النتائج 1 إلى 2 من 2
- 21-05-2007, 04:36 PM #1
قال بيقولوا.. ظل راجل ولا ظل حيطة ، يا ختى بلا وكسة !
قال بيقولوا.. ظل راجل ولا ظل حيطة ، يا ختى بلا وكسة !
وقفت الست بهية على كوم عالى وبدأت تخطب وسط الحريم المرصوصين على المصاطب :
قال بيقولوا ضل راجل ولا ضل حيطة ... !
بذمتك عمرك سمعتى عن حيطة تقعد تشخر طول الليل وماتخلكيش تعرفي تنامي ؟
والا حيطة تدخل من باب البيت تجعر عايزة الغدا ؟!
وبعدين تطين عيشتك علشان الملح طلع زيادة في البامية !
والا ممكن ترجعي البيت في يوم تلاقي حيطة بتبوس الخدامة ؟
طيب شفتى حيطة تملا لك سقف البيت دخان ، وأرضيته سكن !
والا حيطة تقعد تنقد عليكي وتقولك انتي رايحة فين وجاية منين !
والا حيطة تصحيكي في نص الليل علشان معرفش إيه طلع في دماغها !
والا حيطة تدوخك وراها علشان تشوفي هيه بتكلم مين في التليفون بعد نص الليل !
طيب دي الحيطة معروف مكانها دايماً ، إنما المحروس يدوخك وراه علشان تعرفي هو سهران في أنهى داهية ... قال إيه ، عنده شغل ! ياسلام !
بذمتك فيه حيطة تحاول تطلعك غلطانة في كل كلمة تقوليها علشان تثبت للعيال إن الحيطة بتفهم أحسن منك .
والا حيطة تلوى بوزها وتقعد بالفانلة وروب النوم لما أمك تيجي تزورك
وتحبك معاها تحكي نكت عن الحموات !
والا حيطة تقعد تقولك ما تخرجيش بالفستان ده أحسن محزق عليكي ولما تقولي لها هاتى فلوس علشان تشتري فستان غيره تعمل ودن من طين وودن من عجين ، طيب دى حتى الحيطان لها ودان .
يا شيخة بلا قرف ... بلا نيلة ... الحيطة أجدع ، على الأقل مش حتتحبسى
لو فاض بيكى ونفذتي حلم كل الستات ... ودقيتي في الحيطة مسمار !!!!!
- 21-05-2007, 04:42 PM #2
رد: قال بيقولوا.. ظل راجل ولا ظل حيطة ، يا ختى بلا وكسة !
ههههههههههههههههههههههههه
يا ولا بطل بقى
قال مسمار قال
المواضيع المتشابهه
-
انى راحل ................ وداعا للجميع
By سمير صيام in forum استراحة اعضاء المتداول العربيمشاركات: 44آخر مشاركة: 23-12-2007, 11:15 PM -
انا لله وانا اليه لراجعون... وفاة جدّة الأخ (بوحه)
By ابوتركي الثبيتي in forum سوق تداول العملات الأجنبية والسلع والنفط والمعادنمشاركات: 96آخر مشاركة: 24-08-2007, 11:45 PM -
انى راحل ................ وداعا للجميع
By سمير صيام in forum سوق تداول العملات الأجنبية والسلع والنفط والمعادنمشاركات: 51آخر مشاركة: 28-12-2006, 09:04 PM