قمة الرخامة

[bo7a]

مرة واحد ماشي في الشارع فقابل واحد تاني شكله مش على بعضه و مستعجل اوي و بيقول : ‏لو سمحت من فضلك قلعني الجاكتة

فالاولاني قال له : ‏نعم؟!!!

فالتاني قال : ‏قلعني الجاكتة بسرعة

حاضر.. ‏حاضر و راح مقلعه الجاكتة

لو سمحت بقه قلعني الكرافتة

إيه؟!!

الكرافته ..‏الكرافته بسرعة

حاضر.. ‏حاضر و راح مقلعه الكرافته و هو مستغرب اوي من الراجل الغريب ده : ‏ها يا سيدي اي خدمة تانية!!

اه .. ‏معلش فكلي زراير القميص

لااااا دانت زّودتها اوي .. ‏كده تاخد برد يقلب بنزلة شعبية حادة تاخد أجلك

من فضلك فكها .. ‏بسرعة .. ‏ارجوك

ُافففففف.. ‏وادي زراير القميص خلاص فكتها.. ‏دا كان يوم إيه المهبب ده, ‏ها أي

اوامر تانية؟

أيوه قلعني بقه القميص

يا سيدي عييب .. ‏مايصحش كده , ‏د إحنا فى الشارع خللي عندك دم .. .. ‏يا حول الله يا رب !!

أرجوك.. ‏أرجوك بسرعة.. ‏مافيش وقت

دي وقعت إيه المهببه دي, ‏أنا كان إيه إللي جابني من الشارع ده..‏وادي القميص ... ‏هاااا.. ‏إيه تاني!!

إرسملي على ظهري خطوط بالطول و خطوط بالعرض

حسبي الله و نعم الوكيل .. ‏إنت مجنون ياراجل أنت؟؟!!

من فضلك .. ‏أرجوك

رسمتلك زفت بالطول و زفت بالعرض

رقملي بقه المربعات إللي إتكونت على ظهري بالأرقام من 1 ‏إلي 40

يا صبر أيوووب .. ‏بقه إنت معطلني كل ده علشان تلعبني سيجه على قفاك؟!!!!

بسرعة لو سمحت .. ‏أرجوك رقمهم .. ‏من فضلك مش قادر

أديني رقمتهم...

لو سمحت بقى أهرشلي في المربع رقم33‏

[koko]

ههههههههههههههههههههههههههههههههههههههههههههه
عسل يا بوحة

[pal]

مشكور بوحه , علي الموضوع , وبالتوفيق ان شاء الله .

[alhaidary]

لو أنا كنت أعطيته شلَّوت في المربع 45

حلوة قوي يا أخانا العزيز بوحة

[mohmd173]

مشكور اخي على الموضوع

بس ممكن اخي تعدل النص المكتوب ( ‏يا حول الله يا رب !! ).

جزاك الله خير

اخوك محمد173

[Ahmed Essam Z]

مشكور بوحه على نكته