سيناريو الباوند ين (المجنون سابقا) -المدى الطويل -

[Pendodo2002]

بسم الله الرحمن الرحيم
-----------------------------------
توقعي للباوند ين على المدى الطويل (حتى الفتره من 11\2008 و 10\2009 )

بداية من الناحية الاساسية فالمتوقع على المرحله القادمه هوا قيام البنك المركزي الياباني طوال الفتره القادمه برفع الفائده إلا مناطق اليورو والباوند (يعني من 5 - 6% ) وهذا يستوجب حوالي من 20 إلى 30 عملية رفع للفائده خلال الفتره القادمه ... ومن المتعارف عليه ان رفع الفائده هوا لصالح العمله جدا

من ناحية التحليل الفني السعر لايزال يستند على ترند صاعد على الاسبوعي قوي جدا قذف به اكثر من 10000 نقطه سابقا مرتين ...
وحاليا سيعاود الباوند ين اختبار هذا الترند بعد انعكاسه السابق من مناطق 251 (سقف القناه الصاعده )
مارا اولا بـقاومه 221 التي اثبتت قدرتها على رد السعر .... ثم دفع به ايضا الفيبو 23.6 ليغلق فوقهم ...
ولكن الاولوية لاتزال للهبوط ... وبالتالي ... سيعاود السعر اختبار مستوى 221 ولكن سيرتد لنفس مستوى الفيبوناتشي لينحصر بينهم (227.5 - 221 ) وعندها يكون الزوج قد كون نموذج رأس وكتفين وخط العنق يمثل ال 221
يخترق السعر المقاومه 221 منطلقا للأسفل جنوباً (طبقا لهدف النموذج )
يتأرجح السعر قليلا حول كل من المستويين 38 و 50 فيبوناتشي (200-210)
ثم يكمل وجهته جنوبا مصطدماً بحائط 187 وهي تمثل 61.8 فيبوناتشي
يرتد منها مرتفعا وحتى مستوى 50 فيبو وربما يزيد حتى 38 فيبو
ويكمل الهبوط حتى اصطدامه بالترند عند 178 تقريبا

وبالتالي المتوقع هوا بيع من 251 إذا ما صعد إليها السعر ثم بيع من كل عمليات تصحيح وبهدف ال 178

إذا ما كسر السعر الترند وقتها فالمتوقع هبوط وحتى ال 148

هدف الهبوط من 7000 وحتى 10000 نقطه
والله اعلم

وطبعا سيزداد دقه التوقع ان شاء الله مع الوقت قادما

ولا ايه رأيكم ....
ياريت اللي عندو سيناريوهات للمدى البعيد يشارك بيها معانا

( ليست توصيه ولكن للنقاش و يمكن اعتمادها كتوصه إذا ما تم الاتفاق عليها ووفقا لقراراتك الشخصية ووجهة نظرك الخاصه )
تحياتي

[Pendodo2002]

54 قراءه ولا حتى رد واحد يسلم ويمشي !!!!

[Alnagaf]

ما شاء الله
تحليل منظم و يتفق كثير من الخبراء على هذا السيناريو
جزئيا أو كليا
ليتني كنت محترف بالقدر الكافي
للنقاش فنيا
لكن سيجيك الأساتذة
فلا تتعجل

[Abo Osamah]

لماذا لتحليل بهذا المنظور البعيد هل ستنتظر إلي 250 وبعدها تضع أمر بيع إلي 180؟ وكم سيكون الوقف 5000 نقطه مثلآ..

أفضل أن أجد لديكم تحليلآ لما تتوقع خلال اليوم أو مسار السعر خلال إسبوع .. لأنك لن تجد من ينتظر السعر حتي يصل إلي أسعار بعيده..

وشكرآ لك

[Pendodo2002]

الاستوب لن يتعدى ال 500 نقطه
وهذه صفقه سوينج وبهدف 10000 نقطه في السنه يعني تقريبا 900 نقطه في الشهر يعني 225 نقطه في الاسبوع يعني 45 نقطه في اليوم كلو بصفقه واحده ... هل هي سيئة إلا هذا الحد ؟؟؟
وكم من تاجر يقدر يعمل كدا ؟
وبعدين لو تم اخدها بعقد ميكرو (10 سنت \ نقطه ) في النهاية ربحك حوالي 1000 دولار او خسارتك 50 دولار ... ايه المشكله ؟؟؟؟

[هشام الدمرداش]

[hanymfm]

انشاء اللة لو عشت وكان لى عمر ابقى ادخل لصفقة دة

[Pendodo2002]

مش عارف ليه محسسيني اني كاتب نكته

[Spacer5]

حضرتك عامل فى الصورة ان السعر ممكن يرتد من المنطقة الحالية تقريبا

عند 239.43 او 239.71 ... وفى كلامك كاتب انه ممكن يوصل ل 251

ونبيع من هناك ... اعتقد بكده انك بتقصد كذا سيناريو للهبوط ... إما من عند 251

او من قبل الوصول اليها .. ياريت اكون فهمتك صح

بالنسبة لى .. رايى المتواضع انى شايف ان السعر مازل امامه رحلة صعود

إلى فايبو 76.4 عند 243.50 وجايز يكمل بعدها صعود او يهبط من تانى

ولو كمل صعود يبقى وارد جدا نلاقيه تانى عند 251

والمجنون كنت منتظر هبوطه الشهر اللى فات لما فضل طول الشهر يتــرنّــح مابين

228 و 234 وفى نهاية الشهر اخد الاتجاه الصاعد

---------------

وفى النهاية السيناريو اللى انت طرحته وارد حدوثه .... الله اعلم

والايام الجاية ان شاء الله هنشوف بالظبط ايه اللى هيحصل

وصراحة انا مش مهتم اوى بهذا المسار طويل الامد لانى مش بشتغل

على السوينجات طويلة الامــــــــــــد ... وتقدر تقول ان اقصى حاجة ليا

صفقة تستمر كم يوم او اسبوع وأفضل المتاجرة اليومية Intraday .....
----------
وبالتوفيق ... وكل عام وانت بخير

[freedom]

الاستوب لن يتعدى ال 500 نقطه
وهذه صفقه سوينج وبهدف 10000 نقطه في السنه يعني تقريبا 900 نقطه في الشهر يعني 225 نقطه في الاسبوع يعني 45 نقطه في اليوم كلو بصفقه واحده ... هل هي سيئة إلا هذا الحد ؟؟؟
وكم من تاجر يقدر يعمل كدا ؟
وبعدين لو تم اخدها بعقد ميكرو (10 سنت \ نقطه ) في النهاية ربحك حوالي 1000 دولار او خسارتك 50 دولار ... ايه المشكله ؟؟؟؟

أخي الكريم كلامك صحيح و لكن ألا ترى معي بأن السعر في طريق هبوطه من النقطة المذكورة سيكون في حالات تذبذب يمكن ان تجني منها مجتمعة صفقات تقدر نتائجها باكثر من 10000 نقطة و أنت مرتاح البال و لا تراودك الشكوك في كل مرة يعود و يرتفع فيها؟؟؟

برأيي المضاربة على المدى القصير أكثر فائدة و أقل خطورة لأننا لا نعرف ما هي المفاجآت التي ربما تصادفك في طريق الصعود أو الهبوط سوينج..

[hanymfm]

مش عارف ليه محسسيني اني كاتب نكته

اخى العزيز
لاء انت مكتبتش نكتة ولا حاجة
بس انت بتتكلم عن صفقة بعد سنتين اوخلال سنتين
ممكن جدآ يحصل اكتر من اللى انت بتقولة بكتير وفى وقت اقل من كدة
انا واحد من الناس دخلت الفوركس من سنة وشهرين تقريبآ
كان ساعتها الباوند / دولار ب 1.7800 شوف دلوقتى بكام
يعنى لوكنت دخلت بلوط الواحد كان سوى الهوايل
ومكنش المارجن كول جالى مرتين
بس محدش يضمن انة يستمر فى الفوركس علشان الفوركس ليس لة كبير
وانت بتتكلم على المجنون ربنا يجعل كلامنا خفيف عالية
اللى قبل مايكسبك 50 نقطة ممكن يخسرك 1000 نقطة
ربنا يوفقك وتعرف تعمل زى مابتقول
صدقنى انا اول واحد حفرح لك قوى
بالنسبة لتحليلك منطقى جدآ
بس فى اعتبارات اخرى يعنى مش معقول الباوند او الدولاراو اليورو حيقفوا محللك سر
لازم هيكون فى رفع فيهم هما كمان
وهذا يجعل الامر كأنة لم يكون
كلامك يكون صح 100 % اذا تحرك الين فقط دون باقى العملات
واللة اعلم

[hanymfm]

أخي الكريم كلامك صحيح و لكن ألا ترى معي بأن السعر في طريق هبوطه من النقطة المذكورة سيكون في حالات تذبذب يمكن ان تجني منها مجتمعة صفقات تقدر نتائجها باكثر من 10000 نقطة و أنت مرتاح البال و لا تراودك الشكوك في كل مرة يعود و يرتفع فيها؟؟؟

برأيي المضاربة على المدى القصير أكثر فائدة و أقل خطورة لأننا لا نعرف ما هي المفاجآت التي ربما تصادفك في طريق الصعود أو الهبوط سوينج..

وممكن جدآ يكون كسبان 1000 او 2000 نقطة وفى خلال يومين تلاتة يلاقى نفسة خسران
اكبر دليل اللى حصل فى شهر اغسطس لما نزل من 250 الى 219 فى عدة ايام
ولا كان تحليل اساسى نافع ولا فنى نافع
ولا كان حد يتوقع كدة اويقدر يقول ان دة هيحصل

[dr_mamy2006]

[freedom]

وممكن جدآ يكون كسبان 1000 او 2000 نقطة وفى خلال يومين تلاتة يلاقى نفسة خسران
اكبر دليل اللى حصل فى شهر اغسطس لما نزل من 250 الى 219 فى عدة ايام
ولا كان تحليل اساسى نافع ولا فنى نافع
ولا كان حد يتوقع كدة اويقدر يقول ان دة هيحصل

يا معلم صيد من المجنون كل يوم 40 - 50 نقطة و اطلع من السوق خير و بركة و خلي السوينجات تشتغل لوحدها .. و بلا وجع الراس

[Pendodo2002]

شكرا جزيلا سبيسر 5 على طرحك ولهذا وجدت المنتديات لنتناقش وليس ليأخذ الكلام في اتجاه واحد
والوقت فقط هوا الذي سيبرهن الحقيقه
تحياتي
---------------
الاخ freedome ممكن لو هتمشي على حركه زوج زي اليوروباوند ممكن تجمع في اليوم فوق ال 100 نقطه لو هتمشي باسلوب ال tick فما بالك بزوج زي الباوند ين (ربنا يجعل كلامنا خفيف عليه زي ما قال الاخ )
ولكن منين تضمن انك تكسب 500 نقطه وتخسر في المقابل 1000 نقطه على عده صفقات !!!!!
منين اصلا تضمن ال 50 نقطه بتوعك في اليوم !!
وبعدين انا قلت وقف 500 نقطه لـهدف 10000 نقطه يعني نسبه الوقف للربح 1:20 وهي رائعه
وبالمناسبة اخي الفاضل السونجات اقل مخاطره مليون مليون مره من الانتراداي ... وآلاف الاعضاء هنا شاهدين على الموضوع دا بالنسبة لناس صفروا حساباتهم اكتر من مره
الواحد مش ضامن عمره بعد ثانية واحده فالموضوع سيان بعد 10 سنين انتا برضو مش ضامن حاجة
وانتا بتحليلك سواء فني او اساسي مش ضامن حاجة للعشر ثواني اللي قدام ولا ال 10 سنين برضو
سيان !!
-------------------
الاخ هاني
انا عايز افهم ايه المشكله لما يتحط ربح لخساره بنسبه 1:20 !!!
50 دولار خسارة لوقف 500 نقطه
او ربح 1000 دولار لربح 10000 نقطه !!!
سؤال .... انتا من اول ما دخلت الفوركس عملت كام الف نقطه ؟؟؟
وبعدين يخسر 1000 نقطه ازاي ولا الفين والاستوب راح فين !!!
--------------------
شكرا يا دكتور على اللا تعليق :D
-------------------
الأخ حريه تاني ... انتا منين تضمن ال 50 نقطه ؟!!!
بالضبط زي ما انا مضمنش ال 10000 انتا متضمنش ال 50 نقطه الموضوع رياضيات بحته

وبعدين دي مش توصيه بس عايز نقاش لاتجاه العمله الفتره القادمه وتحديدا الزوج ده
ممكن نعملها غرفه مناقشات خاصه بالمجنون

تحياتي للجميع