سحر الغيبوناتشي مع الكلاسيكي

[AhmedRagab]

بسم الله الرحمن الرحيم
أولا أحب أوضح ليكم طرقتي في التداول
أنا أستخدم العرض والطلب مدمج معه الفيبوناتشي + البرايس أكشن
وأحيانا أستخدم الهارمونيك في التحليل
**ملحوظة :
الورشة ديه ولله الحمد دخلت بيها مسابقتين قبل كده في منتدين مختلفين
اول مرة خدت مركز اول
وتاني مرة مركز رابع
اتمني إن الورشة تنال إعجابكم وتستفادوا منها بإذن الله
إنهارده إن شاء الله هشرح نبذة بسيطة عن الفيبوناتشي

علشان الناس تبقي عارفة بعض النقط اللي هنشتغل عليا
قبل بداية الورشة إن شاء الله
أولا هحط النقط اللي هنتكلم عليها
1- من هو فيبوناتشي ؟
2-كيفية حساب مستويات فيبوناتشي؟
3-كيفية رسم مستويات فيبوناتشي والتداول عليها ؟


أولا
من هو فيبوناتشي ؟
هو عالم إيطالي يسمي ليوناردو فيبوناتشي
ولد في إيطاليا في مدينة بيزا عام 1170م وكان والده يعمل في التجارة خاصة مع دولة الجزائر
انتقل فيبوناتشي لمدينة بجاية في الجزائر وتلقي تعليمه هناك علي يد بعض العلماء المشهورين في علوم الرياضيات.
أصبح فيبوناتشي عالما في مجال الرياضيات وكان له مؤلفات عديدة ويعتبر فيبوناتشي من أعظم العلماء في مجال الرياضيات الذي لن ينساهم التاريخ .
حيث أضاف إضافة كبيرة لعلوم الرياضيات وبدأ في عمل معادلات رياضية لكي تفيده بالتجارة .
أستمر فيبوناتشي في تطوير علم الرياضيات إلي أن جاء لنا بنسب فيبوناتشي
أو النسب الذهبية.
بعض الأقاويل تقول إن فيبوناتشي أستنتج نسبه من القرأن الكريم ، حيث كان متأثرا تأثرا شديدا باللغة العربية والقراءن بحكم موقعه في الجزائر .
وكان متأثر جدا بالعالم العربي والدليل علي ذلك أنهم وجدوا في مخططاته أنه يكتب من اليمين إلي اليسار مثل اللغى العربية .
توفي فيبوناتشي عام 1250 م . (الله يرحمه )
-----------------------------------------------------------------------
ثانيا :
كيفية حساب مستويات فيبوناتشي؟
نلاحظ عندما نرسم مستويات فيبوناتشي تظهر لنا هذه النسب (23.6 - 38 - 50- 61.8 ) فقط
ليه منسالش نفسنا هو أختار الأرقام ديه بالذات ليه !!!!
لماذا هذه الأرقام خاصة ؟
إستخدم فيبوناتشي لحساب هذه النسب المتتاليه الهندسية التالية
1 1 2 3 5 8 13 21 34 55 ....... إلي مالانهاية
المتتاليه ديه عملها فيبوناتشي وهي عبارة عن إنه بيجمع أخر رقمين مع بعض علشان يدينا اللرقم اللي بعده .

توصل فيبوناتشي إلي مايسمي بالنسبة الذهبية
وهو الرقم 1.618 = 61.8 % (وهو أهم نسبة في نسب فيبوناتشي علي الإطلاق )
طيب دلوقتي إحنا عاايزين نعرف هو استنتج النسبة ديه إزاي
قالي بص ياحج إنت وهو
النسبة ديه هي ناتح قسمة أي رقم في المتتالية علي الرقم الذي يسبقه
روحت رديت عليه قولتله إزاي
قالي طلع الأله الحاسبة بتاعتك وأحسب مثلا 34/21 وشوف هتطلع كام
طلعت الأله وحسبت لاقيتها طلعت الرقم ده 1.619 اللي هو تقريبا 61.8 %
اللي هو اول نسبة معانا في نسب عم فيبوناتشي
وأكتشف فيبوناتشي أن المستوي 61.8 % هو المستوي الذهبي الذي ترتد عنده الأسعار .
----------------------------------------------------------------
مستوي 50
يعتبر أيضا ثاني مستوي من حيث الأهمية في مستويات فيبوناتشي بعد مستوي 61.8
ويعتبر هو نصف المسافة بين الهاي واللو 0-100
------------------------------------------------------
مستوي 23
يطلق عليه أول مستوي تصحيحي
وهو حاصل قسمة 3 رقم من الأخر علي أخر رقم في المتتالية الهندسية يعني مثلا ديه المتتاليه 1 1 2 3 5 8 13 21
هنقسم ال 5/ 21 = 0.23 = 23%
هنقسم ال ب3/13= 0.23= 23% وهكذا
------------------------------------------------
مستوي ال 38
وهو حاصل قسمة الرقم التاني من الأخر علي اخر رقم في المتتالية الهندسية
مثال
ديه المتتاليه
1 1 2 3 5 8 13 21 34 55 ......................
هنقسم مثلا 3/8 = 0.375 = اللي هي بالتقريب 38%
5/13= 0.384 = 38%
-----------------------------------------------------------
أكتشف فيبوناتشي أن هذه الأرقام هي أرقام سحرية يمكن الإعتماد عليها في المتاجرة
============================================
ثالثا
كيفة رسم مستويات فيبوناتشي والتداول عليها ؟

أولا
رسم الفيبوناتشي بيكون علي الفريمات الكبيرة أصدق وأفضل من الفريمات الصغيرة
يعني مثلا ممكن نبدأ نستخدمه من فريم ال 4 ساعات لغاية الشهري
لكن منصحش بأقل من كده .
لكي نرسم الفيبوناتشي يجب أن نحدد أخر موجة بمعني أخر إتجاه يوجد بها قمة وقاع حقيقين
طيب يعني إيه قمة وقاع حقيقين ؟ يعني السعر إرتد من هذه القمة أو من هذا القاع إرتداد قوي
بعد من نحدد القمة والقاع هنشوف الموجة صاعدة ولا هابطة
لو الموجة صاعدة هنرسم الفيبوناتشي من تحت لفوق زي الصورة كده

ولو الموجة هابطة هنرسم الفيبو من فوق لتحت زي الصورة كده

كده انا خلصت الجزء الأهم في الشرح
مش فاضل غير التطبيق العملي
بإذن الله أي فرصة هتتكون قدامي هنزلها ليكم
وأتمني إنكم تشاركوا معايا في الورشة بالتحليلات
وإن شاء الله فيما بعد سأقدم لكم شرح بعض من التحليل الكلاسيكي
كالأشكال الإنعكاسية والإستمراية
وأيضا البرايس أكشن
أتمني دعوتكم

[alonsoo]

بارك الله فيك على الشرح الوافى بس ليا سؤال من خلال خبرتك . لما تبيع من فيبو 61 خصوصا لما تكون موجة كبيرة يومى مثلا واكتر من شهر اهدافك بتكون فين وخصوصا اول هدف بيكون فين مكانه ؟
ثانيا انا الحمد لله اعرف العرض والطلب بس عايز استخدمه او ادمجه مع الفيبو وعايز اتقنه منك الصراحة . لانى بلاقى ناس بتدخل من نص الموجة على فيبو ويقولك دى منطقة عرض + فايبو انما انا لسه مش عارف استخرجها
بانتظار باقى الشرح وجزاك الله خيرا

[جنتل]

شكرا لك اخي احمد .

[dr.ahmed.samir]

السلام عليكم ورحمة الله وبركاته ..

بالتوفيق اخى احمد ..

تحياتى ..

د / أحمد سميــــــــر

[ABO ZAID]

السلام عليكم

موضوع شيق حقيقة بالتوفيق ان شاء الله متابعين معاك ياريس

[دييغو]

بالتوفيق اخي الكريم ومتابعينك

[ahmedetagouri]

ورشة رائعة بإذن الرحمن ومتابع لكم بكل شغف فأنا من عشاق الهارمونيك والفايبو

[alonsoo]

منتظرينك اخونا احمد لاستكمال الشرح