خطة لادارة راس مال صح=(تدبيل حساب+امان تام لراس المال)

[كيمو.فوركس]

السلام عليكم

النهارده باذن الله هيكون الموضوع عن خطة لادارة راس المال
يمكن تخلي حد بيخسر دايما
تحافظ علي راس ماله ويقدر يدبل حسابه باقل مخاطرة ممكنة للرصيد

اول حاجة احب اشكر جدا استاذ محمد صلاح (السكندري)
صاحب موضوع ادارة راس المال وخطط تدبيل الحساب

انا استفدت كتير من الموضوع بتاعه والخطة دي مقتبسة من موضوعه
وده حقه علينا نشكره علي ذوقه واخلاقه في مساعدته وردوده علي الاعضاء كلها
حتي الردود المسيئة مع انه بيحاول يساعد لوجه الله يخليك تربح سواء من موضوعه ده
او من مواضيعه
ده لينك الموضوع للي مش عارف يوصل لادارة تناسب استراتيجيته
https://forum.arabictrader.com/t243617.html

وبرضه انا بشكر جميع الاخوة اصحاب اي موضوع سواء زمايل استاذ محمد هنا في المنتدي
او اصحاب اي ورشة بتفيد حتي لو شخص واحد ويجعله في ميزان حسناتنا جميعا


تاني حاجة الموضوع ده لوجه الله الكريم رجاء لو استفدت ادني استفادة
دعوة باصلاح الحال لينا وللجميع

تالت حاجة بالله عليكم بلاش الهجوم علي اي موضوع بدون اي مبرر
الموضوع برضه مطروح للمناقشة والتطوير اكتر واكتر للاستفادة لينا كلنا
لان بدل ما نضيع وقتنا في الخلاف الافضل نعرف ازاي نربح من السوق اللي كله مخاطر ده
الموضوع عبارة عن خطة زي ما الاستاذ محمد صلاح عامل في موضوعه واللي عايز يطبقها ويستفيد بيها اوك مش عايز برضه اللي يريحك


ندخل في الموضوع
الخطة مقتبسة من اول طريقة في موضوع استاذ محمد صلاح
اللي هي تدبيل الحساب ب 5 صفقات متتالية عن طريق المتاجرة بربح الصفقة السابقة

الفكرة هنا ان النجاح في الفوركس
80% ادارة راس مال+ نفسية
20% استراتيجيك في الدخول

وفعلا انا مكنتش مصدق الكلام ده لكن هو فعلا الحقيقة
انت ممكن تبقي كسبان 20% من صفقاتك
يعني كسبان صفقتين وخسران 8 وتطلع كسبان بادارة سليمة اللي هنقولها وهنشوف المثال ده في الشرح
وممكن العكس تبقي كسبان 8 وتخسر 2 بلوت عالي بسبب الطمع وتلاقي نفسيتك ادمرت وبوظت الدنيا
وخسرت اكتر من مكسب ال8 صفقات وممكن توصل للمرجنة لا قدر الله


انا لما جيت احقق معادلة الادارة والنفسية اللي قولناها فوق
لقيت ان النفسية اهم شوية من الادارة لان فعلا فكرة انك تبقي شغال رايق وبنسبة بسيطة من حسابك وعارف انك مهما خسرت هتكسب في الاخر هي دي مربط الفرس

الخطة كالتالي
فكرة تدبيل الحساب عن طريق 5 صفقات متتالية اللي قالها استاذ محمد جميلة جدا ولكن تطبيقها صعب نفسيا جدا (بتكلم بشكل شخصي) انك تفضل 5 صفقات بيطلع عينك في التحليل ولما تكسب الاولي تتاجر بربح التانية وهكذا لغاية الخامسة
نفسيا بيخليك فعلا علي اعصابك جدا وعن تجربة

فنا عدلت شوية في الطريقة بحيث انك عندك كذا خطة للتدبيل
حسب نفسيتك

وهي هتكون 8 صفقات(متقسمة علي اربع مراحل)
ولكن بطريقة تخليك نفسيا مرتاح جدا (مخاطرة الصفقة 2% فقط)

لغاية 3 صفقات بس للتدبيل لو انت بقي عايز تجازف ودي برضه براحتك(مخاطرة الصفقة 6 % فقط )


شروط جميع الخطط
1/ نسبة الربح للخسارة 3:1 وهنقول حل للي مش عارف يوصل للنسبة دي

2/الالتزام التام بالخطة وعدم الخوف او الطمع

نيجي لاول خطة المريحة نفسيا جدا
اللي هي 8 صفقات للتدبيل(مقسمة علي اربع مراحل)

انت هتدخل اول صفقة 2% من الرصيد (قمة المحافظة علي راس المال)وطبعا بعد تحليل السوق بطريقة تحليلك اللي تكون متقنها
وليس عشوائيا لاننا عارفين اننا في سوق احتمالات وكل ما تحلل صح انت بتزود
احتمالية الوصول للهدف اكتر

يعني لو 100 $ المخاطرة 2$ وتحسب اللوت طبعا حسب نقط الستوب اكيد كله عارف
الطريقة واللي مش عارف يقولي وهقوله ازاي يحسبها

الهدف للستوب 3:1
يعني الخسارة 2%
والمكسب 6%

بفرض انك ربنا يسرلك وكسبت صفقتك
نيجي للصفقة التانية هتدخل بمكسب الصفقة دي لمرة واحدة فقط
بمعني هتدخل بمكسب الصفقة دي اللي هي 6$ لو حسابك كان 100$
وبرضه الهدف 3 اضعاف الستوب

يعني الخسارة 6%(اللي هما مكسب الصفقة السابقة وبكده راس مالك مازال في امان)
والمكسب 18% وبكده خلصت المرحلة الاولي من الاربع مراحل شكرا
انت كده معاك 24 % ربح يعني ربع حسابك مكسب من صفقتين وهنرجع نعيد من الاول
بحسبة 2% من الرصيد الجديد ونكررها اربع مراحل يبقي كده انت دبلت حسابك بتمن صفقات

مميزات الخطة
1/ انت في قمة الامان النفسي والسبب هو انك
كل متاجرتك في صفقاتك عموما ب 2% من حسابك
وطبعا دي نسبة قليلة جداااااااااااااااااااااا علي انك بتجازف ب 2% من حسابك
عشان تكسب 25% من حسابك(ربع الحساب في صفقتين)

2/ المرحلة الوحيدة اللي هتحس فيها ان نفسيتك مش مرتاحة هي مرحلة الصفقة اللي بالربح
ودي حالة مؤقتة هتروح مع الوقت والتعود ولكن عايزك وانت في المرحلة دي
تحط في بالك ان حسابك في امان يعني لو خسرت الصفقة دي
انت فلوسك في امان تام وبتتاجر بالارباح لمرة واحدة بس وليه بنقول مرة واحدة بس
مع ان خطة التدبيل اربع مراحل يعني اربع مرات هنعمل الحركة دي
لانك بكل بساطة لو جيت حسبتها علي 10 صفقات لو انت كسبت الصفقتين المتتاليتين دول
وخسرت بعدها 8 صفقات بحالهم
احسبها كده
8 صفقات خسارة(16% خسارة)
صفقتين مكسب متتاليتين( 24% مكسب)
بشرط طبعا نسبة الهدف للخسارة 3:1
يعني نسبة نجاح صفقاتك 20% وطلعت كسبان برضه
مع العلم ان حركة المجازفة بالربح لمرة واحدة فقط هي اللي خلتك طلعت ربحان
لان في الحالة العادية لو كنت كسبت نفس عدد الصفقات(صفقتين مكسب) بنفس نسبة الربح للخسارة 3:1
كانت المحصلة هتكون خسارة
8 صفقات خسارة(16% خسارة)
صفقتين مكسب (12% مكسب)
المحصلة خسارة 4%
وحتي لو ده حصل وده طبعا هيدل ان طريقتك غلط او انك بتعمل حاجة غلط اكيد او عشواءي
لكن طلعت ربحان بالادارة السليمة وتقدر بعد الخساير دي كلها تستمر في السوق
لان مش شرط الخطة صفقاتك ال8 تكون متتالية انت ممكن تكسب 24%
في الصفقتين وتلاقي شوية خساير طبعا وارد بس عشان تخسر ارباحك دي
محتاج خسارة 12 صفقة متتالية
شايفين اد ايه النفسية في السما بعد مكسب صفقتين فقط متتاليتين

وطبعا حتي بعد الخساير دي كلها مجرد ربحك لصفقة واحدة بتعيد الخطة تاني
وتدخل بارباحها لمرة واحدة فقط وتعوض كل اللي فات من خسارة بارباح اعلي كمان

واظن مش صعبة انك تكسب صفقتين ورا بعض دنتا حتي لو شغال عشوائي
ممكن تعمل كده

وطبعا اللي عايز يخلي التدبيل بدل 8 صفقات يخليها 6
او 4 او 2
هيعلي نسبة المجازفة في الصفقة
يعني الخطة الاولي السابقة
مجازفة 2% للصفقة (8 صفقات للتدبيل)
(6%+ 18%=24%) دي مرحلة من صفقتين هتكررها اربع مرات=96%

الخطة التانية
مجازفة 3% للصفقة (6 صفقات للتدبيل وزيادة )
(9%+ 27%=36%) دي مرحلة من صفقتين هتكررها تلت مرات=108%


الخطة التالتة
مجازفة 4% للصفقة (4 صفقات للتدبيل)
(12%+ 36%=48%) دي مرحلة من صفقتين هتكررها مرتين =96%

الخطة الرابعة
مجازفة 5% للصفقة (4 صفقات للتدبيل وزيادة اوي )
(15%+ 45%=60%) دي مرحلة من صفقتين هتكررها مرتين =120%

الخطة الخامسة والاخيرة
مجازفة 6 % للصفقة (3 صفقات تقريبا للتدبيل)
(18%+ 54%=72 %) دي مرحلة من صفقتين
ومع الصفقة التالتة العادية اللي ب6 % من رصيدك الاجمالي
الاجمالي 72+18 = 90 %
يعني تقريبا 3 صفقات

لو حد هيسالني انا بطبق انهي خطة هي الاولي
لان بصراحة نفسيتي ارتاحت الي مجازفة 2% فقط في الصفقة (تعتبر اطول خطة من حيث المدة)
وبرضي الحمد لله بمكسب ربع الحساب في صفقتين وساعتها بحس
انه حتي المجازفة بمكسب اول صفقة مع انه بعيد عن راس مال لكن بحس انه برضه مجازفة
6% مش كتير
وطبعا تقدر تطبق الخطة اللي تناسب نفسيتك

ملاحظات مهمة واخيرة في الموضوع

1/ اختار الخطة اللي تناسب نفسيتك وانت بتتاجر
بمعني متبقاش بتتاجر وانت بتعض علي ضوافرك وخايف
هدف ادارة راس المال هي انك تكسب بدون ضغط نفسي ورصيدك الاصلي يكون في امان
وتكون بتتاجر بس بالربح لصفقة واحدة فقط ولازم تعود نفسك علي النفسية العالية في المتاجرة

2/ عدم ترويض النفس البشرية يعني هلاك حسابك
نفسيتك اهم عنصر في الفوركس بدون النفسية العالية هتلاقي نفسك
لو اعظم محلل في العالم هتلاقي نفسك بتقفل صفقات بدري قبل الوصول للهدف
بتبعد الستوب كل ما يقرب السعر منه بحجة انه هيرجع للهدف وبحجة ان السوق في حد بيخسرني وبيعكس عليا السعر بتصبر علي الخسارة لكن الربح لا
دي خطوات الفشل في الفوركس


3/ اشتغل بمبدا كان ده مش حسابك
يعني ده حساب لصديق او حد تعرفه بيقولك اعمل كذا وكذا
وهيحاسبك علي كده يعني بيقولك حدد المكان الدقيق للستوب
وخلي الهدف اكبر من الستوب وتسيب الصفقة تعيش حياتها
يا تضرب الهدف او وقف الخسارة اوعي تغير في ارقامها خااااااااااااااااااااااااااااالص
تقرب الستوب للدخول وتحجز ارباح فقط فقط فقط فقط
لكن تبعد الستوب او تقفل علي هدف قريب مرفوووووووووووض عشان تقدر تتعود علي الصح


4/ الحل بتاع نقطة
الهدف 3 اضعاف الخسارة اللي قولنا فوق هنقول حلها
حلها بسيط جدا انا مثلا لو هتكلم بشكل شخصي في ورشتي اللي في التوقيع
وهي الترند المكسور بتحليل كلاسيكي بحت
بعمل ايه اهم حاجة الستوب بحدده كويس جدا فوق مقاومات وموفنجات وحاجة قوية
كانك بتخبي حد هربان ومش عايز حد يمسكه هههههه
بفرض طلع الستوب المناسب ده 100 نقطة اي كان الرقم يعني
بحط الهدف 3 اضعاف حتي لو شايف ان الهدف قدامه حاجات تعوقه
مربط الفرس في الترند انك بتستني كسر لاخر منطقة دعم او مقاومة في ظل الترند ولو حد عايز يفهمها يدخل الورشة عندي بوضحها في الفرص
فبالتالي الكسر بيكون قوي لانه الترند من الاصل تصحيح لفريمات الشهري والاسبوعي
فنتا مع صناع السوق
لو هتكلم بشكل شخصي الاستراتيجية ناجحة بنسبة كبيرة فبستني الكسر للمناطق المهمة بعد كسر الترند للتاكيد وبتوكل علي الله وبدخل
الملخص هنا في النقطة دي مش عرض طريقتي وخلاص
انا عايزك تشوف صناع السوق بيفكروا ازاي وامشي معاهم
انت ممكن تكون شغال باستراتيجية مفيش ابسط منها
مثلا موفنج 200 بعد كسره بتدخل
ولكن انت بتحطلها شروط واضافات تخليك متدخلش غير بعد كسر حاجات كتير
او برايس اكشن في شارت فاضي بس بتعرف تدخل وتخرج
حط شروط بتخلي استراتيجيتك اقوي

حط بصمتك عشان توصل لوحدك
لو الورش هنا هدفها نساعد بعض
لكن عمرها ما هتتاجر مكانك
ولا تعلي نفسيتك
ولا تخليك تدير حسابك صح

من الاخر لو انت شغال علي طريقة الهدف قد الستوب مثلا
خليها اكبر ومتخافش انت مجرد ما يتحرك السعر في اتجاه صفقتك احنا في سوق بيقوم علي علم الاحتمالات مرة هيضرب ستوب ومرة هيجرررررررررررررررررري في اتجاه ارباحك

حرك الستوب للدخول وسيبها تعيش حياتها
لو ضربتلك ستوب الدخول في غيرها كتير السوق مش هيخلص
لانك لازم تستفيد بتحرك السعر في اتجاه صفقتك كل ده ربح ضايع
ولكن اذا ضرب الستوب من البداية مش مشكلة هتشوف برضه غيرها لانك ماشي بادارة راس مال ونفسيتك كويسة

5/ عود نفسك علي تقبل الخسارة وتحط في بالك انك خسرت النهارده
هتكسب بكرة او بعده او بعد اسبوع
(ادارة راس المال والنفسية اهم من الدخول زي ما قلنا)



6/ النقطة دي حصلت لي شخصيا
في صفقة كنت بدخلها وكتبت في قيمة اللوت رقم غلط مكنتش مركز وانا حسابي مايكرو وكانت الصفقة قيمة النقطة 10 سنت بدل ما اكتب
1 ايدي كتبت 9 مش عارف ايه العلاقة ههههههههه
وكانت كارثة وطبعا اضطريت اقفل الصفقة لان السبريد كان كبير في وقت الليل والستوب كان 100 نقطة وفتحت غيرها باللوت الصحيح

فخلوا بالكم من النقطة دي التركيز في كتابة اللوت
الحساب الستاندرد قيمة اللوت 1 يبقي النقطة بعشرة دولار
الحساب الميني قيمة اللوت 1 يبقي النقطة دولار
الحساب المايكرو قيمة اللوت 1 يبقي النقطة عشرة سنت

وطبعا لو عايز النقطة باقل او اكتر بتحسبها واكيد المعلومة دي كله عارفها
ولكن كان لازم التنبيه ليها جدا ممكن حسابك يتدمر بسببها لو اتعملت غلط
ربنا يحفظ اموالكم جميعا


7/ حاول وانت معاك صفقة ركز فيها لوحدها واصبر لغاية ما تخلص وتدخل غيرها
ولكن النقطة دي لازم فيها المرونة لانك ممكن تدخل صفقتين لكن مش علي ازواج
ليها علاقة ببعض
بمعني معاك صفقة بيع باوند فرنك مثلا
متدخلش بيع باوند دولار مثلا معاها
لانك لو حللت غلط او جه خبر او اي حاجة ضربت لك ستوب
90% الصفقة التانية هتضرب ستوب برضه لانهم الي حد ما ماشيين سوا ولكن مش في جميع الاحوال فتجنبا لكده لو هتدخل صفقتين يبقوا في ازواج ملهاش علاقة ببعض



اسف جدا للاطالة لكن والله حاولت بكل جهدي اقولكم كل حاجة انا توصلت ليها
لان النفسية وادارة راس المال علم زي التحليل الفني والاخباري
بل هو اهم منهم بكتير

ياريت لو شخص واحد استفاد وقدر يحول اي خسارة لمكسب
مش مطلوب اكتر من الدعوة وبس

السلام عليكم

[trader4x]

كلام جميل لكن اليس المهم ان نسال اولا عن حكم عقود الفروقات CFD و تجارة المارجن التي يعمل بها بروكرات الفوركس

[كيمو.فوركس]

كلام جميل لكن اليس المهم ان نسال اولا عن حكم عقود الفروقات CFD و تجارة المارجن التي يعمل بها بروكرات الفوركس

استاذن حضرتك في اللي هقوله لو تسمح لي الموضوع ملوش علاقة بالناحية الشرعية ده مجرد مساعدة لادارة راس المال لان لو دخلنا في موضوع الحرمانية اتجاه الموضوع هيختلف تماما
وهيقلب بخناقة بين الاعضاء انا عارف كويس
لو حضرتك حابب تعرف اي حاجة ليها علاقة بالشرعية اكيد مش هعرف اجاوبك
بالتوفيق لحضرتك

[trader4x]

استاذن حضرتك في اللي هقوله لو تسمح لي الموضوع ملوش علاقة بالناحية الشرعية ده مجرد مساعدة لادارة راس المال لان لو دخلنا في موضوع الحرمانية اتجاه الموضوع هيختلف تماما
وهيقلب بخناقة بين الاعضاء انا عارف كويس
لو حضرتك حابب تعرف اي حاجة ليها علاقة بالشرعية اكيد مش هعرف اجاوبك
بالتوفيق لحضرتك

هو ليس بسؤال مباشر اعتبره طلب توضيح لانه حتى بعيدا عن الناحية الشرعية فالاجابة عنه توضح المقلب الذي يشربه المتداولون عندما يظنون انه بامكانهم التداول ب100 دولار (باستخدام رافعة كي يصبح المبلغ 200 ضعف) و تحقيق ربح جيد لان المبلغ مع الرافعة يصبح كبير و هو لا يعرف ان الرافعة وضعت له حتى يغامر و يمرجن الحساب لانه لن يرضى بربح لا يغطي حتى فاتورة الانترنت شهريا عندما يكون ملتزما بادارة راس مال لتحقيق نسبة معقولة شهريا من 10% الى 20% طبعا هذا بدون التطرق الى كون العقود عقود CFD و خسارتك للبروكر و ربحك منه لان السوق داخلي و المتاجرون فقط يراهنون على صعود و هبوط السعر

[tafal]

ما شاء الله عليك الشكر لك والأستاذ محمد ألكسندر
ربنا يبارك فيكم

[كيمو.فوركس]

هو ليس بسؤال مباشر اعتبره طلب توضيح لانه حتى بعيدا عن الناحية الشرعية فالاجابة عنه توضح المقلب الذي يشربه المتداولون عندما يظنون انه بامكانهم التداول ب100 دولار (باستخدام رافعة كي يصبح المبلغ 200 ضعف) و تحقيق ربح جيد لان المبلغ مع الرافعة يصبح كبير و هو لا يعرف ان الرافعة وضعت له حتى يغامر و يمرجن الحساب لانه لن يرضى بربح لا يغطي حتى فاتورة الانترنت شهريا عندما يكون ملتزما بادارة راس مال لتحقيق نسبة معقولة شهريا من 10% الى 20% طبعا هذا بدون التطرق الى كون العقود عقود CFD و خسارتك للبروكر و ربحك منه لان السوق داخلي و المتاجرون فقط يراهنون على صعود و هبوط السعر

فكرة المقامرة للي عايز يدخل الفوركس بالمبدا ده هيقامر سواء حسابه 100 او مليون
فارجو من حضرتك نخلينا في صلب الموضوع نفسه كادارة راس مال بعيدة عن مخاطر للحساب نفسه
ده رجاء خاص لو سمحت بلاش الدخول في مواضيع اخري كالبروكر والرافعة والامور الشرعية
عشان يفضل الموضوع ليه هدف محدد

ما شاء الله عليك الشكر لك والأستاذ محمد ألكسندر
ربنا يبارك فيكم

تحت امر حضرتك ربنا يخليك

[amro10]

مااشااء الله عليك وموضوع راءع
معلش سوال حسب خطتك فالصفقة رقم 3 تدخل بكل المكسب ولا 2 %فالمية

[كيمو.فوركس]

مااشااء الله عليك وموضوع راءع
معلش سوال حسب خطتك فالصفقة رقم 3 تدخل بكل المكسب ولا 2 %فالمية

تحت امر حضرتك يا فندم وشكرا لوجودك معانا

حضرتك متهيالي بتسال علي الخطة رقم 1 اللي هي مجازفة 2% صح؟
لو صح لا مش بتدخل بكل المكسب

الفكرة ان مجازفتك بتكون مرة واحدة بس وبالارباح فقط بعيد عن راس المال
يعني لو هناخد اول مرحلة من الاربع مراحل بتاعت الخطة رقم 1
انت مجرد ما بتدخل السوق في البداية كده ودخلت صفقة ب 2% من رصيدك وربنا يسر وكسبت 6%
مجازفتك في المرحلة دي بتكون بال 6% دول ربنا ييسر وكسبت 18%
كده خلاص بقي معاك ربع الحساب تقريبا مكسب من صفقتين
وترجع تعيد تاني في الصفقة التالتة ب 2% من رصيدك الجديد الاجمالي لانك كده نفذت اول مرحلة من الاربع مراحل للتدبيل فاضلك 6 صفقات
وطبعا زي ما قولنا مش شرط عشان تدبل بالخطة الاولي انك تكسب 8 صفقات متتالية هي مش مستحيلة لكن صعبة شوية فحنا بنقسمها علي اربع مراحل
ولاحظ انك بعد ما بتعدي المرحلة الاولي بخير وبقي معاك ربع الحساب مكسب
لو خسرت صفقة او اتنين او تلاتة او اربعة انا بديك مثلا هيبقي نسبة بسيطة جدا من الربح ده وبمجرد مكسبك لصفقة بعدهم
ووراها التانية انت كسبت ربع الحساب تاني ومخصوم منه طبعا خساير 2% علي اي صفقة خسرتها


ميزة الخطط دي انك بعد كده ارباحك وخسايرك بتكون من الارباح مش من راس المال وده يبعدنا عن المارجن لا قدر الله

[amro10]

تحت امر حضرتك يا فندم وشكرا لوجودك معانا

حضرتك متهيالي بتسال علي الخطة رقم 1 اللي هي مجازفة 2% صح؟
لو صح لا مش بتدخل بكل المكسب

الفكرة ان مجازفتك بتكون مرة واحدة بس وبالارباح فقط بعيد عن راس المال
يعني لو هناخد اول مرحلة من الاربع مراحل بتاعت الخطة رقم 1
انت مجرد ما بتدخل السوق في البداية كده ودخلت صفقة ب 2% من رصيدك وربنا يسر وكسبت 6%
مجازفتك في المرحلة دي بتكون بال 6% دول ربنا ييسر وكسبت 18%
كده خلاص بقي معاك ربع الحساب تقريبا مكسب من صفقتين
وترجع تعيد تاني في الصفقة التالتة ب 2% من رصيدك الجديد الاجمالي لانك كده نفذت اول مرحلة من الاربع مراحل للتدبيل فاضلك 6 صفقات
وطبعا زي ما قولنا مش شرط عشان تدبل بالخطة الاولي انك تكسب 8 صفقات متتالية هي مش مستحيلة لكن صعبة شوية فحنا بنقسمها علي اربع مراحل
ولاحظ انك بعد ما بتعدي المرحلة الاولي بخير وبقي معاك ربع الحساب مكسب
لو خسرت صفقة او اتنين او تلاتة او اربعة انا بديك مثلا هيبقي نسبة بسيطة جدا من الربح ده وبمجرد مكسبك لصفقة بعدهم
ووراها التانية انت كسبت ربع الحساب تاني ومخصوم منه طبعا خساير 2% علي اي صفقة خسرتها


ميزة الخطط دي انك بعد كده ارباحك وخسايرك بتكون من الارباح مش من راس المال وده يبعدنا عن المارجن لا قدر الله

شكراا يااغالي بالتووفيق

[madra89]

ما شاء الله عليك اخي الكريم
كل الشكر والتقدير لحضرتك و وللاستاذ محمد
اخي ممكن تحكيلنا بطريقة حساب اللوت حسب نقاط الستوب

[alskndry]

والله اخى الحبيب كيمو يعجز اللسان عن شكر حضرتك

ولو شكرت حضرتك مش هوافى حقك فى كل الكلام الطيب هذا

فجزاك الله كل خير

وبجد ماشاء الله عليك خطة محكمة وقوية جدا اقل ما يقال عليها ابداع

وافضل من طريقة الخمس صفقات بكل صراحة

واسمحلى انى ساضع رابط للموضوع فى بداية موضوعى الخاص بادارة راس المال

لانه يستحق ان يكون فى المقدمة بدون مجاملة

متابع معاك ياغالى ويشرفنى متابعتك

[goldfile]

السلام عليكم

استاذ كيمو ماشاء الله تعالى اجتهاد وذكاء اصل الاستاذ محمد منجم اسرار الله يحفظه
لي طلب عند حضرتك ياريت ورشة على استراتيجية ناجحه من اختيارك حتى تكون الفكرة عن عملية
وثمان صفقات لن تتغرق الكثير من الوقت كما ان نجاح ا الورشة وتدبيل الحساب سيعطي دفعة قوية للمحبطين وتكون نموذج للانظباط والالتزام
بوركت ياطيب

[اميرالمنتدى]

السلام عليكم و رحمة الله و بركاته
كل الشكر اخي كيمو ، بصراحة شرح و لا اروع .... جزاك الله كل خير ،،

عندي استفسار بسيط لو سمحت .

لو انا بشتغل على مجموعة من العملات بنفس الوقت . يعني افتح اكثر من صفقة بنفس الوقت . كيف استفيد من الخطة بتاعتك ( هل اتعامل مع الربح الاجمالي للصفقات و الخسارة الاجمالية ) لتحديد نسبة الزيادة او الخسارة في الحساب.
سؤال ثاني : لما تقول انت تغامر بربح الصفقة السابقة ( مثلا من 2% الى 6 % ) هل يتم ذلك عن طريق زيادة اللوتات ام ماذا . شاكر جدا استاذ كيمو

مع الشكر

[كيمو.فوركس]

ما شاء الله عليك اخي الكريم
كل الشكر والتقدير لحضرتك و وللاستاذ محمد
اخي ممكن تحكيلنا بطريقة حساب اللوت حسب نقاط الستوب

شكرا لكلام حضرتك الجميل وتحت امرك اي وقت
بالنسبة لو انت مثلا حسابك 100$ ودخلت الصفقة ب 2% يعني اخرك في الصفقة تخسر 2$ ودول بتقسمهم علي عدد النقاط اللي حضرتك بتشوف انه مناسب علي الشارت يعني لو ميت نقطة ستوب يبقي النقطة ب 2 سنت وهكذا مع الاخذ في الاعتبار انك بتشوف حسابك مايكرو ولا ميني ولا ستاندر لانها بتفرق في الرقم اللي حضرتك هتحطه في الصفقة يعني لو مثلا في المثال السابق يبقي لو حسابك مايكرو
1 لوت = قيمة النقطة 10 سنت يبقي هنكتب 0.2 لوت عشان النقطة تكون ب 2سنت فخلي بالك من نوع حسابك مهمة جدا
بالتوفيق لحضرتك

والله اخى الحبيب كيمو يعجز اللسان عن شكر حضرتك

ولو شكرت حضرتك مش هوافى حقك فى كل الكلام الطيب هذا

فجزاك الله كل خير

وبجد ماشاء الله عليك خطة محكمة وقوية جدا اقل ما يقال عليها ابداع

وافضل من طريقة الخمس صفقات بكل صراحة

واسمحلى انى ساضع رابط للموضوع فى بداية موضوعى الخاص بادارة راس المال

لانه يستحق ان يكون فى المقدمة بدون مجاملة

متابع معاك ياغالى ويشرفنى متابعتك

حبيبي يا استاذ محمد يشرفنا متابعتك وشكرا جدا للكلام الجميل
احنا كلنا هنا هدفنا نساعد بعض لان في ناس كتيييير فقدت الامل في الفوركس
بنحاول نقولها ان في حاجات ممكن تبقي هي نقطة مكسبك قبل نقطة دخولك

السلام عليكم

استاذ كيمو ماشاء الله تعالى اجتهاد وذكاء اصل الاستاذ محمد منجم اسرار الله يحفظه
لي طلب عند حضرتك ياريت ورشة على استراتيجية ناجحه من اختيارك حتى تكون الفكرة عن عملية
وثمان صفقات لن تتغرق الكثير من الوقت كما ان نجاح ا الورشة وتدبيل الحساب سيعطي دفعة قوية للمحبطين وتكون نموذج للانظباط والالتزام
بوركت ياطيب

تسلم لكلام حضرتك جدا
شرفني حضورك
وبالفعل انا عندي ورشة الترند المكسور في التوقيع وبنزل فيها صفقات
وهنبدا نطبق فيها الخطط باذن الله
ولكن هدف الموضوع ان اي حد فاقد للامل في المكسب بعد قراية الموضوع
يبدا يعتمد علي الله ثم علي نفسه مش علي غيره
لان كل واحد قادر علي النجاح لوحده

السلام عليكم و رحمة الله و بركاته
كل الشكر اخي كيمو ، بصراحة شرح و لا اروع .... جزاك الله كل خير ،،

عندي استفسار بسيط لو سمحت .

لو انا بشتغل على مجموعة من العملات بنفس الوقت . يعني افتح اكثر من صفقة بنفس الوقت . كيف استفيد من الخطة بتاعتك ( هل اتعامل مع الربح الاجمالي للصفقات و الخسارة الاجمالية ) لتحديد نسبة الزيادة او الخسارة في الحساب.
سؤال ثاني : لما تقول انت تغامر بربح الصفقة السابقة ( مثلا من 2% الى 6 % ) هل يتم ذلك عن طريق زيادة اللوتات ام ماذا . شاكر جدا استاذ كيمو

مع الشكر

حبيبي تسلم لذوقك

بالنسبة لعدد الصفقات زي ما قولنا يفضل انها تكون صفقة واحدة
ولو صفقتين يبقوا مش علي ازواج شبه بعض عشان ميبقاش تحركهم زي بعض
ولو فرضا حضرتك دخلت صفقتين يبقا خليك بنسبة المجازفة اللي حضرتك اخترتها لانك مش عارف الصفقة الاولي هتكسب ولا لا
بمعني انا دخلت صفقة ومفتوحة حاليا بنسبة معينة من الرصيد
انا عشان احدد هدخل بارباحها او لا لازم اكيد هستناها تخلص سواء مكسب او خسارة
فبالتالي لو ظهرت لي فرصة اخري هشتغلها بنفس المجازفة الاولي كاني معيش صفقات اصلا
ولو كسبوا ال2 خير وبركة كده بقي عندك محاولتين لمكسب ربع الحساب مش محاولة واحدة ولو واحدة كسبت والتانية خسرت برضه هتحاول بمكسب اللي كسبت
الملخص في الخطط عايزين تامين للراس المال والمجازفة بربح صفقة واحدة فقط بحيث نفسيتك تبقي عالية وتتعود علي كده

وبالنسبة لتاني سؤال بفرض انت كسبت 6% اللي هما مثلا 6$ لو حساب 100$
انت هتجازف بيهم في الصفقة القادمة وهتقسمهم عادي علي عدد نقاط ستوب يطلع لك قيمة النقطة
اي حاجة واقفة معاك تحت امرك

[pilot777]

جزاك الله خير
فعلا موضوع ادارة راس المال مهم جدا في التداول وكلما كان حجم العقد قليل كانت النفسية مرتاحة والثقة اكبر