إية أخبار الإيداع من مصر في شركات الوساطة ؟

[xcv114]

ياريت حد يا جماعة يفهمني كده إزاي أعمل إيداع من مصر؟
أنا كنت الأول بعمل إيداع بالكريدت كارد من غير مشاكل .. بس جيت أعمله من إسبوعين لقيت البنك بيتصل بيا بيقولي البنك عامل بلوك لشركات الفوركس
سألت ناس قالولي إعمل إيداع في نتلر .. وبعدها حول فلوس من نتلر لشركة الوساطة
عملت كده بارضوة نفس الكلام وطلع إن نتلر واقف التعامل مع مصر

ياريت حد يعرفني إزاي بيودع من مصر .. لإني بصراحة هبطت من المحاولة

[hema007]

حول من البنك إلى سكريل ...

أو حول من بنك عربي أو أجنبي بيتعامل مع البنوك الإلكترونية

عندك بيركليز و عندك QNB

في حل أخر وهو الوسيط ... شوف وسيط ابعتله الفلوس وهو يبعتلك الدولارات على حسابك

في البنك الإلكتروني و بعدها حول لشركة الفوركس بدون مشاكل .

[xcv114]

تمام شكرا اخي هيما على الرد ..
بس ممكن إستفسار كمان .. هل من بنك بيركلز أو كيو إن بي .. أبعت حوالة بنكية ؟ ولا أفتح حساب بنكي وكريدت كارد ؟
ولو حوالة بنكية بقول إني ببعتها لإية ؟ شركة فوركس ؟ لإني بصراحة عمري ما عملت حوالة بنكية طول 10 سنين معتمد على الكريدت كارد

[hema007]

بص أنا مجربتش بنفسي بس الكلام دة أخدته من واحد أتعامل مع بنك بيركليز

و كمان وسطاء كتير نصحوني ببنك QNB في الربط بينه و بين البنك الإلكتروني

اللي أعرفه أنك بتفتح حساب بنكي مع البنك و بتطلب منه السوفت كود و تعرفه إنك هاتربط حسابك

مع حساب بنك إلكتروني و تعرف منه هل بيتعامل بدون مشاكل مع البنك الإلكتروني اللي حابب تربط معاه ولا ..

سكريل حسب ما أعرف مافيش فيه مشاكل مع QNB و الحساب على ما أعتقد باليورو مش دولار

و بتقدر تحول منه على البنك الإلكتروني و العكس و بيبقى في عمولة على التحويل مش فاكر النسبة بالظبط ...

و بعد الربط بيبقى مافيش مشاكل , وقت ما تحول الفلوس من البنك الإلكتروني بيستفسر على سبب التحويل

و بتكتب تجارة الفوركس عادي لأنهم عارفين الكلام دة بحكم تعاملهم , البنوك المصرية لو قلتلهم فوركس مش هايعرفوا

و هاتبقى قاعد بتكلم نفسك معاهم .

لاحظ كلامي كله على البنك الإلكتروني لأن دة اللي كنت بستفسر عنه بحكم تعاملي أما التحويل مباشرة من البنك

لشركة الفوركس , مش أعتقد دة فيه مشكلة بس وقتها خليك مع بنك أجنبي أفضل علشان يبقى فاهم الموضوع كويس

ولو لقيت في تعقيدات ولا حاجة قولهم هاحولها لبنك إلكتروني ولو سألوك ليه و مش لية طبعاً وقتها هاتبقى حكاية الفوركس

مضروبة معاهم فقولهم هاشتري بيها من الأنترنت و قولهم أي حاجة ...

حسب ما تعاملت مع الوسطاء بيتعاملوا عادي بيحولوا الفلوس من حسابهم الارضي للبنك الالكتروني و العكس

فالأفضل تخليك في الناحية دي أفضل و مش يهمك العمولة المهم تبقى في الأمان أكثر و تريح دماغك من وجع الدماغ .

[xcv114]

طيب أنا أوصل إزاي للوسطاء دول؟ وأعرف إزاي إذا كان الوسيط موثوق فيه ولا لأ ؟ وإية طريقة التحويل ليهم ؟

[hema007]

في مواقع على جوجل متخصصة في الموضوع دة ...

هاتلاقي في موضوع كل واحد بيفتح موضوع بيبقى واضع بياناته بالكامل من إسم و رقم تليفون

الإدارة هناك بتشترط عليهم الكلام دة و هاتلاقي عدد صفحات موضوعهم

كتير أوي ... أدخل عليهم و شوف ردود الناس اللي تتعامل معاهم و دور في أخر صفح

و شوف أخر تعاملات معاه كان من أمتى في المواقع .

الوسطاء دول بيبقى موثوق فيهم لأن المواقع المتخصصة دي مش بتسمح لهم بفتح موضوع

إلا لو تم فعلاً التأكد منه جيداً .

طريقة التحويل ليهم كثيرة :

تحويلات بنكية _ تحويلات بريدية + فودافون كاش + فودافون مبيعات

حسب المبلغ و حسب هل هو قريب منك ولا ...

[Hossam_G]

أفتح حساب فى بنك أرضى وأربطه ببنك إلكترونى زى نتلر أو سكريل أو باى بال وأتأكد طبعاً أن البنك الأرضى اللى حتفتح الحساب معاه بيتعامل مع نوعية البنوك دى بدون مشاكل

[Hossam_G]

أفتح حساب فى بنك أرضى وأربطه ببنك إلكترونى زى نتلر أو سكريل أو باى بال وأتأكد طبعاً أن البنك الأرضى اللى حتفتح الحساب معاه بيتعامل مع نوعية البنوك دى بدون مشاكل

[starforex]

البنوك الالكترونية هى الحل دلوقتى