مشكلة في السحب من اكس ام

[كيمو.فوركس]

السلام عليكم
عاملين ايه يا جماعه

طبعا الاسبوع اللي عدي ده كان حاجة صعبة علي الكل
وانا ساعتها بالنسبة ليا وقفت متاجرة مؤقتا لحين استقرار السوق
روحت عامل سحب للمبلغ كله اللي في حسابي في اكس ام الي فيزا ايزي باي (البريد المصري)
طبعا المفروض بيوصل للفيزا من يومين الي خمس ايام عمل حسب كلام الشركة
للعلم انا قبل كده ساحب علي نفس الفيزا وصل في يومين بالظبط
سحبت الاتنين وصل الاربع
المرة دي بقي في الاسبوع الصعب ده سحبت الاتنين ولغاية دلوقتي الجمعه موصلش حاجة للفيزا وطبعا هو اكيد اتخصم من حسابي
سؤالي بقي هل حد حصل معاه الموقف ده الاسبوع ده وهل ممكن السحب طول عشان اكيد كان عندهم كمية سحوبات كتييييير الاسبوع ده للناس اللي قلقت من افلاس اي شركة مش شرط اكس ام بالتحديد
حاجة غريبة جدا مع العلم ان في المعلومات المعروفة عن اكس ام انها بتودع فلوس العملاء في حساب خاص لوحده
هل الشركة داخلة علي افلاس ولا ايه
انا مش قصدي اشكك فيها وطبعا بمجرد وصول المبلغ انا هكتب هنا
لكن الوضع غريب شوية بصراحة
ارجو الناس تقولنا الوضع كان معاها ايه
وشكرا للجميع

[Oxygen]

وعليكم السلام
اللي اعرفه ان السحب للبطاقه
لرأس المال فقط

والارباح تكون عبر النتلر و السكريل او حواله
ولن يقبلوا ارسالها للبطاقه قطعـــــــــــأ

هل الفلوس من راس المال او الارباح؟

[كيمو.فوركس]

وعليكم السلام
اللي اعرفه ان السحب للبطاقه
لرأس المال فقط

والارباح تكون عبر النتلر و السكريل او حواله
ولن يقبلوا ارسالها للبطاقه قطعـــــــــــأ

هل الفلوس من راس المال او الارباح؟

اه منا عارف طبعا النقطة دي
المبلغ باقي راس المال
وتم الاستلام منهم علي نفس الفيزا جزء من راس المال في خلال يومين عمل فقط
وتم مراسلة الطرفين كله بيقول المشكلة مش عندنا مضطر استني اسبوع كمان عشان اخد منهم رقم التحويل لو التحويل موصلنيش
ربنا يستر وميكونش اللي بيحصل ده هبل
ومش عارف حصل مع غيري ولا لا
المفروض ان اكس ام شركة موثوقة لكن هيبان طبعا

[كيمو.فوركس]

ايه يا جماعه محدش سحب من اكس ام الاسبوع ده يقولنا الوضع ايه ؟؟؟؟!!!

[vron2005]

وعليكم السلام
اللي اعرفه ان السحب للبطاقه
لرأس المال فقط

والارباح تكون عبر النتلر و السكريل او حواله
ولن يقبلوا ارسالها للبطاقه قطعـــــــــــأ

هل الفلوس من راس المال او الارباح؟

شركة اكس ام لا توجد بها حولات وانا اعاني لهذا السبب واحاول البحث عن افضل بنك الكترونى ويكون عملاته قليله في التحويل للبنوك

اذا اي احد يقدر يفيدنى بهذه النقطه يخبرني

علما انى من البحرين

--------------------------------------
بالنسبة للسحوبات

انا سحبت يوم الاثنين

وايضا سحب يوم الثلاثاء

والحمد لله كلهم رجعو في الفيزا لانهم من راس المال

[كيمو.فوركس]

شركة اكس ام لا توجد بها حولات وانا اعاني لهذا السبب واحاول البحث عن افضل بنك الكترونى ويكون عملاته قليله في التحويل للبنوك

اذا اي احد يقدر يفيدنى بهذه النقطه يخبرني

علما انى من البحرين

--------------------------------------
بالنسبة للسحوبات

انا سحبت يوم الاثنين

وايضا سحب يوم الثلاثاء

والحمد لله كلهم رجعو في الفيزا لانهم من راس المال

وصل السحب لحضرتك في خلال اد ايه لان انا طولت جداااااااااا بقالها اسبوع

[ابوإياد]

وعليكم السلام ورحمة الله وبركاته
انا مؤخرا كنت فاتح حساب بمبلغ بسيط وضاعفته حوالي خمس مرات وقمت بسحب نص الرصيد اما الباقي فتمرجن
فبخصوص السحب وصل في مدة اسبوع علي نفس مصدر الايداع وكان تحويل بنكي والموضوع سهل لاني مقيم في الامارات فلا يوجد قيود لكن اصل راس المال بيكون بحوالة لحاله وباقي السحب بيكون بحوالة اخري لكن بيصلوا في نفس الوقت

[كيمو.فوركس]

وعليكم السلام ورحمة الله وبركاته
انا مؤخرا كنت فاتح حساب بمبلغ بسيط وضاعفته حوالي خمس مرات وقمت بسحب نص الرصيد اما الباقي فتمرجن
فبخصوص السحب وصل في مدة اسبوع علي نفس مصدر الايداع وكان تحويل بنكي والموضوع سهل لاني مقيم في الامارات فلا يوجد قيود لكن اصل راس المال بيكون بحوالة لحاله وباقي السحب بيكون بحوالة اخري لكن بيصلوا في نفس الوقت

الفكرة اني بقالي اسبوع ولسه المبلغ موصلش
عامة هيبان الوضع الايام الجاية

[fxtime]

اذا ظهر لك فى السحب ان السحب اتقبل يبقا لازم هيبعتو لك الفلوس على المصدر اللى انت حددته للسحب

اما لو اترفض فبيكون بسبب ان مينفعش تسحب على الفيزا اكتر من المبلغ اللى انت عملته ايداع منها

يعني عملت ايداع 1000$ من الفيزا

تسحب على الفيزا 1000$ بس وبعد كدا لازم تسحب الباقي على البنك الارضي او على البنوك الالكترونية


اما لو اتقبل السحب ولسه موصلش لك على الفيزا كلم خدمة العملاء وخد رقم التحويل وبعد كدا راجع البنك ومتقلقش انشاء الله خير
والافضل فى مصر متستخدمش اى فيزا كارت لا للأيداع او للسحب استخدم البنوك الالكتروني وعندك بنك نتلر من افضل البنوك وله وسطاء كتير فى مصر

[Abdoroot]

[كيمو.فوركس]

تم استلام المبلغ بفضل الله
شكرا واسف للازعاج كان الموضوع ده للمتابعة فقط لان بصراحة بعد الاحداث اللي بتحصل في العالم مبقتش حاجة مضمونة
ارجو غلق الموضوع وشكرا

[alskndry]

تم استلام المبلغ بفضل الله
شكرا واسف للازعاج كان الموضوع ده للمتابعة فقط لان بصراحة بعد الاحداث اللي بتحصل في العالم مبقتش حاجة مضمونة
ارجو غلق الموضوع وشكرا

الحمد لله ياغالى على السحب

وفعلا الاوقات دى عصيبة وربنا يستر

[كيمو.فوركس]

الحمد لله ياغالى على السحب

وفعلا الاوقات دى عصيبة وربنا يستر

حبيبي يا استاذ محمد وربنا يسترها علي الجميع
ونصيحة للجميع خلي في حسابك المبلغ اللي هتدخل بيه الصفقات فقط لو كسبت خير وبركة لو خسرت اشحن حسابك علي قد صفقاتك فقط انا حاليا هعمل كده باذن الله
مفيش حاجة مضمونة حاليا ساعات دول وبنوك استثمارية بتفلس مبالك بشركات الوساطة احنا في وقت عصيب فعلا
احنا مش بنقول سيب الفوركس لانه ادمان طبعا زي ما كلنا عارفين
لكن ضارب بحرص
وربنا يستر علي الجميع وعلي صحتنا وعلي اموالنا