم كنت عايز افيدهم والله ،، و احنا مكناش متمكنين من الشغل اوى ، او عن نفسى مكنتش متاجر متمكن ،،

سيبتلة الحساب نظرا لخبرتة واعدت لوحدى بعيد عن ادارة صديقى للمحفظة( اللى كان فيها فلوسى و فلوسة و فلوس الناس ) اتعلم و اتاجر سنة فى الفوركس بس للاسف ضيعتها فى اللف والدوران وراء العناوين للاستراتيجيات و فهمها كقالب صامت بدون فهم ما فيها من اساليب و تحليل و اسباب

واعدت اتنقل من استراتيجيات و منتديات كثيرة ، من صقر الى القاهرة الى استراتيجية الوافى رحمة الله الى استراتيجية خير الدين الى متابعة توصيات الاخ تيبان ،،،ولكن العيب مكنش في الاستراتيجيات ولا التوصيات العيب كان فيا انا اللى استعجلت الربح و قلت انى ممكن اعمل فلوس من غير مجهود شخصى ولا ابتكار ذاتى

،، و بالفعل كانت تلك الاستراتيجيات مربحة لكن كان التنقل فى دمى زى الكيف كدة ،، اية السبب مش عارف ممكن يكون الطمع فى التمكن من السوق بشكل افضل ، لكنك يا ابن ادم مهما فعلت لن تستطيع توقع السوق 100% فارضى بما لديك ،، كل ما تفعلة هو محاولة لتحسين ادائك ليس اكثر

و خرجت من السنة اللى قضيتها فى الفوركس بلا فائدة الى حد ما
و كمان صديقى دة كان عندة ظروف و اعطى الحساب لمدير ما خلى الحساب بتاعنا على الزيرو بعد ما كان وصل لمبلغ كبير الاف $ ،، وادينى خسرت سنة من عمرى و خسرنا فلوس الناس
لكن اتعملت من اخطائى و الحمد الله

و كل اللى حصل دة علشان انا اعتمدت على توصيات و تحليلات الغير كقالب صامت من غير وعى ولا تفكير ،،،، وعلشان صديقى اعتمد على غيرة انو يدير له حسابنا
يعنى من الاخرالغلط كان الاعتماد على الغير فى حين انك تقدر تعتمد على نفسك

و دة كان دة من رحمة ربنا ليا انى اخد وقفة و انظر نظرة تانية لهذا السوق و اقول كفاية اللى ضاع
لكن نويت ان ارمى كل اللى فات ورايا و ابدا من جديد و اتعلم انى انا اللى احلل و انى انا اللى اتحمل خسارتى و انا اللى احس بطعم الربح اللى تعبت فية ،، كأنى بتعلم من الف بة فوركس
و دة مش عيب انك تعرف اخطائك و تبدا من جديد دائما هناك امل

و بالفعل بدات و ربنا يعيننى
و من الاخر مفيش حلاوة من غير نار ،، بس انا اعدت على الشواية
فاحاول تتلسع فى الديمووووووووو ،، ببلاش و مش خسران حاجة بالعكس عمال تتعلم ببلاش
و ربنا مش هايضيع ابدا تعبك اللى تعبتة

نداء الى كل جديد
# متدخلش بفلوس حد الا بعد فترة لا تقل عن سنة فى المتاجرة المربحة لنفسك و يبقى الكل عارف ان دية فوركس ، يعنى الخسارة واردة علشان لو لا قدر الله حصل متتحملش خسارة حد
# ادخل بالمبلغ اللى لو خسرتة مش هايفرق معاك ،، و دايما طلع من الحساب ارباح ولو قليلة تخليهم للزمن فى حسابك البنكى او فى اى حتة امان " تحت البلاط مثلا "
# ادارة راس المال ثم ادارة راس المال

و طبعا قبل كــــــــــــــــــــــــــل دة ادعو ربك و اطيعة و اعط ايمانك و اسلامك حقوقة ،، و ان شاء الله ربنا يوفقك و يكتبلك الارباح و يفتحك باب الرزق

و اخيرا انا بشكر كل اعضاء المنتدى الكرام لولا حماسكم و تشجيعكم ليا انا كنت تركت الفوركس اصلا و سيبتها و فلوس الناس فى رقبتى
و طلب اخير ادعولى يا جماعة ربنا يوفقنى و اقدر ارجع فلوس الناس و يوفق كل متاجر امام عقد مفتوح على المجنون

و يا جماعة انا بقول اهو ان الفوركس ممكن تكون فرخة بتجيب دهب
مع انى مدقتش طعم الدهب فيها لكن علشان دية غلطتى و حاسس ان ربنا هايرضى عنى و ادوق ارباحها
اوعــــــــــــــــــــــــــــى تصدق اللى يقولك مفيش فلوس فى الفوركس
فى و نص كمان لو ربنا وفقك و اجتهدت فى شغلك
و السلام عليكم و رحمة الله و بركاتة

أخي الحبيب وفقك المولى عزوجل ولكن لي ملاحظة ان من يستعجل ويدخل بحساب ويخسر هذا الحساب فهنالك نوعين من الناس نوع سيترك الفوركس فور خسارته فهو لا يحب هذا السوق والسوق لا يريده وهنالك نوع اخر من الناس أحسبك منهم من يخرج من الهزيمة ليعد للمعركة القادمة حتى يخرج منتصرا فصدقني الخروج من هذه الخسارة بهذه الهمة العالية تبشرني فيك خيرا ولعلنا نراك بعد سنة أو سنتين من كبار المحللين
ولكن المهم استمر في الدراسة ولا تيأس
أي خدمة نحن موجودين

[ahmed taha]

ربنا يبارك في اللي جا ي ده الاهم يا نور
ومحدش بيتعلم بالساهل ((( احمد طه )))

[hanymfm]

بص يا باشمهندس نور
حكايتك قريبة من حكايتى
بس تفرق ان زى ما تقول كدة
اتنصب عليا فى التعليم والتوصيات اللى بفلوس
من الشركة المشهورة فى مصر
ويا رتهم علمونا حاجة
وان الفلوس كانت بتعتى مش فلوس ناس
عشان كدة عقولك نصحتين مهمين
الاولى
الفوركس سهل جدآ جدآ لوسيستة ومشيت على هواة
بمعنى حللت وتوقعت الاتجاة ودخلت فى صفقة
السوق ممشيش زى مانت عايز متركبش دماغك
وتقول هيرجع زى منا عايز لاء اقفل وادخل زى السعر ماهو ماشى
معظم الناس بتخسر وتصفر الحسابات من كدة وانا منهم
وصعب جدآ جدآ فوق ما تتخيل
وطبعآ عرفت هوا صعب لية لاننا عايزينة يمشى على
تحلننا وصفقتنا وهوا عمرة ما هيبقى كدة
النصيحة التانية
انت قلت انك اشتغلت باستراتحية القاهرة
نصيحة بعد ما دخت بين الاسترتجيات
القاهرة ممتازة برغم انها صعبة
وعايزة تدريب وتفكير بس يكفى انها بتعرفك السعر
رايح فين وجاى منين ولية وقف هنا
حتى لو هتشتغل باستراتجيات اسهل من كدة
خليها مع الاسترتجيات التانية
وربنا يوفقك وتقدر تعوض فلوس الناس
وانا ارجع فلوسى

[nouk_101]

كلامك عبره وحكمه وان شاء الله ربنا يعوضك خيرا افدتنا والله

الف شكر على الكلام الجميل و يا رب يسمع منك ,و يوقفنا كلنا

أخي الحبيب وفقك المولى عزوجل ولكن لي ملاحظة ان من يستعجل ويدخل بحساب ويخسر هذا الحساب فهنالك نوعين من الناس نوع سيترك الفوركس فور خسارته فهو لا يحب هذا السوق والسوق لا يريده وهنالك نوع اخر من الناس أحسبك منهم من يخرج من الهزيمة ليعد للمعركة القادمة حتى يخرج منتصرا فصدقني الخروج من هذه الخسارة بهذه الهمة العالية تبشرني فيك خيرا ولعلنا نراك بعد سنة أو سنتين من كبار المحللين
ولكن المهم استمر في الدراسة ولا تيأس
أي خدمة نحن موجودين

ربنا يكرمك و فعلا انا حاسس انى خرجت من معركة خاسرة و اعد العدة للقادمة
و شكرا لك

بص يا باشمهندس نور

حكايتك قريبة من حكايتى
بس تفرق ان زى ما تقول كدة
اتنصب عليا فى التعليم والتوصيات اللى بفلوس
من الشركة المشهورة فى مصر
ويا رتهم علمونا حاجة
وان الفلوس كانت بتعتى مش فلوس ناس
عشان كدة عقولك نصحتين مهمين
الاولى
الفوركس سهل جدآ جدآ لوسيستة ومشيت على هواة
بمعنى حللت وتوقعت الاتجاة ودخلت فى صفقة
السوق ممشيش زى مانت عايز متركبش دماغك
وتقول هيرجع زى منا عايز لاء اقفل وادخل زى السعر ماهو ماشى
معظم الناس بتخسر وتصفر الحسابات من كدة وانا منهم
وصعب جدآ جدآ فوق ما تتخيل
وطبعآ عرفت هوا صعب لية لاننا عايزينة يمشى على
تحلننا وصفقتنا وهوا عمرة ما هيبقى كدة
النصيحة التانية
انت قلت انك اشتغلت باستراتحية القاهرة
نصيحة بعد ما دخت بين الاسترتجيات
القاهرة ممتازة برغم انها صعبة
وعايزة تدريب وتفكير بس يكفى انها بتعرفك السعر
رايح فين وجاى منين ولية وقف هنا
حتى لو هتشتغل باستراتجيات اسهل من كدة
خليها مع الاسترتجيات التانية
وربنا يوفقك وتقدر تعوض فلوس الناس
وانا ارجع فلوسى

جزاك الله خيرا و ان شاء الله كلنا نرجع فلوسنا
و لا نيأس من رحمة الله ابدا

[فادي كفوف]

حبيبي قلبي يا نور الدين

شوف يا صديقي كل واحد دخل الفوركس مر في هاي المرحلة وهي مش شغلة جديدة
سواء البحث عن توصيات او البحث عن من يدير له الحساب بدون ما يتعلم
بس الفرق بينك وبين غيرك انك متى تصحى وتفوق

هي دي النقطة

لما انت تعرف الصح بعد سنة احسن من لما تعرفه بعد سنتين

هذه اعتبرها بداية جديدة من التعلم والمثابرة في سوق لا يقبل الجاهلين والمتقاعسين

وانت ما شاء الله مخك متكلف ومش حتاخد وقت كثير عشان تثبت اقدامك اكثر

وبانتظارك يا صديقي

[medhat_777]

الله ينور عليك يا هندسه
بس لو تتعامل مع الحساب التجريبي انه حقيقي هتفرق كتير معاك
علي فكره فيه في توقيعي حاجات حلوة هاتعجبك ان شاء الله
و بالتوفيق للجميع ان شاء الله

[nouk_101]

حبيبي قلبي يا نور الدين

شوف يا صديقي كل واحد دخل الفوركس مر في هاي المرحلة وهي مش شغلة جديدة
سواء البحث عن توصيات او البحث عن من يدير له الحساب بدون ما يتعلم
بس الفرق بينك وبين غيرك انك متى تصحى وتفوق

هي دي النقطة

لما انت تعرف الصح بعد سنة احسن من لما تعرفه بعد سنتين

هذه اعتبرها بداية جديدة من التعلم والمثابرة في سوق لا يقبل الجاهلين والمتقاعسين

وانت ما شاء الله مخك متكلف ومش حتاخد وقت كثير عشان تثبت اقدامك اكثر

وبانتظارك يا صديقي

والله يا استاذ يا معلم بحبك و الله ،، على فكرة انا مش شغال الا بطريقتك و بحلل كدة لوحدى و بس و مش هاقولك بقة اد اية طريقتك مفيدة ليا و ربنا يكرمك يا زعيم
و ادينى بايع اهو بالمرة من كسر على طريقتك يا رب تجيب
و جايلك يا باشا استنانى انت بس
و صبح صبح على رأى بوحة باشا

الله ينور عليك يا هندسه

بس لو تتعامل مع الحساب التجريبي انه حقيقي هتفرق كتير معاك
علي فكره فيه في توقيعي حاجات حلوة هاتعجبك ان شاء الله
و بالتوفيق للجميع ان شاء الله

الف شكر ليك
كنت تقولى على توقيعك من بدرى شوبة دة انا كنت تاية على الحاجات الحلوة دية الف شكر يا باشا
فعلا لو اتعاملت مع الديمو زى الحقيقى هاتفرق احسن
شكرا على نصيحتك يا معلم يا كبير

[DreamwalkeR]

مافى أحد بيتعلم ببلاش. الله يعينا على أنفسنا.

[السوهاجى]

ربنا يوفقك

[hamdan63]

اولا بارك الله فيك اخي الكريم وعوضك الله خير ويكفي انك قلق بفلوس الاخرين ان شاء الله ربي عينك لانك مخلص في طرحك وكلامك صدقني افضل مقال قرأته لانه خلاصة خبرة حقيقة وبعيد عن المبالغة فهو واقعي وحقيقي اتمنالك التوفيق في الرحلة القادمة في الفوركس

[nouk_101]

مافى أحد بيتعلم ببلاش. الله يعينا على أنفسنا.

ان شاء الله خير يا رب
بس والله اوعى تخاف ولا حاجة اصل انا شايف انك لسة مشترك
على العموم اى مساعدة ابعتلى و مش هاتأخر ان شاء الله

ربنا يوفقك

يا رب يا كريم

اولا بارك الله فيك اخي الكريم وعوضك الله خير ويكفي انك قلق بفلوس الاخرين ان شاء الله ربي عينك لانك مخلص في طرحك وكلامك صدقني افضل مقال قرأته لانه خلاصة خبرة حقيقة وبعيد عن المبالغة فهو واقعي وحقيقي اتمنالك التوفيق في الرحلة القادمة في الفوركس

ما شاء الله كلامك جميل اخى الكبير مقاما و علما و عمرا افرحتنى و الله و حسيت ان ان شاء الله اليسر بعد العسر و خصوصا صورة معرف حضرتك
تشرفت بمرورك الكبير و شرفت الموضوع

[emeerateb2]

ربنا يعينك وتسدد فلوس الناس ودة اهم شىء يجب ان تفعلة
حتى تسلم من دعواتهم(لا اقصد من هذا الا النصيحة لوجة الله لانى دخلت فى شركة استثمار عربية تعمل على الفوركس واغلقت بعد عدة شهور قليلة من فتحها اخذة فلوسى معها والله اعلم هترجع تانى ولا)
ربنا يعوضك ويعوضنا خيرا اجمعين
اللهم امين

[nehad]

بعين الله يا كبير
ربنا يخليك تسبح بالذهب

[قدوري محمد]

ثابر وتوكل على الله هو حسبك

[zns]

جزاك الله خيرا أخي


مقال روعة

رفعت معنوياتي رفع الله درجتك