النتائج 1 إلى 15 من 26
- 30-08-2018, 05:46 PM #1
ازاي تقدر تعمل اي اطار زمني على الميتاتريدر بنفسك
السلام عليكم ورحمة الله وبركاته
في الموضوع دة هشرح ازاي تقدر تعمل اي اطار زمني ( Time Frame ) على الميتاتريدر بنفسك
زي ما احنا عارفين مش موجود غير اطارات زمنية معينة على الميتاتريدر - ولكن فيه بعض المواقع بتقدم اطارات زمنية اكثر - لكنها مش موجودة على برنامج الميتاتريدر
الطريقة شوفتها في منتدى عربي قبل كدا وحبيت اشرحها ليكم بشكل مفصل وبسيط ان شاء الله للاستفادة
ندخل في الشرح على طول
.......................................
الخطوة الأولى
- هتفتح اي زوج عملات وليكن مثلا الباوند دولار - فريم الساعة
........................
الخطوة الثانية
- هنروح عند Scripts ومنها نختار PeriodConverter ونسحبها على شارت الباوند دولار اللي فتحناه
......................
الخطوة الثالثة
- هنروح خانة Inputs ونغير قيمة Period multiplier factor ودي عبارة عن مضاعفة لقيمة الاطار الزمني اللي شغالين عليه
وهنا مثلا احنا عايزين نعمل تايم فريم ساعتين - واحنا فاتحين شارت الساعة - يبقى نكتب في المربع دا 2 وندوس Ok
......................
الخطوة الرابعة
- هنروح عند File على أقصى اليسار ونختار Open Offline
- هيتفتح مربع هننزل ندور على GBPUSD , H2 زي ما هو موضح في الصورة وندوس عليه مرتين
......................
الخطوة الخامسة
- بمجرد ما نخلص الخطوة الرابعة هيتفتح شارت جديد للباوند دولار اطار زمني ساعتين جنب الاطار الزمني الساعة اللي مفتوح في الأول
......................
وكدا مبروك عليك الفريم الجديد تم بنجاح
...........................
ملاحظات مهمة :
- في حالة انك مثلا عايز تعمل فريم 20 دقيقة هتعمله ازاي ؟
هتفتح شارت الدقيقة وتعمل الخطوات اللي فاتت وتيجي في خانة inputs وتغير القيمة وتخليها 20 يعني تضاعف الدقيقة 20 مرة
او تفتح شارت ال5 دقايق وتيجي في خانة inputs وتغير القيمة وتخليها 4 يعني تضاعف ال5 دقايق 4 مرات
- ما تشغلش بالك بكلمة Offline اللي على الشارت اللي عملناه ، الشارت شغال عادي اونلاين مافيش مشكلة
- فيه عيب واحد بس في الطريقة انك بمجرد اغلاق المنصة لما تفتحها من جديد بيروح الاسكربت من الشارت الاصلي اللي اشتغلنا عليه وبالتالي بيتوقف الفريم اللي احنا عملناه عن العمل وبيبقى فعلا Offline ومش بيتحرك السعر عليه
يعني مثلا في المثال بتاعنا احنا اشتغلنا على شارت الساعة ، كل اللي بنعمله اننا بنضيف السكربت من جديد على نفس الشارت وهنلاقي شارت الساعتين اشتغل طبيعي جدا بعد كدا
......................
زي ما قولت الطريقة مقتبسة من منتدى اخر ولكن الشرح انا عملته بنفسي وحاولت انه يكون واضح للجميع وان شاء الله يكون مفيد
بالتوفيق للجميع ان شاء الله
آخر تعديل بواسطة mohammedgaber ، 31-08-2018 الساعة 03:10 AM
- 30-08-2018, 05:58 PM #2
جميلة جدا سأجربها
- 30-08-2018, 09:12 PM #3
شكرا جزيلا استاذ محمد
- 30-08-2018, 10:34 PM #4
مشكور استاذ محمد على الطريقة
بالفعل طريقة جديدة جارى التجربة
- 30-08-2018, 10:45 PM #5
بصراحة فكرة جميلة أوي
هايتم تجربتها أكيد
تسلم أيدك على الموضوع الجامد دة , حتى لو الطريقة منقولة
خوفك و حرصك على إفادة الجميع شيء تستحق علية كل الشكر و التقدير
- 30-08-2018, 11:18 PM #6
صراحة و بدون مجاملة من افضل ما قرأت خلال الفترة الاخيرة
تحياتى و دعواتى بالتوفيق
- 31-08-2018, 03:13 AM #7
- 31-08-2018, 03:13 AM #8
- 31-08-2018, 03:36 AM #9
- 31-08-2018, 05:30 AM #10
موضوع أكثر من رائع .. وفكره جميله
حاولت اعمل شارت سنوي معرفتش
عملت جميع الخطوات
الشارت الشهري - دخلت القيمه 12
وفضلت مستني .. الصوره دي مابتتغيرش
نفسي أشوف الشارت السنوي yearly chart مره في حياتي
لو حد يعرف موقع بيقدم شارت سنوي يبقي كتر خيره
خلاف ذلك الطريقه شغاله جميل جدا
عملت شارت 2days الشمعه يومين ايضا شارت 12 ساعه
مره ثانيه شكرا أستاذ محمد الغالي
بالتوفيق للجميع
- 31-08-2018, 12:00 PM #11
- 31-08-2018, 02:41 PM #12
- 31-08-2018, 04:37 PM #13
- 31-08-2018, 04:40 PM #14
- 31-08-2018, 04:54 PM #15
انا لقيت حضرتك رديت علي الأخوه فوق ونستني .
قولت أكيد بيجرب الأول قبل ما يرد عليا ههههه
شكرا أستاذ محمد علي اهتمامك وتعبك معايا
شكلي مش هشوف شارت سنوي خالص في حياتي
بالمناسبه موقع barchart في شارت الشمعه 3 شهور
الشمعه الحاليه هتكمل أخر شهر 9 ان شاء الله
يعني 4 شموع في السنه بحب دايما ابص كل فتره عشان يبقي عندي نظره للمدي البعيد
شكرا مره تانيه أستاذي الفاضل .. جمعه مباركه ليك وللأسره الكريمه